🤫 Ən təsirli hekayə, sənin öz hekayəndir...

Bir gün bir turist yeni macəralar kəşf etmək üçün Afrikaya gəlir. Yerli qəbilələri yaxından tanımaq üçün onların yaşayış yerlərini gəzərkən yerli qəbilələrdən birinin başçısının fildən enib onun boğazındakı ipi kiçik bir dirəyə bağladığını görür. Turist yanındakı tərcüməçidən soruşur:
-Nəyə görə bu adam bu boyda böyük fili belə kiçik bir dirəyə bağlayır? Axı fil həmin dirəkdən 10 dəfə böyükdür. Bircə dəfə dartsa, dirəyi kökündən çıxara bilər. Dirək bizdən də kiçikdir, elə biz də onu yerindən qopara bilərik.
Tərcüməçi özü də təəccüblənir. O da dirəyin nə qədər nazik və davamsız olduğunu görüb bunu qəbilə başçısından soruşur. Qəbilə başçısı isə öz növbəsində yaxınlaşıb fili sığallayır, sonra isə belə deyir:
-Bu fil balaca olanda mən onu bu dirəyə bağlayırdım. Balaca olanda o, illərlə bu dirəyi dartıb yerindən qoparmağa çalışırdı. Amma o vaxtlar çox balaca idi, dirəyi qoparmağa gücü çatmırdı. İndi güclüdür, bircə dəfə dartsa, dirəyi yerindən qopara bilər. Amma o, taleyi ilə çoxdan barışıb. Artıq inanıb ki, bu dirəyi qoparmaq olmur. Mən də onu rahatca bağlayıb gedə bilirəm.
Psixologiyada buna "öyrənilmiş çarəsizlik" deyilir. Əksər insanlar da ömür boyu bu şəkildə öz güclərindən xəbərsiz yaşayar və özlərindən gücsüz insanların əsirinə çevrilər. ✨

"Həyatda əsas olan isə gücündən xəbərdar olub uğura addım ata bilməkdir".

AZ-ÖZ HEKAYƏLƏR
ELDAR KƏRİMOV ✍🏻

@kitab_severler📚