Қай кітаптан алынған үзінді?

БІРІНШІ ДӘПТЕР

-Еркін, сүйінші! Оқудан ағаң келді, әйел алып келіпті!
Мен бұл қуанышты хабарды Жабырда шөп орағында жүріп естідім. Ат тырмамен шөп жинаймын. Қашан жазғы демалысымыз біткенше, біз оқушы балалар, колхозда жұмыс істейміз. Әуесқой қыз-келіншектер бригадир Бекбосыннан:
- Кімді әкепті?
- Қандай әйел әкепті?
- Әкелген әйелі сұлу ма екен? - десіп, жамырап сұрап жатыр.
Аз сөзді Бекбосын аузын бұртитып:
- Міне, мынау, - деп бас бармағын көрсетеді.
- Е, ол не дегенің?
- Сұлу десең, сұлу! Оқыған десең оқыған...
Әңгіме менің Алматыдағы алты айлық бухгалтерлік курсқа оқуға кеткен Сәрсебек ағайым жайлы. Соңғы кезде жазған бір хатында ол:
«Апа, сізге келін алып барам, той қамын жасай беріңіз» деп жазған болатын. Бұл хабарды естіп, шешемде ес қалмаған. «Қарағым балам, мен болсам картайдым. Оның үстіне денсаулығым нашар, дімкәс адаммын. Екі күннің бірінде ауырып қалам. Сенің мені аяйтын күнің бола ма? Неге үйленбейсің? Өзің құралпы жігіттердің бәрі үйленіп жатыр. Солардан кембісің? Әңгімені қой да, үйлен, үйге шүйкебас біреуді кіргізіп бер» деп, ағайымның құлағын дамылсыз қашай беретін оның өзі еді.
Келін түсіру шешемнің айықпас арманы болатын. Міне енді апатайымның сол арманы орындалған екен.
Жеңгелі болғаныма, сөз жоқ, мен де қуаныштымын. Бекбосынның мен әлі көрмеген жеңгемді мақтап айтқан сөздері жаныма жағып барады. Үйге тез жетуге, мен үшін жер түбі саналатын ту сонау Алматыдан әкелінген нәркес көз, жас жеңгемді тезірек көріп танысуға ынтықпын.
Мінекей, жұмыс соңынан астыма тоқым салған жайдақ атпен Тұйық қайдасың деп, құйғытып шауып келем.

Кітапқа тапсырыс беру үшін менеджерге жазыңыз: 8-777-572-22-33

СИЫРЫ ЖОҒАЛМАҒАННЫҢ БӘРІ АҚЫЛДЫ

Екі адамның басы қосыла қалса, үшінші адамның проблемасын шемішкеше шағып тастаймыз. «Негізі бүйте салса болады ғой, оның орнында болсам бүйтер едім... Сөйте салса бітті ғой, ақшаның астында қалайын деп тұр, мен болсам былай істер едім... Сол тура бір қиналатындай нәрсе емес, няғып өйтіп қиналып жүргенін, мен болсам мән бермес едім...»

Басыңа түспеген соң, осылай еркін сөйлей бересің қорықпай. Басыңа түссе, көтере алмай еңбектеп кетер ме едің.

Сынақтың да, басқаның да басыңа түсуінен сиын. Құдайдан қарап отырып сабыр бер деп сұрама. Сабырыңды сынайтын сынақ келсе, өзің бір жақта, сөзің бір жақта қалып кетпесіңе кім кепіл?

Тіл сүйексіз екен деп, ары-бері сүйкей беру – арсыз іс. Талайлар тілінен тауып, өзін қоймай, әкесін де ұяттан өлтіріп жатыр. Адамзаттың ең жақсыларының сөзі – жақсы сөз сөйлеу немесе үндемей тұру.

"Ғайбат. БАсқа бәле тілден" кітабын ай сайын бір рет оқып тұрсаңызшы. Оқып тұрайық. Тапсырыс беру үшін: 8-777-572-22-33

Не үшін өмір сүру керектігін ұғынғанда, өмір сүруді бастайсың.
Не үшін өмір сүру керектігін ұмытқанда, жоғалтқанда, өлесің.

Арамызда әлі өмір сүруді бастамағандар толып жүр. Негізі бір сағат отырып ойланса, кітап оқыса, жауабы ап-айқын нәрсе. Бірақ оған өзі де, телефоны да мұрсат бермейді. Сәл қолы босаса, іздейтіні телефон.

Айналамызда құр сүлдерін сүйреткен өліктер де жүр. Олар не үшін мына дүниеге келгенін ұмытқан. Немесе ұмыттырылған. Ниетіне қарай тапқаны. Өлім туралы әңгіме басталса, беті тыржиып, қашады. Ойламауға тырысады.

Өмірдің мәнін түсіну үшін оқитын кітаптар:
"Адамзаттың асыл тәжі"
ЖҮрек сырлары
Мұхаммед пайғамбар өмір жолы
ҚҰран Кәрім қазақша түсіндірмелі аударма

ЕРІНГЕН САЙЫН ЖОҒАЛТЫП ЖАТЫРСЫҢ

Сенің бойыңда ешкімде жоқ қасиет бар. Ол саған тыныштық бермейді. Ішкі дауысың саған күн сайын айқайлап тұрады. Кітап жаз, мектеп сал, оқу орталығын құрастыр, емхана сал, инженер бол, бизнес жаса (әркімде әртүрлі дауыс). Ол – тек саған тапсырылған, сен ерекше істей алатын жұмыс. Оны басқалар да істей алады, бірақ сен істегендей істей алмайды. Сенің миссияң – сол. Қолыңнан келеді.

Бірақ сен соны тұншықтырып, істеуді кейінге қалдырған сайын, қарапайым халық жапа шегіп жатыр. Бұл өмірде бәрі бір-бірімен байланысты. Көпшіліктің проблемасын шешетін істі сенің жауапкершілігіңе жазған. Оны ар-ожданың сезіп, күн сайын айқайлайды. Ал сен оны елемей жүрсің, бастамай жүрсің.

Сен ол істің артынан үлкен ақша көрмегендіктен, осылай бір орныңда айналып жүрген шығарсың мүмкін. Бойыңа біткен қабілетті қолдансаң, ақша да, атақ та келеді (әйтсе де ол маңызды емес).

Сен кешіккен сайын жастар бұзылып жатыр. Жауапкершіліктен қашпа.

Өзіңді танығың келсе, мына кітаптарды оқы.
Не үшін кітап оқу керек?
Бақыт формуласы
Сенің қолыңнан келеді
Фокус. Артық нәрседен арылу өнері
Мінезді өзгерту алхимиясы
Тапсырыс беру үшін: 8-777-572-22-33

ЕҢ ЖАҚСЫ АДАММЕН БАЙЛАНЫСУ

Адам пайғамбардан бастап соңғы адамға дейінгілердің ішіндегі ең абзалы, жақсысы – Мұхаммед пайғамбар (Алланың сәлемі, игілігі болсын). Ол кісіге салауат айтудың ең жақсы уақыты – жұма, яғни бүгін. Салауат пен сәлем жолдау пайғамбарымызбен рухани байланыс орнатуға және оның нұрынан пайдалануға мүмкіндік береді. Себебі салауат айтқан адамға Алла елшісі де дәл солай жауап береді, яғни мейірім тілейді.

Салауат – ең қабыл болатын дұға һәм тілектердің қабыл болу шарттарының бірі. Дұғаның қабыл болуы үшін ең аз дегенде басында және соңында салауат айтылуға тиіс. Салауат айту шапағатқа себеп болады. Пайғамбар есімі жазылған барлық жерге періштелер кешірім тілейді. Қияметтің ауыртпалығынан ол кісіге көп салауат айтқандар құтылады.

Сағынышқа толы салауат
Сырға толы салауат
Мұхаммед пайғамбар өмір жолы
Кітаптарына тапсырыс беру үшін уатсапқа жазыңыз: 8-777-572-22-33

СІЗ ТУҒАН ЖЫЛЫ ҚАЙ КІТАП НОБЕЛЬ СЫЙЛЫҒЫН АЛҒАН?

2006 жылдан бастап 2024 жылға дейінгі әдебиет бойынша Нобель сыйлығын алғандардың кітаптары. Алдыңғы постта 1950-2005 жылдар аралығын жазғанбыз (https://t.me/kitapall/2451). «Ойбай, біздікі неге жоқ?» деп 2006 жылдан бастап туғандар кішігірім митинг жасап жатырсыздар ғой. Уайымдамаңыздар, сіздерді ұмытқан жоқпыз.

2006 – Orhan Pamuk (Turkey)
"My Name is Red" (Менің атым Қырмызы), "Istanbul" (Ыстамбұл)

2007 – Doris Lessing (United Kingdom)
"The Golden Notebook" (Алтын дәптер)

2008 – Jean-Marie Gustave Le Clézio (France)
"Desert" (Шөл)

2009 – Herta Müller (Germany)
"The Land of Green Plums" (Жасыл алхорылар елі)

2010 – Mario Vargas Llosa (Peru)
"The Time of the Hero" (Батырдың уақыты), "The Green House" (Жасыл үй)

2011 – Tomas Tranströmer (Sweden)
"The Half-Finished Heaven" (Жартылай аяқталған жұмақ)

2012 – Mo Yan (China)
"Change" (Өзгерістер)

2013 – Alice Munro (Canada)
"Dear Life" (Қымбат өмір)

2014 – Patrick Modiano (France)
"Missing Person" (Із-түзсіз жоғалған адам)

2015 – Svetlana Alexievich (Belarus)
"The Unwomanly Face of War" (Соғыс сұмдығы – әйелдің дауысы)

2016 – Bob Dylan (United States)
"Lyrics: 1961–2012" (Өлеңдер: 1961–2012)

2017 – Kazuo Ishiguro (United Kingdom)
"The Remains of the Day" (Күннің қалдықтары), "Never Let Me Go" (Мені ешқашан жіберме)

2018 – Olga Tokarczuk (Poland)
"Primeval and Other Times" (Көне уақыттар және басқа да кезеңдер), "Books of Jacob" (Жақыптың кітаптары)

2019 – Peter Handke (Austria)
"The Goalie's Anxiety at the Penalty Kick" (Қақпаушының пенальти алдындағы қорқынышы)

2020 – Louise Glück (United States)
"The Wild Iris" (Жабайы бәйшешек), "Averno" (Аверно)

2021 – Abdulrazak Gurnah (Tanzania)
"Paradise" (Жұмақ), "By the Sea" (Теңіз жағасында)

2022 – Annie Ernaux (France)
"The Years" (Жылдар)

2023 – Jon Fosse (Norway)
"Septology" (Септология), "Morning and Evening" (Таң және кеш)

2024 жыл. Биыл сыйлық оңтүстіккореялық жазушы Хан Каңға табысталды. Ол "тарихи жарақаттарды көркемдік прозамен бейнелеп, адам өмірінің нәзіктігін ашқандығы үшін" марапатталды. Хан Каңның ең танымал шығармаларының бірі — "Вегетарианка", ол 2016 жылы Халықаралық Букер сыйлығын жеңіп алған. Оның туындыларында жиі қайғы, зорлық-зомбылық және психикалық денсаулық тақырыптары қозғалады. Мысалы, "Адам әрекеттері" атты романында 1980 жылғы Кванджу қырғыны туралы баяндалады. Оның жазуы анықтылығымен және сұлулығымен танымал, махаббат пен қатыгездіктің қақтығысын адамдық тұрғыдан ашық бейнелейді.

Бұл кітаптарға тапсырыс беру үшін менеджерге жазыңдар дейін десем, оның бәрі жоқ. Болашақта боп жатар. Оған дейін күтіп жүрмей, жақсы кітаптарды қазірден оқи беріңіздер. Ооо, жақсы кітап деген бізде көп. 8-777-572-22-33

НЕГЕ ЖАСАМАДЫМ ЕКЕН, А???

Кез келген адам өлерінде өкінеді екен. Өкінішпен өтетін өмір боп тұр ғой бұл. Имам Ғазали секілді әулие кісілер ғана өкінішсіз кеткен шығар. Себебі олар құдаймен кездесуге асыққан ғой. «Мен өлгенде жыламаңдар. Мен Раббыммен жолығуға кетіп барамын» деген. Ал өкінетіндердің проблемасы не болды екен?

Сондағысы олар:
1) Жасаған нәрсесіне емес, жасамаған нәрсесіне өкінеді екен. Бір жақсы істі істегісі кеп, бірақ батылы жетпей, аяқ асты еткен. Істейін десе, жұрттың сөзінен қорыққан. Өзін ондай іске лайық көрмеген. Бойындағы дарынын ысырап еткен.
2) Жасаған нәрсесіне де өкінетін шығар. Жасап қойған жамандығына өкінбейтін адам болмайды (әрине, мұсылман болса).
3) Адамдарға жақсы көретінін айтпағанына өкінеді екен. Жарына, ата-анасына, бауырына, досына сезімін білдіре алмаған.
4) Саяхаттамай, бір жерден алысқа ұзап шықпағанына өкінеді екен.
5) Достарымен байланыста болмағанына өкінеді екен.
6) Өмірді дұрыстап сүрмегеніне өкінеді екен.

Бұдан алатын сабақ: өмірді өлер алдында өкінбейтіндей сүру керек. Ақырғы демің келгенде артыңа қарап, қаншама жақсы істер істегеніңе қуанышпен назар салатындай. «Е, Алла! Өзіңмен қауышуға дайынмын. Мына өмірде берген бұйрықтарыңды орындап біттім. Өкінішім жоқ» дейтіндей.

БҰЛ АПТА БАСҚА АПТАЛАРДАН ӨЗГЕРЕК!

Осы апта алдыңғы аптадан жақсырақ, мықтырақ, өнімдірек, күштірек болайық. Ол үшін не істеу керек?

1) Кітап оқиық. Жақсы кітап таңдап (кез келген жанрда), блокнотқа ойымызды жазамыз. Әлеуметтік желіде бөлісеміз.
2) Алла Тағалаға хат жазамыз. Ойыңызда не бар, не мазалайды, не нәрсеге көңіліңіз толмайды, не нәрсеге разысыз, нені өзгерткіңіз келеді, не сұрайсыз, неден құтылғыңыз келеді, не нәрсеге шүкір етесіз, қандай мұң-сырыңыз бар – бәрін жазыңыз.
3) Спорттық жаттығу жасаймыз. Қарапайым дене қыздыру, турник, брусья, отжимание, скакалкамен секіру, арқаға, омыртқаға жаттығу, т.б. кез келгені жарайды. Екі-үш сағат отырып қалсаңыз, он минут жаттығу жасап жіберіңіз.
4) Жұмысымызды ең жақсы деңгейде жасаймыз. 100% көңіл қанағаттанатындай.
5) Араласу. Ата-анамызға, бауырымызға, досымызға, алыс туысқа хабарласамыз. Жәй ғана жай-күйін білу үшін.

Осының өзі аз емес бір аптаға. Өзіміз өзгермесек, біреу сырттан келіп өзгертпейді. Бұл істің кез келгенін жасай аласыз, ешкімге тәуелділік жоқ. Алып қоссаңыз да болады.

Бірінші пункт бойынша, жақсы кітаптар алу үшін менеджерге жазыңыз: 8-777-572-22-33
Мысалы, Түн ішіндегі кітапхана деген жақсы кітап келді. Өзіңізді дамыту үшін «Әдет күші» кітабын оқысаңыз болады. Махаббат туралы Мұхтар Мағауиннің кітабы шықты жаңадан. Таңдау көп.

НЕГЕ ДЕГЕН СҰРАҚТАН БАСТАҒАН АДАМ БАСҚАЛАРДЫ СОҢЫНА ЕРТЕ АЛАДЫ

Тарс еткен пистолеттің даусы естілді. Алаңда тұрған жарысқа қатысушылар дүркірей жүгіре жөнелді. Шамалы уақыт өткен соң дайындығы жоғары спортшылар көш бастап, әлсіздері артта қала бастады. Бірақ олардың қатарында Бен Комен жоқ. Бен мылтық даусы естілгенде-ақ жұрттың соңында қалған болатын. Ол алысқа жүгіруден жеңіске жеткен емес, өйткені церебральды сал ауруымен ауырады.

Жүгіріп келе жатып, астындағы дымқыл шөпке тайғанақтап, құлады. Орнынан тұрды. Сәл жүгіріп, қайта құлады. Бұл жолы ауырсынғаны көрініп тұр.

Спортшылар көзден әлдеқашан таса болған. Көңілі жүдеп-ақ қалды. Жас азамат тағы да сүрініп, қайтадан аяққа тұрды. Ынта-жігері қаншалықты мықты болғанымен, жүзіндегі ауырсыну мен қынжылысты оп-оңай көруге болады. Қалай болғанда да жарысты жалғастырып, қатардан қалмау үшін бар күш-жігерін сарп етіп жатыр.

Бен, ақыры, мәре сызығын аттаған кезде денесінің солқылдап ауырып, қатты шаршағанын сезді. Жарысқа бар күшін сарп етті. Денесі көгала қойдай, сау-тамтығы жоқ. Үсті-басы балшық.

Шамамен жиырма бес минуттан соң адам сенбестей оқиға болды. Қатысушылар жарысты аяқтаған соң кері оралып, Бенмен бірге жүгіре бастады. Бен тағы бір рет құлағанда, оған басқалар жәрдем берді. Бұлай ешқашан болған емес. Бен мәре сызығын аттағанда артында жүздеген басқа қатысушылар да жүгіріп келе жатты.

Жарыстың аты - жарыс, өзгелермен тайталаса жүгірген кезде ешкім сізге көмектеспейді. Бен әрбір жарысқа НЕГЕ қатысып жатқанын нақты біледі. Ол өзінен басқа ешкімді жеңуге ұмтылмайды. Бір қадам алға жылжудың өзі ол үшін жеңіс. Орнынан қайта көтеріледі. Сөйтіп, қайтадан жүгіреді. Жарысқа қатысқан сайын ол тек қана өзінің бұрынғы көрсеткішінен асып түскісі келеді.

Кітапқа тапсырыс беру үшін менеджерге жазыңыз: 8-777-572-22-33

"Барлық бақытты отбасылар бірдей бақытты, ал әрбір бақытсыз отбасы өз жолымен бақытсыз."

Лев Толстой – "Анна Каренина". Отбасылық өмірдің күрделілігін аша отырып, махаббат пен адалдықтың нәзік байланысын зерттейді.

"Адамға ең керегі – қайда бара жатқанын білу. Ал бағытсыз өмірдің жүгі қандай ауыр екенін білсеңіз ғой!"

Федор Достоевский – "Қылмыс пен Жаза". Раскольниковтың ішкі жан дүниесіндегі күрес пен моральдық дилеммалар көрініс табады.

"Болу немесе болмау – мәселе сонда".

Уильям Шекспир – "Гамлет". Өмірдің мәні мен адам табиғатының күрделілігі туралы ой тудырады.

"Мен ешқашан сізге сүйіспеншілігімді білдіргім келмейтін еді, егер сезімім соншалықты күшті болмаса."

Джейн Остин – "Тәкаппар ғашықтар". Қоғамдағы таптық айырмашылықтар мен жеке сезімдердің тартысын көрсетеді.

Классикалық кітаптарға тапсырыс беру үшін менеджерге уатсапқа шығыңыз: 8-777-572-22-33

НӘПСІНІ ТӘРБИЕЛЕУ ТУРАЛЫ ҰЛЫЛАРДЫҢ СӨЗДЕРІ

Пенде өмірін қалай өткізгенін, ақырет үшін қандай іс жасағанын ойласа, сол нәрсе оның жүрегінің тазалануына себеп болады. Пайғамбарымыз (Алланың сәлемі болсын): «Бір сағаттық ой жүгірту – бір жылдық ғибадаттан жақсы», – деген.

Сүлеймен (а.с.) пайғамбар былай деген екен: «Нәпсісін тәрбиелей алған кісі жалғыз өзі жер жүзін бағындырған батырдан да күшті».

Әзірет Али (р.а.) айтады: «Мені мен нәпсім бір қора қой мен қойшыдаймыз. Қойшы қойдың бір жағын қайтарса, екінші жағы жайылып кете береді. Кім нәпсісін жеңіп, оның қалауларын тізгіндей алса, рақымға бөленіп, керемет топырағына көміледі. Кім жүрегіндегі асыл сезімдерді өлтірсе, лағынетке ұшырап, азап топырағына көміледі».

Пайғамбарымыз (с.а.с.) былай дейді: «Жүректеріңді аштықпен нұрландырыңдар. Нәпсілеріңмен күресіп, оны тәрбиелеу үшін аз жеу және аз ішу жолын қолданыңдар. Аштықпен пейіш есігін қағуды тоқтатпаңдар. Себебі оның сауабы жиһадтың сауабына тең. Алла үшін аш болудан өткен ғибадат жоқ. Кім қарнын үздіксіз тойдырып жүрсе, рухани әлемге кіре алмайды, рухани ләззат ала алмайды және ғибадаттың дәмін сезбейді».

Лұқпан данышпан айтады: «Ұлым! Ұйқыда және тамақта шектен аспа. Себебі көп жеп, көп ұйықтағандар қиямет күні есеп беруге жаман жағдайда келеді, олардың ешқандай жақсы істері болмайды».

Пайғамбарымыз (с.а.с.) былай деген: «Көп жеп, көп ішумен жүректеріңді өлтірмеңдер. Өйткені көп суғарылған өсімдік тамыры шіріп қурап қалғандай, жүрек те (көп жеп-ішуіменен) өледі».

Ғалымдардың кейбіреулері асқазанды жүректің астында қайнаған және оның буы жүректі үрлеп тұрған қазанға ұқсатады. Бу көп болса, жүректі қарайтады, тіпті өлтіреді. Көп тамақтану ой-түсінікті және білімді азайтады. Құрсақтың үлкендігі еске сақтауды нашарлатады.

"Жүрек сырлары" кітабынан. Тапсырыс беру үшін: 8-777-572-22-33

Жұманың берекесіне бөлене берейік!

Халқым! Оның ішінде Алматы қаласының бақытты жастары!

TED talks жасайын деп жоба бастадық. Анау сайдың тасындай төрт спикерді, олардың тақырыптарын қарашы. 2 сағат бойы керемет білімін бөліседі.

Бағасы небәрі 2000-ақ тг!

Орын алып қою үшін 2000 тг-ңізді мына жерге аударып:

https://pay.kaspi.kz/pay/ot9obkdy

Чекті мына жіберге жіберіңіз:

wa.me/7755622233

Зал 150 адамға арналған. Аз-ақ орын қалды.

Адам өмірі өзгенікі, ажалы ғана өзінікі

«Өзің үшін еңбек қылсаң, өзі үшін оттаған хайуанның бірі боласың; адамшылықтың қарызы үшін еңбек қылсаң — Алланың сүйген құлының бірі боласың» деген екен Абай хәкім. Түсінікті ғой. Адам өзі үшін емес, қоғамның игілігі үшін қызмет еткенде бақытты да табады, байлықты да алады, оның өмірі халықтың санасында орнығады. Сайып келгенде қоғам үшін жасаған қызметі өзі үшін жасаған қызметіне айналады. Яғни, өзін құтқару, өзінің тұлғасын қалыптастыру.

«Сонда өзін кімнен құтқарады?» деуіңіз мүмкін. Мына дүние еліктіргіш нәрсеге толы. Аяқ басқан сайын қисық жолға түсіп кету ықтималдығы көп. Біз ақыреттің егінін осы дүниеде егеміз, баптаймыз, өсіреміз, халықтың (Әл-Халиқтің) қолына тапсырамыз. Бабаларымыз айтқандай, осы әлемде жолаушымыз. Солай өзімізді құтқарамыз да, мәңгілік мекенге аттанамыз.

Демек біздің өміріміз өзгелер үшін бір өнеге боп қалуы керек. Ажалымыз ғана өзіміздікі. Артымызда сауабы үзілмейтін істер қалғаны қандай жақсы.

Қазір капиталистік сана билеген уақытта ақша мен мал-мүлік қана құндылыққа ие боп көрінуі мүмкін. Бірақ ақиқат өзгермейді. Ақша мен дүние адамның ішкі ар-ожданына жауап бере алмайды, ішкі қуысты толтыра алмайды. Бірақ ақша мен мүлікті жақсылыққа жұмсап, жаңа өнер үйренуге, жастарды жетілдіруге, білім алуына жағдай жасап, азаматтық парызыңды өтеуге болады. Ол қандай жақсы амал!

Ойланайық, пікірлесейік, толғанайық. Өмір зу өтіп өтіп кетіп, өкініп жүрмейік. Ақиқаттың бәрін кітаптан да табасыз. Себебі қаншама данышпандар өлер алдында өмірдің мәні не екенін жазып қалдырған.

Тапсырыс беру үшін: 8-777-572-22-33
Кітаптар:
Өмірден мән іздеген жан
Өмірдің мәні
Бақыт формуласы
Адамзаттың асыл тәжі
Қаныш және ғылыми майдан

- Ата, апам екеуіңіз қалай таныстыңыздар?
- Ол менің жеңгем еді.

***
Жас ақын анасы жайлы, анаға құрмет жайында жыр жазып жатты.
Сол сәтте анасы шайға шақырды.
- Кедергі жасамашы дедім ғой саған! – деді де өлеңін жалғастырды.

***
Менің ағам әскерде. Отанмен қоса өзін де қорғаса екен.

***
- Балам, ертең Арал теңізіне барамыз.
- Құммен ойнауға ма, ата?
***
«Мен сізді енді жақсы көремін» деді Аяла көзін емдеген дәрігерге қарап.

***
- Баламның туған күні келе жатыр.
- Не пісіресіз?
- Жеті нан.

Бұл қысқа жазбалар жас жазушы Жалғас Қазыбектің «Аққұйын» кітабынан алынған. Жас та болса, өзіндік стилімен оқырман жүрегін жаулап жатыр. Мүйізі қарағайдай алып жазушылар мен тұлғалар да ыстық лебізін білдіруде.

Кітапқа тапсырыс беріп қойсаңыз болады. 8-777-572-22-33

ӘДЕТ – ШАЙТАННЫҢ ҚАРУЫ

Адам қарап отырып қарнын ашқыза алмайды. Жай отырып ұйқысын келтіре алмайды. Бұл – түпсанадан келетін қалаулар. Адамның кейбір әдеттері бес жыл, он жыл, жиырма жыл бойы қайталана келе, түпсанаға өтіп кетеді. Бітті, енді оны өзгерту мүмкін еместей. Тым үлкен бір оқиға боп, бәрін астан-кестеңін шығармаса, өзгертуге жол жоқ. Карл Густав Юнг деген психолог айтқан: «Түпсанаңды саналы түрде жақсы әдетке тотырмасаң, жаман әдеттерің бейсаналы түрде өміріңді басқарады, оған көнуден басқа амал жоқ».

Бір адамдарды көрген шығарсыз, арызданудан басқа ісі жоқ. Ең жақсы істің өзінен жаман нәрсе тауып алады. Олар үшін өмірде жақсы нәрсе қалмағандай.

Енді біреу боқтауын, темекісін қоя алмайды. Біреу ұрлығын тастай алмайды. Керек болмаса да ұсақ бір заттарды жымқыра береді. Неге? Өйткені түпсанаға өтіп кеткен.

Жаман әдеттер өміріңді басқарса, біттім дей бер. Өміріміз әдеттерден тұрады. Әдет деген – жиі қайталанған әрекеттер. Тақырыптағы «Әдет – шайтанның қаруы» дегенді Имам Ғазали «Ихия улумиддин» еңбегінде баяндаған.

Әрине, әдеттен арылу мүмкін емес болса да, оны өзгертуге болады. Жасыруға болады. Ұйықтатуға болады. Өміріңді өзгертем десең, әдеттен баста.

Әдет туралы кітаптардан толығырақ мағлұмат алып оқы. «Әдет күш» Мирас Кесебаев, «Атом әдеттер» Джеймс Клир. Тапсырыс беру: 8-777-572-22-33

УАҚЫТ НЕГЕ ТЕЗ ӨТЕДІ?

Байқайсыз ба, жасың үлкейген сайын уақыт тез өтіп жатқандай. Уақыт күндеп емес, апталап өтетін сияқты. Кеше ғана дүйсенбі еді, қайтадан дүйсенбі келіп жатыр, арасында күн жоқ секілді. «Ойбай, Жер өз білігінен жылдамырақ айналып жатыр дейді ғой», «Ақырзаман келгенде бір күнің бір сағаттай ғана болады» дейді ғой» деген әңгімелерді қоя тұралық. Бір секундтың өлшемі бар. Бұрынғы адамдарда қанша уақыт болса, қазір де сондай. Бізден кейін де осы өлшем қала бермек.

Байқадыңыз ба, ауылға барсаңыз уақыт өте жай өтеді. Бір күннің шаруасын бітіріп тастағандайсың, ал сағатқа қарасаң әлі 11:00. Саяхатқа шықсаң да солай. Біраз жерді аралап тастайсың, ал уақыт тоқтап қалғандай.

Отқа қолыңды тигізсең, секунд та өтпейді ғой. Ал сүйікті жұмысыңмен айналысқанда сағаттар бір сәтте ұшып кетеді. Бәрі Эйнштейннің салыстырмалылық теориясына байланып тұр ма әлде?

Жауап: бәрі әдетке байланысты. Үлкейген сайын бәрі үйреншікті әрекетке айналады. Күнде жүретін жолыңдағы ағаштарға, гүлдерге, үйлерге мән бермейтін боласың. Өміріңде ерекше орын алатын оқиғалар айында, жылында бір-екі рет қана болады. Телефон шұқылап отырып, таңғы ас ішесің. Жарты сағатың қалай өткенін байқамайсың. Жұмыста, сабақта, оқуда күн сайын көретін адамдарың, офистарың, заттарың. Бәрін автоматты түрде істейсің.

Міне, сол үшін уақыт зырғып өте береді. Ол өз жылдамдығымен өтіп жатыр, жай сен байқамай жатырсың.

Ауылға, басқа өңірге саяхатқа барғанда әдеттегі ырғағыңнан жаңыласың. Бәрі жаңа, бәрі басқаша. Бәрін байқайсың. Сол үшін уақыттың әр кезеңін сезінесің.

Қорытынды: жаңа нәрсе үйрен. Жаңа кітап оқы. Жаңа жерге саяхатта. Жаңа жолмен жүр. Жаңа достармен таныс. Жаңа қабілет меңгер.

Кітапқа тапсырыс беру үшін: 8-777-572-22-33

БАЛАДАН ҮЙРЕНУГЕ БОЛАТЫН 15 САБАҚ

Бала деп менсінбейміз, бірақ та бажайлап қарасаң, олардан үйренеріміз көп екен.

1) Бала ертеңі үшін уайымдамайды. Ол бүгінін максимум қызықты қылып өткізеді. Ұйықтамай күйдіреді сол үшін.
2) Бала ертең не жеймін деп уайымдамайды. Ол ризығының бұйырғанына қарай үйден жейді немесе көрші баламен ойнап жүріп, соның үйінен жейді. Балабақшадан немесе мектептен жейді. Жалпы баланың аш қалғанын көру сирек.
3) Бала бәріне сенеді. Ғажайыпқа, қиял әлеміне, бәрі орындалатынына. Сенгені үшін соған жетуге тырмысады. Ағаштың басында бір түйір алма тұрса, соған қолы жетпесе де, кішігірім орындық әкеледі. Соның үстіне шығып, қолын созып көреді. Ұзын таяқ іздеп, сонымен сілкіп көреді.
4) Бала шектеуді білмейді. Ата-анасының дәулеті қаншалықты екенін бағамдамай, «ананы әпер, мынаны жейік» деп, қалаған нәрсесін сұрайды. Демек, біз, ата-ана немесе үлкендер Әл-Ғани (Шексіз байлық иесі) болған Алла Тағаладан мида шектеусіз сұрай білуіміз керек.
5) Баланың қызығушылығы бітпейді. Білмейтін нәрсесі жайлы сұрайды, үйренеді. Үлкендер осы қабілетті жоғалтып алдық.
6) Баланың бүкіл ойы осы сәтте ғана болады. Ойнаса да, үйренсе де бүкіл жан-тәнімен беріліп жасайды. Өткенді ойлап өкініп, болашақты ойлап қайғырып отырмайды.
7) Бала шығармашылық қабілетін жақсы қолданады. Адам ойына келмейтін шешімдер табады.
8) Бала қателіктен қорықпайды. Сүрінсе қайта тұрады. Қателесе отырып үйренеді.
9) Бала тез кешіреді. Қазір ғана төбелесіп қалған баламен артынша қайта ойнап отыра береді. Кек сақтамайды.
10) Бала ойындағын айтады. Жасанды қылық көрсетпейді, өтірік жағымпазданбайды.
11) Бала ұсақ затқа да қуанады. Ұсақ затпен де ойнай береді. Сапардан тас алып келсең де, соған мәз болады.
12) Бала жаңа ортаға тез бейімделеді. Жаңа достар тауып, жаңа жерді зерттеуге кіріседі.
13) Бала адамның көңіл-күйіне қарайды. Көңілсіз отырған адамнан не болғанын сұрайды.
14) Бала бәрін ойынға айналдырады. Қиын жағдай туса да, шешілмейтін мәселе пайда болса да, ойынға, әзілге айналдырып жібереді. Стресс ойынға айналғанда адам жанын қинамайды.
15) Бала эмоциясын дәл уақытында шығарады. Жылайтын кезде жылайды, күлетін кезде күледі. Ішке сақтап қалу, ішке жинай беру деген жоқ оларда.

Бала болу, балалы болу, бала тәрбиесі жайлы жақсы кітаптар оқу үшін менеджерге жазыңыз: 8-777-572-22-33

ПОСТТЫ БӨЛІСІП ЖІБЕРІҢІЗ

29-қазан, сейсенбі, Kitapal дүкендерінде 1-4 курс студенттеріне бүкіл кітапқа 50% жеңілдік! Ертең қалмай келіңдер бәрің!

Алматыдағы үш дүкен және Атыраудағы дүкен қатысады.

Ескерту:
1) бір студент максимум 10 кітап ала алады
2) бір студент бір кітаптан тек бір ғана дана ала алады. Бір кітаптан 2 штук ала алмайды.
3) бір студент бір рет қана сауда жасайды. Қайта айналып келіп, тағы да кітап сатып ала алмайды.

https://youtu.be/9uuzGfZ7KUA?si=q6l5aY-nAXzdIz_C

Достар, біз Жапонияны мүлде идеал ел деп елестетеміз. Бірақ таяқтың екі ұшы бар демекші, оның да біз жерінетін тұстары бар. Сонымен қатар, біз үйренетін жақтары да шаш-етектен. Оны подкасттан көре аласыздар.