Дүние өзіңде бар болғанда бере біл! Өйткені берумен ол бітпейді. Дүние сенен бет бұрса да бер! Өйткені ол үнемі тұрмайды.

(с) Хазіреті Әли

СОҢЫҢ НЕ БОЛАДЫ?...

Шәйх Ахмед Харбтің Бәһрам есімді кәрі көршісі мәжуси, яғни отқа табынушы болатын. Ахмед Харб Хазірет бір күні Бәһрамды иманға шақырады.Кәрі мәжуси:
- «Ей, мұсылмандардың ұлысы! Сенен үш нәрсе сұрайын. Жауап бере алсаң, сенің дініңе кірейін» — дейді. Шәйх Ахмед «Сұра» дегенде, Бәһрам:

- «Аллаһ бұл халықты не үшін жаратты? Бұған қоса рызығын да берді, бірақ неліктен оларды өлтіреді? Жарайды, өлтірді делік, ал неліктен тірілтеді?» деп сұрайды.

Шәйх Ахмед бұл сұрақтарға былай жауап береді:
- «Халықты жаратты да, Өзінің бар және жалғыз екенін білсін деді. Иләһи құдірет пен ұлылық көріністерін сезінсін деді. Рызықты берді де, Өзінің азықтандырушы және мейірімді екенін білсін деді. Өлтірді де, Өзінің ашуын білсін деді. Қайта тірілтті де, Өзінің ғана мәңгі екенін білсін деді. Қысқасы, өмірдің әр кезеңіндегі оқиғалар мен жайттар Оның жалғыз құдірет иесі екенін білдіреді».

Бәһрам бұл сөздерді естіп иман етеді. Бірақ Шәйх Ахмед Харб сол сәтте үрейден талып қалады. Есін жиғанда:
- «Ей, шәйх не болды?» деп сұрағандарға:

- «Сол сәтте маған бір үн келді. Бәһрам жетпіс жыл отқа табынған кәпір еді, енді мұсылман болды. Сен жетпіс жылдан бері мұсылмансың, бірақ соңғы деміңде не боларыңды білесің бе?!...» деді (Тәзкиратүл-Әулия, 97).

Ертең жұма. Қазақша Құран оқып, екі дүниеде де бай, көркем мінезді, жомарт, интеллигент болайық. Тапсырыс беру: 8-777-572-22-33

Өткенде орын толып қалғаны есіңде ме?

Бұл жолы да солай басталып жатыр. Осы бастан билет алып қой. Қоғамда беделін қасықтап жинап, ерекше ой айтып жүрген спикерлер келеді. Азаматтың өзі не тұрады?

МАҢЫЗДЫ!!!
Келерде блокнот, қалам алып кел. Себебі жазатын, түйетін ойлар көп болады. Үш мың беріп, үш жүз мыңның сабағын алып кетесің.

Билет құны 3000 тг

✅Төмендегі сілтеме арқылы қажетті сумманы енгізіп, төлем жасаңыз:
👇
https://pay.kaspi.kz/pay/ot9obkdy
Төлем жасалған соң уатсапқа чек жіберуді ұмытпаңыз. 8-777-572-22-33

Адам - ең күрделі кітап, көздің кереметі, жүрек сырлары, әлемнің көлемі қанша? | Kitapal Talks #1

✅ Уақыты: 18:00, 18-қараша, дүйсенбі, бүгін.
Орны: Kitapal Talks youtube

✅ Kitapal Talks - Ted Talks-тың қазақша нұсқасы десек қателеспейміз. Алғашқы шығарылымда кітап авторы, маркетолог Мирас Кесебаев "ТЕРЕҢ ОЙ" туралы ойын бөліседі. Блокнот пен қаламыңызды дайындаңыз. Бұл видеодан түртіп алар түйіндер көп болмақ. Мұнда айтылған ойлар жақында шығатын "Терең ой" кітабынан үзінділер.

❗❗❗ЕСКЕРТУ!!! Бұл видеоны көрген соң өзіңізге деген құрмет артады, депрессия жоқ боп кетеді, өмірге құлшыныс көбейеді.

https://youtu.be/vXg53sWNNJk

3 күн қатарынан кітаптарға 15% жеңілдік боп жатыр. Алматылықтар үшін!

ЖАУАП БАР МА???

Жауап таба алмай жүрген, ойландырып жүрген, мазалап жүрген сұрақтарың бар ма? Комментке жазыңдар. Тұшымды жауап жазамыз. Ақты ақ деп, қараны қара деп айтамыз. Қуып кетпей, шынайы толғандырған сұрақтар қажет.

Егер анонимді сұрақтарың болса, онда t.me/questianonbot?start=302881320h сілтемесін басып, жаза бер. Кім жазғанын білмейміз, бірақ сауатты сұрақ болса, жауап береміз.

ЖАМАН ӘДЕТТІ ЖАҚСЫ ӘДЕТКЕ АЙНАЛДЫРУ ЖОЛЫ

Жатарда бәріміз телефон қараймыз, қазір онсыз ұйқыны елестету мүмкін емес. Дұрыс емес екенін білсек те, солай істейміз. Әдет боп миымызға сіңіп кетті. Бірақ бәрі солай жасайды екен деп, бұлай жүре беру дұрыс емес. Кейде зиянды әдетті пайдалы әдетке айналдыруға болады. Біздің жағдайда жатарда ақыры телефон қарамай тұра алмайды екенсің, онда телефоннан кітап оқы. Жақсы электронды кітаптар бар. Соларды жүктеп алып, шетінен оқып баста.

Жатарда мотивациялық кітап оқыма. Әдеби кітап оқы.

Егер ұйқы шақырғың келсе, орыс не ағылшын тілінде оқы. Ол қазақ тіліндей емес қой, миың сәл аударып, шаршайды. Сөйтіп тез ұйықтап кетесің.

Жұрттың бәрі істеп жүрген нәрсені істеу оны адал етпейді. Жұрттың бәрі адасып, отқа түсіп жатса, сен де түсесің бе? Ойлан. Он минут үзбей ойлансаң, бүкіл сұраққа жауап табасың.

Әдет туралы толығырақ білгің келсе, жақсы кітаптар бар.
«Әдет күші» Мирас Кесебаев
«Атом әдеттер» Жеймс Клиир
«Сен» Азамат Скаков

Тапсырыс беру үшін:

✅@kitapal_bot арқылы кітапқа тапсырыс беріңіз. Әр тапсырыс үшін сізге беріледі:
1) тегін кітап (6 кітаптың ішінен таңдап аласыз)
2) кешбек

Менеджер: 8-777-572-22-33

ЖӘННАТ САРАЙЫ КІМДЕР ҮШІН?

Пайғамбарымыз Мұхаммед (Алланың сәлемі мен игілігі болсын):
Жәннат бақшаларына қарап тұрған сарайлар көрдім және Жәбірейілден:
«Бұлар кімдер үшін?» деп сұрадым. Ол:
«Әртүрлі кек, жақтырмау және өкпесін басып ішіне көмгендерге және адамдардың кемшіліктеріне шыдап кешіргендер үшін» деді (Әли әл-Мүттәқи, №7016; Ауариф, 253б)

Қазіргі психологтар не дейді? «Біреуге ренішің бар ма, айтып таста! Жақтырмай тұрсың ба, жақтырмайтыныңды айт. Кекті сақтама, шығар. Сені ұрса, сен де ұр. Адамның кемшілігіне шыдап жүре берме, бетіне айт. Сені кешірмегенді кешірме».

Психологтардың айтқанын істеп, жағдайы жақсарған ешкімді көрмедік. Дамып кеткен Қазақстанды байқамадық. Керісінше ажырасқан, ренжіскен, ұрысқан, араздасқан жақын адамдарды көреміз.

Одан да асылымызға, түп негізімізге қайтайық. Жамандыққа жақсылықпен жауап қайтарайық. Бұл – жеке басыңа жасалғандар үшін. Ал қоғамда басқа біреуге жамандық, әділетсіздік жасалса, қасқайып қарсы тұру керек. Құтқару керек. Ақысын әперу керек.

Жұма мүбәрак болсын!

Бүгін Құран кітаптарға жеңілдік бар. 8-777-572-22-33

Кітапты қай жерде оқыған ұнайды?

(соңына дейін оқы. соңында сыйлық бар)

Кафеде терезе жанында отырып, орман жаңғағы қосылған капучино кофеден бір ұрттап қойып, әдеби кітап оқыған қандай!

Үйде терезе жанында сырттан жауған жаңбырдың сырғанап аққан тамшыларын тамашалап, кітабыңа үңіліп, ыстық шай ішіп оқыған қандай!

Жапалақтап жауған қардың ұлпаларын қызықтап отырып, столда кітабыңнан блокнотқа жазбалар жазып, маркермен бояп, шоколадты какао ішкен қандай!

Әр адам әртүрлі ғой. Мысалы, мен сияқтыларға абсолютті тыныштық немесе тынымсыз шу қажет. Оқта-текте бір дауыс шығып тұратын болса, ойыңды бұзады. Ал шу болса, фокусың бұзылмай, кітапты жақсы оқисың.

Әр адам әртүрлі ғой. Біреу жатып оқиды, біреу жүріп оқиды, біреу ережесін сақтап, орындыққа отырып оқиды.

Бір жігіт жарысқа қатысам деп, бір аптада үш кітап оқып бітіруім керек деп, түнде көрпе астында сотканың фонарының жарығымен оқыған ғой. Сөйтіп бір демде көзі -1,5-ға нашарлаған. Сен олай жасама.

Ата-аналарымыздың кейбірі дәл солай жасаған. Бұрынғы кезде жарық ұдайы жанып тұрмаған ғой. Түнде сөніп қалатын. Сондай кезде фонарьмен оқып, көзін құртқан. Қазір көзілдірік киеді.

Өз пікіріңді жазып жібер. Ең үздік пікірге KITAPAL приложениесіндегі 500 кітапқа 3 ай тегін доступ береміз.

БІРЕУГЕ АШУЛАНСАҢ, АЙТЫП ТАСТАУ КЕРЕК ПЕ?

Жалпы психологтар солай айтады ғой. «Ішіңде сақтама, шығар. Әйтпесе ауру боласың. Тіпті жинала берсе, рак болып кетуі мүмкін. Айтып тастасаң, жеңілдеп қаласың, т.б...» деген сияқты. Батыстың психологтарынан бастау алған бұл әдіс дұрыс па?

Бірақ сонда пайғамбарымыздың мына жауһар сөздерін қайда қоямыз?

- «Сабыр алғашқы соққы тигенде білінеді»;
- «Көпті жығып, жеңген мықты емес, нағыз мықты – ашуланғанда өзін ұстай білген кісі»;
- «Егер сендердің бірің ашуланса, үндемесін»;
- «Кімде-кім Алланың ризалығы үшін ашуын тыятын болса, оның ішін иманмен толтырады».

Демек, бір жақты қарауға болмайды.

Мен енді психолог емеспін. Бірақ қара жаяумын демеспін. Бала кезден өте ашуланшақ адам ретінде және қазір ашуымды біршама тізгіндей алған адам ретінде өз тәжірибемді айтайын.

Ашуланғанда үлкен энергия ішіңде тұратыны рас. Жүрегіңді бір толқын билеп (шайтанның үрлеуі шығар, шоққа үрлегендей), қаның басыңа шауып, жүрегің қатты соғып, айтып тастағың келетіні де рас. Сол сәтте айтып тастасаң, жерігің басылғандай, шөлің қанғандай, қышуың қасылғандай, қанағаттанған сезім туатыны рас.

Мысалы, көлік жүргізіп келе жатасың. Біреу келіп дөрекі түрде алдыңды қиып, тұмсығын тығып тұра қалды. Шытынап ашуланасың ба? Ашуланасың! Айқайлап, боқтағың, ұрғың келе ме? Иә! Ал сонда ашуды қалай жұтамыз? Былай: ашуыңды ақылға жеңдіріп, өзіңе сұрақ қоясың; өзіңді сол адамның орнына қойып көресің.

- «Асығып келе жатқан шығар, асыққанына бір себеп бар шығар»;
- «Көлікте екіқабат әйелін перзентханаға апара жатқан шығар»;
- «Көлікте баласы ауырып, соны үйіне тез апара жатқан шығар»;
- «Дәрет қысып, асығып бара жатқан шығар»;
- «Басында проблемасы көп шығар, соған басы қатып келе жатқан шығар»;
- «Өзің де кейде асығасың ғой бір шаруа туғанда. Бүгін осының басына туып тұрған шығар»;
- «Ит тістеді екен деп, мен де тістейін бе?»
- «Кім үшін ашуланып жатырмын: нәпсім үшін бе, құдай үшін бе?»

Осылай ойлағанда ашуың жоқ боп кетеді. Ішіңде қалмайды да. Ішіңде қалмаған соң, сыртқа не шығарасың? Не айтып тастайсың???

«Терең ой» кітабынан.
Кітапқа тапсырыс беру үшін менеджерге жазыңыз: 8-777-572-22-33

Бабур Әділхан: адамды бай қылатын бес зат, ең қымбат қызметкер | Kitapal podcast #34
https://youtu.be/-a6oivgqUFA


Сұхбат барысында мамандықтың аты мен заты, ең қымбат қызметкер, өзіңді танудың жолдары, мамандық пен ажырасудың байланысы деген тақырыпқа әңгіме өрбітеді.

Бүгін 21:00, дүйсенбі

КІТАП ОҚУҒА ОСЫДАН АРТЫҚ СЕБЕП КЕРЕК ЕМЕС!

Адам досына ұқсай бастайды. Себебі сонымен уақыт өткізеді. Сөйлеседі, талқылайды, құпияларын айтады, сенеді. Бірақ досың өзің сияқты жасы 20-дағы «өмірлік тәжірибесі» жоқ адам емес пе? Саған не үйрете алады?

Сол үшін кітап оқуың керек. Себебі кітапта осы уақытқа дейінгі данышпандар, тұлғалардың өмірлік кеңестері, тағдырдан түйген қағидалары жазылған. Жақсы кітап – жақсы дос секілді. Үнсіз тыңдайды. Тек жақсы ақпарат береді.

Кітап оқудан ешқашан ұтылмайсың. Басқа тірліктен ұтылуың мүмкін, бірақ тек кітап емес.

АДАМНЫҢ МАХАББАТЫН ТҮНГЕ ҚАРАП БІЛУГЕ БОЛАДЫ

Адамның махаббатын түнге қарап білуге болады. Адам түнде немен айналысса, соны жақсы көреді.

Кім түнде не істейді? Біреу түнімен қуады, клубқа барады, қыдырады. Біреу түннің бір уағына дейін кино-видео көреді.

Кім түнде ақыреттің ісімен айналысса, демек оның махаббаты - Алламен жолығу, пайғамбарымызбен қауышу.

Ақыреттің ісімен айналысу – тым болмаса таң намаздан 10 минут бұрын тұрып, екі рәкат намаз оқу.

Бүгін жұманың берекесіне бөлене беріңіз. Құран кітаптарға дәл бүгін 15 пайыз жеңілдік боп жатыр. Дәлірек айтқанда 500 кітапқа 50 пайызға дейін жеңілдік боп жатыр. Тапсырыс беру: 8-777-572-22-33

САЛЫСТЫРУ – БАҚЫТТЫҢ ҰРЛЫҚШЫСЫ

Адам табиғаты салыстыруға бейім. Бірақ салыстыруға болатын нәрсе бар. Дәл сол сияқты салыстыурға болмайтын нәрсе бар. Байлықта өзіңнен төмен адамдарға қара. Соларға қарап шүкіршілігің оянады. Қолыңда бар затың біреулер үшін арман екенін түсінесің. Егер байлықта өзіңнен жоғары адамға қарасаң, бақытыңды ұрлайтын ой пайда болады. Бұл – зиянды салыстыру. Яғни, «қарашы, пәленше сенен мықты көлік мінеді, сенен зәулім үйде тұрады, ақшасы сенен көп. Неге сол сияқты бола алмайсың?» деген ой. Бұл ой адамды шүкірсіздікке әкеледі. Тағы да дүниенің артынан қууға, сараңдыққа апарады. Көрдің ғой?

Ал тақуалықта өзіңнен жоғарыға қара. Өзіңнен гөрі мінезі көркем адамға қарап, өзіңнің әлі шикі екеніңді, бойыңда зиянды әдеттерің көп екенін, жүрегіңде емделмеген дерттер бар екенін түсінесің. Жасаған жақсылықтарыңа дандайсымай, керісінше оларды одан сайын аз көріп, көбірек ізгі іс жасауға құлшынасың. Егер тақуалықта өзіңнен төменге қарағаныңда, тәкаппарлығың оянар еді. «Пәленше бір тиын да садақа бермейді, оның қасында мен ай сайын жүз мың теңге мұқтаждарға беріп жүрмін» деген әзәзіл ойлар келеді. Аз амалға мастанып қалып қояр едің.

Басқалай өзіңді ешкіммен салыстырма. Себебі сен ешкімге ұқсамайсың. Сен таңдай алмайтын нәрселер бар: жыныс, ұлт, әке-шеше, түр. Бұлармен мақтану – тап-таза ақымақтық. Өзің мақтанба. Жұрт сыртыңнан мақтасын. Олар мақтасын деп тіпті күтпе. Сен және Ұлы Рахманның арасында ғана есеп жүреді.

Пайдалы кітаптар оқу үшін дәл қазір тапсырыс бер: 8-777-572-22-33

КІМГЕ РЕНЖИМІН?

Уақытым босқа өтіп жатса, күн ұзақ ұйықтай берсем, өзімді дамытпасам, намазым ғапылдықпен оқылса, түнім видео көрумен, ойнаумен және ұйқымен өтсе, ұйқымнан тұрғым келмесе, түнде тұрып Құран оқи алмасам, онда кімге ренжимін? Мұсылмандар қазір әлемде әліз, бейшара деп айтқанымнан не шығады, себебі өзім соның бірімін. Қазақстан дамымайды, өкімет жаман, медицина нашар, білім жүйесі әлсіз деп айтқанымнан не шығады, себебі өзім соған себепкермін.

Кім мені сырттан келіп өзгертеді? Түсімде біреу келіп аян беріп кете ме? «Тұр, оян! Еліңді алға сүйре. Еріншек болма. Бір емес, он тіл үйрен. 8 емес, 16 сағат жұмыс істе. Он кітап емес, жүз кітап оқы. Спортпен айналыс» деп құлағыңа сыбырлап кетуі керек пе? Сондайды күтіп жүрсің бе? Ол ертегі ғой. Өз-өзімді қолға ала алмасам, онда кімге ренжимін?

Қиындықтар адамды мықты қылады. Әрине, оны жеңіп шықсаң. Ал жалпы мықты болу үшін міндетті түрде қиындық келуі керек пе? Қазірден жай ғана өзіңді жан-жақты дамытып, мықты болуға болмай ма? Міндетті түрде басыңа сынақ түсуі керек пе? Жай ғана ойланып, соған жете алмаймыз ба?

Ойланбасаң, өмірің өте береді, өте береді, өте береді...

Кітап алу: 8-777-572-22-33

ҚОЛЫҢДА БАРДЫ БАҒАЛАУҒА ОСЫ ДА ЖЕТПЕЙ МЕ?

Жер халқы шамамен 7,8 миллиард адамды құрайды.
Егер бұл санды 100% деп алсақ:
• 77% тұрғын үйі бар
• 23% үйсіз

Тамақтану бойынша:
• 21% ысырап қып тамақ ішеді
• 63% қажетті азығы бар
• 15% тойып тамақ ішпейді
• 48% адамдардың күнделікті өмір сүру шығыны 1000 теңгеден аз

• 87% ауыз суға қол жеткізе алады
• 13% ауыз су жоқ

• 75% мобильді телефондары бар
• 25% телефон пайдаланбайды

• 30% интернет бар
• 70% интернетке қол жеткізе алмайды

Білім бойынша:
• 7% жоғары білім алған
• 93% ешқашан колледж немесе университетке бармаған

Сауаттылық:
• 83% оқи алады
• 17% сауатсыз

Жас мөлшері бойынша:
• 26% 14 жасқа жетпей өмірден өтеді
• 66% 15-64 жас аралығында қайтыс болады
• 8% 65 жастан асқан

Өмірдің және бақытқа толы сәттердің қаншалықты қымбат екенін ұмытпайық! ❤️❤️❤️

• 11% Еуропада тұрады
• 5% Солтүстік Америкада
• 9% Оңтүстік Америкада
• 15% Африкада
• 60% Азияда
• 49% ауылдық жерде өмір сүреді
• 51% қалада тұрады

Тілдер бойынша:
• 12% қытай тілінде сөйлейді
• 5% испан тілінде
• 5% ағылшын тілінде
• 3% араб тілінде
• 3% хинди тілінде
• 3% бенгаль тілінде
• 3% португал тілінде
• 2% орыс тілінде
• 2% жапон тілінде
• 62% өз ана тілінде сөйлейді

Дін бойынша:
• 33% христиандар
• 22% мұсылмандар
• 14% индустар
• 7% буддистер
• 12% басқа діндер
• 12% дінге сенбейтіндер


Кітапқа тапсырыс беру: 8-777-572-22-33

МЕН АУРУДЫ ТАҢДАЙМЫН!

Жаттығу жасап, спортпен айналысуға уақыт таппасаң, онда ауруға уақытыңды арнайтын боласың. Бірақ қазір көпшіліктің өмір сүру стилін қарасаң, олар қуанышты және салтанатты түрде: «Мен ауруды таңдаймын, ауруға уақытымды арнаймын» деп тұрғандай.

Білем, бәріміз тамақ жейміз, тойға барсақ үш ауыр тамақ қояды, онсыз да дастарқан жайнап тұр. Айналада фастфуд еліктіріп, оны да жемей тұра алмаймыз. Пажалыста, жей бер. Жеме десем де, бәрібір жейсің ғой. Қазір кім нәпсісін игере алады дейсің. Бірақ сол тағамдар ағзада майға айналып кетпесі үшін, токсиндер қанда қалып қоймас үшін, бұлшықеттер езіліп, омыртқа майысып кетпес үшін спортпен айналысу керек.

Екі сағатқа тренажер залына барып, 80 кг штангы көтер демеймін. Үйде 20 минутқа таймер қой. Сөйтіп жеңіл жаттығу жаса. Оған да басың жетпесе, youtube-тан үйде жасауға болатын физикалық жаттығулар деп іздеп, біреудің істегенін қайтала. Жүрек соғысың артып, бұлшық еттерің оянып, ағзада зат алмасу күшейсін.

Тамақтану, спорт туралы кітаптар: 8-777-572-22-33

НЕГЕ БІЗ ЖҮРЕГІМІЗДІ ОСЫЛАЙ ТАЗАЛАМАЙМЫЗ???

Машина жуғанда алдымен бір рет жуып шығасың. Шүберекті сыққан тазиктегі суың қап-қара болады. Көлікке қарасаң сәл-пәл қара тамшылар қалып қояды. Шүберекті сулап тағы да бір сүртіп шығасың. Сонда барып айнадай жарқырайды. Сөйтіп тұрып ойланып қаламын. НЕГЕ БІЗ ЖҮРЕГІМІЗДІ ОСЫЛАЙ ТАЗАЛАМАЙМЫЗ??? Қатарынан екі рет. Айнадай жарқырағанша. Жүректе қаншама күнәнің қап-қара кірлері қалған. Бір жуғаннан кетпейді. Оны тәубеден туған көз жасы кетіреді. Бірнеше рет.

Ыдыс жуғанда май, дақ, қалдықтар бірден кете қоймайды. Жай сумен кетпейді. Сусабын қолданасың. Қырғыш не сымжуғышпен ысқылайсың. Бірдеңе қып кетіріп, соңында мұздай сумен бір шаясың. Тап-таза тәрелкеге қарап тұрып ойланамын. НЕГЕ БІЗ ЖҮРЕГІМІЗДІ ОСЫЛАЙ ТАЗАЛАМАЙМЫЗ? Неге зікірмен, Құранмен, истиғфармен, кешірім сұраумен ысқыламаймыз? Кетпей жатқан лас жерлеріне көбірек күш салмаймыз?

Қолыңдағы смартфонның бетіне май жағылса, дереу ылғал салфеткі іздеп, сүртіп тазалап қоясың. Бірден! Бес минут, елу минут, бір күн күтпейсің. Сол заматта тазалайсың. НЕГЕ БІЗ ЖҮРЕГІМІЗДІ БІР КҮНӘДАН СОҢ ДӘЛ ОСЫЛАЙ ДЕРЕУ ТАЗАЛАМАЙМЫЗ?

Сурет не видеоға түсірерде камераны бір қараймыз, мүмкін бетіне саусақ таңбасы не бір дақ түсіп қалған шығар. Себебі сурет анық шықпайды. Футболкамыздың шетімен камераның көзін айналдыра тазалап шығамыз. НЕГЕ БІЗ БІР АМАЛ ЖАСАРДА ЖҮРЕКТЕГІ АЛЛА ТАҒАЛАҒА ДЕГЕН ЫҚЫЛАСЫМЫЗДЫ ОСЫЛАЙ БІР ТЕКСЕРІП АЛМАЙМЫЗ? Рия боп жатса, бір тазалап шығу керек емес пе??? Жүректің көзі таза болса, сыртқы әлем анық көрінбей ме???

«Терең ой» кітабынан.