Байқайсыз ба, бұрынғы үйлер саман кірпіштен, құмсыбақ, әкпен еді. Ол кездің адамдарында мейірім шуақ бар еді. Олар аяғындағы жыртық шұлыққа арыз айтпайтын. Береке бар еді. Асармен соққан үйлері батпақтан еді. Жүректері кең, жаймашуақ еді. Қазіргі зәулім үйлердің ішінде береке жоқ қой. Бұрынғы үйлер тастан соғылса да, адамдарының жүрегі алтын еді. Бүгінгі үйлер алтыннан соғылса да, жүректері тасқа айналғандай..

@kitapsuyer

Ең қиын үш нәрсе:

• Сыр сақтау,
• Қорлықтарды ұмыту
• Уақытты тиімді пайдалану

сіз үшін ең қиыны қайсы?

Ұлы нәрселерді мың ойланбай, істеу керек

`Юлий Цезарь

"Үнемі жан дүниесі биіктеп өсіп отырмаған адам үнемі жақсы адам күйінде қала алмайды. Жақсы қасиеттеріңді жаңалап, дамытып, ой өрісіңді одан ары кеңейтіп отырған сайын жақсы болған үстіне бола бересің. Сүйген адамың да сонда сені сүйген үстіне сүйе түседі. Жеткен биігіңде тоқырап қалсаң, белігілі уақыттан кейін сені әйелің немесе сен оны түсінбей қалуың әбден мүмкін. Сүйіспеншілікті сақтап қалу үшін, не сол дәрежеде екеуің бірдей тоқырайсың, не екеуің бірдей өрлейсің. Бір кезде сүйіп қосылған жандардың кейін суысып жататыны кейде осыны ескермегендіктен".

Бексұлтан Нұржекеевтің
"Ерлі зайыптылар" шығармасынан үзінді.

"Жылға татитын күн болады. Күнге татымайтын жыл болады"

`Антон Чехов

Сіздің жылға татыған күніңіз болды ма? )

Санаулы күн,
Санаулы ай,
Санаулы жыл.
Санай жүріп самайлар ағарды кіл.
Уақытты не пайда санағаннан,
Алатұғын өмірде бағаңды біл.

Қанша күнің,
Санап көр текке кетті,
Қанша жанды Санап көр, өкпелеттің.
Адамдықтан адасып қаншама рет,
Қаншама рет ауытқып, шетке кеттің?!

Қанша жүрек түбінде тұрақ тептің,
Қанша жанның жүзіне шуақ септің?
Қаншама рет қуанып бардың-дағы,
Қанша адамның алдынан жылап кеттің.

Ал, қанеки,
Санап көр, санағышым!
Сарқылмастан тұрғанда сана-күшін.
Не жақсылық көрсетті адам саған?
Не жақсылық жасадың адам үшін?

`М.Мақатаев

"Махаббатты сақтау үшін үнемі өсіп, үнемі рухани жоғарылап отыр. Тәніңді тәрбиелемесең, жаныңды тазаламасаң, ақылыңды көбейтпесең махаббат та тоқтау судай тобарсиды. Махаббат үшін де күнделікті күрес, қарапайым еңбек керек".

© Бексұлтан Нұржекеұлы

Бақ — ұзатылған қыз,
Байлық — еритін мұз,
Бала — артта қалған із.

«Кіндік қаның тамып, тұсауыңды кескен, балалығыңның бал дәурені өткен атақонысыңа атаңның құны бардай неге өшігесің?»

✍ Оралхан Бөкей
📗 Атау Кере

Шын сүйе білгеннің несі мін?
Мендегі тамшы жас кешірім.
Аңсатқан, күттірген асыл жан,
"Сағыныш" болсыншы есімің.

`Кәмшат Хасен

"Махаббат ол үшін дүниедегі ең маңызды нәрсе болып табылатын еркек аз кездеседі және ондайлар көбіне-көп тартымсыз еркектер болып келеді; оларды тіпті махабатты бәрінен де жоғары қоятын әйелдердің өзі жақтырмайды".

`Сомерсет Моэм

Ал бұған не дейсіз? ))

Тағы кірді шаһарға күз ентелеп,
Бүрісуге әзірміз біз ертерек.
Тамырына нәр жетпей cуық жерден,
Жапырағын жай ғана үзер терек.

Сөзіміздей желге ұшқан жетпей елге,
Жапырақтар жайраған көкте-жерде.
Өткен күн мен ісіңде нәр болмаса,
Мына өмірге бола ма өкпелеуге?!
Мына өмірге бола ма кіжінуге?!
(Көк жүзінде тырна-мұң тізілуде).

`Серік Сағынтай
"Сіз бен біз"

Шұрайлы сөз іздесеңіз Тәкен Әлімқұловты оқыңыз.
Күрделі тіркес іздесеңіз Асқар Сүлейменовты, ал Философиялық мән іздесеңіз Оралхан Бөкейді, психологиялық астар іздесеңіз Төлен Әбдікті оқыңыз..

Бұл тізбекті сіз қалай жалғастырар едіңіз, кімнен нені табамыз? )

Дүние - бұл қисық жол бұраңдаған,
Бақ тайса мал менен бас құралмаған.
Күніне мың бір пәле көрсеңдағы,
Сонда да күдер үзбе бір Алладан.

Қасиетті жұма мүбәрак, достар!

«Шал мен теңіз» кітабының авторы Эрнест Хемингуэйден біреу «кез келген тақырыпта ең қысқа әңгіме жаза аласың ба?» деп сұраған екен. Сонда жазушы азғана толғанып, былай деп жазған екен: «Балаларға арналған аяқ киім сатылады. Киілмеген» («For sale: baby shoes, never worn»).
⠀
Эрнесттің бұл бастамасы өзге жазушыларға да қозғау салады. Көптеген жазушылар 6 сөзден тұратын әңгімелер жазып, эксперимент жасап көрді.
⠀
Назарларыңызға ең қысқа әрі ең үздік әңгімелер топтамасын ұсынамыз.
⠀
1. «Бейтаныс жандар. Достар. Ең жақын достар. Көңілдестер. Бейтаныс жандар».
⠀
2. «Сіз нөмірден жаңылыстыңыз», - деді бір таныс дауыс».
⠀
3. «Жолаушылар, сіздерге хабарлап тұрған капитан емес».
⠀
4. «Маған анам қырынуды үйретті».
⠀
5. «Мен нағыз өзімнің теңімді жолықтырдым. Ал, ол әлі кездестірмеді...».
⠀
6. «Менің көлеңкем жаңа ғана маған ымдағандай болды».
⠀
7. «Парашют сатылады: ешқашан ашылмаған, аздаған дақтары бар».
⠀
8. «Бұл біздің алтын тойымыз. Бір кісілік үстел дайындаңызшы».
⠀
9. «Бүгін мен тағы да анамның жанында болғансыдым».
⠀
10. «Саяхатшы тағы да дыбыс берді. Жер – жоқ».
⠀
11. «Мен үйге раушан гүлдерін алып келдім. Алайда кілтімді таба алмадым».
⠀
12. «Суық желден сынған әйнекте «Жас жұбайлар» деген жазу болды».
⠀
13. «Біздің жатын бөлме. Екі адамның дауысы. Мен есікті қақтым».
⠀
14. «Үлкен адам болсам деп қиялдадым. Есейдім. Қиялымды жоғалтып алдым».
⠀
15. «Мен секірдім. Содан кейін ойландым».
⠀
16. «Кешір, жауынгер, біз бәтеңкенің екінші сыңарын да сатамыз».
⠀
17. «Ол өз әйелінің баскесерін бөтелкемен тамақтандырады».
⠀
18. «Хирург емделушіні құтқарады. Емделуші Құдайға шүкіршілік айтады».

Жазба авторы @BekzatQosay

Бүгін қарға тамырлы қазақ үшін, айбарлы алты алаш үшін жанын қиған асыл арыстарымыздың бірі, қазақ рухын "Оян — қазақ!" деп тебіренткен — Міржақып Дулатұлының мынау жарық дүниеге келген күні.

Оны өз ажалынан емес, темір шеңгелді жалмауыз жүйенің қастықпен жасалған жазадан қаза тапқанын қаймана халық әсте ұмытпауы тиіс.

ҒАБИТ МҮСІРЕПОВТІҢ РАИСА МҰХАМЕДИЯРОВАҒА ЖАЗҒАН ХАТЫ (қысқартылған):

8.04.65 ж.

Амансың ба, менің жалғызым! Бүгін таңертең Гауһаржанның атына сендерге хат жазып едім. Сөйтсе де саған айтам деген бірер ойым айтылмай қалған сияқты болып, күні бойы мені мазалай берді. Міне, түрлі жиналыс­тардан қол босап, сол мазалаған ойларым­ды саған қағаз арқылы жеткізуге тағы отырдым. Біріншіден, аман-есен жүрмін, денсаулығым ойдағыдай. Екіншіден, қатты сағынып жүрмін, құдайдан сұрайтыным – күніміз ерте батып, түніміз мезгілсіз тұтыл­масын.

Қаламдас достардан Соболевті, Берді-ағаны көрдім. Саған шексіз сәлем айтып жатыр. Олардан басқа Боковты, Татьяничеваны, Штокты, тағы басқаларды кездестіргенім жоқ, телефон соғуға да уақытым болмады. Оларды 1-Май мерекесімен құттықтауды ұмытпа. Сенің дайындыққа барып жүргеніңді естіп қуандым. Студияда кешкі жұмысқа қалуға тырыспа, оның орнына үйге келіп демал.

Ботақаным өсіп келе ме? Ақылы кіріп, жылауды азайтты ма? Жалғыз өзің оның жұпар иісін иіскеп, рахаттанып жүрсің, ә?

Қымбаттым, саған тапсырма мынау. Май қарсаңында маған ұзақ етіп хат жаз. Адресім: Мәскеу қаласы, Воровской көшесі, 52-үй. КСРО Жазушылар одағы, Инкомиссия, Мүсірепов Ғ.

Енді сенің жағдайың жайлы. Ақшаң бар ма, қысылып жүрген жоқсың ба? Керек болса, Жұматайдан ала тұр, береміз ғой, немесе Мұстафиндерден ал, қиналып қалма. Байқауға бара жатырмын, жұрттың жиналуы қиын. Ертең кешкі 9-да телефон соғамын. Әдеттегідей сүйдім, өзіңнің мәңгілік Ғабитің.

Дереккөз: Әсет Ақмолда

Арылу

Үнсіз.
Ұзақ.
Қараймын Айға мынау,
Мақсатым жоқ Күнге де,
Айға да ұнау.
Менің барлық мұратым -
Жаратқанға
апаратын соқпақта тайғанамау.

Маған бақыт -
бұл жолмен жорғаласам,
Ерсем болды Жүрек пен Жанға масаң.
Адастырар айырықтар бұйым емес,
Өзімді-өзім бұрмалап алдамасам.

Маңызды емес шаһарлар Қағанымен,
Тартысу да маңызсыз жағалымен.
Бұл жолдағы ең үлкен ғибадатым -
Жәндік мыжып кетпесем табаныммен.

Басты жауым - мен өзім,
шын ұқтым мен,
Содан көзім буалдыр, сынық кеудем.
Өз өзімді сындырсам - жеңісім сол,
Сындырмасам болғаны шыбықты мен.

Маңызды емес және де ой кешкенім,
Біреуменен “гөй-гөйлеп”, “қой” дескенім.
Қыбырлаған тірліктен маңыздырақ -
Сыбырлаған шөппенен сөйлескенім.

Маңызды емес біреумен белдескенім,
Мақтан іздеп, ортада құр бөскенім.
Ырылдаған даусымнан маңыздырақ,
Шырылдаған құспенен тілдескенім.

Енді мәлім жер бетін құр басқаным,
Бақылаумен төбемде тұрды Аспаным.
Шырқыраған ойлардан маңыздырақ -
Бұрқыраған бұлтпенен сырласқаным.

Жеті бояу шашырап қылышынан,
Көктем келсе Ғарыштың бір ұшынан.
Сонда менің аңқиған ауызымнан,
Қоя берсе дұға аңқып тынысымнан.

Тұрған шақта іште - үміт,
қолда - амалым,
Дұғаларым - құсни хат жолдағаным,
Менің басты қағидам -
қалқып тұрған,
дүниені ренжітіп алмағаным.

Тылсымданып, жайнаған гүл алам ба,
Һәм білмеймін ойнаған нұр алам ба?!.
Бұл олжадан бірақ та абзалырақ -
Еш қиянат жасамау тірі адамға.

Жүрек жасын көлдетіп тегі судай,
Жылап көктен сұраймын нені ұдай.
Жалбыраған кейпімде жалғыз үрей:
Жақтырмай қалмаса екен мені Құдай!

Содан енді сөзден қалып, ойдан қалып,
Өзіммен соғысатын майдан қалып.
Отырғанда шақырды мені жолға,
Көз ұшында жарқ етіп, тайған жарық…

Үнсіз.
Ұзақ.
Қараймын алға мынау,
Мен енді мүсәпір жан болғаным-ау.
Жаһанкез жүрегімді қолыма ұстап,
Құдайды іздеп түстім ғой жолға мынау.

Жұлмаласын жұрт мені, әрі-бері,
Ғайбаттаса мейлі енді, бәрі мені.
Мен Алламды сүйетін жолға шықтым,
Ал Аллам сүйе ме екен әлі мені?..


`Ақберен Елгезек

Сарғайған сен бе,
Мен бе,
Жас қайың ба?
Жөн айтпай жөгі жалған қасқаюда.
Тәніңді таңға дейін тамашалап,
Жанымды мен де бір сәт ластайын ба?...

Сарғайған сен бе,
Мен бе?
Ей, жүрек, есіңді жи, емге көнбе!
Алдымда — алмағайып жолайырық,
Білмеймін, желге ерем бе, жерге енем бе....

Көргенде жапырақтың қалқығанын,
Қарадай жаурап, тоңып, қалтырадым.
Желбуаз жер мен көктің арасынан
Өзімді- өзім таппай шарқ ұрамын.

`Исраил Сапарбай