🌸 Теңіз де кірлейді. Айдын бетін шөп-шалам, сынған ағаш, өлген балық пен құс, төгілген мұнай қалдығы басады.

Күндердің күнінде дауыл көтеріледі. Толқын біткен арыстан жалданып өкіріп-бақырып жағалауға ұмтылады. Әлгі кір-қоқыстың бәрін әкеліп адамдардың өзіне қайта лақтырады. Тазарып барып тыным табады. Сосын бәз-баяғы қалпында жарқырайды да жатады. Біздің қоғам да тап осындай тазаруды күтіп тұр.

🔗 Рахымжан Отарбаев

➖➖➖➖➖➖➖➖➖➖➖
@kitapsuyer

📖 Адам. Ол ақша табу үшін денсаулығын құртады. Қайта сауығу үшін ақшасын жұмсайды. Ол қазіргі күнінің рахатын сезінбей жатып, болашақты күтеді.

Айналып келгенде бүгінімен де, ертеңімен де өмір сүрмеген болып шығады. Ешқашан өлмейтіндей тірлік кешеді, ешқашан ғұмыр кешпегендей өмірден өтіп кетеді.

🌿🌿🌿🌿🌿🌿🌿🌿🌿🌿

© Далай Лама

@kitapsuyer

Біздің көпшілігіміз – өзіміз емеспіз. Ойымыз – өзгелердің пікірі; өміріміз – мимикрия (қорғаныш реңі); іңкәрлігіміз – дәйексөз!

🪶 Оскар Уайльд

@kitapsuyer

🌟 Сүю – өзіңді өзге қырыңнан тану.

© Экхарт Толле

@kitapsuyer

🌸 Кітапта ерлі-зайыптылар қарым-қатынасына байланысты ислам дерекөздерімен қатар отбасылық кеңесші мамандар тәжірибесі қамтылған. 30-ға жуық отбасылық мәселелер мен шешімдері жинақталған. Кітап көпшілік оқырманға арналады.

✔️ Авторы: Руслан Қамбар
✔️ Бет саны: 186

🪱🪱🪱🪱🪱🪱🪱🪱🪱🪱🪱

Өтеді уақыт зымырап,
Өтер қысың.
Пыр етіп бір ұшар да кетер құсың.
Біле тұра уақыттың баянсызын,
Өзіңе өзің жасайсың бекер қысым!
Қалар артта бесік жыр,
Бесік-үйің,
Есіл туыс,
Есіл жұрт,
Есіл бұйым.
Жылдар өтсе мейлі ғой,
Өте берсін!
Сәттер өтіп барады,
Осы қиын!

✍️ ҚадірМырзаӘлі

🌟🌟🌟🌟🌟🌟🌟🌟🌟🌟

@kitapsuyer

Құлшылығыңды арттыруға дайындал. Дәл бір айдан соң барамын 🕋

©️ Қасиетті Рамазан

Қараңыз, мынадай қызық ақпарат таптым. Мына суреттегі жігіттің аты жөні Филани Дладла. Оңтүстік Африка тұрғыны. Бұл жігітке ең алғаш әпкесі 9 жасында кітап сыйлап, содан кітапқа қызығушылығы артып, біршама кітаптар оқиды. Кейін өсе келе "переходной возрастта" жаман ортаға тап болып, ішкілікке салынып, қаржылық жағдайы нашарлап кетеді.

Кейін жұрттан қайырымдылық сұрап, елге қол жаюдан ұялған Филани, ақша табудың мынадай жақсы амалын табады. Өзінде бар кітаптарды қолына ұстап алып, көшеге шығып, қала тұрғындарына қолындағы кітаптардың мазмұнын ақылы түрде айтады. Егер тыңдаушыға кітап мазмұны ұнаса, кітап дайын, сатып алады. Ал егер кітап алғысы келмесе, тек кітап мазмұны үшін ғана төлейді. 

Осылай табыс тауып жүрген Филаниді бір күні шетелдік журналист көріп, одан қысқаша сұхбат алып, әлеуметтік желіге жариялайды. Содан ақырындап танымал бола бастаған Филани тыныш отырсын ба? Аз уақыттан соң ол, өзінің "Тратуардағы кітап құрты" деген атпен жеке кітабын жазады. Кітап, жігіттің қиын қыстаулы тағдыры мен сабақтас болғандықтан көпшілікке ұнап, Филанидың ел арасында танымалдылығы мен табысы қатар артады. 


Мораль:

* Кітап оқы — Білім ал. 
* Көшеге шық, ізден, еңбектен. 
* Сыпайы түсіндір, анықтап сөйле. 
* Жарнамалай біл, елмен қарым қатынас жаса.
* Адал істен ұялма, сата біл.
* Ортаңа мән бер.

📚📚📚📚📚📚📚📚📚📚

@kitapsuyer

— Қарапайымдылық пен мейірімділік романдарда ғана марапатталады. Ал, шын өмірде оны пайдаланып, кейін лақтырып тастайтындар көп.

🌸🌸🌸🌸🌸🌸🌸🌸🌸🌸🌸

© Ремарк

@kitapsuyer

Бір баланың оқуы үшін білдей бір пойыз жүріп тұрды..

🎀 Жапонияның Хоккайдо аралында бір ауыл бар. Жастары қалаға кетіп, қарттары ғана қалған. Оншақты ғана жанұя қалған ауылда төрт жыл бұрын ең соңғы оқушы қыз мектеп бітіріп, ол да қалаға кетті.
Сол ең соңғы оқушы мектеп бітірген күні ауылдағы темір жол станциясы да жабылды. Қазір ол ауылға пойыз жүрмейді.

🎀 Станция оның алдында жабылып, темір жол жұмысын тоқтату керек еді. Бірақ өйтейін десе, ана оқушы қыз мектебіне бара алмай қалар еді. Сондықтан темір жол компаниясы бірнеше жыл бойы сол жалғыз қызға бола бір пойызды жүргізіп, күніне бір рет мектепке дейін және мектептен үйіне дейін жеткізіп тұрды. Ауыл тұрғындары сол оқушы қыз мектепке бара алмай қалмасын деп қыстың күні таң мен кеште ауыл мен вокзал арасындығы қарды бірігіп тазалап, жолын ашып беріп жүрді. Тегін және өз еріктерімен.

🎀 Бір баланың оқуы үшін білдей бір пойыз жүріп тұрды, бір баланың оқуы үшін бүкіл ауыл бірікті. Ақылы ма, тегін бе, қымбат па, арзан ба, мәселе онда емес.

🌹 Мәселе - мемлекет пен қоғамның адамға және білімге деген қамқорлығында..

🌸🌸🌸🌸🌸🌸🌸🌸🌸🌸🌸

@kitapsuyer

⚜️ Назарларыңызға сирек кездесетін мақал мәтелдер сериясын ұсынамыз. Жоғалтып алмау үшін өз арнаңызбен бөлісе отырыңыз:

😀Жықсаң да, жығылсаң да,
Алысқаның арыстан болсын;

😀Мейірімдінің кәрінен сақта,
Қарсыз қыстың зәрінен сақта;

😀Тілмен байлаған қолмен шешілмейді;

😀Ұзын шапан аяғыңа оралады,
Ұзын тіл мойныңа оралады;

😀Кінәлінің тілі қысқа;

😀Жер астында жатқанды,
Қазбай жатып тіл табар;

😀Сөз – сабан, іс – дән;

😀Біреудің ат көтермес бөзі бар,
Біреудің ат көтермес сөзі бар;

😀Құлақтан кірген суық сөз,
Көңілге барып мұз болар;

😀Қисық отырсаң да, түзу сөйле;

🔂Сөзді сөзбен ұста,
Қашақанды құрықпен ұста;

😀Біріктіріп айтса бидікі жөн,
Құрастырып айтса құлдікі жөн;

😀Күңге күле қарасаң,
Көйлегіне жамау сұрар;

😀Сиыр баққанда бірге едік,
Жаңғақ шаққанда бөліндік;

😀Досыңның пышағымен мүйіз кес, Дұшпаныңның пышағымен киіз кес;

😀Бір аяқ қымыздың екі аяқ желі бар;

😀Жолдағы құйрықтан,
Қолдағы өкпе артық,
Жайлаудағы жылқыдан,
Қорадағы қой артық;

😀Атасы жер жырта білмегеннің,
Баласы тұқым себе білмейді;

😀Сақтағаныңды жесең,
Сағынғаның келер;

😀Ақшасыз базарға барғанша,
Кетпен алып мазарға бар;

😀Мақтаншақ өз дамбалын былғайды;

😀Қисықтың көлеңкесі де қисық;

🌸🌸🌸🌸🌸🌸🌸🌸🌸🌸

@kitapsuyer

Шай қойшы, гүлім. 
Шай қой. 
Шай ішейік, шайдың түр, түсі де маңызды емес тіпті. Жұмыстан шығып бірге отырып шүйіркелесейік.

Еркелетейікші тұңғышымызды. Еске алайық сенімен ең алғаш Танысқан күнді, сағаттап ай сәулесімен сырласқан түнді. 

Шаршатты жабықтырды тірліктің мұңы. Ыстық сезім, шын махаббат, риясыз әңгіме. Бұның орнын бар ғой иә? Керек десең — бар әлемнің жақұттары баспайды бұны.  



Айтайық: 
Сенің қызыл әсем көйлегің жайлы,
Менің Дулат, Ор аға, Төленім жайлы, 
Сенің алғаш жазған өлеңің жайлы, 
Менің алғаш мінген көлігім жайлы. 

Айтайық: 
Табиғат, ну орман, құстардың тілін, 
Ақырын тізейік қалдырмай бірін, 
Телефон, инста  әдірем қалсын
Қасымда тұрғанда құлпырған гүлім. 

Айтайық: 
Бала күнімізді, сәби күнімізді, 
Қалмасын іште түйін боп, ниетім ізгі, 
Бағалайық жақсы жаман, адамның бәрін. 
Бақытты өмір, бақытты бүгінімізді. 

✍️ @ilyasgo

Бүгін, яғни 14 ақпан – Халықаралық кітап сыйлау күні

🤎 Бұл мейрамның шығу тарихы да ерекше. Кітап сыйлау мерекесі 2012 жылдан бері Эмми Бродмурдың бастамасымен әлемнің 44 елінде  тойланып келеді. Эмми Бродмур - әлеуметтік желіні белсенді қолданушы, блогер әрі 3 баланың анасы. Бір күні ұлы анасына дәл осы күні "Неге адамдар бір біріне ешқандай себепсіз кітап сыйлайтын күн жоқ?" деген сауал қояды. Ешқандай жауап таба алмаған Эмми осы күнді кітап сыйлау күні деп белгілеп, әлеуметтік желі арқылы мерекенің танымалдылығын арттыра бастайды. Нәтижесінде әлемнің түпкір-түпкірінен бір-біріне кітап сыйлайтын жандардың қатары көбейген. Қазіргі таңда мереке халықаралық деңгейге дейін жетті. 

Достар, бүгін реті келсе бір-бірімізге себепсізден-себепсіз кітап сыйлап, жақындарымызды қуантайық. Себебі, әр адам ақшаға мұқтаж болмаса да, міндетті түрде білімге мұқтаж.

@kitapsuyer

🧠 "Say" - сөзі ағылшын тілінен аударғанда "сөйле" деген мағына береді. Сондықтан, сөйлеген сөзіңе say бол!

@kitapsuyer

Кешегі мақал мәтелдер сериясын жалғастырамыз :

Түйір нан үшін — тамшы тер төк;

Істің ақыры жігіттің пақырына қалады;

Тапқан қуанады, таныған алады;

Арқан үзіледі, борыш үзілмейді;

Ұйқышыл жастық таңдамайды;

Жаман адамға мал бітсе, зекет бермес;
Жаман жігітке мал бітсе үйіне келмес.

Сау төрде, ауру көрде;

Кещеге бәрі күлкілі;

Кебіс ұрлаған бір кісі, күмәнді болған мың кісі;

Түйенің басы тегешке сыймас;

Семіз қойдың ғұмыры қысқа;

Тәңір асыраған тоқтыны қасқыр жемейді;

Жерінен ауғанға жеті жыл қоныс жоқ;

Ел аузына елек қойып болмас;

Жақсы жігіт жер шолып, ақыр түбі айналар;

Елді іс біріктіреді, сөз бұзады;

Адам ойлайды, Құдай шешеді;

Қашқан да «Құдай» дейді,
Қуған да «Құдай» дейді;

Әр Мұсаға бір Перғауын;

Сауатсыз молданың сәлдесі үлкен;

⚪️⚪️🟢🔵⚪️⚪️🟢🔵⚪️⚪️

@kitapsuyer

🪱 Некеңді кімнің қиғаны емес, кіммен қиғаның маңыздырақ.

@kitapsuyer

📚 Роман соңғы жарты ғасырда әлем назарын өзіне жиі аударған Ауған елінің ашық та тұңғиық өмір шындығын, тыныс-тіршілігін боямасыз бейнелейді. Соғыс өрті толастамаған, қараңғылық пен надандық үстемдік құрған қоғамдағы адам тағдыры мен әйелдер өмірін, махаббаттың мұң-наласын айшықты тілмен анық жеткізеді. «Жарқыраған мың күн» әлемнің көптеген тілдеріне аударылып, оқырманның ыстық ықыласына бөленген. Алғашқы екі кітабымен автор 2008 жылғы «Әлемдегі ең ықпалды жүз тұлға» тізіміне енген.

Жақсы жазылған роман тыныш жатсын ба? Бұл кітап желісімен тіпті өзбек ағайындарымыз осыдан 10 жыл бұрын фильм де түсіріп үлгерді. Ал, бұл кітапты ең алғаш қазақ тіліне 2022 жылы Фолиант баспасы аударып ел назарына ұсынды.

➖➖➖➖➖➖➖➖➖➖➖
@kitapsuyer