📖✍️ Muallif bilan uchrashuv

🎤 Bugun Peshqadam Karvonining “Irmoqlar” loyihasi doirasida atoqli yozuvchi Nabijon Boqiy bilan KitobQand qahvaxonasida kitobxonlik uchrashuvi boʻlib oʻtdi.

📚 Suhbat davomida yozuvchining “Madfun Turkiston” va “Qatlnoma” kabi asarlari tilga olinib, yaqin oʻtmishimizdagi qonli voqealar — bolsheviklarning Turkiston diyorlarini egallashi va jadidchilik harakatlarining ijtimoiy-siyosiy holatga ta’siri kabi ogʻir, ammo juda kerakli mavzular haqida gaplashildi. Bundan tashqari muallif oʻzlarining hozirda yozayotgan yangi asarlari, yozuvchilik mashaqqati va uning mas’uliyati haqida ham qiymatli ma’lumotlarni boʻlishdilar.

📖 Ushbu yomgʻirli kundagi jonli uchrashuvimiz juda samimiy, qizgʻin va qiziqarli boʻlib oʻtdi. Ustoz Nabijon Boqiyning ijodlariga rivoj tilagan holda, kelgusida yana koʻplab mazmunli suhbatlar qurish istagi bilan xayrlashdik.

Irmoqlar — Biz bilan ilm dengizini kashf eting!