🎉 KitobQand 2 yoshda!

9-yanvar kuni kutubxonamizning 2 yilligi munosabati bilan tadbir bo‘lib o‘tdi.

🗓 O‘tgan vaqt davomida kitob va ma’rifat yo‘lida birga bo‘lib kelayotgan barcha kitobxonlarimizga chuqur minnatdorchilik bildiramiz!

Tadbirda faol kitobxonlarimiz taqdirlandi:
Shohista Abdurahimova — “Eng namunali kitobxon ona”;
Nazokat Abdushukurova — “Eng faol kitobxon”;
Samiyaxon Abduhalilova — “Eng faol jajji kitobxon”.

🔥 Shuningdek, kutubxonamiz tashkil etilishidan hozirga qadar beminnat xizmati va xolis ko‘magi bilan doimiy qo‘llab-quvvatlab kelayotgan Mehr kutubxonasi asoschisi Ibrohim Mirxoshimov va kutubxonamiz rivojiga munosib hissa qo‘shib kelayotgan rahbarimiz Dilnoza Ilhomovalar ham e’tirof etildi.

KitobQand — bilim va ma’rifat manzili!

Telegram | Instagram | Sayt

📚 Bugun KitobQand kutubxonasida buyuk mutafakkir va so‘z mulkining sultoni — Mir Alisher Navoiy tavalludining 585 yilligi munosabati bilan “Navoiyxonlik” tadbiri bo‘lib o‘tdi.

Tadbir davomida kitobxonlar Hazrat Navoiy hayoti hamda ijodi yuzasidan o‘tkazilgan qiziqarli viktorinada faol ishtirok etdilar. G‘oliblar bobomizning asarlari bilan taqdirlandilar. Shuningdek, Alisher Navoiy nomi bilan atalgan maskanlar haqida tayyorlangan mazmunli video rolik namoyish etildi.

📖 Tadbir ishtirokchilari Hazrat Navoiy merosining bugungi avlod tarbiyasidagi beqiyos ahamiyati haqida yana bir bor chuqur mushohada qildilar.

✨ Bunday ma’naviy-ma’rifiy tadbirlar kitobxonlik madaniyatini oshirish va milliy qadriyatlarimizni targ‘ib etishda muhim ahamiyat kasb etadi.

Telegram | Instagram | Sayt

🤩 Bugun Qodiriy avlodi davomchisi Sherkon Qodiriy “O‘tkan kunlar” romanining Abdulla Qodiriy yozgan alifbodagi nashrini o‘z dastxatlari bilan kutubxonamizga hadya qildilar.

📜 Ustozning aytishlaricha, ro‘mon 1925-1926-yillarda uch bo‘limli alohida kitob holida 10 000 nusxadan chop etiladi. U sekin-asta xalq orasiga kirib boradi. Besh-o‘n yil davomida shunday dovruq soladiki, Turkistonning uzoq-uzoq viloyatlarida yashovchi odamlar o‘zaro pul yig‘ib, “Kumushbibining kitobi”ni (o‘sha vaqtdagi odamlarning iborasi) topib olib kelish uchun Toshkentga chopar jo‘natar ekanlar.

✍ Yana xotiralarda yozilishicha, Toshkentda, boshqa shaharlarda va qishloqlarning choyxonalarida, xonadonlarda guruh-guruh odamlar bir odamga bu kitobni o‘qitib, tinglab zavq olishar ekan.

📚 Siz ham qo‘lingizdagi “O‘tkan kunlar” ro‘monini o‘qib, betakror til, maroqli uslub, tarixiy manzaralar, yuksak ma’naviyat, muomala madaniyatidan bahramand bo‘lasiz, degan umiddamiz!

Telegram | Instagram | Sayt