Kutubxonachilarni gapga solsangiz, ularning barini aynan bir masala qiynayotganining guvohi bo‘lasiz - u ham bo‘lsa kitobning o‘z holicha qaytarilishi masalasi.

📖 Axir ko‘pchiligimiz kitobga ataylab zarar yetkazmaymiz. Shunchaki beparvolik qilamiz, natijada kitob uyda qolib ketadi. Sahifasiga marker tegadi. Burchagi bukiladi.

🍂 Aslida esa o‘sha kitob bizniki emas. U bizga bir muddatga ishonib topshirilgan omonat.

📌 Shu boisdan “KitobQand” kutubxonasi uyga beriladigan kitoblar ichiga omonatdorlikni eslatuvchi yozuvlarni joylashtirishni boshladi.

Shunday hadis bor:

“Omonatni senga ishonib topshirgan kishiga qaytar”.

(Imom Termiziy rivoyati)

📜 Balki bir necha satr kitobni ham, insonni ham asrab qolar.

❕ Yana bir savol.

📚 Ko‘pchiligimiz kutubxonadan olgan kitobimizni ehtiyot qilishga harakat qilamiz har holda. Xo‘sh o‘z kitoblarimiz-chi?

❓ Ularni ham xuddi ertaga farzandimiz yoki do‘stimiz o‘qiydigandek asraymizmi? Yoki sahifalarini bukib, istagan joyiga chizib, kitobning umrini qisqartiramizmi?ham umri bo‘lishini unutib qo‘yamizmi?

🌐 Telegram
3️⃣ Instagram
🌐 YouTube
4️⃣ Facebook