Битирув ва қабул имтиҳонлари вақти

📝 Имтиҳон олдидан ўқиш муҳим ва фойдали бўлган дуолар

✏️1. Мавзуни такрорлашдан олдин қуйидаги дуони ўқинг: «Аллоҳумма, инний ас`алука фаҳман набиййийн, ва ҳифзал мурсалийнал муқорробийн. Аллоҳуммажъал алсинатанаа ъаамиротан бизикрик, ва қулуубанаа бихошйатик, ва асроранаа битоъатик, иннака ъалаа кулли шай`ин қодийр, ва ҳасбуналлоҳу ва ниъмал вакил»

Маъноси: “Аллоҳим! Мен Сендан пайғамбарларнинг фаҳмини, муқарраб расулларнинг хотирасини сўрайман. Аллоҳим! Тилимизни Ўзингнинг зикринг билан, қалбимизни Сендан қўрқиш билан, сиримизни Ўзингнинг тоатинг билан обод қил. Сен барча нарсага қодирсан. Аллоҳнинг Ўзи бизга кифоя, У нақадар яхши вакил”.

📖2. Дарс такрорлашни тугатгандан сўнг қуйидаги дуони ўқинг: «Аллоҳумма, инний аставдиъука маа қороъту ва маа ҳафизту, фа зидҳу ъалаййа ъинда ҳаажатий илайҳи, ва ҳасбуналлоҳу ва ниъмал вакил»

Маъноси: “Аллоҳим! Ўқиган ва ёд олган нарсаларимни Ўзингга топширдим, эҳтиёжим тушганда уларни зиёда қил. Аллоҳнинг Ўзи бизга кифоя, У нақадар яхши вакил”.

✍️ 3. Саволлар варақаси тарқатилгач, барча саволларни ўқиб чиқинг, сўнг Аллоҳ сизни муваффақ қилишига тўла ишонган ҳолда, У Зотга таваккул қилиб, қуйидаги дуони ўқиб, энг осон саволга жавоб беришдан бошланг:

«Робби ишроҳ лий содрий, ва йассир лий амрий, ваҳлул ъуқдатан мин лисаний, йафқоҳу қовлий»

Маъноси: “Роббим, қалбимни кенг қил, ишимни осон қил, тилимдан тугунни ечиб юборгинки, сўзимни англашсин”, Тоҳа сураси, 25 оят.

✏️4. Тинчланиб, диққатингизни бир жойга жамланг. Қийин саволга дуч келсангиз ушбу дуони ўқинг: «Аллоҳумма, лаа саҳла, илла маа жаъалтаҳу саҳла, ва анта тажъалул ҳазна иза ши`та саҳла»

Маъноси: “Аллоҳим, Сен осон қилган нарсагина осондир. Хоҳласанг, қийинни осон қилурсан”. Ибн Сунний ривояти.

📖5. Ёдлаган нарсангизни эслай олмасангиз, ушбу дуони ўқинг: «Йаа жаамиъан-нааси ли йавмин лаа ройба фийҳ, ижмаъ ъалаййа золлатий»

Маъноси: “Эй келишига шак-шубҳа йўқ Кунда одамларни жамловчи Зот! Йўқотганларимни тўплаб бер".

✍️6. Ёзган жавобларингизни яхшилаб текшириб чиқинг. Барча саволларга жавоб берган бўлсангиз, ушбу дуони ўқинг: «Алҳамду лиллааҳиллазий ҳадаанаа лиҳаазаа, ва маа куннаа линаҳтадийа, лав лаа ан ҳадааналлоҳ»

Маъноси: “Бизни бунга ҳидоят қилган Аллоҳга ҳамдлар бўлсин. Агар Аллоҳ бизни ҳидоят қилмаса, ўзимиз ҳидоят топа олмас эдик”.

Имтиҳон пайтида ўқилиши тавсия қилинган ушбу дуолар аҳли илмларнинг тажрибасидир. Албатта, бу дуоларни ўқиш асносида фақат Аллоҳга суяниб, Унинг Ўзидангина ёрдам сўраш лозимлигини унутманг.

🔖Имтиҳон топшираётган барча талабаларга муваффақият тилаймиз!

@KitobxonUz

БОЛАНИНГ СОЧИНИ ОҚАРТИРГАН КУН

😔 😥 😥 😥 😥 😥 😥
«Эй одам фарзанди! Ўзингга ва жамики махлуқотларимга назар сол. Агар ўзингдан азизроғини топсанг, унинг ҳурматини қозон. Илло, ўзингдан азизини тополмасанг, нафсингни тавба ва солиҳ амал билан эъзозла. Аллоҳнинг сенга ато этган неъматини ва У Зотнинг сизлар билан боғлаган аҳд-мийсоқини эсла. Сизлар ўшанда «Эшитдик ва итоат этдик», деган эдингиз. Қиёмат куни, «Тағобун» куни (яъни, бир-бирларини алдаш – зиён етказиш куни. Чунки бу дунёда мўъминларни алдаб, уларга зиён етказиш ҳаракатида юрган кофирлар у Кунда дўзахга гирифтор қилинишлари билан ўзларининг зиён кўриб, алданиб қолганларини билишиб, надомат қилурлар), Ал-Ҳаққа (Аниқ рўй берувчи) кун, миқдори-узунлиги (дунё ҳисобида) эллик минг йил бўлган бир Кун, бу (Кун) улар сўзлай олмайдиган ва улар учун узр айтишларига ҳам изн берилмайдиган Кун, бало ва дахшатли қичқириқ куни келишидан олдин Аллоҳдан қўрқинглар. У кунда даҳшатли азобдан юзлар тиришиб, буришиб қолади. У кунда ҳеч бир жон (бошқа) бир жонга бирон нарса қилишга (яъни, бирон фойда етказишга ёки ундан бирон зиённи кетказишга) эга бўлмас! У кунда барча иш ёлғиз Аллоҳники бўлур! У тўхтовсиз давом этадиган кундир. У зилзила куни, қалбларни қаттиқ қоқувчи «қориа» кунидир. У кунда тоғлар титрайди. У кун ибратли жазолар бошланадиган, кун тез ботадиган, даҳшатли қичқириқ ва энг сўнгга етиладиган, болаларнинг сочларини оқартириб, чолларга айлантириб қўядиган кундир. Ўзлари эшитмаган (яъни, англаб, иймон келтирмаган) ҳолларида эшитдик, деган кимсалар каби бўлмангиз!»

Имом Ғаззолий Қирқ ҳадиси қудсийдан.
@KitobxonUz

🎙УСТОЗ МИРЗО КЕНЖАБЕК.
ҲАЗРАТИ СЎФИ АЛЛОҲЁР ҲАЁТИ, ФАОЛИЯТИ ҲАҚИДА.


@KitobxonUz
•┈┈• ❀ 🌷☘️🌷 ❀ •┈┈•

Kunlarning birida Imom Shofe’iy ertalab bomdod namozidan keyin uyga qaytayotganlarida, yo‘lda bir kishiga yo‘liqdilar. U kishi salom berib, Imom Shofe’iydan
hol-ahvol so‘rab, “qanday tong ottirdingiz?” dedi.
    Imom Shofe’iy qanday tong ottirganlarini quyidagicha bayon qildilar:
   - Mendan sakkiz narsa so‘ralgan holda tong ottirdim!
   Haligi kishi hayron bo‘lib:
   - Hazrat, sizdan kim biror narsa so‘rashi mumkin? Sizning birovga ishingiz tushmaydiku? – dedi.
   - Imom Shofe’iy tabassum qilib, so‘zlarini quyidagicha izohladilar:
   - Eshit, mendan kimlar nima so‘rayapti:

   Birinchidan, Robbim mendan farzlarini so‘rayapti.

   Ikkinchidan, Rosululloh mendan sunnatlarini so‘rayaptilar.

   Uchinchidan, oila, bola-chaqam kunlik rizqlarini so‘rayaptilar.

   To‘rtinchidan, nafsim unga ergashishimni so‘rayapti.

   Beshinchidan, shayton ortidan ergashishimni so‘rayapti.

   Oltinchidan, kiroman kotibiyn farishtalari yaxshi amallarni yozdirishimni so‘rayaptilar.

   Yettinchidan, o‘tayotgan kunlar qarishimni so‘rayapti.

   Sakkizinchidan, Azroil tayyor turishimni so‘rayapti.

   Shunday qilib men mana shu so‘rovlar bilan tong ottirayapman. Har kuni
ertalab bu savollar o‘z javobini kutyapti.
   Imom Shofe’iy ni eshitgan kishi o‘ylanib turib, birozdan keyin so‘radi:
   - Ey imom, bu narsalar faqat sizdan so‘ralyaptimi, yoki mendan ham so‘raladimi?
- Buyog‘ini bilmadim, o‘zing o‘ylab ko‘raver!
   Kishi boshini quyi solib, davom etdi:
- Har kuni ertalab mendan qancha narsalar so‘ralayotgan ekan, bilmagan ekanman. Bularning javobini o‘ylab ko‘rish kerak ekan.

Siz nima deb o‘ylaysiz, sizdan ham bu sakkiz narsa so‘ralayotganmikin?

Siz ham ertalab har kuni ishingizga ketayotganingizda mana shu narsalar haqida o‘ylab ko‘rdingizmi?

🌱🌱 @KitobxonUz

Insonning bezagi

Ikki ansoriyning yeri yonma-yon edi. Birining xurmosi boshqasining yeriga kirib qolgan edi. Qo‘shnisi devorni to‘g‘ri qilib tortmoqchi bo‘ldi. Biroq qo‘shnisining xurmosi uning yeriga kirib qolar edi. U Nabiy sollallohu alayhi vasallamning huzurlariga kelib dedi:

- Ey Allohning Rasuli! Falonchining xurmosi bor. Men devorni to‘g‘ri qilib tortmoqchiman. Unga aytsangiz, xurmosini menga bersa. Men devorimni to‘g‘ri qilib olsam!

Nabiy sollallohu alayhi vasallam dedilar:

– Jannatdagi xurmo evaziga xurmoyingni unga ber!

Qo‘shnisi rad qildi. Sahobalardan Abu Dahdoh roziyallohu anhu voqeaga guvoh bo‘lib turgan edi. Majlis tarqaganidan so‘ng xurmo egasining oldiga borib dedi:

Menga o‘sha xurmoyingni bersang, senga bog‘imni beraman!

U rozi bo‘ldi. Abu Dahdoh Rasululloh sollallohu alayhi vasallamning huzurlariga kelib dedi:

- Ey Allohning Rasuli! Men butun boshli bog‘imni berib, o‘sha xurmoni sotib oldim. Xurmoni unga bering. Men unga berdim!

Shunda Rasululloh sollallohu alayhi vasallam:

- Abu Dahdohga jannatda qancha-qancha mevalarga to‘la shoxlar bor! - deya bir necha bor aytdilar! Abu Dahdoh roziyallohu anhu bog‘iga keldi. Xotini bog‘da ekan. U xotiniga aytdi:
- Ey Ummu Dahdoh! Men bog‘imizni jannatdagi bir xurmo evaziga boshqa kishiga sotdim! Xotini dedi:

- Savdo foyda beribdi!

Dunyoda haq, vojib va qonun tushunchalaridan-da, go‘zalroq tushuncha bor. Bu ehsondir. Bu insonlar bilan muomala qilishning eng oliy shaklidir. To‘g‘ri, haq haqdir. Vojibdan ko‘z yumib bo‘lmaydi. Adolat qoim turishi uchun qonun qonunligini qilishi kerak. Ammo ehson insonlarning eng oliyjanob sifati bo‘lib qolaveradi. Gohida qonun siz haqligingizni aytadi. Ammo ehson haqqingizdan voz kechishingizni taqozo qilib turadi. Agar yuqoridagi qo‘shni aslzoda bo‘lganida qo‘shnisi Rasululloh sollallohu alayhi vasallamning huzurlariga borishga majbur bo‘lmagan bo‘lar edi. Agar unda oz bo‘lsa-da, fahm va fiqh bo‘lganida jannatdagi xurmodan voz kechmagan bo‘lar edi. Ammo insonlar naqadar bechora!

Abu Dahdoh roziyallohu anhu butun boshli bog‘ini jannatdagi bir tup xurmo evaziga berib yubordi. Chunki u Habibimizning havodan gapirmasliklarini bilar edi. Ehtimol, siz ham: «Men ham Abu Dahdohning o‘rnida bo‘lganimda Nabiy sollallohu alayhi vasallamning va’dalarini tasdiqlab shunday qilar edim», dersiz. Aslida, siz har kuni Abu Dahdohning o‘rnidasiz.

Nabiy sollallohu alayhi vasallam: «Sadaqa berishdan mol kamaymaydi», deganlar. Qani, Abu Dahdohning o‘rnida bo‘ling-chi!

Mantiqni yolg‘onga chiqaring. Gʻaybga, haqiqiy va’daga iymon keltiring-chi!

Mol kamayadi. Ko‘z shunday deydi. Ammo qolgan molingizga beriladigan baraka haqida nafsingizdan so‘rab ko‘rganmisiz?!

Sizga tegmay olgan kasallik haqida nafsingizdan so‘rab ko‘rdingizmi? U sizga sadaqangizdan ko‘proq narsani yuklamoqchi edi. Ammo sadaqangiz tufayli Alloh uni sizdan daf qildi!

Kim Allohga sabablar bilan muomala qilsa, Alloh ham unga sabablar bilan muomala qiladi. Kim Allohga ishonch bilan muomala qilsa, Alloh unga moʻjizalar bilan muomala qiladi!

«Nabaviy tarbiya» kitobidan

@KitobxonUz

Аҳмад ибн Ҳарб роҳимаҳуллоҳ айтдилар:
Эллик йилдан бери Аллоҳга ибодат қиламан. Аммо уч нарсани тарк қилмагунимча ибодатнинг ҳаловатини топа олмадим:
– одамларнинг рози қилишни тарк этгач ҳақни сўзлашга журъат қила олдим.
– фосиқлар билан суҳбатни тарк қилгач, солиҳлар суҳбатини топдим.
– дунё ҳаловатини тарк қилгач, охират ҳаловатини топдим.

@KitobxonUz

Амаллардан маҳрум бўлиш гуноҳ сабаблидир

Аҳмад ибн Абу Ҳаворийдан ривоят қилинади: «Абу Сулаймон Доронийга: «Бугун эрталаб тура олмадим. Бомдод намозининг икки ракъатини ҳам ўқий олмадим. Намозни ҳам жамоат билан ўқимадим», дедим. У менга: «Ҳаммасига ўзинг сабабчисан (яъни гуноҳга қўл урганинг сабабидан бўлган). Аллоҳ бандаларига ҳеч қачон зулм қилмайди. Сенга шаҳват етибди», деди».

“Солиҳлар гулшани”дан.

@KitobxonUz

ТАВБАНИНГ ШАРОФАТИ

Мусо алайҳиссаломнинг даврида Бану Исроилга қаҳатчилик келди. Одамлар Мусо алайҳиссаломнинг олдига бориб, «Калимуллоҳ, Роббингизга дуо қилинг, ёмғир ёғдирсин», дейишди. Етмиш минг ёки ундан ҳам кўп одам саҳрога чиқди. Мусо алайҳиссалом: «Аллоҳим, ёмғир ёғдир, раҳматингни ёғдир! Эмизикли болалар, чорвалар, мункайган кексалар туфайли бизларга раҳм қил!» деб дуо қилдилар. Лекин осмон янада булутсиз бўлиб, қуёш баттар қиздира бошлади. Myco алайҳиссалом: «Аллоҳим, ҳузурингда менинг ўрним арзирли бўлмаса, охирзамонда юборадиган уммий Набий Муҳаммад соллаллоҳу алайҳи васаллам ҳурмати (ёмғир ёғдир)!» деб дуо қилдилар.
Шунда Аллоҳ: «Ҳузуримда ҳурматинг йўқ эмас, сен ҳам ҳузуримда ҳурматлисан. Лекин ичингизда қирқ йилдан бери Менга гуноҳ билан рўбарў бўладиган одам бор. Одамларга айт, у орангиздан чиқиб турсин, у туфайли сизларга ёмғир ёғмаяпти» деб ваҳий қилди. Myco алайҳиссалом: «Аллоҳим, мен заиф бандаман, овозим ҳам заиф. Булар етмиш мингдан кўп, овозим уларга қандай етиб боради?» дедилар.
Аллоҳ таоло: «Сен чақиравер, Биз етказамиз» деб ваҳий қилди. Мусо алайҳиссалом ўрнидан туриб, «Аллоҳга қирқ йилдан бери гуноҳкор ҳолда рўбарў бўладиган осий банда! Орамиздан чиқ, сен туфайли ёмғир ёғмаяпти экан», дедилар. Ўша гуноҳкор одам ўнгу сўлига қараб, ҳеч кимнинг орадан чиқмаётганини кўриб, сўралаётган одам ўзи эканини билди.
Ичида: «Ҳозир чиқсам, шарманда бўламан.
Чиқмай ўтираверсам, мен туфайли ёмғир ёғмайди» деди-да, афсус чекиб, кийимига ўралиб олди, «Аллоҳим, қирқ йилдан бери Сенга осийлик қиламан, Сен эса менга муҳлат беравердинг. Энди Сенга бўйсундим, тавбамни қабул қил», деди. У сўзини тугатмасидан осмонда булут тўпланиб, челаклаб ёмғир қуя бошлади. Мусо алайҳиссалом: «Аллоҳим, нима учун ёмғир ёғдирдинг, ахир орамиздан ҳеч ким чиқмади-ку?» дедилар. У Зот: «Ёмғир ёғмаганига сабаб бўлган кишининг тавбаси туфайли ёмғир ёғдирдим» деди. Шунда Мусо алайҳиссалом: «Бу тавба қилган бандангни менга кўрсат», дедилар. Аллоҳ таоло: «Эй Мусо! У Менга осийлик қилганида уни фош қилмаган эдим, энди Менга итоат қилаётганда фош қиламанми?» деди.

"Солиҳлар гулшани" китобидан.

@KitobxonUz

Yomon odamda ilmning ziyoda bo‘lishi zaqqumning* ildizida suvning ziyoda bo‘lishiga o‘xshaydi. Qancha sug‘orsang, shuncha achchiq bo‘laveradi.

*Zaqqum - nihoyatda achchiq mevali o‘simlik.

@KitobxonUz

Zujajada dajaja
(Shisha idishda tovuq)

Bir o‘qituvchining qanday dars o‘tishini tekshirish uchun tekshiruvchilar kelibdi.

Dars boshlanib-boshlanmay, bir o‘quvchi:

- Arab tili juda og‘ir, - debdi.

Butun sinf unga jo‘r bo‘lib:

- Ha, shunday, uni o‘rganish juda og‘ir, - deyishibdi.

O‘qituvchi holatni izga solish uchun:

- Xo‘p, bugun dars o‘tmaymiz, uning o‘rniga bir o‘yin o‘ynaymiz, - debdi.

O‘quvchilar bu taklifni bajonidil qabul qilishibdi.

O‘qituvchi doskaga bir og‘zi kichik shisha idishning ichiga solingan bir tovuqni chizib:

- Tovuqni shisha idishdan chiqaringlar, shart shuki, shisha sinmasin, tovuq o‘lmasin, - debdi.

Tabiiyki, hech bir o‘quvchi bu ishning uddasidan chiqa olmay:

- Bu bo‘lishi mumkin emas, yo idish sinadi, yo tovuq o‘ladi, - deyishibdi.

Shu payt o‘quvchilardan biri:

- Tovuqni bu idishning ichiga kim solgan? - debdi.

Bunga javoban o‘qituvchi shunday debdi:

- Mana shu to‘g‘ri javob. Tovuqni idish ichiga kim solgan bo‘lsa, o‘sha chiqaradi. Sizlar ham miyanglarga "arab tilini o‘rganish og‘ir" degan fikrni solib olgansizlar. Men har qancha uni chiqarib yuborishga urinmay, bu ishning uddasidan chiqa olmayman. Uni faqat o‘zinglargina chiqarib yubora olasiz lar.

***
Azizlar, kelinglar, biz ham zujojadan dajojani chiqarib yuboraylik.

@KitobxonUz

Foydalidir... Mohiyatni anglasa.

* * *

НАҚАДАР БУЮК ВА ГЎЗАЛ ДУО!..

Бобур Мирзо “Ҳаж китоби”нинг Арафот бобида ҳажнинг фарзи бўлмиш Арафотда туриб ўқиладиган дуоларнинг энг афзалини баён қилади. Имом Ғаззолийнинг “Иҳйо ал-ъулум ад-дийн” китобидан олинган бу дуо аллома тасаввуфий қарашларининг зубдасидир:

“Эй бир эшитиш иккинчи эшитишдан Ўзини машғул қилмайдиган Зот,
эй Ўзи учун овозлар аралашиб кетмайдиган (ҳар бир овоз эгасининг дуосини ижобат қиладиган) Зот,
эй сўраладиган нарсаларнинг кўплиги адаштириб қўймайдиган Зот,
эй (турли миллат) тиллар(и)нинг ҳар хиллиги халақит бермайдиган Зот,
эй ҳожат сўраб илтижо қилувчиларнинг сўрови малол келмайдиган Зот,
эй ҳожат сўровчиларнинг ҳожатлари Ўзини оғринтирмайдиган Зот!
Бизга авфинг лаззатини ва раҳматинг ҳаловатини тоттир!”


Устоз Мирзо КЕНЖАБЕК,
«МУБАЙЯН ВА НАСРИЙ БАЁНИ» китобидан.


@KitobxonUz
•┈┈• ❀ 🌷☘️🌷 ❀ •┈┈•

Ким Аллоҳни Роқиб исми билан таниса, хилватларда одобли бўлади ва яширин ибодатларини кўпайтиради.
- Ким Аллоҳни Мужиб исми билан таниса, узоқ вақт дуо қилишдан (ва ижобатини кутишдан) малолланмайди.
- Ким Аллоҳни Ҳафиз исми билан таниса, гарчи хавф-хатарлар қуршовида бўлсада, асло қўрқувга тушмайди, ўзини ёлғиз ҳис қилмайди.
- Кимки Аллоҳни Латиф исми билан таниса, роҳат топади, хотиржам бўлади.

@KitobxonUz