📌 “KIUT Job Fair - 2026” bo’sh ish o’rinlari mehnat yarmarkasi va “Ochiq eshiklar kuni”: yangi imkoniyatlar, muhim qadamlar hamda do’stona muhit

Toshkent Kimyo xalqaro universiteti Samarqand filialida bitiruvchilar bandligini ta’minlash hamda universitetga 2026/2027-o’quv yili uchun abituriyentlarni jalb etish maqsadida “KIUT Job Fair - 2026” bo’sh ish o’rinlari mehnat yarmarkasi va “Ochiq eshiklar kuni” bo’lib o’tdi.

Tadbirni universitet rektori, professor Akmal Allakuliyev ochib berib, tadbir ishiga omad va zafarlar tiladi. Filial direktori Nizomjon Ishonkulov universitetning Samarqand filialida amalga oshirilayotgan ishlar, ilmiy yutuqlar hamda kelajakdagi maqsad-vazifalar haqida so’z yuritdi.

Tadbirga tashrif buyurganlar ta’lim maktablari tomonidan tashkil etilgan ko’rgazma va master-klasslar orqali universitet ta’lim atmosferasi bilan tanishishdi. Bitiruvchilar esa ish beruvchi korxona va tashkilotlar bilan dastlabki suhbat jarayonlarida ishtirok etdilar.

🎓 KIUT Samarqand filiali axborot xizmati
Veb-sayt | Telegram | Instagram | Facebook | You Tube | Threads

📌 Talabalarimiz uchun xalqaro imkoniyatlar kengaymoqda

Janubiy Koreyaning Sungchon Hyang Universitetidan oliy hamshiralik yoʻnalishida 2+2 qoʻshma ta'lim dasturini yo’lga qoʻyilganligi munosabati bilan koreyalik mas’ullar Samarqand filialiga tashrif buyurishdi.

Mas’ullar Samarqanddagi maktab va Litsey bitiruvchilari bilan uchrashib imkoniyatlar haqida batafsil ma'lumot berishdi. Shuningdek, mehmonlar universitetda tashkil etilgan “Ochiq eshiklar kuni”da ishtirok etib, iliq taassurotlar olganliklarini ta’kidlashdi.

🎓 KIUT Samarqand filiali axborot xizmati
Veb-sayt | Telegram | Instagram | Facebook | You Tube | Threads