#yoshlar_kuni

📌 “Mening startap loyiham” tanlovi bo’lib o’tdi

Toshkent Kimyo xalqaro universiteti Samarqand filiali talabalarining startap loyihalari bilan tanishish, iqtidorli talabalarni qo’llab-quvvatlash maqsadida “Mening startap loyiham” tanlovi bo’lib o’tdi.

Tanlov davomida talabalar o‘zlarining innovatsion g‘oyalari, biznes-rejalari hamda zamonaviy muammolarga yechim bo‘la oladigan loyihalarini taqdim etdilar. Ishtirokchilar tomonidan ta’lim, IT, ekologiya, xizmat ko‘rsatish va tadbirkorlik yo‘nalishlaridagi istiqbolli startaplar namoyish etildi.

Hakamlar hay’ati tomonidan loyihalarning dolzarbligi, kreativ yondashuv, amaliy ahamiyati va istiqboldagi imkoniyatlari baholab borildi. Faol va tashabbuskor talabalar tomonidan ilgari surilgan g‘oyalar yig‘ilganlarda katta qiziqish uyg‘otdi.

🎓 KIUT Samarqand filiali axborot xizmati
Veb-sayt | Telegram | Instagram | Facebook | You Tube | Threads

📌 Bitiruv malakaviy ish himoyasi bo’lib o’tdi

“Liboslar dizayni” yo’nalishi bakalavriat bosqichi bitiruvchilarining bitiruv malakaviy ish himoyasi bo’lib o’tdi. Bitiruvchilar 4 yil davomida o’rgangan va yig’gan tajribalari asosida yaratgan kolleksiyalarini namoyish etdilar.

Liboslardagi milliylik va zamonaviylik uyg’unligi, har bir detalga alohida qaratilgan e’tibor va yuksak did - bitiruvchilarimizning ta’lim davomida o’zlashtirgan mustahkam bilim va tajribalari namunasidir.

🎓 KIUT Samarqand filiali axborot xizmati
Veb-sayt | Telegram | Instagram | Facebook | You Tube | Threads

📌 Andijondan gapiramiz: talabalarimiz xalqaro fan olimpiadasida faxrli o’rinlarni qo’lga kiritishdi!

Andijon davlat tibbiyot institutida o’tkazilgan “Tibbiyotning dolzarb muammolariga innovatsion yondashuv” mavzusidagi Respublika yosh olimlar ilmiy-amaliy anjumani hamda “Andijon - 2026” II xalqaro fan olimpiadasida Toshkent Kimyo xalqaro universiteti Samarqand filiali tibbiyot ta’lim yo’nalishlari talabalari faxrli o’rinlarni qo’lga kiritib, universitetimiz sha’nini munosib himoya qilishdi!

Jumladan:

🏆 Sitora Sirojiddinova - xalqaro fan olimpiadasida faxrli 1-o’rin;

🥈 Zarina Mamashukurova - 2-o’rin (restavratsion stomatologiya)

🥉 Charos Bobonorova - 3-o’rin (biokimyo)

G'olib bo'lgan talabalarimizni tabriklaymiz va yanada ulkan muvaffaqiyatlar tilaymiz!

🎓 KIUT Samarqand filiali axborot xizmati
Veb-sayt | Telegram | Instagram | Facebook | You Tube | Threads