📌 “Diniy ekstremizm va terrorizmning jamiyat rivojiga salbiy ta’siri” mavzusida davra suhbati tashkil etildi

Toshkent Kimyo xalqaro universiteti Samarqand filialida talabalar o‘rtasida ma’naviy-ma’rifiy targ‘ibot ishlarini kuchaytirish, yoshlarning huquqiy va diniy-ma’rifiy savodxonligini oshirish hamda ularni turli yot va buzg‘unchi g‘oyalar ta’siridan himoya qilish maqsadida “Diniy ekstremizm va terrorizmning jamiyat rivojiga salbiy ta’siri” mavzusida davra suhbati tashkil etildi.

Tadbir davomida diniy ekstremizm va terrorizmning mazmun-mohiyati, ularning kelib chiqish omillari va jamiyat hayotiga ko‘rsatadigan salbiy ta’siri haqida batafsil fikr almashildi. Mutaxassislar tomonidan bunday tahdidlarning nafaqat jamiyat xavfsizligi va barqarorligiga, balki yoshlarning dunyoqarashi, ma’naviy qadriyatlari, ta’lim olishi va kelajakka bo‘lgan intilishlariga ham salbiy ta’sir ko‘rsatishi haqida tushuntirishlar berildi.

Shuningdek, talabalarga diniy-ma’rifiy bilimlarni oshirish, bag‘rikenglik, o‘zaro hurmat va millatlararo totuvlik tamoyillariga amal qilish, jamiyatda tinchlik va osoyishtalikni asrash har bir fuqaroning muhim vazifalaridan biri ekani tushuntirildi. Yoshlarda vatanparvarlik, fuqarolik mas’uliyati va sog‘lom dunyoqarashni shakllantirish bunday tahdidlarning oldini olishda muhim omil ekani qayd etildi.

Mazkur davra suhbati talabalar orasida ogohlik, media va axborot savodxonligi, bag‘rikenglik hamda sog‘lom dunyoqarashni shakllantirishga xizmat qiluvchi muhim ma’naviy-ma’rifiy tadbirlardan biri bo‘ldi.

🎓 KIUT Samarqand filiali axborot xizmati
Veb-sayt | Telegram | Instagram | Facebook | You Tube | Threads

📌 “Intellektual mulk obyektlari tasnifi hamda insonning aqliy va ijodiy faoliyati natijalarini muhofaza qilish tartibi” mavzusidagi seminar tashkil etildi

Toshkent Kimyo xalqaro universiteti Samarqand filialida “Intellektual mulk obyektlari tasnifi hamda insonning aqliy va ijodiy faoliyati natijalarini muhofaza qilish tartibi” mavzusidagi seminar tashkil etildi. O'tkazilgan seminarda Adliya vazirligi huzuridagi “Intellektual mulk markazi” davlat muassasasi Samarqand viloyati filiali bosh maslahatchisi I.Ubaydullayev, KIUT Samarqand filiali rahbariyati hamda professor-o'qituvchilari ishtirok etishdi.

Seminar davomida hamkorlikdagi ishlarni takomillashtirish, intellektual mulk obyektlari tasnifi hamda insonning aqliy va ijodiy faoliyati natijalarini muhofaza qilish tartibi hamda professor-o‘qituvchilarning ilmiy faoliyat samaradorligini oshirish bo‘yicha ustuvor vazifalar muhokama qilindi.

🎓 KIUT Samarqand filiali axborot xizmati
Veb-sayt | Telegram | Instagram | Facebook | You Tube | Threads