DIQQAT ELON‼️ 📢

Assalomu alaykum hurmatli Toshkent Kimyo xalqaro universiteti Samarqand filiali talabalari! 👋

⚠️ Sizlarni 1-oktabr o'qituvchi va murabbiylar kuniga bag'ishlab, 29.09.2026 yilda talabalar o'rtasida bo'lib o'tadigan sport musobaqasiga taklif etamiz. ♟️🏓

🔹 Musobaqa shashka-shaxmat hamda stol tennisi sport turlari bo'yicha o'tkaziladi.
🔹 Barcha sportga qiziquvchi talabalar (shu jumladan, talaba qizlar) qatnashishlari mumkin. 🙋‍♀️

👉 Musobaqaning boshlanish vaqti: 14:00 ⏰
🔹 Musobaqa o'tkaziladigan joy: D bino, 112-xona (sport zali) 📍

#bayram_tabrigi

Qadrli professor-o‘qituvchilar, aziz ustozlar!

Sizlarni inson hayotidagi eng sharafli va mas’uliyatli kasblardan birini ulug‘lovchi 1-oktabr — Ustoz va murabbiylar kuni bilan chin qalbimdan muborakbod etaman.

Ustozlik — shunchaki bilim berish emas. Bu — insonning dunyoqarashini shakllantirish, uning qalbiga ishonch uyg‘otish, kelajagiga yo‘l ko‘rsatish va jamiyat taraqqiyotiga munosib avlodni tarbiyalashdir. Bugun KIUT Samarqand filialining ilmiy va ta’limiy salohiyati, obro‘si va yutuqlari haqida so‘z yuritar ekanmiz, uning zamirida, avvalo, fidoyi professor-o‘qituvchilarimizning mehnati, bilim va tajribasi mujassamligini alohida ta’kidlash lozim.

Sizlarning har bir ma’ruzangiz, har bir ilmiy izlanishingiz, har bir talabaga bergan e’tiboringiz — universitetimiz kelajagiga qo‘shilgan muhim hissadir. Bizning eng katta boyligimiz — zamonaviy bilim bilan qurollangan, mustaqil fikrlaydigan va katta maqsadlar sari intiladigan talabalarimiz bo‘lsa, ularning ortida turgan eng katta kuch — Siz, aziz ustozlarsiz.

Bugun ta’lim oldida yangi talablar, yangi imkoniyatlar va yangi mas’uliyatlar turibdi. Ishonamanki, KIUT Samarqand filiali jamoasi ana shu o‘zgarishlarning faol ishtirokchisi bo‘lib, ta’lim sifati, ilm-fan va innovatsiyalar borasida yanada katta natijalarga erishadi. Bunda har bir professor-o‘qituvchining tashabbusi, izlanuvchanligi va kasbiga bo‘lgan sadoqati alohida ahamiyat kasb etadi.

Sizlarga mustahkam sog‘liq, oilaviy xotirjamlik, ilmiy va pedagogik faoliyatingizda yangi marralar, ijodiy kuch-g‘ayrat hamda shogirdlaringizning yutuqlaridan bahramand bo‘lib yashash baxtini tilayman.

Siz bergan bilim — shogirdlaringizning kelajagi.
Siz tarbiyalagan avlod — yurtimizning ertangi kuni.
Sizning fidoyiligingiz — KIUT Samarqand filialining buguni va kelajagi.

Qadrli ustozlar, kasb bayramingiz muborak bo‘lsin! Har biringizning mehnatingiz qadrlanib, ilm yo‘lidagi izlanishlaringiz samarali, shogirdlaringizning yutuqlari esa doimo Sizga faxr va quvonch olib kelsin!

Hurmat va ezgu tilaklar bilan,
Ishonkulov Nizomjon Fayzullayevich
KIUT Samarqand filiali direktori, professor