Павлодар мұнай-химия зауытының маманы Асланбек Байкенов – Дүниежүзілік көшпенділер ойындарының екі дүркін чемпионы

🗣Бүгін Қырғыз Республикасында өткен VI Дүниежүзілік көшпенділер ойындарында 3200 метр қашықтықтағы ең қиын стайерлік бәйгеде топ жарған Асланбек Байкенов туралы айтпақшымыз. Әріптесіміз жеті елден келген 12 мықты қарсыласынан оза шауып, жарыс кубогы мен алтын медальді жеңіп алды.

🎖Спорттағы жоғары жетістігі үшін биыл қыркүйек айында Асланбек Байкенов Мемлекет басшысы Қасым-Жомарт Тоқаевтың қолынан «Құрмет» орденін алды.

– Мен Павлодар облысының Кенжекөл ауылында туып-өстім. Атқа міну мен үшін жай ғана спорт емес, бала кезден жүрегіме жақын дүние. Алда әлі талай жарыс, талай белес бар. Ең бастысы – сол жарыстарға тыңғылықты дайындалып, ел намысын абыроймен қорғау, – дейді cпортшы.

🎖Бұл – қазақстандық шабандоздың Көшпенділер ойындарындағы алғашқы жеңісі емес. Ол 2024 жылы Астанада өткен V Дүниежүзілік көшпенділер ойындарында 2400 метрлік жарыста мәреге бірінші болып жеткен еді. Осы жеңісі үшін «Ерен еңбегі үшін» медалімен марапатталған.

⚙️Күнделікті өмірде Асланбек Байкенов – Павлодар мұнай-химия зауытының жөндеу-құрылыс-монтаждау цехында тазалаушы болып еңбек етеді. Оның міндетіне жабдықтардың агрегаттары, тораптары мен бөлшектерін тазалау жұмыстары кіреді. Бұл өндірістің қауіпсіз әрі белгіленген талаптарға сай жүргізілуіне ықпал етеді.

📱 ҚазМұнайГаз

Қаражанбас кен орнын дамыту бойынша алдағы басымдықтар айқындалды

🗣«ҚазМұнайГаз» ҰК АҚ (ҚМГ) Басқарма төрағасы Асхат Хасенов Маңғыстау облысына жұмыс сапары аясында «Қаражанбасмұнай» АҚ (ҚБМ) қызметінің мәселелеріне арналған кеңес өткізді. Мұнай алу коэффициентін ұлғайту стратегиясын іске асыруға басты назар аударылды.

📊Биылғы 9 айдың қорытындысы бойынша ҚБМ 1 млн 549 мың тонна мұнай өндірді. Қосымша мұнай өндіру көлемін қамтамасыз ету үшін кәсіпорында мұнай алу коэффицентін арттыруға бағытталған шаралар кешені қолға алынды. Айталық, кен орынның Теңіз жағалауы аймағында жаңа ұңғымалар игеруге енгізіліп жатса, Шығыс учаскесінде бу мен суды кезектесіп айдаумен бірге бу-жылу арқылы әсер ету технологиялары іске қосылуда. Бұл шаралар полимерлі су айдау және бүйірлік оқпандарды бұрғылау әдістерімен қатар мұнай өндіру көлемін арттыруға ықпал етеді.

⚙️Бүйірлік оқпандарды бұрғылау тәжірибесі сәтті болды. Биыл бұл технология оқпандардың болмауы салдарынан тоқтатылып, бос тұрған қордың үш ұңғымасында қолданылды. Нәтижесінде олар қайта іске қосылды. Мұнай алу коэффициентін одан әрі ұлғайту мақсатында қиын жерлерде орналасқан, көлденең аяқталатын төрт ұңғыманы бұрғылау жұмыстары жоспарланып отыр. Осы ұңғымалардың біреуі Теңіз жағалауы аймағында бұрғыланады.

⬇️Жағалау аймағын дамыту - ресурстық базаны толықтыруға бағытталған ҚБМ-ның негізгі жобаларының бірі. Оны іске асыру геологиялық қор көлемін 12 млн тоннаға дейін, ал алынатын қорды 3 млн тоннаға дейін ұлғайтуға мүмкіндік береді. Қазіргі уақытта учаскеде 30 ұңғыма, оның ішінде 8 бағалау және 22 пайдалану ұңғымасы бұрғыланды.

🖥Компанияда цифрлық шешімдер жүйелі түрде енгізіліп келеді. 2026 жылдың қыркүйек айынан бастап ҚБМ-да «Сапарларды басқару» ақпараттық жүйесі қолданылуда. Оны кәсіпорын автопаркінің жұмысын оңтайландыру үшін ҚМГ мен «KMG Digital» ЖШС бірлесіп әзірледі. Аса қауіпті жұмыстарға рұқсат беруді автоматтандыру үшін «электрондық наряд-рұқсат» жобасы іске қосылды, еңбекті қорғау саласындағы бұзушылықтардың алдын алу үшін TUMAR бейнеталдау жүйесінің ауқымы кеңейіп жатыр. ABAI ақпараттық жүйесі аясында өндірісті оңтайландыру және инженерлік есептеулердің дәлдігін арттыру үшін жасанды интеллект алгоритмдері әзірленуде.

📌Жиын соңында ҚМГ басшысы мұнай алу коэффицентін ұлғайтуға, ресурстық базаны толықтыруға және цифрлық шешімдерді енгізуге бағытталған стратегиялық жобаларды іске асыруды жалғастыруды тапсырды.

📱 ҚазМұнайГаз

KPI отандық қайта өңдеушілермен ынтымақтастығын кеңейтуде

✍️ «Kazakhstan Petrochemical Industries Inc.» (KPI) «Инвестициялық Форсаж» бағдарламасы аясында «FIBC» ЖШС және «Taraz Plastic» ЖШС-мен келісімге қол қойды.

↗️Бағдарлама кәсіпорындарды қолдауға, олардың өндірістік қуатын дамытуға және дайын өнім өндіруде отандық полипропиленді қолдану аясын кеңейтуге бағытталған.

▪️«FIBC» компаниясы қазірдің өзінде қап өндіру үшін KPI полипропиленін пайдаланады. «Инвестициялық Форсаж» бағдарламасы аясында компания қап өндіру қуатын арттырып, елімізде бұрын өндірілмеген өнім, мультифиламентті жіп өндіруге арналған жабдық орнатты. Келісім компанияның KPI-мен ынтымақтастығын одан әрі дамытуға және полипропиленнің ай сайынғы тұтыну көлемін ұлғайтуға мүмкіндік береді.

«FIBC» ЖШС коммерциялық директоры Қайрат Тайбукенов:

KPI-мен ынтымақтастық шикізатпен тұрақты қамтамасыз етуге және көлемді одан әрі арттыруды жоспарлауға мүмкіндік береді. Полимерлік қаптама мен мультифиламентті жіп өндірісін дамыту өнім шығаруды кеңейтіп, компанияның өндірістік мүмкіндіктерін күшейтуге жол ашады.

▪️«Taraz Plastic» компаниясы да KPI полипропиленін тұрақты негізде қайта өңдеп келеді. Кәсіпорын шикізатты шөпті престеп бууға арналған шпагат өндіруде пайдаланады. «Инвестициялық Форсаж» бағдарламасы аясында кәсіпорын өндірістік қуатын ұлғайтып, өнім шығаруды одан әрі кеңейтуді жоспарлап отыр. Осыған байланысты компания полипропиленнің ай сайынғы тұтыну көлемін арттырады.

✔️«Инвестициялық Форсаж» бағдарламасы - отандық қайта өңдеушілерді қолдаудың негізгі құралдарының бірі. Бағдарлама аясында KPI кәсіпорындарға жабдық сатып алу және өндірістік қуаттарды дамыту жобаларын іске асыруға қолдау көрсетеді.

📱 ҚазМұнайГаз

KPI расширяет сотрудничество с отечественными переработчиками

✍️ «Kazakhstan Petrochemical Industries Inc.» (KPI) подписал с ТОО «FIBC» и ТОО «Taraz Plastic» соглашения в рамках программы «Инвестиционный Форсаж».

↗️Программа направлена на поддержку предприятий, развитие их производственных мощностей и расширение применения казахстанского полипропилена при производстве готовой продукции.

▪️Компания FIBC уже использует полипропилен KPI для производства мешков. В рамках программы «Инвестиционный Форсаж» компания увеличила производственные мощности по выпуску мешков и установила оборудование для производства мультифиламентной нити — продукции, которая ранее в Казахстане не производилась. Подписанное соглашение позволит компании продолжить развитие сотрудничества с KPI и увеличить ежемесячные объемы потребления полипропилена.

Коммерческий директор ТОО «FIBC» Кайрат Тайбукенов:

Сотрудничество с KPI позволяет нам стабильно обеспечивать производство отечественным сырьем и планировать дальнейшее увеличение объемов. Развитие производства полимерной упаковки и мультифиламентной нити позволит расширить выпуск продукции и укрепить производственные возможности компании.

▪️Taraz Plastic также является действующим переработчиком полипропилена KPI. Компания использует сырье в производстве шпагата для тюкования сена. В рамках программы «Инвестиционный Форсаж» предприятие развивает производственные мощности и планирует дальнейшее расширение выпуска продукции. Компания также планирует увеличить объемы закупа полипропилена KPI.

✔️Программа «Инвестиционный Форсаж» является одним из инструментов поддержки отечественных переработчиков. В рамках программы KPI содействует предприятиям в реализации проектов по приобретению оборудования и развитию производственных мощностей.

📱 ҚазМұнайГаз

Алматыға flydubai алғашқы жүк рейсін орындады: ҚМГ-Аэро әуе кемесіне жанармай құюды қамтамасыз етті

✈️Алматы халықаралық әуежайы flydubai әуе компаниясының Дубай – Алматы – Дубай бағыты бойынша алғашқы жүк рейсін қабылдады. «ҚазМұнайГаз» ҰК АҚ-ның еншілес ұйымы – ҚМГ-Аэро әуе кемесіне жанармай құю қызметін көрсетті.

🛫Жаңа жүк бағыты Орталық Азиядағы ірі авиациялық орталықтардың бірі - Алматы қаласы мен халықаралық авиация әрі логистика хабы саналатын Дубай арасындағы байланысты нығайтады. Рейстер Boeing 737 ұшағымен аптасына бір рет орындалады.

🟦Алматы халықаралық әуежайы жаңа бағытқа қажетті инфрақұрылым мен жерүсті қызметтерін қамтамасыз етеді. Ал ҚМГ-Аэро әуе кемелеріне «ұшақтың қанатына» жанармай құю қызметін көрсетеді.

🟦ҚМГ-Аэро компаниясы flydubai әуе тасымалдаушысымен 2023 жылғы желтоқсан айынан бері жұмыс істеп келеді. Бұған дейін серіктестік жолаушылар рейстерін ғана қамтыса, 2026 жылғы қазаннан бастап жүк тасымалы бағытында да жалғасын тапты.

🟦Жаңа бағыт Қазақстан мен Біріккен Араб Әмірліктері арасындағы жүк тасымалдау мүмкіндіктерін кеңейтіп, Алматының өңірдегі жетекші авиациялық және логистикалық орталық ретіндегі позициясын нығайтады.

✔️Бұл жұмыс Мемлекет басшысының Қазақстанның Еуразия кеңістігіндегі жетекші авиациялық хаб ретіндегі рөлін күшейту және елдің көлік-логистикалық әлеуетін дамыту жөніндегі тапсырмалары аясында жүзеге асырылуда.

✔️Жалпы, «ҚМГ-Аэро» еліміздің әуежайларында авиаотынмен қамтамасыз етудің ашық, тұрақты әрі бәсекеге қабілетті жағдайлар жасау, сондай-ақ жетекші халықаралық әуе тасымалдаушыларымен ынтымақтастықты кеңейту бағытындағы жүйелі жұмыстарын жалғастырып келеді.

📱 ҚазМұнайГаз