O‘ZBEK TILIM-ONA TILIM!

Qo‘qon shahar axborot kutubxona markazi "Amiriy" kutubxonasida QDU va QU bilan hamkorlikda o‘zbek tiliga Davlat tili maqomi berilgan kunga bag‘ishlangan tadbir bo‘lib o‘tdi.
Qo‘qon shahar hokimining Davlat tili masalalari bo‘yicha maslahatchisi Dilfuzaxon Alimova, QDU professori Burhonjon Aminov, o‘qituvchi Rustamjon Ummatovlar ona tilimizning naqadar boy, jozibador ekanligi haqida gapirib uning kundalik hayotimizdagi ahamiyati naqadar muhim ekanligiga yoshlar e'tiborini qaratdilar.

AVLODLAR UCHRASHUVI.

Bugun Qo‘qon shahar ixtisoslashgan san'at maktabida ushbu ilm dargohida ta'lim-tarbiya olgan, hozirda shahar axborot kutubxona markazi direktori lavozimida ishlab kelayotgan Rustamjon Husanov bilan o‘quvchilarning uchrashuvi bo‘lib o‘tdi.
Ilmgohning bo‘lim boshlig‘i Elmurodjon Uzoqov, ona tili va adabiyoti fani o‘qituvchisi Muqaddasxon Ibrohimovalar R. Husanovning bu dargohdagi o‘quvchilik davri xotiralaridan so‘zlab berdilar.
Rustamjon Husanov ilm olish va mehnat faoliyati haqida o‘quvchilarga gapirib berish asnosida ularni astoydil o‘qib-o‘rganish, eng oliy maqsadlar sari dadil olg‘a intilishga da'vat etdi, o‘g‘il-qizlarni qiziqtirgan savollarga batafsil javob berdi, ixtisoslashgan san'at msktabi kutubxonasiga "Zavqiy" hayriya jamoat fondi mablag‘lari hisobidan chop etilgan "Mahmud Hakim Yayfoniy" kitoblarini sovg‘a qildi.
O‘quvchi-yoshlar ijrosidagi kuy-qo‘shiqlar tadbirga yanada fayz kiritdi.