کۆمەڵەی شۆڕشگێڕی زەحمەتکێشانی کوردستانی ئێران
369 members
1.11K photos
23 videos
11 files
334 links
Download Telegram
to view and join the conversation
هاوڕێیانی بەڕێز
لەم سەردەمە نوێیەدا وەكوو قۆناغی تێپەڕبوون، هەروەها لە ئاسۆی گەیشتن بە ئارامی و سەقامگیری و دوای ئەوەش، لەپێناو گەشەسەندن و پێشكەوتن، حزوور و هەڵسووڕان و دەور و نەقشی ژنانی چالاك و پێشەنگ پێویستیێكی حاشاهەڵنەگرە. ژنان لە ئێرانی ئێستادا گەرم و گوڕتر لە جاران، لە هەموو ڕەهەند و بوارەكانی ژیان و خەباتدا چالاكی دەكەن و زۆرجار وەكوو ڕێنوێن و ڕێكخەر و بەڕێخەری خەڵك، لە بەرامبەر ڕژیمی تۆتالیتێر و كۆنەپەرەستی كۆماری ئیسلامی ئێران ڕادەوەستن. لە پاڵ داواكاری بۆ مافە تایبەتەكانیان، ناڕەزایەتییە سیاسی، ئابووری، كۆمەڵایەتی و كولتوورییەكان سازمان ئەدەن. میحوەری زۆربەی ناڕەزایەتیەكان و لە ڕێزی پێشەوەی خۆپیشاندانەكانن، لە دەنگی هەموو چین و توێژەكان پاڵپشتی دەكەن، لە پشت بوڵێندگۆكانەوە نەترسانە وتار ئەدەن، بە دیوارەكاندا درووشم دەنووسن، لەچك و ڕووسەرییەكان دەكەنە هێمای دەنگهەڵبڕین و دەیان ڕێگای داهێنەرانەی دیكەیان بۆ ناڕەزایەتی دەربڕین هێناوەتە مەیدان.كۆی ئەمانە دەرخەر و نیشانەی زیندوویەتی و بووژانەوەی بزووتنەوەی ژنانە كە جیا لە پێداگری لەسەر خواستەكانی، بەرامبەر بە گۆڕانكاری و كێشە و پرسەكانی كۆمەڵگاش بێ دەنگ نییە و بێ هەڵوێست نابێت.

ژنانی چالاك و خۆڕاگر
جارێكی دیكە پەیامی ڕوون و ئاشكرامان دووپات دەكەینەوە، ئێمە وەكوو كۆمەڵە، پێكهاتوو لە ژنان و پیاوانی یەكسانیخواز، ئازادیخواز، عەداڵەتخواز و ڕچەشكێن، لەسەر ئەركی مرۆڤانە، بەرپرسایەتی كۆمەڵایەتی و ئەخلاقی شۆڕشگێڕانەمان هەروەها بەپێی فەرهەنگ و باوڕ و ئامانجەكانمان، هەموو هێز و وزەمان دەخەینە گەڕ لە پێناو پاڵپشتی و پشتگیری لە خەباتی ئێوە بۆ یەكسانی و گەیشتن بە مافەكانتان و بە هەموو توانا و ئیمكاناتەوە پاڵنەر و پشتیوانی ئێوەیەن. هەر وەكوو مێژوو، لە ئێستا و لە داهاتووشدا بەرامبەر بە توندوتیژی لە دژی ژنان، كولتووری دژەژن و ڕوانگەی دواكەوتووانە دەوەستینەوە. ماف و خواستی ژنان لە لووتكەی ئاڵای ئێمەدایە و بە گوڕی لە دەمارەكانی ڕێبازەكەماندا دەگەڕێت.
كۆمەڵە لە هەموو ژنانی چالاكی ئازادیخواز و یەكسانیخواز و عەداڵەتخواز داوا ئەكا، نەك هەر بە تەنیا بەبۆنەی گەیشتن بە مافەكانی خۆیان بەڵكوو شانبەشانی پیاوان بێنە مەیدانی خەبات و پانتایی ئەركەكانیان بەرینتر و ئاستەكەی بەرز كەنەوە بۆ گەیشتن بە ئازادی و بەرەوپێشچوون و پێشكەوتنی كۆمەڵگا.
كۆمەڵگای ئێمە بەرەو گۆڕانێكی قووڵ دەروات، چاوەڕوانی ئێمە ئەوەیە كە بەرزترین و كاریگەرترین دەنگ و ڕەنگتان هەبێت و بەپێی سوننەتی كوردەواری گرینگترین ڕۆڵ بگێڕن لەم گۆڕانكاریانەدا.
ڕزگاربوونی هەر نەتەوە و كۆمەڵگایەك پێوسیتی بە ئازادبوونی ژنانە بۆ پەروەردەكردنی كچان و كوڕانی ئازادیخواز و سەربەست.

سكرتارییەتی كومیتەی ناوەندی كۆمەڵەی شۆڕشگێڕی زەحمەتكێشانی كوردستانی ئێران
25 نۆڤامبری 2018
http://www.komala.org/dreja.aspx?=hewal&jmare=5605&Jor=2
ڕاگەیاندنی كۆتایی پلێنۆمی سێی كومیتەی ناوەندیی كۆمەڵە

له ‌ڕۆژانی ڕابردوو، لە مانگی خەزەڵوەری ١٣٩٧ی هەتاوی و نۆڤامبری 2018ی زایینی، پلێنۆمی كومیتەی ناوەندیی كۆمەڵە، به ‌بەشداری سەرجەم ئەندامانی كومیتەی ناوەندیی، دوای چەند ڕۆژ كاری چڕوپڕ لەسەر چەندین بابەتی گرینگ، بەسەركەوتوویی كۆتایی بە كارەكانی خۆی هێنا.
پلێنۆمی ٣ی كومیتەی ناوەندیی هەڵبژێردراوی پازدەهەمین كۆنگرەی كۆمەڵه، ‌دوای بیستنی ڕاپۆرتی لێژنەی ئامادەكاری پلێنۆم، بە ڕاپۆرتی سكرتێری گشتیی درێژە‌ی به ‌كۆبوونەوەكەی خۆی‌دا. ئەم ڕاپۆرتە، به ‌ئاماژە‌ به ‌دۆخی هەستیاری سیاسی، ئابووری و كۆمەڵایەتی ئێران، قۆناغێكی نوێ له ‌مێژووی دەسەڵاتی سیاسی كۆماری ئیسلامی ئێران دەست‌نیشان كرد. بە دوای بزووتنەوە ناڕە‌زایەتییەكەی ‌١٧ی بەفرانباری ١٣٩٦ی هەتاوی، هەم شەرعییەت و هەم ئیقتدار و هەیبەتی كۆماری ئیسلامی گورزێكی گەورەی خواردووە. لەهەمان كاتدا جێگە و پێگەی رێفۆرمخوازان وەك گەورەترین كۆسپی سەر ڕێگای شۆڕشی سەرنگوونی‌خوازی بەرەو لاوازییەكی بەرچاو ڕۆیشتووە. لە دیاردەكانی گرینگی ئەم قۆناغە، دەركەوتنی داڕمانێكی بێ‌چارەسەری ئابوورییە. جەماوەری ناڕازی ڕاستەوخۆ بە ویستی گۆڕینی بنەڕەتی لە نیزامی سیاسی وڵات ڕژانە سەر شەقامەكان. هەروەها لە بەشێكی دیكەی ڕاپۆرتەكەدا ئاماژە‌كرا بە فرەچەشنی لە شۆڕشی نوێی ئێران لەم قۆناغەدا، كه ‌به ‌پێچەوانەی بزووتنەوەی سەوز و سەرجەم چالاكی ڕێفۆرمخوازی كه ‌ناوەندگەرا بوو، بزووتنەوەی ئێعترازی لەم قۆناغه ‌نوێیەدا فرەچەشنە و داخوازییەكانی چین و توێژە جیاوازەكانی كۆمەڵگا تێیدا ڕەنگدانەوەیەكی دیاری هەیە. چین و توێژە ‌هەژارەكان ڕۆڵێكی بەرچاوی تێدا دەگێڕن. لە لایەكی دیكەوە، هەرچەند بزووتنەوەی نوێ پانتاییەكی بەرچاوی لەباری جوگرافیاییەوه ‌بەخۆیەوە گرتووە، بەڵام جەماوەری ملیۆنی هێشتا شەقامەكانیان نەگرتووە و نەبۆتە ڕاپەڕینێكی یەكلاكەرەوەی جەماوەری، كە دامودەزگاكانی دەسەڵاتی سیاسی سەرەڕۆی ئایینی تێكبشكێنێ، بەڵام بە بێ گومان و بەئاشكرا ڕە‌وتی رووداوەكان بەرەو ئەو ئاراستەیە دەڕوات و كۆماری ئیسلامی جا بە هەر سێناریۆیەك بێت، لەكۆتایی تەمەنی پڕ له ‌زوڵم و زۆر و وێرانكەری خۆی دایه.
له ‌درێژە‌ی ڕاپۆرتەكە ئاماژە‌كرا به ‌دۆخی هێزە نەیارەكانی كۆماری ئیسلامی له ‌ئاست ئێران و هەروەها ‌كوردستان. بەپێچەوانەی كوردستان، ئۆپۆزیسیۆنی ئێرانی ناوەندێكی نیه ‌كه ‌لە لایەن زۆربەی خەڵكەوە پەسەند كرابێت. هەرچەند كۆمەڵێك هەوڵ دراوه، ‌بەڵام دەرئەنجامێكی چارەسازی لێ‌نە‌كەوتۆتەوە.
پلێنۆم لەسەر ئەو بڕوایەبوو كە له ‌كوردستان بەپێچەوانەی بزووتنەوەی سەرتاسەری ناوەندێك هەیه ‌كە دەتوانێ و دەبێ لە كاتی هەستیار و پێویست بڕیاره چارەنووس‌سازەكان بەناوی هەموو گەلی كورد بدات. ڕووداوەكانی ئەم دوایانه ‌و بانگەوازی حیزبەكان بۆ مانگرتنی سەرتاسەری نیشانیدا كە پڕوپاگەندەی، بێ‌جێگە و پێگە لە دژی حیزبەكان، هیچ بنەمایەكی نیە و حیزبەكانی رۆژهەڵات دەور و ڕۆڵێكی گرینگیان هەیە له ‌جوڵاندنی جەماوەری كوردستان. پێكهاتنی "ناوەندی هاوكاری" پێنج حیزبی كوردستانی ڕۆژهەڵات، هەنگاوێكی گەوره ‌و گرینگ بوو و پلێنۆم جەختی كردەوە لە سەر پشتیوانی تەواو لەو هەنگاوە. بەڵام لەهەمان كاتدا پلێنۆمی سێهەمی كۆمەڵە لەسەر ئەو باوەره ‌بوو كە هێشتا كاری زۆر ماوە بۆ دروست كردنی (مەرجەع) و ناوەندێكی بڕیاردان و ئیجرایی كه ‌بتوانێ هەر بەو شێوەیەی‌ لە سەرەوه ‌ئاماژەی پێكرا بەناوی هەموو نەتەوەی كورد بڕیار بدات. پلێنۆمی سێهەم لەو ئاراستەیەدا‌چەند هەنگاوێكی گرینگی دەست‌نیشان كرد.
لە راپۆرتەكه هەروەها ‌ئاماژە ‌بەوەكرا كە دەبێ كار بكرێ بۆ سەنكرۆنیزەكردنی بزووتنەوەی كوردستان و بزووتنەوە له ‌ئاستی سەرتاسەری، بەجۆرێك كە گورزی كوشەندەتر بەر دەسەڵاتی دیكتاتۆری لەئێران بكەوێ. لەسەر ئەو ڕاستیەش تەئكید كرا كه ‌بزووتنەوە كۆمەڵایەتییەكان گرینگی و كاریگەری زۆرتریان پەیدا كردووە. ئەنجوومەنە ناحكوومیەكان لەسەر ژینگە، كەمپەینی هاوكاری بومەلەرزە لێدراوەكان، كەبوو بەحەرەكەتێكی جەماوەری گرینگ، پشتیوانی بەرینی جەماوەری خەڵكی كوردستان لە كەمپەینی دژی لەسێدارەدانی زیندانیانی سیاسی، مانگرتنی گشتی به ‌دوای ئێعدامی ڕامین حسێن پەناهی، لوقمان و زانیار مورادی و موشەكبارانی سەركردایەتی حیزبە كوردییەكان، تەنیا بەشێكن لەو بزووتنەوەكۆمەلایەتیانەكە ناو و ناوبانگ و پرستیژێكی گەورەی بۆ نەتەوەی كورد لەكوردستانی ڕۆژهەڵات دەستەبەر كردووە. بەبێ گومان هەڵوێست گرتن بەرامبەر به ‌دواخوازییەكانی نەتەوەی كورد و نەتەوه ‌بن دەستەكانیتریش چالشێكی گەورە دەبێ لەبەردەم هێز و گرووپە سیاسییەكانی ئێرانی.
لەئاكامی ئەو لێكدانەوەیه ‌پلێنۆم وێڕای پشتیوانی لە چالاكییەكانی تا ئێستای كۆمەڵه،‌ چەند هەنگاوێكی زۆر گرینگی بۆ كاری داهاتووی خۆی، چ لەبواری بزووتنەوەی سەرتاسەری و هەم لە هەمبەر بزووتنەوەی كوردستان پەسەند كرد. هەوڵ و كۆششی زۆرتر بۆ یەكگرتووی و یەكدەنگی زۆرتری هێزه ‌سیاسیەكانی كوردستان لەبواری چالاكی ناوخۆیی و دیپلۆماسی ناوچەیی و نێونەتەوەیی، یەكێك لەو هەنگاوانە بوو.
پلێنۆم هەم لەتوێی ڕاپۆرتی سكرتێری گشتی و هەم له ‌باس و لێكدانەوەكانی ئاجێندای كاری خۆی، چاوەڕوان دەكرێ لە داهاتوویەكی نزیكدا دۆخی سیاسی لە ئێران بگات به ئاڵوگۆڕی بنەڕە‌تی له ‌هاوكێشه ‌سیاسییەكان بە قازانجی خەڵك لەكۆمەڵگای ئێران و كوردستانیش. هەر لەو پەیوەندەدا ‌پلێنۆم جەختی تایبەتی كرد لەسەر بڵاو كردنەوه ‌و شیكردنەوەی زۆرتری گوتاری كۆمەڵه ‌لە بوارەكانی سیاسەت و بەرنامە كۆمەڵایەتییەكان، لەلایەن ئۆرگانەكانی پێوەندیدارەوە.
بەگشتی پلێنۆم وێڕای دەستنیشان كردنی ئەو دەرفەتانەی بەقازانجی شۆڕش و بزووتنەوه ‌دێتەپێش و ئامادەكاری بۆ كەڵك وەرگرتن لەوانە، باس و گفتوگۆی زۆریشی كرد لە هەمبەر هەڕەشه و مەترسییەكانی سەر رێگای كاری كۆمەڵه و بەو مەبەستەش ڕێ‌وشوێنی گونجاوی بۆ ڕووبەڕووبوونەوه ‌لەگەڵ ئەو مەترسیانه ‌خستەڕوو. نابێ له ‌بیرمان بچێتەوەكۆماری ئیسلامی لەكاتێكدا خۆی لە ژێر گوشارە ناوخۆییەكان، وەك ئێعترازی بەرینی‌ خەڵك و هاوكات گوشارە دەرەكییەكان دەبینێ، لە هەر كاتێكی دیكه ‌زۆرتر لە فیكری پیلانگێڕی به ‌دژی حیزبه ‌سیاسییەكان و لەوانە كۆمەڵە دایه. لەسێدارەدانی چالاكانی كورد و موشەكبارانەكان ڕیك لە هەلومەرجێكی ئاوادا ڕوودەدا.
پلێنۆمی سێهەمی كومیتەی ناوەندیی كۆمەڵه، هەڵبژێردراوی كۆنگرەی پازده، دوای تاوتوێ كردنی هەموو خاڵەكانی ئاجێندا و دیاری كردنی لێژنە و بەرپرس بۆ جێبەجێ كردنی بڕیارەكان و هەروەها هەڵبژاردنی دەفتەری سیاسی، سەركەوتووانه ‌كۆتایی بەكارەكانی هێنا.

كومیتەی ناوەندیی كۆمەڵەی شۆڕشگێڕی زەحمەتكێشانی كوردستانی ئێران
26ی نۆڤامبری 2018ی زایینی

http://www.komala.org/dreja.aspx?=hewal&jmare=5606&Jor=1
ڕاگه‌یاندنی سكرتارییه‌تی كومیته‌ی ناوه‌ندیی کۆمەڵە

ماوه‌ی چه‌ند ڕۆژێكه‌ له‌ ژێرناوی خه‌سارناسی له‌ تۆڕه‌ كۆمه‌ڵایه‌تییه‌كان و به‌ تایبه‌ت فه‌یسبووك باسێكی هه‌ستیاری وه‌ك "شه‌ڕی ناوخۆیی" له‌ كوردستانی ڕۆژهه‌ڵات له‌ نێوان كۆمه‌ڵه‌ و دیموكرات وروژاندراوه‌ و بۆته‌ هۆی كه‌شێكی ناته‌ندروست له‌ دنیای مه‌جازی. كار بۆ دروستكردنی كه‌ش و هه‌وایه‌كی له‌و چه‌شنه‌ له‌ ژێر هه‌ر ناوێك و به‌ هه‌ر به‌هانه‌یه‌ك وه‌ك خه‌سارناسی به‌ بێ هیچ كۆنترۆلێك له‌ سه‌ر ئه‌و ئاراسته‌یه‌ی باسه‌كان پێدا تێده‌پرن، نه‌ ته‌نیا نابه‌رپرسانه‌یه‌ به‌ پێچه‌وانه‌ی هه‌موو پێویستییەکانی هه‌نووكه‌یه‌ بۆ یه‌كگرتوویی زۆرتر و یه‌كده‌نگی هێزه‌سیاسیه‌كانی كوردستانی رۆژهه‌ڵات و ده‌چێته‌ گیرفانی نه‌یاران و دوژمنانی بزووتنه‌وه‌ی كوردستانەوە. كومیته‌ی ناوه‌ندی کۆمەڵە داوا له‌ سه‌رجه‌م ئه‌ندامان و لایەنگران و دۆستان و دڵسۆزانی كۆمه‌ڵه‌ و بزووتنه‌وه‌ی كوردستان ده‌كا كه‌ خۆ له‌ به‌شداری له‌و باسانه‌ بپارێزن و به‌شداری ژوور و لایوه‌كانی به‌ڕێوه‌به‌رانی نه‌كه‌ن.

کۆمەڵەی شۆڕشگێڕی زەحمەتکێشانی کوردستانی ئێران_ سکرتارییەتی کومیتەی ناوەندی
٣٠ی نوامبری ٢٠١٨
٩ی سەرماوزی ١٣٩٧ ھەتاوی
http://www.komala.org/dreja.aspx?=hewal&jmare=5607&Jor=2
وەفدێکی کۆمەڵە سەردانی حیزبی دێمۆکراتی کوردستانی کرد

ڕۆژی شەممە 10ی سەرماوەزی 1397ی هەتاوی (1ی دێسامبری 2018ی زایینی)وەفدێکی کۆمەڵەی شۆڕشگێڕی زەحمەتکێشانی کوردستانی ئێران سەردانی حیزبی دێموکراتی کوردستانی کرد.
وەفدی کۆمەڵەی شۆڕشگێر پێکهاتبوون لە هاوڕێیان ساڵەح شەریفی و عەبدوڵڵا ئازەربار ئەندامانی دەفتەری سیاسیی، بەختیار عەلیار، ئازاد قوبادی پوور و کاکۆ عەلیار، ئەندامانی کومیتەی ناوەندی و ئیدریس عەبدی ئەندامی جێگری کومیتەی ناوەندی و لەلایەن بەرێز مستەفا مەولوودی سکرتێری حیزبی دێموکراتی کوردستان پێشوازیان لێکرا.
لەم دانیشتنەدا، وەفدی کۆمەڵە بە خستنە بەرباسی چەند پێشنیار سەبارەت بە کارەکانی داهاتووی ناوەندی هاوکاریی حیزبەکانی کوردستانی ئێران وەکوو هەیئەتی دیپلۆماسی هاوبەش، دانانی تەلەفیزیۆنی هاوبەش و کاری ئەمنییەتی هاوبەش و هتد تێبینی و بۆچوونەکانی کۆمەڵەی شۆڕشگێڕی بە ڕاشکاوی پێشکەش کرد. هەر دوولا هاوڕابوون لەسەر ئەوەی کە کارەکانی ناوەندی هاوکاری بە شێوەیەکی سیستماتیکتر بەرەو پێشەوە بڕوات و هەندێک پرس و کاری نوێ بۆ کار کردن لە ناوەند پێشکەش بە ناوەندی هاوکاریی حیزبەکانی کوردستانی ئێران بکەن. وەفدی کۆمەڵەی شۆڕشگێڕ گوێی لە تێبینی و بۆچوونەکانی حیزبی دێموکراتی کوردستان گرت لەسەر ئەو بابەتانە و لەو بارەوە ئاڵۆگۆڕی بیروڕا کرا.
http://www.komala.org/dreja.aspx?=hewal&jmare=5608&Jor=1
ڕاگەیاندنی سكرتارییەتی كۆمیتەی ناوەندی بە بۆنەی ١٦ ی سەرماوەز رۆژی خوێندكارەوە

خوێندكاران و چالاكانی خوێندكاری
مامۆستایان
لە رۆژژمێری نافەرمی ئێراندا رۆژی ١٦ی سەرماوەز وەك رۆژی خوێندكار بۆ رێزگرتن لە خەباتی خوێندكاران و زانستخوازان دیاری كراوە. ئەم رۆژە نەك لە رۆژژمێری حكوومەتی بەڵكوو لە بیرەوەری جەماوەر و خوێندكاران و ئازادیخوازاندا بەم ناوەوە دیاری كراوە. لەم رۆژەداو بە بۆنەی هاتنی ١٦ی سەرماوەزەوە پیرۆزبایی لە سەرجەم خوێندكاران و چالاكانی خوێندكاری دەكەین. لەم رۆژەدا وێڕای رێزگرتن لە خەباتی خوێندكاران و چالاكانی خوێندكاری بە درێژایی زیاتر لە ٦ دەیە لە وەستانەوە دژ بە دەسەڵاتی رەها و دیكتاتۆری.

رۆژی١٦ سەرماوەز لە ئێران بە رۆژی خوێندكار ناسراوە، بەم بۆنەوە پیرۆزبایی ئەم رۆژەتان لێ دەكەین و هیوادارین ئەم رۆژە ببێت بە رەمز و سیمبۆلی خەبات بۆ دیمۆكراسی و ئازادی.

١٦ سەرماوەز رەمزی وەستانەوەیە دژ بە دەسەڵاتی سەرەڕۆ و وتنی (نا)یە بە دیكتاتۆرەكان.
رۆژی ١٦ی سەرماوەزی ١٣٣٢ی هەتاوی، لە لایەن هێزە ئەمنیەتی و سەربازییەكانی رژیمی پاشایەتییەوە هێرش كرایە سەر خۆپیشاندانی زانستگای تاران، كە بە نارەزایەتی بە هاتنی نیكسۆن، جێگری سەرۆك كۆماری ئەوكاتی ئەمریكا خۆپیشاندانیان رێك خستبوو. بە هۆی هێرشی هێزە سەربازییەكانەوە سێ خوێندكار بە ناوەكانی مستەفا بوزورگ نیا، ئەحمەد قەندچی و مەهدی شەریعەت رەزەوی گیانیان لەدەستدا. لەو كاتە بەدواوە لە لایەن چالاكانی خوێندكاری و كۆمەڵایەتییەوە رۆژی ١٦ سەرماوەز وەك رۆژی خوێندكار و وەك رەمزی خەباتی خوێندكاران لە ئێران دیاری كراوە. دیاری كردنی ئەم رۆژە رێزگرتنە لە خەباتی خوێندكاران لە ئێران كە چ لە سەردەمی پاشایەتی و چ لە سەردەمی پاش هاتنە سەركاری كۆماری دەوری كارایان هەبووەو هەیە بۆ وەستانەوە دژ بە دەسەڵاتی سەرەڕۆ و تاك رەهەند.
خوێندكاران لە خەبات دژ بە رژیمی پاشایەتی و رووخانی ئەم رژیمە دەوری كارایان هەبوو. هەرچەند هەوڵی ئەوان بۆ دیمۆكراسی و ئازادی كرانەوەی سیاسی، لە لایەن دەسەڵاتدارانی كۆماری ئیسلامی لەبار برا و خوێندكاران هەر لە یەكەم ساتەكانەوە كەوتنە بەر هێرشی ئەم دەسەڵاتە. پرۆژەی ئینقلابی فەرهەنگی كە بوو بە هۆی دەركردنی ژمارەیەكی زۆر لە خوێندكاران و مامۆستایانی بیرجیاواز، بە ئیسلامی كردنی زانستگاكان و بەرگرتن بە دروست بوونی هەر چەشنە رێكخراوێكی خوێندكاری ناحوكمی و بە پێچەوانەوە درووستكردنی رێكخراوی خوێندكاری حكوومەتی وەك ئەنجومەنە ئیسلامییەكان لەو هەنگاوانە بوون كە رژیم هەر لە سەرەتای بە دەسەڵات گەیشتنییەوە گرتوویەتە بەر و ئێستاش هەر سوورە لە سەر ئەنجامدانی.
دەسەڵاتی كۆماری ئیسلامی هەر چەشنە چالاكییەكی خوێندكارانی بە زیانێكی گەورە زانیوە بۆ بنەماكانی دەسەڵاتەكەی و هەوڵی داوە سەركوتی بكات، لەوانە هێرش بۆ سەر خوێندكاران لە ١٨ی پووشپەڕی ١٣٧٨ و دەستگیركردن و زیندانی كردنی خوێندكاران و چالاكانی خوێندكاری.
خوێندكارانی كوردستانیش سەرەڕای هەموو كەند و كۆسپەكان هەموو دەم بەشێك بوون لە بزووتنەوەی كۆمەڵایەتی-سیاسی كوردستان و هەن.بەشێكی زۆر رەوتی شۆڕش لە كوردستانی رۆژهەڵات لە زیاتر لە ٥ دەیەی رابردوودا رەوتێك بووە لە ناو زانستگاكانەوە هەڵقوڵاوە و زانستگاكان بوون بە كوانووی پێگەیشتنی نەسڵە نوێیە یەك لە دوای یەكەكانی خەباتكارانی كوردستان. هەرچەند بزووتنەوەی خوێندكاری كورد لە كوردستانی رۆژهەڵات رەنگە زۆر دانەبڕاو نەبێت لە بزووتنەوەی خوێندكاری لە ئێران، بەڵام بێگومان ئەم بزووتنەوەیە تایبەتمەندی خۆی هەیە، تایبەتمەندییەك كە وا دەكات لە بزووتنەوەیەكی تەواو سێنفییەوە بگۆڕدرێت بە بزووتنەوەیەكی سێنفی بە خواستی سیاسی-كۆمەڵایەتییەوە.
كۆڕ و كۆبوونەوەكانی تایبەت بە خوێندكارانی كورد لە زانستگا جیاوازەكان، هەر لە یادەكانی هەڵەبجەو نەورۆزەوە بگرە تا بچوكترین دەرفەتەكان ئەو هەلانە بوون كە خوێندكارانی كورد هەوڵیانداوە كەڵكیان لێ وەربگرن بۆ خۆ رێكخستن. هەرچەند لە لایەن دەسەڵاتدارانەوە گوشاریان خراوەتە سەر و ژمارەیەك لە خوێندكاران قۆڵبەست كراون یان گیانیان لە دەست داوە، كە دەتوانین ئاماژە بدەین بە ئیبراهیم لوتفوڵاهی، چالاكی خوێندكاری كە بە دەستی دەسەڵاتداران گیانی لە دەستدا.
بزووتنەوەی خوێندكاری و پەیوەندی لەگەڵ چین و توێژەكانیتر
یەكێك لەو فاكتەرانەی دەتوانێت ببێت بە هۆی كاریگەری زیاتری بزووتنەوەی خوێندكاران لە كۆمەڵگا، پەیوەندی گرتنی بزووتنەوەی خوێندكارییە لەگەڵ بزووتنە كۆمەڵایەتی و پیشەیی و سیاسییەكانی دەرەوەی زانستگا. لە ئێستادا كە بزووتنەوە كۆمەڵایەتییەكانی وەك بزووتنەوەی كرێكاران، لەوانە ناڕەزایەتی كرێكارانی "هەفت تەپە" و "فوولادی خووزستان" و "شارەوانی شارە جیاوازەكان" پەرەی سەندووە، پەیوەندی و پشتیوانی خوێندكاران و بزووتنەوەی خوێندكاری لە نارەزایەتییە كرێكارییەكان دەتوانێت ببێت بە هاندەر بۆ زیاتر پەرەسەندنی ئەم بزووتنەوە رەوایە.
لە ئێستا پێویستە خوێندكاران و چالاكانی خوێندكاری هەوڵ بدەین وەك دەینەمۆیەك دەور بگێڕن بۆ كاریگەری دانان لە سەر سەرجەم بزووتنەوە كۆمەڵایەتی و سیاسی و پیشەییەكان. وەك چۆن بینیمان خوێندكارانی زانستگای "رازی كرماشان" پشتیوانی خۆیان بە دەنگی ئاشكرا لە بزووتنەوەی كرێكاری و كرێكارانی ناڕازی دەربڕی، دژی دەستگیركردن و زیندانی كردنی كرێكاران و چالاكانی كرێكاری وەستانەوە، پێویستە خوێندكاران لە سەرجەم زانستگەكان وەها هەڵوێستێكیان هەبێت.
لە ناڕەزایەتی و خۆپیشاندانە بەرفراوانەكانی مانگی بەفرانباری ١٣٩٦ بەدواوە خوێندكاران دەوری چالاك و بەرچاویان هەبوو، سەرەڕای هەموو هەڕەشە و دەستگیرییەكان، سەرەڕای كوشتن و بڕین بەڵام ئەوان وەك هەمیشە لە پێشەوەی ناڕەزایەتییەكانەوە بوون.
لە لایەن كۆمیتەی ناوەندی كۆمەڵەوە جارێكیتر پیرۆزبایی ١٦ی سەرماوەز، رۆژی خوێندكار لە ئێران لە سەرجەم خوێندكاران و چالاكانی خوێندكاری دەكەین و رێز لە خەباتی چەندین ساڵەی خوێندكاران دەگرین و خۆ رێكخستنی خوێندكاران پەیوەندیان لەگەڵ یەكتر لە زانستگە و كۆلێژە جیاوازەكان بە رەمزی سەركەوتنی ئەوان دەزانین و خوازیاری خۆڕیكخستنی زیاتر خوێندكارانین ەل ئێران و كوردستان و دروستكردنی رایەڵەی پەیوەندی بزووتنەوەی خوێندكاری لەگەڵ بزووتنە كۆمەڵایەتی سیاسی و پیشەییەكان، وەك مامۆستایان و كرێكاران و ژنان ، لە بەرژەوەندی خەبات بۆ دیمۆكراسی و ئازادی دەزانین لە ئێران.

سكرتارییەتی كومیتەی ناوەندی كۆمەڵەی شۆڕشگێڕی زەحمەتكێشانی كوردستانی ئێران
١٦ی سەرماوەزی ١٣٩٧ی هەتاوی
٧ی دیسەمبەری ٢٠١٨
http://www.komala.org/dreja.aspx?=hewal&jmare=5609&Jor=2
دیداری نێوان سەرکردایەتی کۆمەڵەی شۆڕشگێڕ و سازمانی خەباتی کوردستانی ئێران

وەڤدێکی سەرکردایەتی کۆمەڵە کە پێکهاتبوون لە هاوڕێیان، عەبدوڵڵا ئازەربار ئەندامی دەفتەری سیاسی، فەرزین کەرباسی و ئەردەڵان فەرەجی ئەندامانی کومیتەی ناوەندی و سامان ریشەساحێب ئه‌ندامی جێگری کومیتەی ناوەندی لە دیدارێکی فەرمی سەردانی بنکەی سەرکردایەتی سازمانی خەباتی کوردستانی ئێرانیان کرد.

سەرەتا بەڕێز کاک باباشێخ سکرتێری گشتی و وەفدی یاوەری پێشوازی گەرمیان لە هەیئەتی کۆمەڵە کرد.
ئەم چاوپێکەوتنە کۆمەڵێک تەوەر و بابەتی گرینگی لە خۆ گرتبوو. کۆمەڵێک پرسی وەک بارودۆخی سیاسی و ئابووری ئێران و کوردستان، دواپێشهاتەکانی گەمارۆکان و کێشە نێونەتەوییەکانی کۆماری ئیسلامی ئێران هاتە ئاراوە و باسی لێکرا.
تەوەرێکی گرینگی دیکەی دانیشتنەکە جەخت کردن لە سەر بەردەوامی کار و چالاکی ناوەندی هاوکاری حیزبەکانی کوردستانی ئێران بوو کە هەر دو لایەن لە سەر رۆڵ و گرینگی ئەم ناوەندە لە سەر رووداوەکان و بەرەوپێش چوونی خەباتی رەوای بزووتنەوەی کورد لە کوردستانی ئێران هاوڕا بوون.

لە کۆتاییدا دانیشتنەکەدا هەردوو لایەن تەئکیدیان لەسەر بەردەوامبوونی هاوکاری و پەیوەندیی نێوان کۆمەڵە و سازمانی خەباتی کوردستانی ئێران کردەوە.

کۆمەڵەی شۆرشگێڕی زەحمەتکێشانی کوردستانی ئێران
سکرتاریەتی کومیتەی ناوەندی

http://komala.org/dreja.aspx?=hewal&jmare=5610&Jor=1
Media is too big
VIEW IN TELEGRAM
سمینارێک سەبارەت بە ئاڵوگۆڕەکان لە ئێران و ستراتێژی بزووتنەوەی کورد بە بەشداری هاوڕێ عەبدوڵڵا موهتەدی، سکرتێری گشتیی کۆمەڵە.

https://t.me/komalaparty
ژمارە ١٥٨ی گۆڤاری ئاسۆی ڕۆژهەڵات بە کۆمەڵێک بابەتی جۆراوجۆر لە ژێر چاپ هاتەدەر و کەوتە بەر دیدەی خوێنەران

ئاسۆی ڕۆژهەڵات، گۆڤارێکی سیاسی گشتییە، کۆمەڵەی شۆڕشگێڕ دەریدەکات.

https://en.calameo.com/read/001805102cf87654b9e50
Forwarded from Abdullah Mohtadi
Media is too big
VIEW IN TELEGRAM
برنامەی چشم انداز تلویزیون ایران اینترناشنال با حضور آقای عبدالله مهتدی دبیر کل حزب کومله کردستان ایران
https://t.me/abdullahmohatdi
ژمارە ١٥٩ی ڕۆژنامەی ئاسۆی ڕۆژهەڵات بە کۆمەڵێک بابەتی جۆراوجۆر لە ژێر چاپ هاتەدەر و کەوتە بەر دیدەی خوێنەران

ئاسۆی ڕۆژهەڵات، ڕۆژنامەیەکی سیاسی گشتییە، کۆمەڵەی شۆڕشگێڕ دەریدەکات.

https://en.calameo.com/read/00180510220e90cb31b81
ژمارە ١٦٠ی ڕۆژنامەی ئاسۆی ڕۆژهەڵات بە کۆمەڵێک بابەتی جۆراوجۆر لە ژێر چاپ هاتەدەر و کەوتە بەر دیدەی خوێنەران

ئاسۆی ڕۆژهەڵات، ڕۆژنامەیەکی سیاسی گشتییە، کۆمەڵەی شۆڕشگێڕ دەریدەکات.

https://en.calameo.com/read/001805102e53007455dc8
Forwarded from Abdullah Mohtadi
Media is too big
VIEW IN TELEGRAM
وتاری هاوڕێ عەبدوڵڵا موهتەدی سکرتێری گشتیی کۆمەڵە لەڕێوڕەسمی 26ی ڕێبەندان ڕۆژی کۆمەڵە لەوڵاتی ئاڵمان
@abdullahmohatdi
ژمارەی ١٦١ی ڕۆژنامەی ئاسۆی ڕۆژهەڵات بە کۆمەڵێک بابەتی جۆراوجۆری سیاسی لە ژێر چاپ هاتەدەر و کەوتە بەر دیدەی خوێنەران

ئاسۆی ڕۆژهەڵات، ڕۆژنامەیەکی سیاسی گشتییە، کۆمەڵەی شۆڕشگێڕ دەریدەکات.

https://en.calameo.com/read/001805102a3f38923e625
ژمارەی ١٦٢ی ڕۆژنامەی ئاسۆی ڕۆژهەڵات بە کۆمەڵێک بابەتی جۆراوجۆری سیاسی لە ژێر چاپ هاتەدەر و کەوتە بەر دیدەی خوێنەران

ئاسۆی ڕۆژهەڵات، ڕۆژنامەیەکی سیاسی گشتییە، کۆمەڵەی شۆڕشگێڕ دەریدەکات.

https://en.calameo.com/read/0018051020bb6f84cdfed
The account of the user that created this channel has been inactive for the last 5 months. If it remains inactive in the next 28 days, that account will self-destruct and this channel will no longer have a creator.