🇰🇿 Шевченко мен Бублик – Қытайдағы АТР турнирлерінің жартылай финалында! 🎾

Қазақстандық Александр Бублик (№19) Ханчжоудағы турнирде Далибор Сврчинаны 🇨🇿 6:1, 6:1 есебімен жеңіп, жартылай финалға шықты. Енді ол қытайлық У Ибинмен кездеседі.

Александр Шевченко (№96) да Чэнду турнирінде жартылай финалға өтті. Ол Таро Даниэльді 🇯🇵 7:6, 3:6, 6:2 есебімен ұтты. Келесі қарсыласы – әлемнің 9-ракеткасы Лоренцо Музетти.

🇰🇿 Александр Бублик Ханчжоудағы ATP 250 турнирінің финалына шықты 🎾

Әлемнің 19-ракеткасы Александр Бублик жартылай финалда қытайлық У Ибинді (№196) 6:3, 6:3 есебімен жеңді. Матч 1 сағатқа созылды. Бублик 17 эйс жасап, үш қос қате жіберді және 5 брейк-пойнттің үшеуін тиімді пайдаланды.

Финалда қазақстандық теннисші француз Валентен Ройемен кездеседі.

🇰🇿 Саша – Ханчжоу чемпионы! 🏆

Екі сетке созылған тартысты финалда Александр Бублик финалда француз Валентен Руайені 7:6(4), 7:6(4) есебімен жеңіп, маусымдағы төртінші титулына қол жеткізді! 👏

Биыл Бублик Галле, Гштаад және Кицбюэль турнирлерінде топ жарған еді.

🇰🇿 Елена Рыбакина Бейжіңдегі WTA 1000 турнирін жеңіспен бастады!

Екінші айналымда қазақстандық теннисші америкалық Кэти Макнэллиді 7:5, 4:6, 6:3 есебімен ұтты.

3-ші айналымда Рыбакина Ева Лиспен 🇩🇪 кездеседі 🔜

🇰🇿 Анна Данилина – China Open турнирінің 1/8 финалында!

Қазақстандық теннисші сербиялық Александра Круничпен бірге Магда Линнет пен Клара Таусонды 6:4, 6:2 есебімен жеңді.

🇰🇿 Иван Пономарёв – Айзкраукледегі ITF J30 турнирінің чемпионы!

22–26 қыркүйек аралығында Латвияның Айзкраукле қаласында өткен ITF J30 сериясындағы жасөспірімдер турнирінде қазақстандық теннисші Иван Пономарёв жүлделі нәтиже көрсетті.

Жұптық сында Иван литвалық Марк Гриазутин Тверскиймен бірге чемпион атанды. Финалда олар жергілікті дуэт — Александровас/Бандзевисиусты 1:6, 6:4, 10:5 есебімен жеңді.

Бұл Иван Пономарёвтың ITF Juniors турындағы жұптық сындағы екінші титулы. Жас спортшының тұрақты өсуі оның кәсіби теннисте үлкен мүмкіндіктерге ие екенін дәлелдейді.

🇰🇿 Заңғар Нұрланұлы Кореядағы J200 турнирінің чемпионы атанды! 🏆

Оңтүстік Кореяның Чхунчхон қаласында өткен ITF Juniors жарысында қазақстандық теннисші финалда жергілікті спортшы Мин Хук Чоны 6:3, 6:4 есебімен жеңіп, турнирді бірде-бір сет жоғалтпай аяқтады.

Бұл — Заңғардың ITF Juniors турындағы жеке сындағы алтыншы титулы. 👏

Келесі аптада ол Вонджуда өтетін J300 турнирінде өнер көрсетеді.

🇰🇿 Елена Рыбакина Ухандағы WTA 1000 турнирінің 1/8 финалына жолдама алды!

Wuhan Open турнирінің екінші айналымында Қазақстандық теннисші румыниялық Жаклин Кристианды 6:4, 6:3 есебімен сенімді түрде жеңді.

🇰🇿 Елена Рыбакина Ухань турнирінің ширек финалында!

Қазақстандық теннисші Линда Носкованы 6:3, 6:4 есебімен жеңіп, келесі кезеңде Арина Соболенкомен кездеседі 🔜

🇰🇿 Заңғар Нұрланұлы – Азия чемпионатының финалында!

Оңтүстік Кореяның Вонджу қаласында өтіп жатқан ITF Juniors J300 турнирінде (бейресми Азия чемпионаты U18) қазақстандық теннисші финалға жолдама алды.

Жартылай финалда әлемнің 23-ракеткасы саналатын Заңғар Нұрланұлы Гонконг спортшысы Николас Ченгті 6:3, 6:1 есебімен сенімді жеңді. Бұл – оның хардтағы қатарынан 10-жеңісі. 🔥

Финалда Заңғар ертең, 12 қазанда, Кал Томпсон (Гонконг) мен Куан Чеу Ченнің арасындағы матчтың жеңімпазымен кездеседі.

🇰🇿 Анна Данилина – Уханьдағы WTA 1000 турнирінің финалында!

Қазақстандық теннисші сербиялық Александра Круничпен бірге Қытайдың Ухань қаласында өтіп жатқан WTA 1000 санатындағы беделді турнирдің финалына жолдама алды.

Жартылай финалда қазақстан-серб дуэті венгриялық Фанни Столлар мен германиялық Лаура Зигемунд жұбын 6:1, 4:6, 11:9 есебімен жеңді.

Заңғар Нұрланұлы – Азия чемпионы! 🇰🇿

Кореяның Вонджу қаласында өткен беделді ITF Juniors J300 турнирінде қазақстандық теннисші Заңғар Нұрланұлы жеңіске жетіп, жетінші жекелей титулын иеленді. 🏆

Финалда Нұрланұлы Қытай Тайбэйінің өкілі Куан Чеу Ченді 6:2, 6:1 есебімен сенімді түрде ұтты. Бұл — Заңғардың хардтағы қатарынан екінші титулы және 11-матчтық жеңісті сериясының жалғасы.

Туған күніңмен, Бейбіт! 🥳

🇰🇿 Елена Рыбакина WTA 500 Нинбо турнирінің ширек финалында!

Екінші айналымда қазақстандық теннисші украиналық Даяна Ястремскаяны 6:4, 6:7(6), 6:3 есебімен жеңді.

🇰🇿 Елена Рыбакина WTA 500 Нинбо турнирінің жартылай финалына шықты!

WTA 500 Нинбо турнирінің 1/4 финалында қазақстандық теннисші австралиялық Айла Томляновичті 6:2, 6:0 есебімен жеңді. Келесі кезеңде Рыбакина Италия өкілі Жасмин Паолинимен ойнайды.

Happy birthday, Zarina! 🥳

🇰🇿 Елена Рыбакина – Нинбо турнирінің чемпионы!

Қазақстандық теннисші WTA 500 сериясындағы финалда ресейлік Екатерина Александрона 3:6, 6:0, 6:2 есебімен жеңіп, жекелей сындағы 10-шы WTA титулын иеленді 🏆