🎾 Мықтылар турнирі! 🎾
24–28 қараша аралығында Астанадағы Beeline Arena корттары 10 жасқа дейінгі үздік жас теннисшілерді қарсы алады.

Жыл бойы тұрақты нәтиже көрсеткен 8 ұл және 8 қыз бала маусымның басты трофейі үшін бақ сынайды.

Қатысушыларды тартысқа толы матчтар, қуанышты сәттер және балалар теннисінің ең жарық эмоциялары күтеді.

Тек үздіктер 🔥
Тек финалдық эмоциялар 🔥

Бұл турнир Tennis for Life by Lexus бағдарламасы аясында өтеді.

Амир Омарханов Тунис еліндегі Монастирде өтіп жатқан ITF M15 турнирінің финалына жолдама алды!

Жартылай финалда ол неміс спортшысы Петковичті жеңіп, шешуші кезеңге өтті. Финалда сәттілік тілейміз!

Амир Омарханов кәсіби турдағы алғашқы жекелей титулын жеңіп алды! 🇰🇿🏆

18 жастағы Амир Омарханов карьерасындағы ең маңызды жеңістердің бірін тіркеп, Тунис, Монастир қаласында өткен ITF M15 санатындағы турнирдің чемпионы атанды.

Финалда Амир өзімен қатарлас неміс спортшысы, ATP рейтингінде №824 тұрған Макс Шонхаусты 6:3, 3:6, 6:4 есебімен тізе бүктіріп, сенімді әрі салмақты ойын көрсетті.

Жарадың, Амир!

20–21 қарашада Қазақстан теннис федерациясының жыл сайынғы аға жаттықтырушылар конференциясы өтті.

Екі күн ішінде өңірлік және ұлттық бағдарламалардың мамандары төмендегі негізгі бағыттарды талқылады:

– теннисті дамыту стратегиясы 2025–2027;
– 10&U, 12&U және 14&U жүйесіндегі жаңартулар;
– Baby Tennis бағдарламасының нәтижелері мен жоспарлары;
– Team Kazakhstan академиясының дамуы;
– 14+ жас санатындағы қолдау бағдарламалары;
– ұлттық және халықаралық күнтізбе;
– жаңа рейтинг жүйесі және wild card қағидалары;
– жаттықтырушыларды оқыту және жасөспірімдер құрамасын іріктеу.

Басты мақсат — Қазақстандағы теннистің дамуын күшейтіп, ойыншыларды дайындаудың бірыңғай әрі тиімді жүйесін қалыптастыру болды.

10 жасқа дейінгі теннис бағдарламасы бойынша «TOP-8 MASTERS» қорытынды турнирінің бірінші күнгі ойын нәтижелері.

#TOP8Masters #KTF

10 жасқа дейінгі теннис бағдарламасы бойынша «TOP-8 MASTERS» қорытынды турнирінің екінші күнгі ойын нәтижелері.

#TOP8Masters #KTF