عيدٌ سعيدٌ وأيامٌ مُباركة
و موعدٌ يغمرُ الأرواحَ بالفرحِ
تقبّل الله منكم كلَّ صَالحة
وخصّّكُم بعظيمِ الأجرِ والمنحِ🤍.

#الاء

.
آلاف التهاني والتبريكات بحلول عيد الفطر المبارك اعاده الله علينا وعليكم بالخير واليمن والبركات ان شاء الله و كل عام وانتم بالف خير وصحة وسعادة يارب.
#عيد_مبارك

#الاسكندر

كل عام وأنتم بخير.
عيدكم مبارك، أعاده الله عليكم بالصحة والسعادة،
وجعل أيامكم مليئة بالفرح والطمأنينة،
وتقبل منكم صالح الأعمال،
وكل عيد وأنتم بخير وبقرب من تحبون 🤍.

#الاء

أعاده الله عليكم وقلوبكم مطمئنة مجبورة ومليئة بالسعادة❤️
كل عام وأنتم بخير ✨

.

#قليل_من_الفلسفه_لا_تضر🌝
في الكورة السودانية، الحكاية ما مجرد مباراة… الحكاية علاقة كاملة بين الإنسان والأمل.
أمل بيتولد مع كل بداية موسم، يكبر مع كل انتصار، ويصل ذروتو في اللحظة البتقول فيها: "المرة دي غير"…

لكن الغريب إنو النهاية غالبا بتكون نفس النهايه… في اللحظات الأخيرة.
كأنو السيناريو مكتوب بعناية: يديك إحساس كامل بالنجاة… وبعدين يسحبو منك في آخر ثانية.

وهنا السؤال البسيط العميق:
هل نحن بنتابع الكورة… ولا بنتدرب على الخيبات؟

لأنو بصراحة، الزول البتابع الكورة السودانية ما محتاج يحضر دورات في الصبر…
ولا محتاج يقرأ عن إدارة الضغوط…
الحياة نفسها بتقدم ليهو كورس عملي مجاني، كل موسم.....

ومن هنا، لازم نعترف بحقيقة مهملة جداً:
البنات في البلد دي هم أكتر فئة عايشة في سلام نفسي حقيقي
ما عندهم ارتباط عاطفي بفريق ممكن يرفعهم للسما ويكبهم في الأرض في نفس الوقت…
ما عندهم "آخر لحظة" ممكن تغير مزاج أسبوع كامل…

نحن، بالمقابل، دخلنا في علاقة مع لعبة…
لكن بنتعامل معاها كأنها حياه.

بنزعل بجد…
بنتوتر بجد…
وأحياناً صحتنا ذاتها بتدفع الفاتورة.

في النهاية، يمكن المشكلة ما في الفرق…
ولا في الحظ…
يمكن المشكلة فينا نحن…

في الطريقة البنحب بيها الحاجة البتخذلنا…
وبنرجع ليها تاني كأنو ما حصل شي.

يمكن الكورة السودانية ما بس لعبة…
يمكن تكون درس طويل في التعلق…
وفي كيف الإنسان ممكن يتعب قلبه بإيدو… ويضحك على نفسو في النهاية

#هاردلك_الهلال💔

#الاسكندر

.
الخسارة عمرها ما كانت شخص الخسارة كانت وقت ضاع مع ناس ما بتستاهل.

#الاسكندر

- اللهُم إنّك عفو تُحب العَفو فأعفُ عنّا 🤍.

#الاء

اللهم صل وسلم على سيدنا محمد ♥️

#الاء

يا واسِعَ اللُّطفِ إنَّ الحالَ تَعلَمهُ
ربِّي لكَ الحمدُ في صَفوٍ وفي كدرِ 🤍.

#الاء

اللهم صل وسلم على سيدنا محمد ♥️

#الاء

#فضفضة😪
من فترة طويلة وانا بحاول اسكت ضجة الايام الفاتت المابيا تسكت كنت دايما بحاول أعيد الشريط عشان اسجل ايام بتشبهني وبستحقها أو أعيد المواقف عشان في وقتها ما كان معاي رد الفعل المناسب فترة طويلة وانا عايشة على إحساس اللاإحساس وما قادرة احس بي أيامي بحس بي انو الايام بتسرقني وبتمشي وانا ما قادرة استغل الموقف واعالج أيامي الجاية
#Ha_No

خليني اخد وقفة واقولSTOP .. stopلي اي كلام سلبي قاعد يتكرر جوايstop لي اي إحساس سلبي قاعد يسرق مني
أيامي في صمت stop لي علاقة ما ليها وجود وانا متصنعة مودتها stop لي اي كلام انا بقوله لي نفسي بكون سبب اني اقلل منها stop لي اي مكان ما بشبهني انا بخت نفسي فيه stop لي اي مصدر توتر في حياتي stop لي اي غلط قاعدة اغلطه في حق نفسي stop لي اي حرمان ما عنده مبرر stop لي اي تقليل وتقصير مني في حقي stop لي اي سبب بمنع اني اكون احسن نسخة مني ....STOP وكفاية البحصل
#Ha_No

#إعتراف
انا بحب حتى نفسي القديمة البت القديمة الكنتها زمان ..
الطايشة ،الكاذبة، الخوافة ،الما واثقة من نفسها ،الكسلانة،  العندها فراغ داخلي ،الما بتحب نفسها، البترضى بالقليل، البتعلق نفسها في الما بشبها، البتحلم أحلام يقظة كتير، الما عايشة صاح، الهاربة من الواقع، البتاثر فيها نظرات الناس، البتستخسر التطور على نفسها، الما بتعرف قيمة نفسها ولا حياتها، الكانت بتهدم علاقات الكويسة بي يدها وبتعيش دور الضحية، البتتمسك بالناس المؤذية، البتخت نفسها في قلوب الناس الما خاتة ليها مكانة، البتمثل على نفسها وعلى الناس ،الرافضة حقيقتها ،البتحارب عشان تمشي لي ربها نظيفة ،البتخاف تظلم زول رغم أنها ظالمة نفسها، الدايما متوترة ومقلقة وتايهة وملخبطة وما بتعرف تتخذ قرارات سليمة ..
انا بحبها وهي بتعني لي كل شي في الدنيا دي ما عندي حاجة أغلى منها وهي بالنسبة لي احلى حاجة حصلت في الدنيا دي وبحترمها فوق ما بتتخيل وفوق ما هي خاتة نفسها بتستاهل ✨🤍
#Ha_No

‏ - قال رسول اللهﷺ :
‏"إن خير أيامكم يوم الجمعة
‏ فأكثروا عليَّ من الصلاة فيه"

اللهمُ صل وسلِم على نبيّنا مُحمد. ﷺ❤️

#الاء

هوِّن على نفسك فوالله إذا أراد الله؛
ما منع مانعٌ، ولا حجب حاجبٌ إذا أراد الله؛
جاءتك الأماني خفيفةً، وصارت لك المستحيلات حقيقةً..

إِنَّمَا أَمْرُهُ إِذَا أَرَادَ شَيْئًا أَن يَقُولَ لَهُ كُن فَيَكُونُ..❤️

#الاء