مشتاقة لشقتي في دبي!!
ده كان رد صحبتي قبل كم سنة لما كنت بسألها مشتاقة لشنو
قالت لي مشتاقة ل شقتي في دبي 🤣🤣
ومشتاقة لجو دبي
وهي في حته نائية كده .. طبعا جاريتها وكملنا ونسة
الآن وحاليا اشترتها وحسمت الفارغة ♥️♥️♥️
صديقنا ضربت ليهو مره قبل سنتين او اكتر
ف رد علي ونفسه قايم وجاري
قلت ليهو انت جاري وين قال لي جاري احصل مؤتمر لأنه وصلت دبي متأخر ومكالمتنا دي لازم اقفلها 🤣
قبل فترة قال لي كنت عايز ازوركم لكن طيارتي وصلت دبي متأخر وتذكرة العودة نهاية المؤتمر بتلاتة ساعات 🤣🤣
وهو الآن برضو جااااري لكن في أماكن بتشبهه♥️♥️♥️
ده ما قانون الجذب بالمناسبة 😌
استريحوا 🤣🤣
انا عندي أمثلة لمواقف زي دي كتيرة
لو حكيت ما بخلص
عشان افهمها حللتها وحللت الشخصيات دي (روح الكوتش)
ووصلت لأنه انت ح تتجرأ تقول حاجة وتصبح واقعك اذا اتوفرت اربعة حاجات
فكرت فيها 👌
ما شايفة كتيرة عليك 😍
بتقدر تصرح بيها ❤️🔥
مطمن .. ما متعولق ومتعلق 🤣
في ناس لما تقول ليهم ياخ اتفاءل ساااي بتوتر
يقول ليك يعني اكذب على روحي ؟؟
حقيقي انا طوالي بكون ردي ما تكذب على روحك
اللي ما قادر تقوله انت ما قدره وما بتفكر فيه
ف ما ح نقول كلام ونردد شي ماااا فيه مشاعر 🤐🤐
طيب الناس دي بتقول كده كيف
ظروفها احسن شي ؟ لأ
ما بتضايقوا ؟ لأ
ساذجين ؟ لأ
اقول ليك من الاخر
ماف زول حيقول كده الا اذا :
بحب نفسه وما بحبطها حتى ولو بالكلام ساي ✅️
وشايف نفسه في الحتة دي تحديدا ✅️
ماشايف الحاجة كتيرة او بعيدة لدرجة ما يقولها ✅️
شغال على نفسه ✅️
عنده سعة وتقبل للرحلة والسعي ✅️
وطبعا ما متعلق ✅️
مستوى كلامه قريب من افكاره ✅️
هل كل الحاجات دي مفروض تكون فيهم .. ايوا
هو اصلا اذا اتوفرت فيك واحدة ح يتوفر البقية بالتدريج
ماف شخص بحب نفسه
ما شايفها ذات قيمة وتستحق الافضل .. ولا شايف الافضل ده شي بعيد ومستحيل .. ولا ح يوقف استثمار في نفسه
ف هو ما كلام ساي .. هو ناتج عن مشاعر استحقاق
وعن سعي
مره واحدة قالت لي انا افتكرتها ونسة ساي كيف بقت حقيقي
قلت ليها لأنه حتى ونستك الساي استحقاقها عالي 🤣
ف حقيقي
في كلمات ممكن تطلع وتفتكرها عدت
بس هي تكون فصل جديد لحياتك .. ما مجرد كلمات (سااااي) ♥️
Habab Gallab
#lol
ده كان رد صحبتي قبل كم سنة لما كنت بسألها مشتاقة لشنو
قالت لي مشتاقة ل شقتي في دبي 🤣🤣
ومشتاقة لجو دبي
وهي في حته نائية كده .. طبعا جاريتها وكملنا ونسة
الآن وحاليا اشترتها وحسمت الفارغة ♥️♥️♥️
صديقنا ضربت ليهو مره قبل سنتين او اكتر
ف رد علي ونفسه قايم وجاري
قلت ليهو انت جاري وين قال لي جاري احصل مؤتمر لأنه وصلت دبي متأخر ومكالمتنا دي لازم اقفلها 🤣
قبل فترة قال لي كنت عايز ازوركم لكن طيارتي وصلت دبي متأخر وتذكرة العودة نهاية المؤتمر بتلاتة ساعات 🤣🤣
وهو الآن برضو جااااري لكن في أماكن بتشبهه♥️♥️♥️
ده ما قانون الجذب بالمناسبة 😌
استريحوا 🤣🤣
انا عندي أمثلة لمواقف زي دي كتيرة
لو حكيت ما بخلص
عشان افهمها حللتها وحللت الشخصيات دي (روح الكوتش)
ووصلت لأنه انت ح تتجرأ تقول حاجة وتصبح واقعك اذا اتوفرت اربعة حاجات
فكرت فيها 👌
ما شايفة كتيرة عليك 😍
بتقدر تصرح بيها ❤️🔥
مطمن .. ما متعولق ومتعلق 🤣
في ناس لما تقول ليهم ياخ اتفاءل ساااي بتوتر
يقول ليك يعني اكذب على روحي ؟؟
حقيقي انا طوالي بكون ردي ما تكذب على روحك
اللي ما قادر تقوله انت ما قدره وما بتفكر فيه
ف ما ح نقول كلام ونردد شي ماااا فيه مشاعر 🤐🤐
طيب الناس دي بتقول كده كيف
ظروفها احسن شي ؟ لأ
ما بتضايقوا ؟ لأ
ساذجين ؟ لأ
اقول ليك من الاخر
ماف زول حيقول كده الا اذا :
بحب نفسه وما بحبطها حتى ولو بالكلام ساي ✅️
وشايف نفسه في الحتة دي تحديدا ✅️
ماشايف الحاجة كتيرة او بعيدة لدرجة ما يقولها ✅️
شغال على نفسه ✅️
عنده سعة وتقبل للرحلة والسعي ✅️
وطبعا ما متعلق ✅️
مستوى كلامه قريب من افكاره ✅️
هل كل الحاجات دي مفروض تكون فيهم .. ايوا
هو اصلا اذا اتوفرت فيك واحدة ح يتوفر البقية بالتدريج
ماف شخص بحب نفسه
ما شايفها ذات قيمة وتستحق الافضل .. ولا شايف الافضل ده شي بعيد ومستحيل .. ولا ح يوقف استثمار في نفسه
ف هو ما كلام ساي .. هو ناتج عن مشاعر استحقاق
وعن سعي
مره واحدة قالت لي انا افتكرتها ونسة ساي كيف بقت حقيقي
قلت ليها لأنه حتى ونستك الساي استحقاقها عالي 🤣
ف حقيقي
في كلمات ممكن تطلع وتفتكرها عدت
بس هي تكون فصل جديد لحياتك .. ما مجرد كلمات (سااااي) ♥️
Habab Gallab
#lol
❤20👍2👏2
شاركونا حاجة في الدين كنتو بتعملوها واكتشفتوا انها غلط وخليتوها تكون ليكم صدقة وأجر اذا غيركم عرفها وطبقها!❤️
او شاركونا عادات دينية يومية بسيطه وأجرها كبير بإذن الله ❤️
#lol
او شاركونا عادات دينية يومية بسيطه وأجرها كبير بإذن الله ❤️
#lol
❤24👍3
.
انا لمن اسال منك او ارسل ليك م معناها انا راقد او منبرش فيك انا بسال منك عشان البينا اكبر من كدا ومهما كنت تقيل في ردودك بتقلل من قيمتك عندي عشان كدا عامل الناس كويس وخليك متواضع وبادر بالحاجة السمحة واتفقد ناسك الدنيا م معروفة واخير م تبقي تقيل لي زول شايلك في عيونو وخاتي ليك مكانه جواهو.
ابقو عافية 😴🖤
؟؟؟
#الاسكندر
انا لمن اسال منك او ارسل ليك م معناها انا راقد او منبرش فيك انا بسال منك عشان البينا اكبر من كدا ومهما كنت تقيل في ردودك بتقلل من قيمتك عندي عشان كدا عامل الناس كويس وخليك متواضع وبادر بالحاجة السمحة واتفقد ناسك الدنيا م معروفة واخير م تبقي تقيل لي زول شايلك في عيونو وخاتي ليك مكانه جواهو.
ابقو عافية 😴🖤
؟؟؟
#الاسكندر
❤27👏2
.
تسعيني وافتخر 😎
بدأناها من الروضة... كنا بنغني "روضاتي يا روضاتي "، وأقصى همنا إنو نرجع البيت ونحن اقل غباشا ووسخا 🌝
دخلنا الابتدائي، ياخ أكلنا جلد يكفي نفتح محل شنط جلد طبيعي! المدرس كان بجلد بالبسطونه وبالخرطوش بالمسطرة وبالنظرات... وأحيانًا بالطباشير الطائر.
دخلنا ثانوي... هنا الجد دخل… اتعلمنا نكتب تعهدات أكتر من الكراسات، وشفنا أول حالة حب من طرف واحد، وغالبًا الطرف التاني ما كان عارف إنك موجود أساساً 😅
دخلنا الجامعة... هنا الحب دخل رسمي، بس للأسف طلع بدون ترخيص. ناس بتتخرج وناس بتتعلق، وناس اتعلقت وتخرجت بي تعليق نهائي من الحب والدرجات الاثنين مع بعض.
اتخرجنا؟ أها هنا الخوازيق الحقيقية بدأت... شهادة بتكلفك عمرك، تقيف قدام أي وظيفة يقولوا ليك: "نحن دايرين خبرة"، طيب أنا كنت بدرس ولا بشتغل من بطن أمي؟
تجي البيت تلقا ناس الحله كلهم بقو شغالين في لجنة الاختيار اي واحد بقول لناس البيت خلي يصور لي شهاداتو انا بشغلو ليكم .... لامن بقيت عندي مكتبه كامله من صور شهاداتي ....
حاليا قاعد براجع في شريط حياتي وبسأل نفسي ليه كانو بحفظونا عواصم الدول وما حفظونا كيف تسلسل عبر الحدود لدول الجوار.
#الاسكندر
تسعيني وافتخر 😎
بدأناها من الروضة... كنا بنغني "روضاتي يا روضاتي "، وأقصى همنا إنو نرجع البيت ونحن اقل غباشا ووسخا 🌝
دخلنا الابتدائي، ياخ أكلنا جلد يكفي نفتح محل شنط جلد طبيعي! المدرس كان بجلد بالبسطونه وبالخرطوش بالمسطرة وبالنظرات... وأحيانًا بالطباشير الطائر.
دخلنا ثانوي... هنا الجد دخل… اتعلمنا نكتب تعهدات أكتر من الكراسات، وشفنا أول حالة حب من طرف واحد، وغالبًا الطرف التاني ما كان عارف إنك موجود أساساً 😅
دخلنا الجامعة... هنا الحب دخل رسمي، بس للأسف طلع بدون ترخيص. ناس بتتخرج وناس بتتعلق، وناس اتعلقت وتخرجت بي تعليق نهائي من الحب والدرجات الاثنين مع بعض.
اتخرجنا؟ أها هنا الخوازيق الحقيقية بدأت... شهادة بتكلفك عمرك، تقيف قدام أي وظيفة يقولوا ليك: "نحن دايرين خبرة"، طيب أنا كنت بدرس ولا بشتغل من بطن أمي؟
تجي البيت تلقا ناس الحله كلهم بقو شغالين في لجنة الاختيار اي واحد بقول لناس البيت خلي يصور لي شهاداتو انا بشغلو ليكم .... لامن بقيت عندي مكتبه كامله من صور شهاداتي ....
حاليا قاعد براجع في شريط حياتي وبسأل نفسي ليه كانو بحفظونا عواصم الدول وما حفظونا كيف تسلسل عبر الحدود لدول الجوار.
#الاسكندر
❤11👍4😢4
*زيِّنوا يومكم بالصلاة على النَّبِيِّ ﷺ*
اللهم صل على محمد وعلى آل محمد كما صليت على ابراهيم وعلى آل إبراهيم إنك حميد مجيد و بارك اللهم على محمد وعلى آل محمد كما باركت على ابراهيم وعلى آل إبراهيم في العالمين إنك حميد مجيد🤍
#lol
اللهم صل على محمد وعلى آل محمد كما صليت على ابراهيم وعلى آل إبراهيم إنك حميد مجيد و بارك اللهم على محمد وعلى آل محمد كما باركت على ابراهيم وعلى آل إبراهيم في العالمين إنك حميد مجيد🤍
#lol
❤13
.
بي قدرة قادر ومجهود جبار نجحت في الشهادة السودانية☺☺ بعد 5 مرات اعادة دخلوني اول مرة علمي مانجحت😩😩 وقالوا العلمي دة صعب علي اسـرتنا😩😩
واهلنا كلهم مافيهم زول حصل نجح في المجال العلمي دة معقوول انجح انا 😆😆
مشيت "ادبي" سبيل اباؤنا الاولون 😂😂عشان ساهل برضو مانجحت 😖😖تاني ابوي عودوني في الادبي قال بكون استوعبت المقرر وبرضو مانجحت 😖😦
ودوني بلدنا👳👳
هناك الامتحانات مكشوفة والاستاذة👵👴👩 بحلو الامتحان في السبورة برضو رسبت😩😩
اخر مرة عودوني ادبي
وكانت المفاجاة اني نجحت 😍😍بي نسبة نجاح50% واشك انها حقتي كلها😂😂
المهم عملو لي مجموعة بتاعت حفل💃💃 وطرب وزنق 👯👯الحلة كلها مبسوووطة بي وفرحانة لي لاني كنت
باقي ليهم زي الهم في القلب
و عامل ليهم في الحلة زي(البنت الفاتت الـ45سنة)
وماجاها عريس
الحلة كلها بتكون شايلة همها ونفسهم يشوفوها في بيت عدلها
المهم نسبتي دي قدر ماجازفوها ولتقوها لي لقوها مابتدخلني لاجامعة ولائية لاخاصة ولاشئ😳😳
وهنا الواسطة لعبت دورها👽💀
الحاج👴👳 ربط عمتو وشال عصاتو ومشي لي قريبنا الفلاني
والغريبة قريبنا الفلاني دة رئيس لجنة شعبية
بس البلد دي المصالح فيها مترابطة يعني بتاع اللجنة الشعبية بخدم الوزير والعكس الوزير بخدم بتاع اللجنة الشعبية(تبادل مصالح)
واتلحهو ليك لمن اخد منو موافقة
انو يقبلوني في الجامعة😘😘
ان شاءالله (مستمع) دي جديدة صاح مش
اول مرة تسمعو بيها
وفعلا دخلت الجامعة اول امتحانات 7 كورسات
مانجحت ولا في مادة وحدة بالغط😂😂
مسكوني طقوني فصلوني بالله سريري في الداخلية لسة
ماحفظت محلو زي الناس فصلوني😂😂
يااااخ هدومي لسة جديدة وحدات مالبستهم فصلوني الله لاكسبهم عافية😂😂
طلعت من الجامعة شميت القرايـة وشميت استاذة سنة اولي اساس وبتاعت الروضة زاتو
لكن ابوي كان مصر اني اكمل قراية وكان بشوف فيني ذلك البطل الذي سينتشل الاسرة من الظلام الي النور وكان بشوفني دكتور كبير او مهندس قدر الدنيا بس كان مفروض يقتنع من الاول انو انا شكلي دة زاتو ما شكل دكاترة و مشيتي في الارض ما مشية زول بقعد في قاعة للدراسة لكن منو البقنعو
وفعلا وداني جامعة بالقروش بلبسو زي موحد وماقصر والله ابوي
برضوو دييل فصلوني
بالله بنطلوني في الترزي مشيت اعملو كباية قبال ما اجيبو
كشوني برة
قام ابوي قال لي تعال وريني مشكلتك شنو انت مع الجامعة لانك مازول لعب ولا فوضجي
ليه بفصلوك الناس ديييل طوالي ولا بدوك فرصة
الغريبة ايام الامتحانات بتساهر في الكتب دي للصباح لمن بخاف عليك تمرض من السهر
مالك ياولدي مابتنجح
ليه نتجيتك بتطلع عكس قرايتك
بيأكلو حقك وريني كان بياكلوهو وريني
ليييه وريني؟؟؟
قلت ليهو شوووف يا ابوي صرااااحة كدة
الموضوع ماعدم قرايـــة الشغلة دي شكلها "بلادة" عدييييل انا اكتشفت اني زول بليد بس.
اهـــا والحـل شنو يا ياولدي
الحل اخلي القرايـة واخش السوق
غايتو حطمت لي ابوي احلامو
لكن عقدت العزم انو العجزت احققو في الدراسة احققو في السوق
و اعوضو كل تعبو التعبو فيني
وهو ماقصر اداني مليار ابدأ بيها شغل
وفعلآ فتحت طبلية في السوق لبان ورصيد وسجائر
ومناديل 6 شهور بس راس المال بقي 12 ملياااااااااار
وقررتا اشيل قرض من البنك و افتح بقالة😏😏
وفعلآ ربنا وفقني توفيق ماعادي
وفي سنتين بس راس مالي من مليار 😎😎
بقي 60 مليار وبقيت اسم كبييير في السوق 😍😍
وابووووي مبسوووط مني بشكل رهييييب😂😂
ويوم جوني ناس شركة كبيييرة بتعمل في الاستثمار تلاتة بنات حلوات حلا زي بنات الاعلانات بتاعت mtn ورئيسهم شاب وسيم صلعتو زي صلعة صدام 😂😂😂
وقعدو معاي واتكلم الولد ربع ساعة بنضم بالانجليزي
وانا اهز في راسي سااااااكت😊😊 نظام الود فاهم😀😀 وفتح لي اللاب توب وراني صور تصاميم وبعد مجهود فهموني انو دايرين يحولو بقالتي لي مووول كبير وهم بالنص وانا بالنص وفعلا سلمتهم قروشي كلها
ماخليت قرش عندي وتااااني ماشفتهم لمن مشيت
مقر الشركة بتاعتهم قالو كانو مؤجرنها منهم شهر
وخلص الايجار بتعاهم
سالت من اب صلعة قالو لي الزول دة كان كمسنجي في
الابيض درس دبلوم لغة انجليزية وحاسوب وبقي يحتااال
الطير الزيك ديييييل😁😁
ابوي بعد عرف رقد شهر مستشفي 😪😪بعد فتح
قال لي والله يا اسكندر صحـي شغلتك دي ماعدم قرايـة😂😂
دي بلاااااااادة عدييييل
و أخيراً
العلم بحفظ المال
ومابني علي خطأ فهو خطأ ولو بعد حين
اللهم وفق الممتحنين الذين يجلسون لإمتحان الشهاده الثانويه داخل و خارج السودان في القرى و المدن و في مراكز الإيواء و معسكرات اللجوء هذه الدفعه و سابقتها انتم دفعات الاراده و التحدي و انتم الجيل الذي سيهزم الهزيمه.
#الاسكندر
بي قدرة قادر ومجهود جبار نجحت في الشهادة السودانية☺☺ بعد 5 مرات اعادة دخلوني اول مرة علمي مانجحت😩😩 وقالوا العلمي دة صعب علي اسـرتنا😩😩
واهلنا كلهم مافيهم زول حصل نجح في المجال العلمي دة معقوول انجح انا 😆😆
مشيت "ادبي" سبيل اباؤنا الاولون 😂😂عشان ساهل برضو مانجحت 😖😖تاني ابوي عودوني في الادبي قال بكون استوعبت المقرر وبرضو مانجحت 😖😦
ودوني بلدنا👳👳
هناك الامتحانات مكشوفة والاستاذة👵👴👩 بحلو الامتحان في السبورة برضو رسبت😩😩
اخر مرة عودوني ادبي
وكانت المفاجاة اني نجحت 😍😍بي نسبة نجاح50% واشك انها حقتي كلها😂😂
المهم عملو لي مجموعة بتاعت حفل💃💃 وطرب وزنق 👯👯الحلة كلها مبسوووطة بي وفرحانة لي لاني كنت
باقي ليهم زي الهم في القلب
و عامل ليهم في الحلة زي(البنت الفاتت الـ45سنة)
وماجاها عريس
الحلة كلها بتكون شايلة همها ونفسهم يشوفوها في بيت عدلها
المهم نسبتي دي قدر ماجازفوها ولتقوها لي لقوها مابتدخلني لاجامعة ولائية لاخاصة ولاشئ😳😳
وهنا الواسطة لعبت دورها👽💀
الحاج👴👳 ربط عمتو وشال عصاتو ومشي لي قريبنا الفلاني
والغريبة قريبنا الفلاني دة رئيس لجنة شعبية
بس البلد دي المصالح فيها مترابطة يعني بتاع اللجنة الشعبية بخدم الوزير والعكس الوزير بخدم بتاع اللجنة الشعبية(تبادل مصالح)
واتلحهو ليك لمن اخد منو موافقة
انو يقبلوني في الجامعة😘😘
ان شاءالله (مستمع) دي جديدة صاح مش
اول مرة تسمعو بيها
وفعلا دخلت الجامعة اول امتحانات 7 كورسات
مانجحت ولا في مادة وحدة بالغط😂😂
مسكوني طقوني فصلوني بالله سريري في الداخلية لسة
ماحفظت محلو زي الناس فصلوني😂😂
يااااخ هدومي لسة جديدة وحدات مالبستهم فصلوني الله لاكسبهم عافية😂😂
طلعت من الجامعة شميت القرايـة وشميت استاذة سنة اولي اساس وبتاعت الروضة زاتو
لكن ابوي كان مصر اني اكمل قراية وكان بشوف فيني ذلك البطل الذي سينتشل الاسرة من الظلام الي النور وكان بشوفني دكتور كبير او مهندس قدر الدنيا بس كان مفروض يقتنع من الاول انو انا شكلي دة زاتو ما شكل دكاترة و مشيتي في الارض ما مشية زول بقعد في قاعة للدراسة لكن منو البقنعو
وفعلا وداني جامعة بالقروش بلبسو زي موحد وماقصر والله ابوي
برضوو دييل فصلوني
بالله بنطلوني في الترزي مشيت اعملو كباية قبال ما اجيبو
كشوني برة
قام ابوي قال لي تعال وريني مشكلتك شنو انت مع الجامعة لانك مازول لعب ولا فوضجي
ليه بفصلوك الناس ديييل طوالي ولا بدوك فرصة
الغريبة ايام الامتحانات بتساهر في الكتب دي للصباح لمن بخاف عليك تمرض من السهر
مالك ياولدي مابتنجح
ليه نتجيتك بتطلع عكس قرايتك
بيأكلو حقك وريني كان بياكلوهو وريني
ليييه وريني؟؟؟
قلت ليهو شوووف يا ابوي صرااااحة كدة
الموضوع ماعدم قرايـــة الشغلة دي شكلها "بلادة" عدييييل انا اكتشفت اني زول بليد بس.
اهـــا والحـل شنو يا ياولدي
الحل اخلي القرايـة واخش السوق
غايتو حطمت لي ابوي احلامو
لكن عقدت العزم انو العجزت احققو في الدراسة احققو في السوق
و اعوضو كل تعبو التعبو فيني
وهو ماقصر اداني مليار ابدأ بيها شغل
وفعلآ فتحت طبلية في السوق لبان ورصيد وسجائر
ومناديل 6 شهور بس راس المال بقي 12 ملياااااااااار
وقررتا اشيل قرض من البنك و افتح بقالة😏😏
وفعلآ ربنا وفقني توفيق ماعادي
وفي سنتين بس راس مالي من مليار 😎😎
بقي 60 مليار وبقيت اسم كبييير في السوق 😍😍
وابووووي مبسوووط مني بشكل رهييييب😂😂
ويوم جوني ناس شركة كبيييرة بتعمل في الاستثمار تلاتة بنات حلوات حلا زي بنات الاعلانات بتاعت mtn ورئيسهم شاب وسيم صلعتو زي صلعة صدام 😂😂😂
وقعدو معاي واتكلم الولد ربع ساعة بنضم بالانجليزي
وانا اهز في راسي سااااااكت😊😊 نظام الود فاهم😀😀 وفتح لي اللاب توب وراني صور تصاميم وبعد مجهود فهموني انو دايرين يحولو بقالتي لي مووول كبير وهم بالنص وانا بالنص وفعلا سلمتهم قروشي كلها
ماخليت قرش عندي وتااااني ماشفتهم لمن مشيت
مقر الشركة بتاعتهم قالو كانو مؤجرنها منهم شهر
وخلص الايجار بتعاهم
سالت من اب صلعة قالو لي الزول دة كان كمسنجي في
الابيض درس دبلوم لغة انجليزية وحاسوب وبقي يحتااال
الطير الزيك ديييييل😁😁
ابوي بعد عرف رقد شهر مستشفي 😪😪بعد فتح
قال لي والله يا اسكندر صحـي شغلتك دي ماعدم قرايـة😂😂
دي بلاااااااادة عدييييل
و أخيراً
العلم بحفظ المال
ومابني علي خطأ فهو خطأ ولو بعد حين
اللهم وفق الممتحنين الذين يجلسون لإمتحان الشهاده الثانويه داخل و خارج السودان في القرى و المدن و في مراكز الإيواء و معسكرات اللجوء هذه الدفعه و سابقتها انتم دفعات الاراده و التحدي و انتم الجيل الذي سيهزم الهزيمه.
#الاسكندر
❤20
🔴 أسبوع حافل بالصيام لشهر محرم 1447 هجري :
الخميس : 8 محرم/ (ترفع الأعمال)
الجمعة : 9 محرم /(تاسوعاء يوم قبل عاشوراء )
السبت : 10 محرم/ (عاشوراء)
الأحد : 11 محرم /(يوم بعد عاشوراء )
الإثنين : 12 محرم/ (ترفع فيه الأعمال)
الثلاثاء : 13 محرم/(أول أيام البيض 13)
الأربعاء : 14 محرم/ (ثاني أيام البيض14 )
الخميس : 15 محرم/ (ثالث أيام البيض15)
﴿وَذَكِّر فَإِنَّ الذِّكرى تَنفَعُ المُؤمِنينَ﴾
طُوبى لمن صام و ذكر.❤️
#lol
الخميس : 8 محرم/ (ترفع الأعمال)
الجمعة : 9 محرم /(تاسوعاء يوم قبل عاشوراء )
السبت : 10 محرم/ (عاشوراء)
الأحد : 11 محرم /(يوم بعد عاشوراء )
الإثنين : 12 محرم/ (ترفع فيه الأعمال)
الثلاثاء : 13 محرم/(أول أيام البيض 13)
الأربعاء : 14 محرم/ (ثاني أيام البيض14 )
الخميس : 15 محرم/ (ثالث أيام البيض15)
﴿وَذَكِّر فَإِنَّ الذِّكرى تَنفَعُ المُؤمِنينَ﴾
طُوبى لمن صام و ذكر.❤️
#lol
❤19👍1
*"وَالذَّاكِرِينَ اللَّهَ كَثِيرًا وَالذَّاكِرَاتِ*
*أَعَدَّ اللَّهُ لَهُم مَّغْفِرَةً وَأَجْرًا عَظِيمًا* "🤍
• سبحان الله.
• الحمد لله.
• لا إله إلا الله.
• الله أكبر.
• أستغفر الله العظيم.
• لاحول ولا قوة إلا بالله.
• سبحان الله وبحمده.
• سبحان الله العظيم.
• اللهم صلِّ وسلّم على نبيّنا محمّد.
#lol
*أَعَدَّ اللَّهُ لَهُم مَّغْفِرَةً وَأَجْرًا عَظِيمًا* "🤍
• سبحان الله.
• الحمد لله.
• لا إله إلا الله.
• الله أكبر.
• أستغفر الله العظيم.
• لاحول ولا قوة إلا بالله.
• سبحان الله وبحمده.
• سبحان الله العظيم.
• اللهم صلِّ وسلّم على نبيّنا محمّد.
#lol
❤24
-
قال النبي صلى الله عليه وسلم:
"مَن صَلى عَليَّ واحِدَةً صَلَّى اللهُ عليه عَشراً "
اللهُمَ صَلِ وَسَلم عَلى نَبِينَا مُحَمد.❤️
قال النبي صلى الله عليه وسلم:
"مَن صَلى عَليَّ واحِدَةً صَلَّى اللهُ عليه عَشراً "
اللهُمَ صَلِ وَسَلم عَلى نَبِينَا مُحَمد.❤️
❤30
اتجاوزي.. وكملي طريقك،ما تتمسكي بعلاقات واشخاص بسببو ليك توتر وقلق في حياتك.. ما تحاولي تغيريهم وتستنزفي جهدك ووقتك ومشاعرك لأنو كل واحد عارف قاعد يسوي في شنو..
الشخص الما بقدرك ولا بحترم العلاقة وبكرر نفس الأخطاء البتضايقك،تجاوزيه بكل اناقه وذوق وادب واحترام وكملي.. حتلقي غيره!…ما تضيعي وقتك !❤️🩹
#lol
الشخص الما بقدرك ولا بحترم العلاقة وبكرر نفس الأخطاء البتضايقك،تجاوزيه بكل اناقه وذوق وادب واحترام وكملي.. حتلقي غيره!…ما تضيعي وقتك !❤️🩹
#lol
❤40🤝4😍2
.
رحلة طموح الشاب السوداني من "عايز أبقى رائد فضاء" لحدي ما بقى زول ساي او واحد فول كما قالت القونه المخضرمه
في الروضة:
كنا بنرسم نجمـة وقطر ونقول عايزين نبقى طيّارين وشرطة مرور، واظن من هنا مستقبلنا كان واضح من لمينا التلاته حاجات ديل في حلم واحد
#المهم
في الابتدائي:
بدينا نطور حبه... زول يقول عايز أبقى دكتور، والتاني مهندس، وحده تقول: "أنا حأبقى مُدرسة في روضة كوكب زحل!"
كنا بنحلم وبنشطح في الحلم ونستنى بكرة يجي عشان نكبر و"نحقق أحلامنا"... ي بس بكرة دا كان فيهو زول منتظرنا بصفعة وشلوت واظن وان بعض الظن اثم الزول ده ياها الربا لينا البعاتي في البيت انتو فاهمني صح 😁
لكن قبل نكبر... جات التربية!
يا زول والله تربية ناشفة لدرجة نحنا ذاتنا بقينا ناشفين!
الجلد في البيت، الجلد في المدرسة،
الغلط محسوب، والضحك محسوب، ولو عاينت كتير يقولوا ليك: "عينك حارّة!"
اتربينا نحترم الناس، بس نسينا نحترم نفسنا من كتر الخوف.
وكل مرة تحاول تعبر عن مشاعرك، يجيك صوت: "يقول ليك عيب الناس تقول عليك شنو
في الثانوي:
اتقسمنا قسمين... قسم لسه بيقول "أنا حدخل طب"، وقسم تاني بس بيقول: "حدخل أي حاجة وخلاص"
والتربية لسه ماسكة فيك تقول ليك: "أخجل يا ولد!" حتى لو انت قاعد ساكت.
في الجامعة:
بدأت تصحى على الواقع:
المجتمع بقى يحكم على تخصصك، شكلك، لبسك، لهجتك...
لو طموحك مختلف، بيقولوا ليك: "دا مهبول ساي... شغال فنون ساكت؟!"
تجيك فترة تقنع نفسك تكون ناشط، تطلع مظاهرة، ترجع تاني تقول:
"أنا أصلاً كنت داير أشتغل في الأمم المتحدة... لكن لقيت نفسي في الكوشة!"
بعد التخرج بـ ٣ سنين:
بقيت مؤمن بنظرية: "الدنيا دي ما فيها عدالة، بس فيها لمة ناس وسلك شاحن شغال"
تشوف أصحابك اتغربوا، واتوظفوا، إنت تقعد تسأل قوقل:
"هل الشهادة الجامعية شرط للسعادة؟"
بعد ٥ سنين:
ماشي في الشارع شفت لافتة مكتوب فيها: "وظائف شاغرة"
فرحت، قربت ، تلقاها شركة صيانة مراوح أو بيع شاورما!...
لكن الزبدة الحقيقية؟ الحرب...
الحرب جات وقالت : أنا آخر مرحلة في تحطيم الطموح جاي أكمل عليك!
قلبت البلد كلها وضع عدم استعداد.
الناس بقت بتحلم بالموية والكهرباء قبل الحلم بوظيفة.
أنت؟ بقيت تصحى تقول : شكراً يا رب نحنا لسه عايشين... نواصل؟ ولا نأجل لي بكرة؟
و اخيراً ؟
بقينا ناس ساي زي #سامع صمتك كده
غايتو لو لقينا لقمة وفطور ونت شغّال وسرير ما واقع، بنبوس الحياة فوق راسها ونقول:
الحمد لله على القليل.. واصلو يا جماعة ساي!. الحياه حلوه.
#صباح_الخير
#الاسكندر
رحلة طموح الشاب السوداني من "عايز أبقى رائد فضاء" لحدي ما بقى زول ساي او واحد فول كما قالت القونه المخضرمه
في الروضة:
كنا بنرسم نجمـة وقطر ونقول عايزين نبقى طيّارين وشرطة مرور، واظن من هنا مستقبلنا كان واضح من لمينا التلاته حاجات ديل في حلم واحد
#المهم
في الابتدائي:
بدينا نطور حبه... زول يقول عايز أبقى دكتور، والتاني مهندس، وحده تقول: "أنا حأبقى مُدرسة في روضة كوكب زحل!"
كنا بنحلم وبنشطح في الحلم ونستنى بكرة يجي عشان نكبر و"نحقق أحلامنا"... ي بس بكرة دا كان فيهو زول منتظرنا بصفعة وشلوت واظن وان بعض الظن اثم الزول ده ياها الربا لينا البعاتي في البيت انتو فاهمني صح 😁
لكن قبل نكبر... جات التربية!
يا زول والله تربية ناشفة لدرجة نحنا ذاتنا بقينا ناشفين!
الجلد في البيت، الجلد في المدرسة،
الغلط محسوب، والضحك محسوب، ولو عاينت كتير يقولوا ليك: "عينك حارّة!"
اتربينا نحترم الناس، بس نسينا نحترم نفسنا من كتر الخوف.
وكل مرة تحاول تعبر عن مشاعرك، يجيك صوت: "يقول ليك عيب الناس تقول عليك شنو
في الثانوي:
اتقسمنا قسمين... قسم لسه بيقول "أنا حدخل طب"، وقسم تاني بس بيقول: "حدخل أي حاجة وخلاص"
والتربية لسه ماسكة فيك تقول ليك: "أخجل يا ولد!" حتى لو انت قاعد ساكت.
في الجامعة:
بدأت تصحى على الواقع:
المجتمع بقى يحكم على تخصصك، شكلك، لبسك، لهجتك...
لو طموحك مختلف، بيقولوا ليك: "دا مهبول ساي... شغال فنون ساكت؟!"
تجيك فترة تقنع نفسك تكون ناشط، تطلع مظاهرة، ترجع تاني تقول:
"أنا أصلاً كنت داير أشتغل في الأمم المتحدة... لكن لقيت نفسي في الكوشة!"
بعد التخرج بـ ٣ سنين:
بقيت مؤمن بنظرية: "الدنيا دي ما فيها عدالة، بس فيها لمة ناس وسلك شاحن شغال"
تشوف أصحابك اتغربوا، واتوظفوا، إنت تقعد تسأل قوقل:
"هل الشهادة الجامعية شرط للسعادة؟"
بعد ٥ سنين:
ماشي في الشارع شفت لافتة مكتوب فيها: "وظائف شاغرة"
فرحت، قربت ، تلقاها شركة صيانة مراوح أو بيع شاورما!...
لكن الزبدة الحقيقية؟ الحرب...
الحرب جات وقالت : أنا آخر مرحلة في تحطيم الطموح جاي أكمل عليك!
قلبت البلد كلها وضع عدم استعداد.
الناس بقت بتحلم بالموية والكهرباء قبل الحلم بوظيفة.
أنت؟ بقيت تصحى تقول : شكراً يا رب نحنا لسه عايشين... نواصل؟ ولا نأجل لي بكرة؟
و اخيراً ؟
بقينا ناس ساي زي #سامع صمتك كده
غايتو لو لقينا لقمة وفطور ونت شغّال وسرير ما واقع، بنبوس الحياة فوق راسها ونقول:
الحمد لله على القليل.. واصلو يا جماعة ساي!. الحياه حلوه.
#صباح_الخير
#الاسكندر
❤27👏4
.
"إِنِّيَ أَخافُ أَن يَمسَّك عذابٌ منَ الرَّحمن"
تِلك هي المحبّة الصادقة، أَن تخاف على من تحب أن يُقصِّر في دينهِ فيكون من الغافلين ولا تمدّ له يد النصيحة، خذها قاعدة: من لا يُبالي بآخرتك.. لا يُبالي بك..
#الاسكندر
"إِنِّيَ أَخافُ أَن يَمسَّك عذابٌ منَ الرَّحمن"
تِلك هي المحبّة الصادقة، أَن تخاف على من تحب أن يُقصِّر في دينهِ فيكون من الغافلين ولا تمدّ له يد النصيحة، خذها قاعدة: من لا يُبالي بآخرتك.. لا يُبالي بك..
#الاسكندر
❤31
.
تأخد شاكوش وتحلف إنو تاني ما تحب ليك واحده لو ما كونت نفسك تجيك واحده تدخل العلاقات في نفسك بي إهتمامها وتستمر في العلاقه وتنشغل معاها وتنسا مستقبلك وفجاء يجيها عريس وأهلها يغصبوها وإنت تاني تحلف إنك ما ترتبط إلا تكون نفسك وتاني تجيك واحده تدخل العلاقه في نفسك....ألخ
#جمعه_مباركه
#الاسكندر
تأخد شاكوش وتحلف إنو تاني ما تحب ليك واحده لو ما كونت نفسك تجيك واحده تدخل العلاقات في نفسك بي إهتمامها وتستمر في العلاقه وتنشغل معاها وتنسا مستقبلك وفجاء يجيها عريس وأهلها يغصبوها وإنت تاني تحلف إنك ما ترتبط إلا تكون نفسك وتاني تجيك واحده تدخل العلاقه في نفسك....ألخ
#جمعه_مباركه
#الاسكندر
🤣25❤6😐3
.
انت زعلان ليه؟
الداير يمشي يفوت 😕
ربنا سبحانه وتعالى قال: ﴿يُؤْتِكُمْ خَيْرًا مِمَّا أُخِذَ مِنكُمْ﴾
ما زيو لا ابداً .... ده احسن و أفضل و أعظم ..
ثق في عوض ربنا و سلم امرك لله 🤍 .
#الاسكندر
انت زعلان ليه؟
الداير يمشي يفوت 😕
ربنا سبحانه وتعالى قال: ﴿يُؤْتِكُمْ خَيْرًا مِمَّا أُخِذَ مِنكُمْ﴾
ما زيو لا ابداً .... ده احسن و أفضل و أعظم ..
ثق في عوض ربنا و سلم امرك لله 🤍 .
#الاسكندر
❤31👍4
.
الوضع العام: سخانة شايلة الشارع شيلة عريس!
الجو بقى زي فرن عيش، ودرجة الحرارة بترتفع أكتر من أسعار الدولار!
المكيف بقى يشتغل بس عشان كلام الناس م يكتر عليهو ويقولو ما شغال والمروحة بتلف تلف ساكت زي لف الفراشاات ف السوق … كتيرة حركه، قليلة فايدة.
العرق بقى ماشي بالموية زي كأنك شايل ليك شلال في قفاك، والهدوم بقت تتصلّصق فيك لصقة عاطفية، تقول ليها: "آآي مسيو"، تردّ عليك: "إيييي مسيو ثوو ماتش!"
في السخانة دي، الزول بيفكر يشيل الهدوم ويركب في الفريزر، أو يقدم طلب لجوء في تلاجة سوبرماركت.
أما الشارع؟
الشارع بقى زي صاج طعمية… تمشي حفيات تمشي لابس، في كل الاحوال سوف تندم
يعني باختصار… الجو ده محتاج لي صلاه استسقاء مع تكييف مركزي ودعاء من قلب ساخن زيو 😩!
فاللهم زوجه صالحه تلطف الاجواء 😁
#الاسكندر
الوضع العام: سخانة شايلة الشارع شيلة عريس!
الجو بقى زي فرن عيش، ودرجة الحرارة بترتفع أكتر من أسعار الدولار!
المكيف بقى يشتغل بس عشان كلام الناس م يكتر عليهو ويقولو ما شغال والمروحة بتلف تلف ساكت زي لف الفراشاات ف السوق … كتيرة حركه، قليلة فايدة.
العرق بقى ماشي بالموية زي كأنك شايل ليك شلال في قفاك، والهدوم بقت تتصلّصق فيك لصقة عاطفية، تقول ليها: "آآي مسيو"، تردّ عليك: "إيييي مسيو ثوو ماتش!"
في السخانة دي، الزول بيفكر يشيل الهدوم ويركب في الفريزر، أو يقدم طلب لجوء في تلاجة سوبرماركت.
أما الشارع؟
الشارع بقى زي صاج طعمية… تمشي حفيات تمشي لابس، في كل الاحوال سوف تندم
يعني باختصار… الجو ده محتاج لي صلاه استسقاء مع تكييف مركزي ودعاء من قلب ساخن زيو 😩!
فاللهم زوجه صالحه تلطف الاجواء 😁
#الاسكندر
❤16😢2
.
في عام 2011...
في عز الهجير والسخانه..
فجأة جاتني رغبة غريبه و ما مفهومة…
"يا زول، داير آيسكريم بالفانيليا!"
إييي والله بدون مقدمات، كأنو لساني قرر يتمرد على حياتي 😐
أنا ماشي على جدول تربوي معروف:
فول واذا اموري طيبه فول وطعميه وجبنه الصباح
وعدس في الغداء
ولو رطّبنا زيادة: دمعة لحمه بدون لحمه…
يعني لا في ثلج ولا براد في الأفق
لكن الطموح يا صاحبي ما بعرف قيود،
جاتني الفرصة لما مشيت الخرطوم زيارة
وشايل لي 20 جنيه مغلفة في ورقة كراسة
ولابس قميصي البهت في الغسيل التالت
لقيت محل مكتوب عليهو:
"آيس كريم إيطالي أصلي"
ياخ دخلت ليهو بثقة ناس نيويورك
وقلت للزول:
“آيسكريم بالفانيليا بالله”
قال لي:
“الفانيليا خلصت… عندنا مانجو، شوكولاتة، فرولة”
وأنا ما داير أظهر إنو دي أول تجربة
قلت ليهو:
“أمشّي لينا مانجو… 😎”
(رغم إني لو شُفت مانجا في بيتنا بزوغ)
جاب لي كوز شكله زي البوستر
أول لعقة دخلت خشمي 🤢
والله ساااااااكر!
زي موية غسيل عده متخمر في شمس حلفا!
لساني قال لي:
> “إنت داير تبكي ولا نخش في غيبوبة؟”
بس قلت أتحمّل… الجماعة حولي قاعدين يبلبعوا بسعادة
وأنا شايل الهم ساكت
وصلت النص، قمت غسلت يدي ومشيت
الزول قال لي:
يا أستاذ باقي الايسكريم في كيس، شيلو معاك”
شلتو وطلعت،
شُفت لي كلب مسكين…
أديتو الكيس، شمّاهو… وجرى
ومن يومها، بقيت ملتزم التزام تاااام بالجدول:
فول صباحاً، عدس مساءً
وكل ما أشوف كلمة “آيسكريم مانجو”
بترجع لي نفس القشعريرة.
#الاسكندر
في عام 2011...
في عز الهجير والسخانه..
فجأة جاتني رغبة غريبه و ما مفهومة…
"يا زول، داير آيسكريم بالفانيليا!"
إييي والله بدون مقدمات، كأنو لساني قرر يتمرد على حياتي 😐
أنا ماشي على جدول تربوي معروف:
فول واذا اموري طيبه فول وطعميه وجبنه الصباح
وعدس في الغداء
ولو رطّبنا زيادة: دمعة لحمه بدون لحمه…
يعني لا في ثلج ولا براد في الأفق
لكن الطموح يا صاحبي ما بعرف قيود،
جاتني الفرصة لما مشيت الخرطوم زيارة
وشايل لي 20 جنيه مغلفة في ورقة كراسة
ولابس قميصي البهت في الغسيل التالت
لقيت محل مكتوب عليهو:
"آيس كريم إيطالي أصلي"
ياخ دخلت ليهو بثقة ناس نيويورك
وقلت للزول:
“آيسكريم بالفانيليا بالله”
قال لي:
“الفانيليا خلصت… عندنا مانجو، شوكولاتة، فرولة”
وأنا ما داير أظهر إنو دي أول تجربة
قلت ليهو:
“أمشّي لينا مانجو… 😎”
(رغم إني لو شُفت مانجا في بيتنا بزوغ)
جاب لي كوز شكله زي البوستر
أول لعقة دخلت خشمي 🤢
والله ساااااااكر!
زي موية غسيل عده متخمر في شمس حلفا!
لساني قال لي:
> “إنت داير تبكي ولا نخش في غيبوبة؟”
بس قلت أتحمّل… الجماعة حولي قاعدين يبلبعوا بسعادة
وأنا شايل الهم ساكت
وصلت النص، قمت غسلت يدي ومشيت
الزول قال لي:
يا أستاذ باقي الايسكريم في كيس، شيلو معاك”
شلتو وطلعت،
شُفت لي كلب مسكين…
أديتو الكيس، شمّاهو… وجرى
ومن يومها، بقيت ملتزم التزام تاااام بالجدول:
فول صباحاً، عدس مساءً
وكل ما أشوف كلمة “آيسكريم مانجو”
بترجع لي نفس القشعريرة.
#الاسكندر
❤8🤣3👍1
❤16💔13😢5
زي ما بؤمن بالمساحه الشخصيه وبحترمها جداً برضو بؤمن بأهميه الاختراق والاجبار فى تأصيل الود وتثبيت المحبة❤️
زي ما في جملة بتقول "طيب مدام ده المريحك" فيه جمله برضو بتقول "يازول هوي والله غصب عنك"
زي ما في جملة "فاضي اجيك اسي؟" فيه جملة " هوي انا برا افتح الباب "
زي ما في جملة " اتفضل مع السلامة " فيه جملة "استنى أنا عايز اتكلم معاك"
زي ما بؤمن باللطف ، بأؤمن بالزن والتحايل وإيجاد المخارج واختلاس الفرص
بؤمن انو مابينفع البيحبنا يخلينا على مزاجنا والا حايكون الفرق شنو !
مهما استقوت نفوسنا ماتخلونا ليها ولا تعينوها علينا "فليس كل ما لا نريده نرفضه حقا"..
فيه Quote قريتها قبل فتره يمكن بتختصر كل الكلام دا في
"سلامًا لمن طرقَ الباب فوجده مُغلقاً ، فعذَر وأمهل وصبر ورابط وأبى الانصراف ومكثَ غير بعيد ، يتحيّن فرصة ويترصد ثغرة ، حتى رأى نصف انفراجة فانتهزها ، وجاز وعبر واخترق ومرّ إلى قلوبنا ، فأثار ومنح وطبطب وأحيا وأعان وعوّض واحتوى"
فى الحروب زمان قبل مئات السنين القِلاع ماكانت بتفتح ابوابها الا لمُحاصر صلب وقوي عنده عزيمه انه يفتحها واقسم انه مايرجع غير ومعاهو العرش.
اوقات كتيرة بنكون قافلين علينا الاوضه و ماعايزين زول يدخل فى اكتر وقت محتاجين فيهو زول يكسر الباب ويدخل علينا ، غالباً احسن حاجة بتحصل لينا هى الحاجات اللى بتحصل غصبا عننا .
المريض لو ما اجبرتو ياخد الدوا عمره ما بيبقى كويس !
جلال الدين الرومى كان عندو مقوله بيوصف فيها الكلام ده وبيقول "وإن كنت لا تريدني فأنا أريدك بالروح ,وإن لم تفتح لي الباب فأنا مقيم على أعتابك".
وبصراحه كدا المابيعرف يفرض وجوده وقت الحوجّة يتخارج احسن..❤️
#lol
زي ما في جملة بتقول "طيب مدام ده المريحك" فيه جمله برضو بتقول "يازول هوي والله غصب عنك"
زي ما في جملة "فاضي اجيك اسي؟" فيه جملة " هوي انا برا افتح الباب "
زي ما في جملة " اتفضل مع السلامة " فيه جملة "استنى أنا عايز اتكلم معاك"
زي ما بؤمن باللطف ، بأؤمن بالزن والتحايل وإيجاد المخارج واختلاس الفرص
بؤمن انو مابينفع البيحبنا يخلينا على مزاجنا والا حايكون الفرق شنو !
مهما استقوت نفوسنا ماتخلونا ليها ولا تعينوها علينا "فليس كل ما لا نريده نرفضه حقا"..
فيه Quote قريتها قبل فتره يمكن بتختصر كل الكلام دا في
"سلامًا لمن طرقَ الباب فوجده مُغلقاً ، فعذَر وأمهل وصبر ورابط وأبى الانصراف ومكثَ غير بعيد ، يتحيّن فرصة ويترصد ثغرة ، حتى رأى نصف انفراجة فانتهزها ، وجاز وعبر واخترق ومرّ إلى قلوبنا ، فأثار ومنح وطبطب وأحيا وأعان وعوّض واحتوى"
فى الحروب زمان قبل مئات السنين القِلاع ماكانت بتفتح ابوابها الا لمُحاصر صلب وقوي عنده عزيمه انه يفتحها واقسم انه مايرجع غير ومعاهو العرش.
اوقات كتيرة بنكون قافلين علينا الاوضه و ماعايزين زول يدخل فى اكتر وقت محتاجين فيهو زول يكسر الباب ويدخل علينا ، غالباً احسن حاجة بتحصل لينا هى الحاجات اللى بتحصل غصبا عننا .
المريض لو ما اجبرتو ياخد الدوا عمره ما بيبقى كويس !
جلال الدين الرومى كان عندو مقوله بيوصف فيها الكلام ده وبيقول "وإن كنت لا تريدني فأنا أريدك بالروح ,وإن لم تفتح لي الباب فأنا مقيم على أعتابك".
وبصراحه كدا المابيعرف يفرض وجوده وقت الحوجّة يتخارج احسن..❤️
#lol
❤43👍3🥰3😭1
❤37🤝4🔥2