انا ما عايزة أعرف عن نفسي كتير .. بس انا أدمن جديدة ح أقدم نصائح من تجربتي الخاصة ..
بتمنى البقدمه يفيد الناس
ابقو عافية وفي أمان الله 🙋‍♀❤️

إتوكل .. وما تسمح لي تقيم المجتمع السلبي أنو يشكك في نفسك ، وفي قدراتك ، وفي رحمة ربنا ..
دعواتك بتستجاب في الضياع الانت فيه، لحدي ما الصورة توضح وتشوف الأمور إتسهلت خليك مكمل سعي ..
ما تنتظر الأمور تبقى رواق وتمام خليك مكمل في الوقت الصعب عشان تثبت قوتك .

.. انت ما محتاج ولا مطر توري الناس أنت بتنجز في شنو ..
ما تنتظر دعم من زول اسندس نفسك بي نفسك ..
كون نفسك وبطل ترمي اللوم على الحولك في أنهم سبب ضعفك ..
انت البتتحكم في تأثير الحولك ،انت البختار لو عايز تضعف او لا انت البتختار لو عايز تهز ثقتك ولا لا ، انت البتختار لو عايز تقارن نفسك ولا لا . انت المسؤول تصلح اي شي ما تهرب من مسؤولية نفسك وحياتك ..
انت المسؤول وكفاية دور الضحية .

في أمان الله 🙋‍♀❤️
#Ha_No

.

فتحت تطبيق بنكك كده ساي…ده العادي بتاعي بفتحو الساعه تلاته اربعه مرات بمناسبه او بدون مناسبه أتفاجأت في قروش نزلت...!
أنا قلبي وقع… قلت يمكن  بالغلط ولا زول حول لي من الناس البعرفهم..
سألت البيت نفر نفر: يا جماعة في زول حول لي بنكك؟… ما في زول عبرني حتي😁
سالت الناس البتعامل معاهم برضو نفر نفر.. برضو م ظهر ليها سيد
قلت أدّيها 12 ساعة يمكن صاحبها يتذكر. الزمن مر وما ظهر زول… قلت في سري: ناس بتاكل بلد، خليها آكل تحويله بالغلط..
المهم اتوكلت وخشيت بيها السوق عزيت نفسي بمزاج وصحبي داك المعلوم لديكم برضو م قصرته معاهو دلعتو آخر دلع.. وانا مارق من السوق قلته ناس البيت برضو م اقصر معاهم شلت لي وجبه سفري وبقيت مارق البيت
#المهم اثناء الونسة،  تلفوني ضرب… جارنا عم عبداللطيف يقول:
يا ولدي، البنية قالت مصاريف الجامعة ما جاتها… شوف صحبك البحول ليك ما رسل إشعار؟
#المهم
حاليا فاتح باب التبرعات وبالنسبه للناس العايز منهم قروش
بقول ليهم... كلمني حاول حس بي...



#خارج النص

يا جماعة في حاجات في الدنيا غريبة… زي البنوك. مرات تفتح تلقى رصيد ما عارف من وين، ومرات تمشي بنفسك تحوّل قروش، تقوم تختفي في الهواء كأنها "رحلة ذهاب بلا عودة"!
والأغرب من دا كله، الزول البحوّل ليك بالغلط… بيكون أسرع منك في المطالبة بيها: ياخي رجع لي قروشي!
طيب إنت أول حاجة خليني أفرح بيها شوية… بعدين أرجعها.

#يوم_سعيد

#الاسكندر

.

الواحد محتاج يقعد مع نفسو قعدة صفا يراجع فيها حساباتو... خصوصاً القروش البنصرفها في النت.
يشوفها: حلال ولا حرام؟
لأنو ما ممكن تفتح أي منصة إلا وتلقى قونات بيردحوا لبعض. وبألفاظ كفيله بأنها تدخلك في جيبك وفي اضافرينك لو فتحتا بالغلط في مكان عام ، ولا فيديوهات شبيهة بالحاجات دي.

أي زول حاسس إنو عندو نفس المشكلة، ممكن عادي يعزمني على جلسة صفا في مطعم سمك
نراجع حساباتنا سوا... يمكن نلقى الحل.

#مساء_الخير

#الاسكندر

.

الذين قاموا بأشياء خاطئة في حقك ، سيعتقدون دائماً أن منشوراتك موّجهة اليهم ..!!😶

#مساء_الخير

#الاسكندر

.

بدأ صباحي بلا منبّه ولا جلبة… فقط صحوت فجأة وكأن اليوم نفسه يجرّني من النوم.
ترددت لحظة بين أن أعود إلى الوسادة أو أواجه الشمس… لكنني في النهاية اخترت أن أبدأ يومي مبكراً، على غير العادة.

مددت يدي إلى جيبي أفتش عن بقايا ما يُسمى "رصيد الجيوب"، وبعد بحث مضنٍ وجدت المحفظة.
فتحتها بحذر وكأنها صندوق أسرار… فإذا بي أعثر على الف جنيه، يتيم ووحيد، يلمع وكأنه يسخر مني.

ابتسمت، وقلت في نفسي: "لنجرّب حظنا اليوم".
تركت البيت ومشيت على قدمي في شوارع المدينة الصغيرة… شوارع هادئة يعرف كل حجرٍ فيها وجهي، وكل محلّ فيها يعرف خطاي.
كنت أراقب المارة، وأسترق السمع لضحكاتٍ متفرقة هنا وهناك… وأتأمل تفاصيل عادية لكنها بدت لي وقتها وكأنها مشهد سينمائي.

وفي النهاية، وبعد طول تفكير في مصير ذلك الالف جنيه… أنفقته على كوب شاي من بائعةٍ عند الناصية، وجلست على كرسيٍ بلاستيكي تحت ظلّ شجرة،في طرف السوق أراقب المارة وأشرب ببطء.

وخرجت من تلك اللحظة بقناعة بسيطة:
قد لا يغيّر الجنيه حياتك، لكنه قادر أن يمنحك "جلسة صفا" لا تقدّر بثمن.

#تحت_عنوان_كيف_تسعد_نفسك_بالف_جنيه_بخطوه_وحده

#يوم_سعيد

#الاسكندر

.

يوم كده كنت فاضي ما عندي موضوع قاعد لا شغله ولا مشغله جاني ، صاحبي قال لي “أرح معاي مشوار خفيف، في ناس دايرين نتعرف عليهم ساي”.
قلت ليه قدام يازول، نمشي نتعارف ،وبالمره نشرب شاي ونتعشي مجاني ونرجع. مشينا لابسين عادي كده، ولا في بالنا أي حاجة كبيرة.

المهم وصلنا، السلامات والابتسامات والضحك، قلنا خلاص الموضوع بسيط. لكن فجأة لقيت الجو بدأ يتبدل 😅
الكلام بقى رسمي، والناس بقت جادة، وصاحبي وشو بدا يتغير ويتوتر...
قلت في نفسي “يا ربي الحاصل شنو؟!”

ما كملنا نص ساعة إلا والمأذون وصل ، والكلام بقي عن التزامات ومسؤوليات....
قلت ليهم “يا جماعة نحنا جينا تعارف ساي، ما جينا نعمل عقد...
لكن الظاهر الشغلة كانت مرتبة من البداية. 😎......

#المهم
هذا ما يعرف بعلاج الامر الامر الواقع او العلاج بالصدمه الكتمان والاعلان المفاجئ وده الاستخدموهو مع طلبة الشهاده الثانويه...

#الاسكندر

راقت لي🌻
" أليسَ الله بڪافٍ عبده " ؟

ما ردَّدتُها وسط خَوفٍ إِلّا وإطمأنَّ قَلبي لها ، ولانَت رَجَفاتُ روحي بها ، وما قرأتُ { يا عبادي } إِلّا لَبَّيتُ النّداء حُباً ، وحاولتُ قُرباً لأڪون من ضمنهم ، لأڪون من { والذين جاهدوا فينا } فنَفضتُ عني غشاوة الفراغ ، واحتضنتُ { لا أبرَح } واستمسڪتُ بــ { ولا يلتفت منڪم أحدٌ } منتقلاً إلىٰ { وامضوا حيثُ تؤمَرون } فڪانت { لولا أن ربطنا على قَلبها } مشڪاة ظُلمة الحياة ، فرابَطتُ بها ورَبَطتُها ، مُردَّداً وَعدَ الله { ولَيُمَڪَّنَنَّ لهم دينَهُمُ } مبصراً المسار بــ { الضّحى } حاملاً معي { ألَم نَشرَح } غارساً { اهدنا الصّراط المستقيم } بقلبٍ تَشَبَّع { إِنّا  لا نُضيعُ أجرَ مَن أحسَنَ عَمَلّا }
والله ما قرأتُ { يا أيّها الذين آمنوا } إلّا وأصغَيتُ بڪْلَّ جوارِحي مؤمناً بها ، مُحسِن الظَّن أن أقول يوماً ، هاا أنا..
يا فتىٰ ، هَوّن عليك وتلَطَّف ، واقطُف من الآيات
حكايتك 🤍🍃


لقائله ..
#Ha_No

لا حول ولا قوه الا بالله حسبي الله ونعم الوكيل عليهم

: #الفاشر_تتعرض_للإبادة
#الفاشر
#أنقذوا_الفاشر
#الفاشر_تحاصر_وتعاني
#StopElFasher
. #SaveElFasher
#الفاشر_مخاطر_إنسانية
#فاشر_بدون_صوت
#الفاشر_تحت_القصف
#lol