Тошкент вилоятида гиёҳвандлик савдосига вояга етмаган қизларни жалб қилган шахслар ушланди

Чирчиқ шаҳри ва Қибрай туманида ўтказилган тезкор тадбирларда жами 4,7 килограмм гиёҳвандлик воситалари мусодара қилинди. Қўлга олинганлар орасида талабалар ҳам бор.

👉 @Kun_Uz

#Хайрли_тонг

☀️Ассалому алайкум, қадрдонлар!

Чоршанба, 14 октябрь тонги муборак бўлсин!

🤲Аллоҳ бугунги кунимизни хайрли, ризқимизни баракали қилсин. Ота-онамиз соғ, фарзандларимиз бахтли, хонадонларимиз тинч бўлсин!

🌿 Уйдан яхши ният билан чиқиб, яхши хабарлар билан қайтиш барчамизга насиб этсин!

ЭНГ ЯҚИНЛАРГА ЮБОРИБ ЯНГИ ТОНГ БИЛАН ТАБРИКЛАБ ҚЎЙИНГ

👉 @Kun_Uz

Эҳтиёжманд оилаларга 1 млн сўмдан бир марталик ёрдам бериш таклиф этилмоқда

Жамоатчилик муҳокамасига қўйилган ҳужжат лойиҳасида 2026 йил ноябрь ойида эҳтиёжманд оилаларга 1 млн сўмдан бир марталик моддий ёрдам ажратиш назарда тутилмоқда.

Шунингдек, электр энергияси ва табиий газ бўйича компенсация олиш учун даромад мезонини минимал истеъмол харажатларининг 2 бараваригача — оиланинг ҳар бир аъзосига 1 млн 430 минг сўмгача кенгайтириш таклиф қилинмоқда.

👉 @Kun_Uz

Қашқадарёдаги сел сабаб бир киши ҳалок бўлди

13 октябрь куни кечки пайт Қашқадарё вилояти Деҳқонобод тумани Шакарбулоқ қишлоғидан оқиб ўтувчи сойда юзага келган сел сабаб, Damas автоуловидаги йўловчи сел сувларида автомобили билан оқиб, чуқурликка тушиб кетиш ортидан ҳалок бўлди.

👉 @Kun_Uz

Хоразмда онасининг синфдошлари билан жанжаллашган йигит 16 йилга қамалди

Хоразм вилояти Хонқа туманида 21 ёшли йигит онасига кечки пайт қўнғироқ қилган синфдошлари билан жанжаллашиб, бир кишининг ўлимига сабабчи бўлди.

Жанжал дастлаб телефон орқали бошланган. Йигит отаси билан чойхонага бориб, тортишувдан сўнг уйига қайтган. Бироқ кейинроқ пичоқ сотиб олиб, чойхонага яна борган.

Иккинчи жанжал пайтида у низони ажратишга уринган кишини пичоқлаб ўлдирган, яна бир кишига тан жароҳати етказган.
Суд йигитни қасддан одам ўлдириш ва одам ўлдиришга суиқасд қилишда айбдор деб топиб, 16 йилга озодликдан маҳрум қилди.

👉 @Kun_Uz

Президент қарори:

➖2027 йил 1 январдан 2030 йил 1 январгача иссиқхона фаолиятидан даромадининг камида 60 фоизини ташкил этган тадбиркорлик субъектларига юридик шахслардан олинадиган ер солиғи ва мол-мулкка солинадиган солиқ ставкалари 50 фоизга камайтирилади.

➖2026 йил 1 ноябрдан 2030 йил 1 апрелгача иссиқлик энергиясини тежовчи махсус қопланма “кўрпа” билан қопланган ва (ёки) энергия самарадор “яшил” иситиш воситаларидан (иссиқлик насослари, геотермал иситиш тизимлари, қуёш иссиқлик тизимлари, электр энергияси асосидаги юқори самарали иситиш тизимлари) фойдаланаётган иссиқхона хўжаликларига октябрь–март ойларида истеъмол қилинган электр энергияси қийматининг 50 фоизи миқдорида субсидия ажратилади.

➖Энергия самарадорлиги миллий агентлиги 2030 йил 1 январга қадар Тошкент вилоятининг Тошкент, Зангиота, Қибрай, Янгийўл ва Юқори Чирчиқ туманларида аҳоли томорқаларидаги иссиқхоналарни иситиш учун қуёш панеллари, иссиқлик насослари, инфрақизил иситиш мосламалари ва бошқа энергия тежамкор ускуналарни харид қилиш ҳамда ўрнатиш харажатларининг 40 фоизи, бироқ 100 миллион сўмдан ошмаган миқдорда бир марталик субсидия ажратади.

➖Камбағалликни қисқартириш мақсадли жамғармаси маблағлари ҳисобидан Тошкент вилоятининг иссиқхоначиликка ихтисослашган 50 та маҳаллада ҳар бир оилага 200 миллион сўмгача субсидия ажратилади.

➖Марказий банк оилавий тадбиркорликни ривожлантириш доирасида тажриба тариқасида томорқа ва деҳқон хўжалигига мўлжалланган ер майдонларига эга жисмоний шахсларга имтиёзли кредитлар ажратади: “яшил” технологияларга асосланган иссиқхона барпо этиш учун 300 миллион сўмгача, мавжуд иссиқхоналарни қайта жиҳозлаш учун 150 миллион сўмгача.

👉 @Kun_Uz

#Тезкор

☄️Ўзбекистонда ер қимирлади

Қирғиз Республикасида зилзила содир бўлди.

❗️Ўзбекистон Республикаси ҳудудида сезилиш кучи:
Фарғона туманида 2-3 балл, 18 км.
Қувасой шаҳрида 2-3 балл, 20 км.
Фарғона шаҳрида 2 балл, 25 км.
Марғилон шаҳрида 2 балл, 34 км.

Зилзила эпицентри Тошкентдан 251 км жанубий-шарқда
Вақти: 13:50:05 14.10.2026
Магнитуда: 3,4
Чуқурлиги: 10 км
Эпицентр: Боткен, Қирғиз Республикаси

Группаларга улашиб қўямиз

👉 @Kun_Uz

#диққат #тарқатинг

☄️Картангизни текширинг "Яндекс Go" доставка учун тўловни 2-3 маротабалаб ечиб олмоқда

Иложи бўлса картангизни Яндексдан чиқариб ташланг

👉 @Kun_Uz

#лайфхак

Қўнғироқ қилса исмини айтадиган функцияни ёқиш усули!

Видеони сақлаб олинг ва яқинларга ҳам улашиб қўйинг

👉 @Kun_Uz

#Хайрли_тонг

🌤 Ассалому алайкум, қадрдонлар!

Бугун — 15 октябрь, пайшанба.

Аллоҳим, янги тонгни барчамизга хайрли қилсин. Хонадонимиздан файзу барака, кўнглимиздан хотиржамлик, дастурхонимиздан ризқ аримасин!

🌿 Бугунги кунингиз яхши хабарлар, самимий учрашувлар ва хайрли ишларга бой бўлсин.

Бизни эслаб турувчи яқинларимиз омон бўлишсин🤲

Тонгингиз файзли, кунингиз баракали ўтсин!

ЭНГ ЯҚИНЛАРГА УЛАШИБ ҚЎЙИНГ.👇

👉 @Kun_Uz

Кўкдала ҳокими ҳужумга учради

Унга туманда савдо фаолияти билан шуғулланувчи тадбиркор болта билан жароҳат етказгани айтилмоқда. Манбага кўра, ҳокимлик ташаббуси билан тадбиркор савдо қиладиган дўкон бузилиши керак бўлган.

Ҳокимнинг қандай жароҳат олгани ва айни пайтдаги соғлиги ҳақида маълумот йўқ. ИИВ матбуот хизмати ҳодиса содир бўлганини тасдиқлади ва прокуратура ўрганиш олиб бораётганини маълум қилди.

👉 @Kun_Uz

Репер Navai Қозоғистон чегарасида ҳибсга олингани айтилмоқда

ОАВ хабарларига кўра, 13 октябрь куни репер Navai — Навай Бакиров Қозоғистондаги Қордай чегара пунктида автомобилидан тақиқланган модда(наркотик) топилганидан сўнг ҳибсга олинган. У вақтинча сақлаш изоляторига жойлаштирилгани айтилмоқда.

👉 @Kun_Uz

Чилонзор тумани ҳокими сифатида ишлаб келаётган Саидқаххор Холхўжаев Инвестициялар, саноат ва савдо вазири ўринбосари лавозимига тайинланиши кутилмоқда.

👉 @Kun_Uz

Чилонзордан ташқари Яшнобод ва Янгиҳаёт тумани ҳокимлари: Бахтиёр Раҳмонқулов ва Ҳаёт Иноғомов ҳам лавозимидан озод этилган.

👉 @Kun_Uz

Абдулазиз Ахатович Абдулхаков Яшнобод тумани ҳокими лавозимига тайинланди.

У 2025 йилдан Тошкент шаҳридаги «UET Construction» МЧЖ ижтимоий объектлар қурилиши департаменти директори лавозимида фаолият юритган.

👉 @Kun_Uz

Истанбулда кучли ёғингарчилик оқибатида икки киши ҳалок бўлди

Туркиянинг Истанбул шаҳрида 14 октябрь куни бошланган кучли жала жиддий сув тошқинларига сабаб бўлди. Шаҳарнинг айрим ҳудудларида ёғингарчилик миқдори 240 ммдан ошди. Бу 1985 йилдан бери қайд этилган энг юқори кўрсаткичлардан бири ҳисобланади.

Сув турар жойлар, ишхоналар, йўллар ва ерости ўтиш жойларини босди. Автомобиллар сув остида қолди, транспорт ҳаракати деярли тўхтаб қолган.

Сўнгги маълумотларга кўра, табиий офат оқибатида икки киши ҳалок бўлган. Фотиҳ туманида 14 ёшли ўсмир сув тўпланган жойга қадам қўйганида ток уриши натижасида вафот этган. Сариер туманида эса 34 ёшли шахс сирпаниб йиқилиши ва бошидан оғир жароҳат олиши оқибатида ҳаётдан кўз юмган.

Ноқулай об-ҳаво сабаб Истанбул аэропортига қўниши керак бўлган 43 та рейс бошқа аэропортларга йўналтирилди. Сабиха Гўкчен аэропортида ҳам парвозлар вақтинча издан чиқди. 15 октябрь куни шаҳардаги мактабларда дарслар тўхтатилди.

👉 @Kun_Uz

#ТЕЗКОР
⚡️🇺🇸 Green Card-2027 учун рўйхатдан ўтиш санаси 16 октябрда эълон қилиниши мумкин

Тарқалаётган маълумотларга кўра, АҚШ Давлат департаменти рўйхатдан ўтиш муддатларини 15 октябрь куни Америка вақти билан кун охирига қадар эълон қилиши кутилмоқда.
Тахминларга кўра, рўйхатдан ўтиш 1 ноябрдан кечикмай бошланиши ва 30 кун давом этиши мумкин. Шунингдек, иштирок этиш учун 1 доллар тўлов белгиланиши ва ариза топширишда амалдаги хорижга чиқиш паспорти скани талаб қилиниши айтилмоқда.

Хабарни бошқаларга ҳам улашинг!

👉 @Kun_Uz

Автобуслар учун ажратилган йўлакларда юрган машиналарга жарима ёзилмоқда

Танишларга юбориб огоҳлантириб қўямиз.

👉 @Kun_Uz

Тошкент тумани ҳокими ўринбосари 25 минг доллар билан қўлга олинди

Тошкент вилояти Тошкент тумани ҳокими ўринбосари тадбиркорга 1 гектар ер майдонини аукцион орқали олиб бериш эвазига 25 минг доллар талаб қилгани айтилмоқда.

Маълум қилинишича, мансабдор ҳокимлик балансидаги ерни Давлат активларини бошқариш тизимидаги танишлари орқали савдога чиқариб беришни ваъда қилган. Тезкор тадбир давомида ҳоким ўринбосари сўралган пулни олаётган вақтда ушланган.

👉 @Kun_Uz