Sunʼiy intellekt odamlarni ishsiz qoldiradimi? Xavotirlar va imkoniyatlar haqida suhbat

Sunʼiy intellektdan foydalanmaslik savodsizlikka aylanadimi? Mehnat bozoridagi raqobat SIni bilish darajasiga bog‘lanib qoladimi? SI platformalariga shaxsiy maʼlumotlarni kiritish qanchalik xavfli? U inson nazoratidan chiqib ketishi mumkinmi?

Jamshid Muslimov va Odilxon Alimxonov «Nima dard?» podkastining navbatdagi sonida Mohirdev taʼlim platformasi asoschisi Anvar Narzullayev bilan suhbatlashdi.

📹TO‘LIQ SUHBATNI TOMOSHA QILING

Yaponiyada Osiyo o‘yinlari ochildi: O‘zbekiston 400 ga yaqin sportchi bilan ishtirok etadi

Osiyoning eng yirik sport musobaqasi Yaponiyaning Nagoya shahrida start oldi. Keyingi 16 kun davomida 11 mingga yaqin sportchi 469 ta medal jamlanmasi uchun kurashadi, ular orasida O‘zbekistonning 396 nafar vakili ham bor.

👉 https://kun.uz/uz/92507251

Kun.uz rasmiy kanali

"Yaponiyaga borsangiz, birinchi bo‘lib gaplashishdan tortinmang": yaponiyalik talabalar O‘zbekiston haqida

Yaponiya haqida aksar o‘zbekistonliklarning tasavvuri o‘xshash: zamonaviy texnologiyalar, yirik shaharlar, tartib-intizom va yaxshi maosh. Shu bois, bugun bu mamlakatda o‘qish, ishlash yoki tajriba orttirish ko‘plab yoshlar uchun qiziq yo‘nalishlardan biriga aylanmoqda.
Ammo Yaponiya fuqarolari O‘zbekiston haqida nimalarni biladi? Mamlakatimizga ilk bor kelgan yaponiyalik talabalarning tasavvuri qanday edi va bu qarashlari safardan keyin o‘zgardimi? Kun.uz muxbiri besh nafar yaponiyalik talaba bilan shu haqida suhbatlashdi.

📹 To‘liq videoni Kun.uz saytida tomosha qiling

Kun.uz rasmiy kanali

Toshkentda «SAT bunkeri» aniqlandi

Toshkentda xalqaro SAT imtihonini noqonuniy topshirish uchun “bunker” tashkil qilgan guruh faoliyatiga chek qo‘yildi. DXX maʼlumotiga ko‘ra, guruh aʼzolari talabgorlar o‘rniga test savollarini masofadan yechib bergan va buning uchun har biridan 1,5 ming dollardan talab qilgan.

👉 https://kun.uz/uz/99221446

Kun.uz rasmiy kanali

O‘zbekistonda tibbiyot bitiruvchilarining har to‘rt nafaridan biri ishsiz - BSI tahlili

Taʼlim sifatini taʼminlash milliy agentligining «Bitiruvchilar sifati indeksi» tahlili natijalariga ko‘ra, o‘tgan o‘quv yilida 170 ta OTM bitiruvchilarining 83 foizi ish bilan taʼminlangan. Ijtimoiy fanlar bitiruvchilarida 84 foiz, ijodiy-sport yo‘nalishlarida 83 foiz va amaliy fanlarda 82 foiz bitiruvchi ishga kirgan. Eng past natija tibbiyot yo‘nalishida qayd etilgan, bitiruvchilarning 75 foizi ishlamoqda. Demak, har to‘rt nafar tibbiyot bitiruvchisidan biri ishga kira olmagan.

Bitiruvchilar orasida ishga joylashishda qizlar ulushi ko‘proq — 85,1 foiz, yigitlar ulushi 80,4 foiz bo‘lgan. Ammo maoshlar masalasida yigitlarda ko‘proq: o‘rtacha ish haqi 6 mln so‘m, qizlarda pastroq — 3,9 mln so‘m ekani aniqlangan. Umumiy bitiruvchilar bo‘yicha o‘rtacha maosh 4,9 mln so‘mni tashkil etgan.

👉 https://kun.uz/uz/41050868

Kun.uz rasmiy kanali

Toshkentda havo sifati vaqtincha yomonlashishi kutilmoqda

Toshkentda 19 sentyabr kechqurun havo sifati yomonlashishi kutilmoqda. Ekologiya qo‘mitasiga ko‘ra, AQI (havo sifati) ko‘rsatkichi «sezgir guruhlar uchun zararli» darajaga chiqishi mumkin. Holat 20 sentyabr ertalabgacha davom etishi prognoz qilingan.

👉 https://kun.uz/uz/87181873

Kun.uz rasmiy kanali

Pensiya islohoti kimlarga taʼsir qiladi? – rasmiylar bilan intervyu

O‘zbekistonda pensiya yoshini oshirish taklif qilinyapti – lekin bu hozir pensiya olayotganlarga taʼsir qilmaydi. Eʼlon qilingan pensiya islohoti loyihasiga ko‘ra, uzoq va samarali ishlaganlarga adolatli pensiya tayinlash ko‘zda tutilgan. Hukumat minimal ish stajini 7 yildan 15 yilga uzaytirish orqali uzoq vaqt mehnat bozorida band bo‘lganlar sonini ko‘paytirmoqchi.

Shuningdek, jamg‘arib boriladigan pensiya tizimini joriy etish ham taklif qilinyapti.

Pensiya islohoti kimlarga qanday taʼsir qilishi borasida Kun.uz Pensiya jamg‘armasi rasmiylari Abror Xolmatov va Sardor Fayzullayev bilan suhbatlashdi.

📹TO‘LIQ SUHBATNI TOMOSHA QILING

O‘zbekiston shaxmatchilari Olimpiadaning 4-turida ham g‘alabali qadamini davom ettirdi

Samarqandda o‘tayotgan Butunjahon shaxmat olimpiadasida O‘zbekistonning erkaklar asosiy terma jamoasi Turkiyani 2,5:1,5 hisobida mag‘lub etib, 2-o‘ringa ko‘tarildi. Ayollar jamoasi Argentinani 3:1 hisobida yengib, 3-o‘ringa chiqib oldi.

👉 https://kun.uz/uz/71406185

Kun.uz rasmiy kanali

Yashirin kelishuv va mln dollarlik “ulush” – “O‘zagrolizing”ning sobiq rahbari qamalgani maʼlum bo‘ldi
 
“O‘zagrolizing” AJ boshqaruv raisi lavozimida ishlagan Nodir Otajonov 6 yilga ozodlikdan mahrum qilingan. Jinoiy ish Xitoydan import qilingan paxta terish kombaynlari bilan bog‘liq.
 
Kun.uz tanishgan sud hujjatida bu kombaynlar aslida eski bo‘lgani, Nodir Otajonov xitoyliklar bilan kelishgan holda uni taʼmirlab, go‘yoki yangi texnika sifatida O‘zbekistonga import qilgani aytiladi. Ammo u ayblovlarni tan olmagan.
 
Hukmga ko‘ra, Otajonov Xitoy kompaniyasi bilan 100 ta ana shunday kombayn importi uchun 8 mln dollarlik shartnoma tuzilishini taʼminlash orqali 1 mln 180 ming dollar ulush olgan. U ushbu pullarni do‘stining xonadonida saqlagan.

Nodir Otajonov 2024 yilda “O‘zagrolizing” AJ boshqaruvi raisi sifatida “Sodiq xizmatlari uchun” medali bilan taqdirlangan.

👉 https://kun.uz/uz/37644054

Kun.uz rasmiy kanali

Toshkentdan ko‘ringan yorqin jism Xitoy raketasining bir qismi ekani taxmin qilinmoqda

Fanlar akademiyasi Astronomiya instituti xodimi Toshkent osmonida ko‘ringan va uzun iz qoldirgan yorqin jism meteor yoki bolidga o‘xshamasligini qayd etdi.

👉 https://kun.uz/uz/52981871

Kun.uz rasmiy kanali

Pensiya islohotida jiddiy qadam va ko‘chiriladigan qabristonlar — hafta dayjesti

Aholining pensiyaga chiqish yoshini oshirish bo‘yicha keyingi qadam qo‘yildi. Prezident kuch tuzilmalari rahbarlarini jiddiy ogohlantirdi. Partiya rahbari va Madaniy meros agentligi o‘rtasida qarama-qarshilik chiqdi. Endi o‘quvchiga zo‘ravonlik qilgan o‘qituvchilar 2,2 mln so‘mgacha jarimaga tortiladi. Toshkent viloyatida bir necha qabriston ko‘chiriladi. “O‘zagrolizing” AJ sobiq boshqaruv raisi 6 yilga qamalgani maʼlum bo‘ldi.

Yakunlangan haftaning O‘zbekiston hayotiga oid ayrim mavzulari – Kun.uz dayjestida.

📹 VIDEOSHARHNI TOMOSHA QILING

Husiylar Saudiya poytaxtiga raketa va dronlar bilan hujum qildi

Yamandagi husiylar 19 sentyabr kuni Ar-Riyoddagi “nozik” obyektlarga raketa va dronlar bilan hujum qilganini maʼlum qildi. Ushbu eʼlondan bir necha soat avval shaharning bosh aeroporti – «Shoh Xolid» yaqinida olov va ulkan tutun ko‘zga tashlandi.

Saudiya boshchiligidagi harbiy koalitsiya Ar-Riyod, Bish, Farasan, Toif va Yanbuda husiylarning hujumlari oldi olinganini maʼlum qildi. Ammo yetkazilgan talafot hajmini ochiqlamadi.

Turkiya husiylarning davom etayotgan hujumlari sababli Saudiya Arabistoniga «uch tomonlama mudofaa shartnomasi doirasida yordam berishga tayyorligi»ni bildirdi.

👉 https://kun.uz/uz/80642589

Kun.uz rasmiy kanali

Rafinya yana 3 ta gol urdi, “Arsenal” 3 ta o‘tkazdi

“Tottenhem” 5 turga kelib ilk golini urdi, ammo hamon g‘alaba qozona olmayapti. «Aston Villa» ilk g‘alabasini qo‘lga kiritdi. “Arsenal” yirik mag‘lubiyatdan keyin ikkinchi o‘ringa tushib ketdi, “Siti” bugun “Sanderlend” ustidan g‘alaba qozonsa, birinchi o‘rinni mustahkamlaydi. “Barsa” esa la ligada qatorasiga yettinchi o‘yinda g‘alaba qozondi, ammo bu safar uchta gol bilan cheklandi.

👍 https://kun.uz/uz/70724972

Kun.uz rasmiy kanali

O‘zbekistonda o‘g‘il bolalar ko‘p tug‘ilyaptimi yoki qizlar? Oxirgi 16 yillik tahlili

2010 yildan 2025 yilgacha O‘zbekistonda jami 12 mln 486 ming 844 nafar chaqaloq dunyoga kelgan. Ulardan 6 mln 482 ming 375 nafari o‘g‘il, 6 mln 4 ming 469 nafari qiz bolalardir. 16 yillik umumiy ko‘rsatkich bo‘yicha butun respublikada o‘g‘il bolalar qizlarga nisbatan 477 ming 906 nafarga (7,96 foizga) ko‘p tug‘ilgan. Bu har 100 nafar qiz chaqaloqqa o‘rtacha 108 nafar o‘g‘il bola to‘g‘ri kelayotganini anglatadi.

👉 https://kun.uz/uz/73572577

Kun.uz rasmiy kanali

Ukraina saylovlar vaqtida Moskva bo‘ylab eng yirik hujumini amalga oshirdi

Rossiya hududlari bo‘ylab 1600 dan ortiq dron uchirilgan – bu urush boshidan buyon kuzatilgan eng keng ko‘lamli hujum bo‘ldi. Kapotnyadagi neftni qayta ishlash zavodida yana yong‘in chiqqan.

👉 https://kun.uz/uz/14382849

Kun.uz rasmiy kanali

“Zaharlanganlar ko‘p” – Uchko‘prikdagi shifoxonadan reportaj

Farg‘ona viloyati Uchko‘prik tumanida faoliyat yurituvchi fast fud mahsulotlari tayyorlaydigan shoxobchada 16,17,18 sentyabr kuni “xot-dog” va non-burger isteʼmol qilgan fuqarolarda yuqori harorat, holsizlik, ko‘ngil aynishi va ich ketishi kuzatilib tuman tibbiyot birlashmasiga murojaat qilgan.

Kun.uz muxbiri shifoxonada bo‘lib bemorlar va masʼullar bilan suhbatlashdi.

📹 TO‘LIQ VIDEONI TOMOSHA QILING

Shomurodov Тurkiya chempionatida dubl qayd etdi

Joriy mavsumdagi gollari sonini 6 taga yetkazib olgan o‘zbekistonlik hujumchi to‘purarlar poygasida Muhammad Salohni (7 gol) ta’qib etmoqda.

📹 👉 https://kun.uz/uz/12065123

Kun.uz rasmiy kanali

Mudofaa vazirligi harbiylari jamoasi Koreyadagi turnirda g‘olib chiqdi

O‘zbekistonlik harbiylar turli yo‘nalishlarda rekord natijalarni qayd etgan.

👉 https://kun.uz/uz/17878559

Kun.uz rasmiy kanali

«Sichqonlar va odamlar»: qashshoqlarning orzu qilishga haqqi yo‘q(mi?) | 5 daqiqa

Inson baxtli bo‘lishi uchun baʼzida juda ko‘p narsa kerakdek tuyuladi: yaxshi uy, yaxshi ish, yetarlicha pul, xotirjam hayot... Ammo inson hayotida shunday bir ehtiyoj borki, uni na pul, na boylik, na mavqe bilan to‘ldirib bo‘ladi. Bu — o‘zingizni tushunadigan, qiyin paytingizda tashlab ketmaydigan birovning borligi.

👉 https://kun.uz/uz/39562302

Kun.uz rasmiy kanali

Ijtimoiy himoya muassasalariga pulli xizmat ko‘rsatishga ruxsat berildi

O‘zbekistonda Ijtimoiy himoya milliy agentligi tizimidagi muassasalar pulli xizmatlar ko‘rsatishi, tarbiyalanuvchi va yashovchilar tayyorlagan mahsulotlarni sotishi hamda bo‘sh turgan davlat mulkini tadbirkorlarga ijaraga berishi mumkin bo‘ladi. Bu orqali muassasalarga byudjetdan tashqari qo‘shimcha mablag‘ jalb qilish ko‘zda tutilgan.

👉 https://kun.uz/uz/80703028

Kun.uz rasmiy kanali