Qashqadaryoda sel Damas‘ni oqizib ketishi oqibatida bir kishi halok bo‘ldi

Dehqonobod tumanida kuzatilgan sel oqibatida Damas oqib ketib, ichidagi yo‘lovchi halok bo‘ldi. Yo‘ldan adashib, sel yo‘lida to‘xtab qolgan mashina chuqurlikka tushib ketgan. Haydovchi chiqishga ulgurgan, qidiruv-qutqaruv ishlari natijasida yo‘lovchining jasadi topilgan.

👉 https://kun.uz/uz/50300001

Kun.uz rasmiy kanali

Hududlardagi tayinlovlar

Toshkent shahri hokimiga yangi o‘rinbosar tayinlandi – Abdulaziz Isroilov o‘rniga Doniyor Yusupov (suratda chapda) Shahar kanallaridan foydalanish va ularga tutash hududlarni obodonlashtirish boshqarmasining yangi boshlig‘i bo‘ldi;

Xorazm viloyati hokimiga yangi o‘rinbosar tayinlandi – Siroj Bekchanov Xorazm viloyati hokimining qurilish masalalari bo‘yicha o‘rinbosari lavozimini tark etib, uning o‘rnini Muzaffar Qalandarov (suratda o‘rtada) egalladi;

Navoiy shahrida hokim o‘zgardi – so‘nggi uch yilda Navoiy shahriga rahbarlik qilib kelgan Dilmurod Ergashev lavozimidan ozod etildi va uning o‘rniga Bobir Islomov shahar hokimi etib tayinlandi.

Kun.uz rasmiy kanali

«Qutqaruv narvonlarimiz 72 metrgacha»: osmono‘par binolarda yong‘in qanday o‘chiriladi?

Toshkentda Nest One va Pyramid Tower kabi osmono‘par binolar soni ortib bormoqda. Biroq bunday baland inshootlarning yuqori qavatlarida yong‘in sodir bo‘lsa, aholi qanday qutqariladi? FVV avtonarvonlari 72 metrgacha yetishini hisobga olsak, 40–50-qavatlarda yong‘in qanday bartaraf etiladi va xavfsizlik qay tarzda ta’minlanadi? Bu haqda FVV vazir o‘rinbosari Xurshid Sotiyev ma’lumot berdi.

👉 https://kun.uz/uz/90268042

Kun.uz rasmiy kanali

YChLda sensatsiyalar kuni. «Bavariya» 3 ta, «Inter» 4 ta o‘tkazdi

Seshanba oqshomida Chempionlar ligasi umumiy guruh bosqichida 2-tur doirasida 9 uchrashuv bo‘lib o‘tdi. Norvegiyadagi o‘yinda Olisening tushunarsiz harakatlari «Bavariya»ga qimmatga tushdi; «Arsenal» 3 ta, «Barsa» 4 ta gol urdi va turnir jadvalida peshqadam bo‘lib oldi; Rahmonaliyev «Saboh» bilan ilk g‘alabaga erishdi; «MYu»da inqiroz davom etmoqda.

📹 👉 https://kun.uz/uz/77625143

Kun.uz rasmiy kanali

Issiqxona xo‘jaliklariga soliq imtiyozlari va subsidiyalar berildi

Prezident qarori bilan, issiqxona xo‘jaliklari QQS va foyda solig‘idan ozod etildi. Asosiy daromadi issiqxonachilikdan bo‘lgan korxonalar uchun ijtimoiy soliq stavkasi 1 foizga tushirildi, yer va mulk soliqlari esa 50 foizga kamaytirildi.

Oktabrdan martgacha “yashil” issiqxonalarning elektr xarajatlari 50 foizi qoplab beriladi.

Toshkent viloyatida tomorqasida issiqxonaga ega aholiga subsidiya ajratiladi.

👉 https://kun.uz/uz/25650522

Kun.uz rasmiy kanali

Saudi Aramco binosiga raketa hujumi va korrupsion mojaro markazidagi AQSH elchisi – kun dayjesti

• Saudi Aramco neft kompaniyasining Zahrondagi maʼmuriy binosiga ballistik raketa bilan zarba berildi, qurbonlar haqida xabar berilmadi;

• AQSHning Gretsiyadagi elchisi Kimberli Gilfoyl atrofidagi korrupsion mojaro uning lavozimdan ketishi bilan yakunlanmoqda;

• Zelenskiyga ko‘ra, ular Rossiyaning yangi zarbalari haqida hamkorlaridan ogohlantirish olmagan. Tramp esa Vashington Kiyevga razvedka maʼlumotlarini berishni to‘xtatmaganini bildirdi;

• OpenAI xodimi o‘z rahbariyatining yig‘ilishlar zaliga josuslik qurilmasi o‘rnatishda ayblanib, hibsga olindi;

• Rossiya kuchlari chorshanbaga o‘tar kechasi poytaxtga yo‘naltirilgan 100 dan ortiq dron yo‘q qilinganini maʼlum qildi. Moskvadagi aeroportlar faoliyati vaqtincha cheklandi.

👉 https://kun.uz/uz/26941253

Kun.uz rasmiy kanali

Tupak Shakur o‘ldirilishi yuzasidan 30 yil o‘tib hukm o‘qildi

Jinoyatchilar to‘dasining sobiq rahbari Dueyn «Kiffi Di» Devis umrbod qamoq jazosini oldi. Mashhur reper Tupak Shakur 1996-yilda otib ketilgandi va keyingi o‘nlab yillar mobaynida AQShdagi eng shov-shuvli ochilmagan ishlardan biri bo‘lib qolgandi. Keyin esa Dueyn Devis intervyulari va memuarlari orqali o‘zini «sotib qo‘yadi».

👉 https://kun.uz/uz/03346781

Kun.uz rasmiy kanali

Farg‘onada BMW ag‘darilib, haydovchi halok bo‘ldi

Farg‘ona viloyati Furqat tumanida BMW katta tezlikda harakatlanib, keskin burilishda boshqaruvni yo‘qotgan va ustunga urilgan. Haydovchi voqea joyida halok bo‘lgan, uning yonidagi yo‘lovchi to‘qnashuv vaqtida old oynadan chiqib ketgan, lekin omon qolgan.

👉 https://kun.uz/uz/23088565

Kun.uz rasmiy kanali

Umrbod qamoqqacha: O‘zbekistonda pedofiliya uchun javobgarlik kuchaytirildi

Bundan buyon 14 yoshga to‘lmagan bolaga jinsiy zo‘ravonlik qilganlar 25 yilgacha ozodlikdan mahrum qilinadi yoki umrbod qamoq jazosi tayinlanadi. Bunday og‘ir jinoyatlar bo‘yicha javobgarlikka tortish muddatida cheklov bo‘lmaydi.

“Bolalar hayoti, sog‘lig‘i, or-nomusiga tajovuz qilgan har qanday kimsa qat’iy jazodan qochib qutula olmasligini bilishi shart”, – dedi Saida Mirziyoyeva.

👉 https://kun.uz/uz/97924063

Kun.uz rasmiy kanali

Toshkent–Nurafshon yo‘lidagi yangi yo‘l o‘tkazgich 280 mlrd so‘mga qurildi

Food City yaqinida qurilgan yangi yo‘l o‘tkazgich rasman foydalanishga topshirildi. Iqtisodiyot va moliya vazirligi xabariga ko‘ra, loyiha qiymati 280,8 mlrd so‘mni tashkil etgan. Iyul oyidagi rasmiy xabarda bu 240 mlrd so‘mlik loyiha ekani aytilgandi.

👉 https://kun.uz/uz/31027335

Kun.uz rasmiy kanali

O‘zbekistonliklar Qozog‘istonga kirishi uchun elektron ruxsatnoma talab etiladi: uni rasmiylashtirish bepul

Qozog‘istonda viza talab etilmaydigan xorijliklar, jumladan O‘zbekiston fuqarolari uchun elektron kirish ruxsatnomasini (ETA) olish qoidalari tasdiqlandi.

Ruxsatnomani rasmiylashtirish bepul bo‘lib, 2027 yil 1 iyuldan boshlab majburiy tus oladi.

👉 https://kun.uz/uz/42847927

Kun.uz rasmiy kanali

Ukrainaga Rossiya zarbalari haqida razvedka ma’lumotlari berilmayapti

Ilon Mask esa Starlink ishlashini sekinlashtirgan.

👉 https://kun.uz/uz/62336735

Kun.uz rasmiy kanali

Issiqxonalarga berilgan imtiyozlar va isitish mavsumida ehtiyojmand aholiga yordam rejasi — mahalliy dayjest

▪️Toshkent shahri va atrofidagi issiqxonalarga «yashil» maqomga o‘tib ishlashga ruxsat beriladi.

▪️Isitish mavsumida ehtiyojmand oilalarga 1 mln so‘mdan ajratish rejalashtirilmoqda.

▪️Issiqxona xo‘jaliklariga soliq imtiyozlari berildi.

▪️1 noyabrdan xalqaro kuryerlik jo‘natmalari uchun bojxona yig‘imi kamayadi.

▪️Qashqadaryoda sel avtomobilni oqizib ketishi oqibatida bir kishi halok bo‘ldi.

🗓 Kunning muhim yangiliklari bilan tanishtiramiz.

👉 https://kun.uz/uz/28698770

Kun.uz rasmiy kanali

Saxalinda yaponiyalik jurnalist qo‘lga olindi

FSB «Hokkaydo Shimbun» muxbiri Imai Yukini josuslikda ayblamoqda – go‘yoki u Kuril orollaridan safarbar qilinganlar haqida ma’lumot to‘plagan. U Moskvaga olib kelingan va sud uni hibsga olish haqida qaror chiqargan.

👉 https://kun.uz/uz/89423678

Kun.uz rasmiy kanali

OChL-2. «Nasaf» o‘z maydonida «Al-Vahda»ga yutqazdi

Qarshining «Nasaf» klubi Osiyo Chempionlar Ligasi 2 guruh bosqichidagi ikkinchi o‘yinini «Al-Vahda» (BAA) klubiga qarshi o‘tkazib, 1:2 hisobida yutqazdi.

👉 https://kun.uz/uz/05456043

Kun.uz rasmiy kanali

100 ming dollarlik iltimos. Tramp Gretsiyadagi elchisidan nega voz kechdi?

AQSHning Afinadagi elchisi Kimberli Gilfoyl Oq uy talabi bilan iste’foga chiqdi. Bunga sabab bo‘lgan Wall Street Journal surishtiruvlarida elchi xonim pul, sovg‘a va xizmatlar evaziga Tramp ma’muriyati rasmiylariga yo‘l ochib berishni taklif qilgani aytiladi.

Bir paytlar Trampning o‘g‘liga unashtirilgan Gilfoyl esa ayblovlarni rad etmoqda.

https://kun.uz/uz/59802288

Kun.uz rasmiy kanali

Shavkat Mirziyoyev Boku shahrida Ilhom Aliyev bilan uchrashdi

O‘zbekiston va Ozarboyjon yetakchilari oliy darajadagi kelishuvlarni amalga oshirish masalalarini muhokama qildi.

👉 https://kun.uz/uz/08414538

Kun.uz rasmiy kanali

Xarid komissiyasi «Telecom Soft»ning 10 mlrd so‘mlik tenderini bekor qildi

«Telecom Soft» MChJ 10 mlrd 316 mln so‘mlik tender o‘tkazgandi. Tanlovda «HAC Smart Technologies» va «HMN Smart» kompaniyalari g‘olib hamda zaxira g‘olib deb topilgan. Ishtirokchilar o‘rtasida o‘zaro bog‘liqlik hamda muvofiqlashtirilgan harakatlarni amalga oshirish alomatlari mavjudligi inobatga olinib, Xarid komissiyasi tomonidan tender bekor qilindi.

👉 https://kun.uz/uz/18838377

Kun.uz rasmiy kanali

8 million dollarlik firibgarlikda bankning kiberxavfsizlik xodimi ham qatnashgani aytilmoqda

Toshkentda banklar nomidan qo‘ng‘iroq qilib, fuqarolarning pullarini o‘zlashtirish va ularning nomiga onlayn kreditlar rasmiylashtirish bilan shug‘ullanganlikda gumonlanayotgan guruh faoliyatiga chek qo‘yildi.

Xabarga ko‘ra, guruh tarkibida banklardan birining bosh ofisi kiberxavfsizlik bo‘limi xodimi ham bo‘lgan.

👉 https://kun.uz/uz/04132180

Kun.uz rasmiy kanali