Faqat uy qurish yetarli emas: yangi loyihalarda maktab, bog‘cha va yashil hudud ham bo‘lishi kerak

Yangi uy-joy loyihalarida maktab, bog‘cha, ijtimoiy obyektlar, yo‘l va infratuzilma birgalikda rejalashtirilishi, hududning kamida 30 foizi yashil maydon sifatida ko‘zda tutilishi kerak. Urbanizatsiya va uy-joy bozorini barqaror rivojlantirish milliy qo‘mitasi shu haqda ma’lum qildi.

👉 https://kun.uz/uz/15317227

Kun.uz rasmiy kanali

Britaniya Saudiya Arabistonini husiychilardan himoya qilish uchun qiruvchilar yubormoqda

Buyuk Britaniya Yamandagi husiychilarning raketa va dron hujumlaridan Saudiya Arabistonini himoya qilish uchun Eurofighter Typhoon qiruvchilarini yubormoqda. Londonga ko‘ra, samolyotlar faqat shaharlar va muhim infratuzilmani himoya qilish vazifalarini bajaradi, hujumlarda qatnashmaydi.

👉 https://kun.uz/uz/81210164

Kun.uz rasmiy kanali

Attestatsiyadan o‘ta olmagan o‘qituvchining toifasi pasayadimi?

Malaka toifasini umrbod saqlab qolish huquqiga ega o‘qituvchi yuqoriroq toifa yoki 70 foizlik ustama olish maqsadida navbatdan tashqari attestatsiyada qatnashib, yetarli ball to‘play olmasa ham, amaldagi toifasi pasaytirilmaydi. Shu toifa bo‘yicha ish haqi ham saqlanib qoladi.

👉 https://kun.uz/uz/83934631

Kun.uz rasmiy kanali

Tibbiy faoliyat bilan shug‘ullanish uchun davlat ro‘yxatidan o‘tish majburiy bo‘ladi

O‘zbekistonda 2030-yil 1-yanvardan boshlab tibbiyot va farmatsevtika faoliyati bilan shug‘ullanishga faqat davlat ro‘yxatidan o‘tgan shaxslarga ruxsat beriladi. Imtihondan o‘tganlarga 5 yil amal qiladigan guvohnoma beriladi. Guvohnomasiz shaxslarning tibbiyot va farmatsevtikada ishlashi taqiqlanadi.

Mutaxassisligi bo‘yicha kamida 20 yil ish staji va ilmiy darajaga ega xodimlarga guvohnoma imtihonsiz beriladi.

👉 https://kun.uz/uz/17857145

Kun.uz rasmiy kanali

«PSJ» «Barsa»ga ham 4 ta gol urdi, «Siti» Holandsiz yirik g‘alabaga erishdi

Parijliklar kuzning eng muhim oʻyinida gʻalabaga erishdi, ammo jiddiy yoʻqotishlarga uchradi; Abduqodir Husanov toʻliq oʻynagan, Holand zaxiradan ham tushmagan oʻyinda «Siti» 5 ta gol urib gʻalaba qozondi; «Liverpul» esa 7 gol urilgan oʻyinda kambek amalga oshirdi; Rahmonaliyev va jamoasi «Borussiya»ga yutqazdi.

📹 👉 https://kun.uz/uz/39698524

Kun.uz rasmiy kanali

Fransiya atomdan, Norvegiya suvdan: mamlakatlar elektrni qayerdan oladi?

2025-yilda Fransiyada elektr energiyasining qariyb 69 foizi atom stantsiyalarida, Norvegiyada esa 90 foizi gidroelektr stantsiyalarida ishlab chiqarilgan. Daniyada shamol, Xitoy va Hindistonda ko‘mir eng yirik manba bo‘lgan. Ember tahlil markazi ma’lumotlari mamlakatlarning elektr ishlab chiqarish tarkibi keskin farq qilishini ko‘rsatmoqda.

👉 https://kun.uz/uz/88824688

Kun.uz rasmiy kanali

Ta’lim va ilm-fan vaziriga uch nafar o‘rinbosar tayinlandi

Prezident qarori bilan Oybek Yo‘ldoshev ta’lim va ilm-fan vazirining birinchi o‘rinbosari, Mehriniso Pardayeva hamda Sanjar Mirzaliyev vazir o‘rinbosarlari etib tayinlandi. Ular vazir Erkinjon Turdimov rahbarligidagi yig‘ilishda jamoaga tanishtirildi.

👉 https://kun.uz/uz/94711400

Kun.uz rasmiy kanali

❗️O‘zbek-lotin alifbosini takomillashtirishga doir qonun prezident tomonidan imzolandi

O‘zgarishlar quyidagicha:

▪️O‘ o‘ → Ö ö
▪️G‘ g‘ → Ğ ğ
▪️Sh sh → Ş ş
▪️Ch ch → Ç ç

“Uşbu qonunning 21-oktabr kuni qabul qilinişida çuqur ramziy ma’no bor. Tuzatilgan alifbomiz ma’rifatparvar ajdodlarimiz orzusi, yoşlarimiz savodxonligi va tilimiz mavqeini yuksaltirişga xizmat qilişiga işonaman”, — dedi Saida Mirziyoyeva.

Qonun rasman e’lon qilinganidan keyin 6 oy o‘tib kuchga kiradi.

Amaldagi barcha hujjatlar, milliy valyuta va qimmatli qog‘ozlar o‘z kuchida qoladi, darslik, peshlavha va ko‘rsatkichlar esa yaroqlilik muddati tugagach, bosqichma-bosqich almashtiriladi.

👉 https://kun.uz/84774192

Kun.uz rasmiy kanali

Xvicha uchun mavsum yakunlandi. Uning xochsimon paylari uzilib ketgani tasdiqlandi

«Barselona»ga qarshi o‘yinda jarohat olib maydonni tark etgan futbolchida jarrohlik amaliyoti o‘tkaziladi. U kamida to‘qqiz oygacha maydonga tusha olmaydi.

👉 https://kun.uz/uz/73428687

Kun.uz rasmiy kanali

Ta’lim vaziriga xodimlarni suhbat asosida ishga olish vakolati berildi

Prezident qarori bilan, ta’lim va ilm-fan vaziri Erkinjon Turdimovga istisno vakolat berildi: u 2027-yil 1-fevralgacha vazirlik markaziy apparatiga xodimlarni to‘g‘ridan to‘g‘ri suhbat asosida ishga qabul qila oladi.

Vazirlik huzurida Inson kapitalini rivojlantirish jamg‘armasi, Ta’lim va ilm-fan bo‘yicha strategik tadqiqotlar va baholash markazi hamda Bilim va malakalarni baholash agentligi faoliyat yuritadi.

👉 https://kun.uz/uz/22839636

Kun.uz rasmiy kanali

Qashqadaryolik tadbirkor prezidentga o‘z fabrikasida ishlab chiqarilgan kiyimni sovg‘a qildi
 
Shavkat Mirziyoyev Qashqadaryodagi 54 million dollarlik “Sulton Tex Group” to‘qimachilik fabrikasi faoliyati bilan tanishdi. Yiliga 20 ming tonna mato ishlab chiqarish quvvatiga ega korxonada 840 ta ish o‘rni yaratilgan. Mahsulotlar ko‘rgazmasi davomida tadbirkor davlat rahbariga shu yerning o‘zida ishlab chiqarilgan kiyimni taqdim etdi.
 

“Inson mehnat qilsa, albatta, natijasi ham boshqacha bo‘ladi. Mana shu yangi avlod tadbirkorlarimiz bilan hozir mutlaqo boshqa darajaga chiqyapmiz, ular nafaqat qo‘shimcha qiymat zanjiri yaratyapti, balki “yashil” texnologiyalar bilan ekologiyaga g‘amxo‘rligini ham namoyon etmoqda”, – dedi prezident.

Kun.uz rasmiy kanali

Lavrovning Eronga tashrifi va Saudiyaga kelayotgan Britaniya qiruvchilari – kun dayjesti

• Trampning maxsus vakili Stiv Uitkoff Osloda Zelenskiy bilan uchrashdi, keyin Putin bilan uchrashuvga yo‘l oldi;

• Britaniya Saudiyaning shaharlari va muhim infratuzilmasini husiylar hujumidan himoya qilish uchun “Typhoon” qiruvchi samolyotlarini yuboradi;

• Rossiya tashqi ishlar vaziri Sergey Lavrov Eronga keldi, shu kuni AQSH urush vaziri ham Isroilga keldi;

• Sudan va Janubiy Sudan o‘rtasidagi bahsli hududga berilgan dron zarbasi oqibatida yuzlab insonlar halok bo‘ldi;

• Kanada bosh vaziri Mark Karni Turkiyaga kelyapti: tomonlar mudofaa va erkin savdo borasida kelishuvga erishmoqchi;

• Kimning o‘limi haqida xabarlar ortidan KXDR davlat nashrlari uning ko‘rgazmaga borgan suratlarini eʼlon qildi.

👉 https://kun.uz/uz/39944295

Kun.uz rasmiy kanali

O‘quvchi-talabalar va pedagoglar har yili psixologik diagnostikadan o‘tkaziladi

O‘zbekistondagi barcha ta’lim tashkilotlaridagi tarbiyalanuvchilar, o‘quvchilar va talabalar hamda tarbiyachilar va pedagoglar har o‘quv yilida kamida bir marta psixologik diagnostikadan o‘tkaziladigan bo‘ldi.

Prezident qaroriga ko‘ra, diagnostika natijalari sun’iy intellektda tahlil qilinib, o‘quvchi va pedagoglar uch guruhga ajratiladi. Ruhiy qo‘llovga muhtoj deb topilganlarga mentor psixolog biriktiriladi.

👉 https://kun.uz/uz/28911784

Kun.uz rasmiy kanali

Tanzila Norboyeva TurkPA kengashining Bishkekdagi yig‘ilishida ishtirok etdi

Yig‘ilishda sunʼiy intellekt va texnologik taraqqiyot sharoitida parlamentlararo hamkorlikni rivojlantirish masalalari muhokama qilingan.

👉 https://kun.uz/uz/38763252

Kun.uz rasmiy kanali

AQSHdagi afg‘on o‘zbeklari til bayramini nishonladi

AQSHning Pensilvaniya shtatida yashovchi afg‘on o‘zbeklari har yilgi anʼanasiga sodiq qolgan holda o‘zbek tili bayramini keng nishonladi. Yig‘ilganlar orasida faollar, olimlar, madaniyat namoyandalari, sanʼatkorlar, Amerikada yashovchi afg‘on jamoa vakillari bor. Tadbirda o‘zbekcha kuy-qo‘shiqlar yangradi, sheʼrlar aytildi, o‘zbek milliy taomlari tortiq qilindi.

👉 https://kun.uz/uz/12435492

Kun.uz rasmiy kanali

Rossiya Ukraina tomonida jang qilgan amerikalikni AQShga qaytardi

Ukraina mudofaasida ishtirok etgan Stiven Habbard asirlikka tushgach, qariyb yetti yil muddatga qamalgandi. Uitkoff bilan uchrashuvi arafasida Putin uni «Trampga hurmat yuzasidan» ozod qilib yubordi.

👉 https://kun.uz/uz/46349546

Kun.uz rasmiy kanali