‏لم أجد في نفسي شيئاً يخصّني ، عجباً ما أكثرك فيني !

‏ثمّ تزهر قلوبنا وكأنها لم تكن جرداء.

لا عدمتك ..
مهما بشرح وش بقلبي لك ظلمتك !

لو لم أكُن إنساناً ، لكنتُ نسمة ريح تداعب خصلة شعر تدلّت فوق وَجْنتها

شاللي فادك ..
من بعادك ؟
هو نسيت او ما نسيت ؟
باقي متحمّل عنادك ؟
والا مثلي ما قويت ؟

لو يكذب الشعر ما يصدق معاه الشعور
كذّاب من هو يقول انّ أعذبه .. أكذبه !

الشعر نبتة فكر والصدق غصن وجذور
لو ما ارتوى واستقام الغصن لمّ حْطبه

انا على افكار شعري والمعاني غيور
ما احبّ اجيب الكلام اللي الجميع كْتبه

لو كلّ ما مرّ بالي بكتبه للحضور
يمديني املي لعشاق الشعر مكتبة

‏يا "انتماي" ..
‏يا هوى قلبي "انتعش به"
‏قلبي وايّاك "انت .. عِشبه"
‏و "انت ماي" !

‏أنت وينك ؟
‏يا اللي انسى الناس مع طلّة جبينك !

لفّي الشال غطّي ما استطعتي .. حرام
تفتنين اللي بذمّتْه بيت ومَرَة

من لمحتك وانا ماني على ما يرام
ويمّك الشوف ما استغفر وغضّ بْصَرَه !

وجه فيني نفش عهن الشعر والهيام
واستجنّ القصيد وداج سبْع ابحره

وجه والكامل الله كنّ فيه التمام
حسنه العذب سبحان اللذي صورّه

خدّ لا من ضحك كنّه يغيض الظلام
وجفن لا من رمش كنّه يزفّ بْشَرَة

وفمّ لا من تكلّم .. طاح سوق الكلام
كل صوتٍ لغيره يعتبر .. ثرثرة

كنّ عينينك اللي من بياض وعتام
رمشها ريش تحته صفحة ومحبرة

وشَعرك تغار منْه الريح كلْ ما استقام
تعتصفْه وتروح بكلّ صوب شْعَرَة

كلّ هذا وخصرك عن حلال وحرام
ظنّي ينقاس بالفرجار والمسطرة

خصر وان صام له قطبين عيّوا الصيام
شفت خير بشمال وبالجنوب اكثره

هندسة جسم فيه الاختلاف انسجام
كلّ ما يستره من لبس .. ما يستره !

كنّ جيتي نيابة عن قدوم الغمام
كلّ موضع قدم تنبت عليه شجرة

اشهد ان بالحسن لك كلّ ذروة سنام
وان ما لك شبيه الا على المنظرة

مثلك ان مرّ ما يشبه مرور الكرام ،
مرّ رتّب شعوري بلحظة وبعثره

لو يكذب الشعر ما يصدق معاه الشعور
كذّاب من هو يقول انّ أعذبه .. أكذبه !

الشعر نبتة فكر والصدق غصن وجذور
لو ما ارتوى واستقام الغصن لمّ حْطبه

احسّني للشعر .. أوّل محطة عبور
يمرّ في خاطري قبل ايّ احد يكتبه

عندي للافكار صالة فنّ .. عندي قبور
افكار للمشنقة .. وافكار للمأدبة

انا على افكار شعري يا شعوري غيور
ما احبّ اجيب الكلام اللي الجميع كْتبه

في ساحة الشعر لو ما جبت مالا يدور
بذلت مجهود لكن ما صعدت عْتبه

حضوري المنقطع بالشعر ماهو قصور
البال ما كلّ فكرة عابرة تطربه !

لو كلّ ما مرّ بالي بكتبه للحضور
يمديني املي لعشاق الشعر مكتبة

‏والله انك ..
‏دايم فبالي تمرّ وما انشغل في يوم عنّك
‏والله انك ..
‏عمر ثاني .. والا عمري ما عرفته إلا منّك
‏لا تبادلني الأغاني !
‏يكفي صوتك أغنية
‏كيف في قلبك أماني ؟
‏وانت أصلا "أمنية"

تذكرينه ؟
كلماتي
لحن وغناء : عبدالله العامري
https://youtu.be/tv3QaEAEq3k

‏حنّا نفس العمر كيف انتي صغرتي؟
‏اعرف ان العمر ما يرجع لـ احد !

‏كم سنة مرّت .. وبعدك ما كبرتي
‏مثل ما كنتي قبل .. واجمل بعد !

‏كمّلك سبحانه الخالق .. وصرتي ،
‏حسن .. متشكّل على هيئة جسد !

‏تفتنين الليل حتى لو سهرتي
‏ودّه ان الشمس ما تشرق ابد !

‏حطّها براسك ..
‏انا ما احتاج أحد !
‏قلبي من عمره غَني
‏مهما فقد !
‏ولو عن عيوني تغيب
‏يبقى قدرك يالحبيب
‏مثل دمع ان طاح
‏ما يرقى ابد !

حجتي معك دائماً هي أننا نتشابه بذائقتنا الموسيقية

تسمعين ؟
للملامح صوت .. للنظرة أنين !
وبالشفايف ..
صمت .. رجفة حرف خايف
الحزن له صوت في وجه الحزين !
تسمعين ؟

لو مجرّد ..
ما تجي عينك بعيني
نظرتك فيني تمرّد !
لو مجرّد ..
ما تسولف لي ثواني
كلّ شي فيني يتورّد !
و وجهك اللي حيل احبه
بالحسن سبحان ربّه !
لا ابتسم مدري يهَديني
أو يخلّيني مشرّد !!

مساء الخير
هل التعليقات متاحة لكم؟

مو عابرة
انتي الطريق من اوّله
لين آخره.

جديدي اغنية #ما_رحمك
من كلماتي
غناء فواز الرجيب
الحان فهد الناصر

https://www.youtube.com/watch?v=Yplwai0Ai4k