هي كذا تزداد حسن بكلّ يوم
أمس نجمة وهذي الليلة قمر !

من عذوبتها تطاردها الغيوم
تبتسم للغيم ويطيح المطر !

لا تزعلين ..
مو لايق لوجهك حزين
يا أجمل ايّام العمر ،
اللي بقى واللي مضى
انتي من اسباب الرضا
وشلون أنتي تزعلين ؟

وانتي ان طلبتي هالنجوم
تقول قبلي تبشرين !
وانتي إن لمستي الجرح فيني
تنبتينه ياسمين !
وانتي بوجهك تستمدّ الشمس ضوء
وتستحي تشرق قبل لا تشرقين !

واكبر دليل بضحكتك ،
لو تضحكين ..
احسّ ما يبقى غريب الا وعاد لموطنه
احسّ كل المستحيلات بحياتي ممكنة !
وأحسّك انتي من سعادة
ما انتي طين !
وان الحياة بكبرها
وان السنين !
تموت في لحظة زعل
لو تزعلين.

مو عابرة ..
انتي طريقي من اوّله لين آخره !

أنا وأنتِ مثل اليوم الواحد والثلاثون من ديسمبر والواحد من يناير ، ملتصقان لكن في الواقع تفصلنا مسافة طويلة !

كل عام وانتم بخير .. وسنة سعيدة يارب 💜

🎶

أغنية جديدة من كلماتي
هالأيام ان شاء الله

( تقول اشتقت )

🎶

ابي منك اذا جيتك تراحيب البدو للضيف
وابي منك ولو حتى قليل الشوق بغيابي !!

‏تمرّ البال ..
‏مثل طاري يفرّحني
‏مثل موّال !
‏مثل غيمة مطرها سال
‏مثل رجل ولقى عياله ،
‏بعد غيبة سنين
‏طوال !

‏تجي الليلة ؟
‏بسولف لك عن غيابك
‏وابعرف وش هي
‏اسبابك ؟
‏تعبت من الوله بعدك
‏و انا متعلّق ..
‏بـ وعدك !
‏حنينك لو درى عنّي
‏خجل من حبّي ،
‏وجابك !

متى على الله نفترق ؟
‏يا جرحي الظامي
‏بنهي مشاوير الورق
‏و اكسّر اقلامي !

لفّي الشال غطّي ما استطعتي .. حرام
تفتنين اللي بذمّتْه بيت ومَرَة

من لمحتك وانا ماني على ما يرام
ويمّك الشوف ما استغفر وغضّ بْصَرَه !

وجه فيني نفش عهن الشعر والهيام
واستجنّ القصيد وداج سبْع ابحره

وجه والكامل الله .. بدر ليلة تمام
حسنه العذب سبحان اللذي صورّه

خدّ لا من ضحك كنّه يغيض الظلام
وجفن لا من رمش كنّه يزفّ بْشَرَة

وفمّ لا من تكلّم .. طاح سوق الكلام
كل صوتٍ لغيره يعتبر .. ثرثرة

كنّ عينينك اللي من بياض وعتام
رمشها ريش تحته صفحة ومحبرة

وشَعرك تغار منْه الريح كلْ ما استقام
تعتصفْه وتروح بكلّ صوب شْعَرَة

كلّ هذا وخصرك عن حلال وحرام
ظنّي ينقاس بالفرجار والمسطرة

خصر وان صام له قطبين عيّوا الصيام
شفت خير بشمال وبالجنوب اكثره

هندسة جسم فيه الاختلاف انسجام
كلّ ما يستره من لبس .. ما يستره !

كنّ جيتي نيابة عن قدوم الغمام
كلّ موضع قدم تنبت عليه شجرة

اشهد ان بالحسن لك كلّ ذروة سنام
وان ما لك شبيه الا على المنظرة

مثلك ان مرّ ما يشبه مرور الكرام ،
مرّ رتّب شعوري بلحظة وبعثره !

تجاهله ..
هذا شعور الحبّ ..
لا تتساهله !
لا يخدعك أوّل شعور
الحبّ جمرة ..
ماهو نور !
عذاب ما تستاهله !

على آخر حدود الأرض انا وانتي
تواعدنا كثير .. وما تلاقينا !

قريبا ( تقول اشتقت ) من كلماتي

محبوبتي .. أرقّ واجمل واعذَب
من بسمة العشّاق .. والعفويّة !

من كثر ما فيها دلع .. لو تغضب
ما كنّها تسولف معي بـ جديّة !

يشوف بانّ الشعر آهات وآلام
يفضفض بكلّ القصايد حنينه

لا اقبل عليه الليل ما يقدر ينام
كنّ الأمان بعيد عن شوف عينه

صديقه الدفتر ودمعه والاقلام
وان جيت له ماتسمع الا ونينه

جمّع حواليه الطواري من العام
ونسى الجميع الا الذي في يدينه

يتوقّع ايّام العمر .. بضعة ايّام
وضاعت على كفّ امنياته سنينه

يا شخص مالك بالعمر غير الاحلام
شعرك حزين .. وذكرياتك حزينه !

طعنة الواقع أقسى من طعون الحراب
لا تعشّم ظنونك .. قل لها "ربّما"

ماهي كل الوسايل تاخذك للصواب
تب تصيب ، وتخيب لكلّ رامٍ رما !

قبل تتقدم ارسم خطة الانسحاب
ماهو كل السحاب ان جف ريقك هما

غلطتك ما حسبت لاي حاجة حساب
لين ما ابعدت نفسك عن حدود الحما

العما مو عماة العين يابو الشباب
انك تصدّق اللي تشوف .. هذا العما

ضاع ثلثين عمرك وانت تلحق سراب
لا قطعت الطريق .. ولا رويت الظما !

يا حاضرة ما كن قبلك غايبين ،
ولا كن قبلك راح من عمري زمن

لو ادري انك بعد هالحزن بتجين
ما كان مرّ بـ خاطري قبلك حزن

هيّ اجمل الايام واحلى الهدايا
أيقونة من الحسن سبحانه الرب

من كثر ما هالبنت فيها مزايا
خلوا سنة ميلادها عيد للحب