- أمامك شخص صامت فنان في تمثيل الامور طيبه والجو تمام .

- اكثر واحد فاقد ناس متعلق بيهم ، و اكثر
واحد نقنعك ان الحياهة مَم توقفش على حد .

- وفي نظرية العظمى ان الحياه اصبحت .. اشهبه.

- ‏فيه اللي يعيش وحيد مهما خالط ومهما قعد مع ناس يرد بروحه ومايتريحش الا وهو بروحه .

- ‏هي هكي الحياه شن نبو نديرو ؟

تبي تعيش صح
- ماشفتش
- ماسمعتش
- مش مهم
- ماقالوليش
- ماقلتش
- مانعرفش .

- مُمكن ضحكتها ؟

- الحِن راهُ فِ الدنيا ، إلا بعد تمُوت ، تِنتسّى .

- خليك عارف طول ماشايل او زعلان منك مش حنعرف انتعامل معاك بأريحيه ، ولو تقول انك لما تفوت الموضوع كم يوم وتقول الوقت ينسيه ويرد يتعامل معايا عادي هكي معناها ماتعرفنيش، لان كل ما المدة طولت كل ماغلاوتك عندي تقل .. ووقتها مش حننسي الموضوع…حننساك انت شخصيًا.

- "مش مرتاح" سبب كافي باش تنهي أي حاجة انت مش متريحلها ، خدمة ، صحبة ، علاقة ، ناس معينة ، مش لازم تجيب أسباب كبيرة باش تقنع نفسك ، راحتك حاجة مهمة وين ما تمشي امشي وراها

- خليك عارف طول ماشايل او زعلان منك مش حنعرف انتعامل معاك بأريحيه ، ولو تقول انك لما تفوت الموضوع كم يوم وتقول الوقت ينسيه ويرد يتعامل معايا عادي هكي معناها ماتعرفنيش، لان كل ما المدة طولت كل ماغلاوتك عندي تقل .. ووقتها مش حننسى الموضوع…حننساك انت شخصيًا.

- كل شي يزيد يساعد عالمزاط ، مفش شي يهوّن.

- الكلام يتراكم لكن السكُوت يفرض نفسه ،

- وقت لِتبي تحكي علينا اذكر موقفنا معاك لأن العيب عليك مُش علينا.

‏﴿ إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا ﴾.

- كنتُ اظنُّ انني اعتدتُ الأمر لكنه في كلِ مرةٌ يؤلمني بطريقه مُختلفه.

- اللي يعاملك إخي عامله بنفس الإخي امتاعه , و كان سألك عالعشرة قوله بعد التسعة.

- مفيش حد يقدر يخليك تحس بالنقص إلا بموافقة منك ، طالما انت قاعد أدير قيمة لكلام الناس حتلقى روحك ديما تتضايق لما ينتقدوك وحتلقى روحك مضطر تغير من روحك باش يقبلوك وتوقف الانتقاد سعيًا للكمال ( الكمال ل الله ) ، متعبش روحك وتقعد تفتش ع ختم القبول من الناس ، عيش بفهمك وتقبّل نفسك زي ما هيا .

- مافيش حاجه في دنيا تقعد على حالها .. و كل شي حايمشي و كله حايتغير و كل الاماكن اللي انت فيها توا حاتتبدل ..

ماتعيشش على غياب حد ولا على فراق اي شي في الحياة .. لان لو كل شي ياخده ربي ينزعل عليه .. مافيش انسان حايكون سعيد

و ديما حط في بالك " لله ما اعطى .. ولله ما اخد "

- اللي كنت نحسابه يدير حسابي ،
وين م عليه نغيب ينشد عني ،
عليه غبت واطاول عليه غيابي ،
علي ما نشد لاباس غايب كني .