- في ناس مبخوتلهم في كل شي من دون حتى مايديرو اي مجهود، وفي ناس نيتهم طيبة لكن إيديرو ما يديرو مفش اي فايدة مش مدردحة معاهم بكل ..!

- مافش شخص نفسيه ، في انسان يمر بظروف ما يقدرش يحڪيها لدرجة هالأشياء تأثر على تصرفاته وكلامة مع الناس ، لما شخص تحسه متضايق وتسأله شنُ فيك ويقولك مش عارف صدقه لان فعلاً ما يعرفش في حاجات واجد متراكمه بقلبه ومش مستوعب شنو يوجعه "

- ‏في حاجات مهما حاولنا نشرحها ونوصفها
‏حـ نقعدو نحنا بس إللي حاسين بيها .

- حتي ضحكتنا بدت فيها حزن .

- حط فِ بالك انه ماتزعلش مني واجد عشان أنا مش من نوعية الناس اللي ممڪن تقيس غلاك عندهم لاني ح نفجعك .

- بخت وقسم.

- شُعور سَيء ان اهرُب مِني في بِدايَه النهَار و اجِدَني بِنهايتَه ، اتمَنى لو ان العَالم يتوقف و اهرب إلى زمنًا اخر اكون فيه متفقًا مع نفسي.

- ڪل ليله ترقد راقيلك ، لعند شي ليله تموت بعلتك .

- تعالا قول انك جعان نحولو من فمنا ونعطوك ، لكن مديرش روحك شبعان وانت تصاحب علشان رزق دنيا ي جعان.

- في ينشدو ليش زعلان ،
ويش واجعك ليش صايف ،

مَ يعلموا بيه مليان ،
الخاطر جروح وحسايف.

‏- الظروف ماخلتش حد فينا ما غيرتاش گلنا إتغيرنا وأولوياتنا ، إتغيرت مفاهيمنا إتغيرت ،أسلوبنا إتغير دعواتنا إتغيرت حتى مقامات الناس في حياتنا إتغيرت گل حاجه للأسف اتغيرت لما بدينا نفهمو صح.

- لا سامحكُم اللّه على أصغر كلمة خرجت من أفواهكم فأوجعَتنا
حسبنا الله فيمن قال فينا ما ليس فينا ونسب إلينا مالم نفعل وتجاوز في حقنا وكفى بالله شهيدًا


حسبي الله ونعم الوكيل و كفى بالله وكيلًا
(وعند الله تجتمع الخصوم)
حسبي الله في من ظن فينا السوء
ونسب إلينا مالم نفعل ..
وتجاوز في حقنا ، وأنكر ما فعلنا من خير،
لاسامحكم الله ولاعفا عنكم وأذاقكم ذات الشعور وبذات الشدة.

- ‏لقد هز الشوق حنايا الخاطر .

- غلا قبل داير ماطريته لوالي
لـ أول حب رديت بجدارَه

وانقتني خنت وبقدره الغالي
قال انسيب وعدابهن امراره

لكن انريده مارحل من بالي
صحيح اغلطت نا مش م النكّاره

الاعتذار من شيم الرجالي
وله نعترف ياخذ عزيز اقداره

يا عرب إجخره شي ديرو ايوالي
يوصل كلامي انريده لـ إجخره.

- الفِئة اللي عمرها ماخشت خاطرنا، المهمّشة العابرة اللي تمر في بالنا بالصدفة بدون أي شعور يُذكر، اللي مرّت وحاولت أنها تستقر و دفرناها هناكاه، اللي عمرنا ما أبلينا لوجودها و لا أنتبهنا لغيابها .. الناس اللي كان خاطرها تحببنا فيها ودارت كل حاجة عشان نكونو قريبين منها وماعمرنش أخترنا قربها، مواساتي البالغة لكم أنتو مش شينين والله ..

- مامِن الليّ في العَقل ، تسّتاهل ابكَاء غير نجحَدو .

- منقدرش ننكر أني محتاج نطمن ومحتاج انحس أن إللي جاي من عمري هيختلف عن إللي فات ما نبيش نقول أن اللي فات كان ‌ صعب⁩ ولا كان سهل ومش مضطر نقول أني تحملت واجد ولا عندي ذرة طاقة نحكي عن مُغامراتي ومراحل حياتي نا بس محتاج نطمن ولو لمرة أن نا هنعيش الحياه اللي كنت نحلم بيها ونبي نعيشها طول عمري .

- السكتة الطويلة ، للي جاية من الزعل شينة بكل .. فِ درجه من زعل من شخص اقريب منك ما ينفعش امعاها عتاب ما ينفعش ، يعني فِ حاجات وفِ مواقف من ناس ما ينفعش امعاهن غير السكوت تقعد ساكت يعني من كثر الموقف مش راكب ومش خايل انه الشخص هذ ايديرلك هك ، ساكت من قهرتك ومن حسرتك غصباً عنك تلقى روحك ساكت حتى انت من جواه قاعد تغلي ، فِ دراجات من الوجع والكسرة تسكت صاحبها غصباً عنه فِ اوقات اي كلام ممكن ينقال يبقا ثقيل ومايعرفش يوصف للي صار وصعب بكل على صاحبة انه يحكي بيه ف يسكت .

- ‏لا أحد يجيب من جواجيك علم .

- ‏انك تقعد رايق وجوك سمح هذي هي اللي اسمها فترة وتعدي، اما الطبيعي ف هوا المزاط و الملل و قل النية في الاحتكاك والتواصل .