- التقبل بالوضع مش تأكيد علي أنه عاجبك، مرات أنت مضطر آتقبله لهدف معين لازمك فقط.

- عارف بعد تقعد أنت مش فاهم شن بأدير،
بس مشعارف الفترة الجاية كيف حتمشي،
الموضوع حيرهقك نفسياً ويخليك واقف ما أدير شي بس برضو حت هيا غلط بس برضو مشعارف
شن أدير جديات والله .

- تقدره وهو لا عين لا هو جمه
القدر يفجعه يحساب روحه فارق
اياك في قليل العرف تعلق رمّه
تبات فالنــدم لاعند ذاتك غارق !

- الكره متعوب عليه .. و أنت ماقصرتش.

- في لحظة هك تحسها أنك مخضوض ومشتت من كم حاجه وتحس تركينة المشاعر والأحساس ماتخدمش راقده؛ لاقعدت تحس ولاحتى اتحسس ولافرقت معاك من الأساس..وهو أنت أصلا يدوب تجري عاللّي شاغلك ومزحْم يومك ودماغك وتقول وين مزال بنحط هذكله بس الحقيقه؟ أنت ماقعدتش تحس.

- كلنا نحكو في القصة بجزء مفقود،
الجزء هذا مرات متعمدين ندسوه لأنه مؤلم واجد، ومرات مؤلم واجد بكل لدرجة مش عارفين نحددوه اصلاً ونستغربوا ليش القصة تحولت لعادية ونحنا نحكو فيها.

- عَوض الله يَكون حُباً وطمأنِينة
أشياء لاَ تُرى ، ولكِنها تُضيء.

- انت تمشي مع لي يجي باش
متقعدش بروحك
وانا نمشي بروحي باش
منقعدش مع اللي يجي.؟

- ‏فى كلام يقعد مدسوس تحت كلمة يارب لدرجة اننا نقولوها ونحن مش عارفين شن اللى محتاجينه بس نقعدو متاكدين ان ربي عارف احساسنا بمجرد ما نقولو هالكلمة.

- إستمرارية السعي رغم النفسية
ووجعّ الكبد ، إنجاز يُدرس .

- كلهم يحاولو يكونو انظاف، بس الطبع غلاب.

- في الناس يبقو عارفين إنك عطيتهم أكبر من حجمهم ، وبدل ما يقدرو الشي هذا ، يفترضو إنك عطيتهم أكبر من حجمهم لأنهم يستحقو ، ويكون تواضعك لهم سبب في غرورهم عليك .

- ‏تكبر وتفهم ان مافش حد يفهمك فالحياة .

- حَ تفهم كل حاجه وتجيك لعندك لما أنت تديرو رُوحك مش عارف شي .

- الله لا يذوقكم مرارة ، هالمواقف لما الواحد يسأل نفسه ، معقوله هذي جزاتي.

- النيه طايره من كل حاجه مافيش شيء حاليًا قادر يخلي جوي سمح.

- إنَّ الصَّلاةَ على النَّبيِّ لَبَلْسَمٌ ، يشفي الفُؤادَ ويُذْهِبُ الأوْجاعَا..
- يوم الجُمعه لاتنسى
- سوره الكهف ِ
- الصلاةِ على النبي ﷺ
- الاسِتغفار. ♡

- الحمدُالله صحتي النفسية تحسنت فِ الاول كنت ندوي مع روحي وتوا الله يبارك ندوي ونجاوب.

- الحاجة الوحيدة اللي قعدت نبيها مؤخراً اني نكون في حالي و بس .. بعيداً عن كل الناس و بعيداً عن قال و قلنا و قلت و قالت، بعيد عن سوء الظنون و المشاكل و النقاشات المُرهقة، بعيداً عن أي حاجة سيئة، في حالي مرتاح البال و نعيش باقي عمري
في هدوء و مش حاس بشعور القلق وتقيد و منحاولش نثبت لحد شيء ولا نعاتب نفسي عشان نحافظ على مكانتي عند حد.

- فيه اللي قد ما أديرله يختار يفهمك بشكل أخيي لان هوا هكي يبي يشوفك،
مش لأنك غلط..