- كان باينه أنا الي ما شفتهاش .

- البقاء للصادقين وليس للوهميين ياخفاف .

- الصداع كله فالقلب مش فالعقل .

- فتره وتعدي ونعرفو الي لنا والي علينا ماتنصدموش .

- خبـر متلوّي ..
يرق العزايم والعقول أمشوّي
وَ الصاحب ألّي راسه الجهل أمقوّي
أتخاف تنصحه تنظر شدايد منّه
وَ حال غايته ديماااا عليه أتهوّي
وَ أتدير بس مَـا يبّي وَ مَـا يتمنّىٰ
وَقت شين علّمنَا خبر موْ لنـّا
أحملنَـا دراه الگبَـد غصبًا عنّـا .!

- صلحها فوق تزين تحت.

- خيبات ورا خيبات ورا خييات لين امتى يا بختي .

- مدام عيونك صحاح وتشوف كويس فوت وذانك وشوفني بيهمم .

- لمَـا يوصـل لمـوضوع لـ "خاطـرك و نفسـيتك" رد بـالك تغلـبك لعشـره ولا مكـانة شخـص .

- لكن أنت حاولت !

- صدقني إلي حكالك عليا بالخايب كنت معاه عز الناس.

- الدنيا حتفرض عليك تدير حاجات كنت زمان تضحك على اللي يدير فيهم

- نشم في بنة الشتاء جايه في تكسي .

- تنهيده متبوعه بطقه ولاعه وسبسي .

- كلهم راضيين على اللي يديرو فيه، وفـرو عتابكم.

- راحه نفسيه صح بعد تحط كل حد في حجمه ومكانه صدقني .

- موضوع امتي بنتخرج هاذا معاش بدي يهمني
توا بديت مهتم بموضوع امتي بنتزوج.

- ثلاثه ماترافقهمش  :
الي بصحته ويبكي
والي جيبه عامر ويشكي
واللي يدير الخير ويحكي بيه.

- الواحد مش عارف الحاله لِ قاعد فيها هذي شنو هدوئ ولا نهيار ولا مقاومه .

- مرات الحل إنك تمشي
أفضل من إنك تحاول في شيء مايبيش يتغير.