سلام عليكم انا ادمن رهام
تلميدة متحصلة على باكالوريا شعبة العلوم التجريبية 2025
حبيت نمدلكم نصائح كيفاه تقراو المواد و اكيد رايحة نفيييد بزاااف تلاميد خاصة العلمييين
📌العلوم مادة جد مهمة خاصة للعلميين اكيد رايحين تقراو الدرس مليييح مليييح رايحين تحفظو التجارب و الرسومات التخطيطية و البيانات و كلش و في الاخير رايحين تكتبو ملخص للكل وحدة يطون فيه ملخص الدرس المخططات و الرسومات افكار التمارين لي فاتو عليكم و رايحين تحلو بزااااف تمارين و تحلو بلا حساب بسك التمارين جد جد مهمين

الملخص هدا لي رايحين تخدموه اكيد راكم تحتاجوه بزااااف بزااااف فلخر تاع العام اك ماتلقا غير هدا الملخص بسك مارايحش تلقا الوقت تقرا كراس كامل و تراجع التمارين طامل لي حليتهم
بالنسبة للتمارين كي قلتلكم حلوا بزاااف هدا كامل على المنهجية و الكلمات المفتاحية و ملاحظة مهمة طي تحلو التمارين ديما روحو شوفو التصحيح و الكلمات لي نسيتوم اكتبوهم معا الوقت كي تشوفو هادو الكلمات توليو ماتنساوهمش خلاص
فالبداية تلقاو رواحكم بلي خايفين تحلو التمارين عادي جدا انا من عندي نقولكم ازدمو و خلاص اكتبو نصوص علمية و ارسمو مخططات و رسومات تخطيطية حللو الوثائق و المعلومات الصغار اكيييد تستصغروهم بسك نهار يتحط السيجي تاع الباط قدامكم رايجين تندموا صح كي طيشتو هداك التفصيل الصغيير

- ليس لكَ غيّر سَعيّك ، والسَعيّ سَوفَ يُرىٰ، وما لَك فإنكَ آخِذهُ، وإن حارَبك البشر وَإن تعثرتَ بالحَجر، نصيبُكَ سَيُصيبُكَ، ومهما استحڪمت ستُفرج 😽.

نحكيلكم على المراجع لي اعتمدت عليهم
استادتي تاع ليكور و نصيحة مني شوفو استاد يخدم كلش و يركز على المنهجية اكثر شي و يمدلكم معلومات صحيحة
تمارين الاستادة كتي و اكيد كتابها المشهور
و تمارين و الاستادة خيرة فليتي و سلاسل عقبة بن نافع

و بالنسبة لي شعبة تاعو رياضيات بالنسبة ليا يقراها معا العلميين هكا خير باه يكملها بكري و يتهنى منها بسك فلخر تاع العام تلقاها ساهلة و ديجا تكون مراجعها