شهر نوفمبر
كل واحد يقولنا وين وصلو فالليسي مواد اساسية لكل شعبة باه كامل نعرفو وين و وصلنا

اي أسئلة بخصوص المصادر او اباستاتذة لي ننصحكم بيهم في كل مادة اني هنا سقسيو برك نجاوبكم بالوااحد 🤎🫶🏻

علابالكم بلي كون ماتحسوش بالشعور هدا ماتسموش روحكم قريتو 🙂

هي صح الانسان ياخد بالاسباب يقرا
بزاااف عباد يقولو الصح فالباك لالا سيدي
الامتحانات هادو بزاااف مفيدين
راح تعرف روحك لكان قادر تجاوب على الاسئلة
راح تعرف النقائص تاعك
راح تعرف المنهجية مليييح سيرتو فالتصحيح
راح تعرف طريقة التصحيح تاع الاستاد
الامتحان راح يفطنك في حالة كنت مطيش قرايتك و لا في حالة مابديتش
و تان رايحة نقولكم كاينين بزاااف اساتدة يطلعو المستوى تاع الموضوع مش باه يخلعوكم هوما حابينكم تزيدو من مجهودكم و تزيدو طلعو النيفو تاعكم

عليها ديما تلقا الامتحانات الفصلية اصعب مالباك و عليها الاغلبية مايخدمش و يتحطم

- ستصل يومًا إلى المڪان الذي تريد
واجه خوفك وتخطَّ الحدود، واڪسر ڪل القيود لا تتنازل عن القمة، ولا تأخذ غير الأفضل💜✨

هااه واش دايريين فيها درتوا خطة تساعدكم فالعطلة🙄؟؟

مرحبا بيكم
ليوم نحكيلكم على موقف
انا كانت عندي استادة ديما تحب طيح بقدراتنا بهدف انو تحتم علينا نجتاهدو مي كان فرق في ردود افعالنا
وحدة قرات و تعبت باه ترضي استادتها و وحدة حصلتها فالاستادة و قالت هي جايبتها ورايا
فينالمون نجحت هاديك لي تعبت باه ترضي استادتها
و كيما يقولوها خود الراي لي يبكيك و ماتخدش الراي لي يضحكك
نتوما لازم تكون سيريو شوف. هدفكم بين عينيكم
انا وحدة مالناس قتلت روحي صجاباتي وليت مانهدرش معاهم دراهمي كامل حطيتهظ فليكور قش جديد مانلبسوش مانشبعش رقاد و نوض اتخايلو معايا حاطة الرافاي مالساعتين تاع الصباح للسبعة غير باه نوض
اتعبو باه فاللخر ادا لقيتو نتيجة تقولو حمدلله ربي وفقني في ها. النرحلة و ادا مالقيتوش نتيجة تقولو ربي شاف بلي الحاجة هادي فيها شر و حمدلله
اما ادا ماتعبتوش راطم تحسو صح بالندامة استغلو كل دقيقة و كل ساعة باه تخدمو نجاحاتكم

حبيت ناكدلكم
انا ادمن تحصلت على البكالوريا سنة 2025 و دارت تخصص حابتو طحت و نضت
و كل ادمن في هاد القناة عندو قصة نجاح
و كامل رانا عدينا على واش قاعدين تعيشو فيه درك و كتر
معناها عندنا خبرة تسمحلنا نكون معاكم طول المرحلة هادي
و حمدلله ربي وفقنا و قلنا ندعموكم نتوما لوجه الله باه كل واحد فيكم ينجح في حياتو و يوصل وين حاب
لي عندو اسئلة و لا كاش مايحتاج حاس بالضغط اي حاجة يتواصل معانا رانا ديما معاكم

رياضيات سهلة وممتعة : دروس، تمارين و مجلات لتلاميذ الطور الثانوي
https://t.me/prof_walid

لي عندوا صعوية فالمات جبتلكم الكنز ❤️‍🔥تبعوا هذ البروووف او داير ثاني فلليوتيوب 🫂

ايا ربي يوفقكم خوتي 🌼