بما انك لست جالسا في قاعة الامتحان، فلازال هناك وقت كاف 😉

هاااااي ڨااااايز 🫶🏻

توحشتكم 😭 كييييفكم كيف احوال درااااسة وين راااكم وااصلييين واسك رااكم ديروا تحدياات وحدكم لإكمال الوحدات والمراجعة نهاائية ❤

لي مهووش يقرى 🏹🏹🏹نبعث هداا من القناة لداركم طوول


المهم راه مبقاش قد لي فات زيروا شويا برك مبقااش أربت أربت بحول الله ناااجحيييييين 🔥🔥🔥🥰

نصائح ذهبية لكل طالب باك🍥:

1. ما تقارنش روحك بحتى واحد
كل واحد وظروفو، كل واحد وقصتو… خليك تركّز على طريقك، موهبتك، وقدراتك.🍥


2. الوقت باقي، ماشي فات
ما يهمش وين وصلت، الأهم هو واش دير من اليوم. كل دقيقة تستغلها تقربك خطوة للنجاح.🍥


3. المراجعة الذكية خير من الساعات الضايعة
راجع بالفهم، بالفهم، بالفهم… ماشي بالحفظ الأعمى. وركّز على التمارين، خاصة في الرياضيات والفيزياء.🍥


4. دير خطة يومية واضحة
نظم وقتك، وحتى إذا فشلت في تطبيقها يوم، ماشي مشكل… عاود وقف وروّح بقوة.🍥


5. صحتك أولوية
ارقد مليح، وكول مليح، وخلي ساعة راحة فاليوم. العقل يتعب كيف كيف الجسد.🍥


6. ما تسمعش لهدرة تثبطك
"ماكش قادر"؟ "راهي صعيبة"؟ احبس! كل واحد نجح، سمع نفس الهدرة، بصح ما عطاهاش قيمة.🍥


7. قرب لربي، وهو يقرب ليك النجاح👌🏻
ما تنساش تدعي، تصلي، وتطلب التوفيق من ربي… راهو أقرب مما تتخيل.☝🏻

ربي يوفقكم خاوتي ويصلح بالكم 🤲🏻🫶🏻

دعولي معاكم 🍥🤲🏻

🍥آدمہنہ دعہآء 🍥

هاااي لي كيب غدوا بحول الله تحدي شكون ينوووض صباح على الفجر منها تربح صلاة الفجر +دعاء + منها تنوض تقرى

ففي البكور بركة ♥

خاوتي ياك راكم متفكرين عقبة بن نافع 😃 امشو تحلوا من عندهم

لقيتلكم زوج أساتذة فيزيك تقراو من عندهم كلش و يكفيكم الوقت و تدعولي : الأستاذة شنوف اميرة للدروس و التمارين و الأستاذ زهير لافكار التمارين و منظمين كلش في ليبلايليست مش رح تتعبو كامل

عتبة الرياضيات الرسمية
حسب المفتش العتبة السنة هي الأسبوع 22
يعني دستور موافر للتقني و الماتيلام (داخلة مجموعة النقط)
التحويلات النقطية البسيطة للعلميين (انسحاب، تحاكي دوران)

حصة السبت ان شاء الله نديرو مجموعات النقط المشهورة و بعض الأفكار الأخرى، أما التحويلات النقطية الفيديو لي حطيتو كاف جدا
ديرو حسابكم خاصة التقني واحد ما يكذب عليك و يقلك الأعداد المركبة متجيش

شكون لي هنا من باتنة ؟

امسية طيبة ڨايز 🥰🍥


إنشاء الله تكونوا بخير وعلى خير وش نظتوا اليوم على الفجر كيما تفاهمنا ولا والوو مكنتوش عند كلمتكم


المهم غدا ثاني بحول الله تحدي النهوض على الفجر صلاة+دعاء +الشروع في الدراسة

وربي يوفقكم احبتي 🫶🏻🥰

☝🏻نصيحة لي كيب:

جبتتلكم قاعدة جديدة وسمها قاعدة 💜push pull 💜

هدي القاعدة تع تقني هندسة كهربائية راهم فاهمينها 🍥


هدي 💜بوش بول 💜 قاعدة الجذب والدفع


معنتا اك قريت محور راك افونصيت فيه ياخويا عااود ارجع للوحدات لخرين وهدى اكبر غلط انك تافونصي ومتوليش لوووررر



لااااااازم تعاااود تراااااااجع هكداك قرااايتك تروح في كيل الزيت قريت درس ياخويا راجعو محور راجعو حليت تمرين برك راااجعو



وقد اعذر من انذر ياا طبقوا القااعدة ياااا الرقبة طيييير ☝🏻