LetsUpp Marathi
4.85K subscribers
1.08K photos
4 videos
8 files
3.73K links
न्यूज, जॉब, माहिती-मनोरंजन पुरविणारं डिजिटल मॅगझीन लेट्स अप आता टेलिग्रामवर.. मग आजच जॉईन करा, जॉईन करण्यासाठी क्लिक करा https://telegram.me/letsup
Download Telegram
https://www.youtube.com/watch?v=mGii24Lo7ko

पुण्यातील आंबील ओढा अतिक्रमण कारवाईबाबत न्यायालयाचा मोठा निर्णय

LetsUpp | Trending

● पुण्यातील आंबिल ओढा परिसरातील आज सकाळपासून पोलीस बंदोबस्तात अतिक्रमणे हटविण्याची मोहीम सुरू होती. यावेळी नागरिकांनी आक्रमक होत या कारवाईला मोठ्या प्रमाणात विरोध केला होता.

● काहींनी आत्मदहनाचा प्रयत्नही केला होता. महापालिकेच्या कारवाईला न्यायालयाने स्थगिती देण्याचा निर्णय घेतला आहे.

● या संदर्भात हनुमंत फडके यांनी या संदर्भात महापालिका न्यायालयात धाव घेतली होती. त्यावर तातडीची सुनावणी झाली. पुढील आदेशापर्यंत कारवाईला स्थगिती देण्यात आल्याचे न्यायालयाकडून सांगण्यात आले.

● यामुळे कारवाई दरम्यान सुरू झालेला नागरिक व प्रशासन यांच्यातला संघर्ष तूर्तास संपण्याची शक्यता आहे.

To know more click here
https://letsup.app.link/3j3OvIKBlhb
अनुसूचित जातीतील १० वीच्या परीक्षेत ९०% गुण प्राप्त करणाऱ्या विद्यार्थ्यांसाठी मोठी घोषणा

LetsUpp | Trending

● अनुसूचित जातीतील १० वीच्या परीक्षेत ९०% किंवा त्याहून अधिक गुण प्राप्त केलेल्या आर्थिक दुर्बल घटकांतील विद्यार्थ्यांना व्यावसायिक उच्च शिक्षणाची पूर्वतयारी करण्यासाठी राज्य सरकारने मोठी घोषणा केली आहे.

● ११ वी व १२ वी या दोन वर्षात प्रत्येकी एक लाख प्रमाणे एकूण दोन लाख रुपयांचे अनुदान डॉ. बाबासाहेब आंबेडकर यांच्या नावाने बार्टी मार्फत देण्याचा महत्त्वपूर्ण निर्णय राज्याचे सामाजिक न्याय मंत्री धनंजय मुंडे यांनी केला आहे.

● अनुसूचित जातीतील गरीब कुटुंबातील मुलांना MH-CET, JEE, NEET यांसारख्या व्यावसायिक अभयसक्रमांच्या पूर्वतयारीसाठी ही रक्कम लाभदायक ठरणार आहे. याबाबत विद्यार्थी व पालक संघटनांकडून करण्यात येणारी मागणी पाहता ही योजना लागू करण्याबाबत धनंजय मुंडे यांनी निर्देश दिले होते.

● बार्टीच्या ३० व्या नियामक मंडळाची दि. २१ जून रोजी बैठक पार पडली, या बैठकीत हा निर्णय घेण्यात आला आहे. भारतरत्न डॉ. बाबासाहेब आंबेडकर यांच्या नावाने सुरू करण्यात येत असलेल्या या योजनेचा लाभ घेण्यासाठी विद्यार्थ्यांच्या पालकांचे एकूण वार्षिक उत्पन्न २.५ लाखांच्या आत असणे अनिवार्य असणार आहे.

● तसेच शासकीय सेवेत नोकरीला असणाऱ्या पालकांच्या पाल्यांना ही योजना लागू असणार नाही. उत्पन्नाचा व जातीचा प्रमाणित दाखला देणे अनिवार्य असणार आहे. विशेष म्हणजे या योजनेमधील लाभार्थी संख्या अमर्यादित असणार आहे, अशी माहिती बार्टीचे महासंचालक धम्मज्योती गजभिये यांनी दिली आहे.

To know more click here
https://letsup.app.link/U0oix1XWlhb
अकरावी प्रवेशाची CET होणार ऑफलाईन

LetsUpp | Nagpur

दहावीची परीक्षा रद्द करताना अकरावी प्रवेशासाठी वैकल्पिक सामायिक प्रवेश परीक्षा (CET) घेण्याची घोषणा करण्यात आली होती.

मात्र ही परीक्षा कोणत्या पद्धतीने घेण्यात येईल याची माहिती देण्यात आली नसल्याने याबाबत विद्यार्थी व पालकांत उत्सुकता होती.

अखरे शालेय शिक्षण विभागाने 11वी प्रवेशासाठी सीईटी परीक्षा घेणार असल्याचे अधिकृतपणे जाहीर केले असून परीक्षेचे प्रारूप कसे असेल यासंदर्भातही अधिसूचना काढली आहे.

11वी प्रवेशासाठी होणारी प्रवेश परीक्षा वैकल्पिक असून ती ऑफलाईन पद्धतीने घेतली जाणार असल्याचे जाहीर करण्यात आले आहे.

सीईटी परीक्षा घेण्यासाठी शिक्षण आयुक्त यांच्या अध्यक्षतेत सहा सदस्यीय समिती तयार करण्यात आली आहे.

ज्यात शिक्षण मंडळाचे अध्यक्ष, एसईआरसीटीईचे संचालक, बालभारतीचे संचालक, परीक्षा परीषदेचे आयुक्त, माध्यमिक व उच्च माध्यमिक शिक्षण विभागाचे संचालक सदस्य सचिव आहेत.

To know more click here
https://letsup.app.link/9nkiL0iDmhb
सावधान! 'पब्जी' गेम खेळताना माहिती लिक हाेण्याची भीती

LetsUpp | Tech

▪️ 'बॅटल ग्राऊंड्स मोबाइल इंडिया' हा खेळ अधिकृतपणे लाँच झाला नसला तरी एपीके फाईल्सचा वापर करून हा गेम खेळला जात आहे.

▪️ मागील वेळीबंदी आल्याने या गेमची निर्माती असलेल्या क्राफ्टन कंपनीने टेन्सेंट कंपनीशी संबंध तोडल्याचा दावा केला आहे.

▪️ मात्र, अजूनही क्राफ्टन कंपनी टेन्सेंटच्या सर्व्हरवरच काम करत असल्याचे समजते.

काय आहे एपीके ? :

▪️ एपीके म्हणजे अँड्रॉइड पॅकेज आहे. अँड्रॉइड आणि गुगलच्या मोबाइल ऑपरेटिंग सिस्टीममध्ये एपीके असते.

▪️ काही ॲप्स गुगलच्या प्ले स्टोअरवर उपलब्ध नसतात. मात्र, ते एपीकेच्या माध्यमातून डाऊनलोड करता येते.

▪️ एपीकेच्या माध्यमातून डाऊनलोड होणारे ॲप्स बेटा स्टेजवर असतात.

▪️ त्यामुळे वापरकर्त्यांची गोपनीयता धोक्यात येण्याची शक्यता आहे. त्यांची माहिती चोरली जाण्याचा धोकाही आहे.

सीएआयटीने माहिती तंत्रज्ञान मंत्रालयाला पत्र लिहून 'बॅटलग्राऊंड्स मोबाइल इंडिया' गेमवर बंदी आणण्याची मागणी केली आहे.

दरम्यान, या खेळामुळे वापरकर्त्यांची माहिती इतर देशात पाठवली जाण्याची शक्यता असल्याचे सीएआयटीचे म्हणणे आहे.

To know more click here
https://letsup.app.link/fi0w1IA2mhb
जाणून घ्या! निपाह व्हायरसची कशी होते लागण? लक्षणे आणि उपचार

LetsUpp | Covid Helpline

● कोरोना संसर्गाचा सामना करत असताना आता सामन्यांच्या चिंतेत भर घालणारी अजून एक बातमी समोर आली आहे. महाराष्ट्रात पहिल्यांदाच निपाह व्हायरस आढळून आला आहे.

● पुण्याच्या नॅशनल इन्स्टिट्यूट ऑफ व्हायरॉलॉजीच्या (NIV) शास्त्रज्ञांनी केलेल्या संशोधनामध्ये महाबळेश्वरमधील वटवाघुळांच्या दोन प्रजातींमध्ये ‘निपाह’ व्हायरस आढळून आला आहे. या विषाणूची लागण कशी होते आणि त्यावर उपचार कसे केले जातात, याबद्दल जाणून घेऊयात….

● हा व्हायरस २००१ मध्ये पश्चिम बंगालमधील सिलिगुडी येथे निपाह विषाणू सापडला होता. त्यावेळी ६६ रुग्ण आढळले होते. त्यापैकी ४५ रुग्णांचा मृत्यु झाला होता.

● निपाहाची लक्षणे :

प्रचंड ताप येणे

डोकेदुखी

स्नायू दुखी

उलट्या होणे

मन आखडणे

प्रकाशाची भीती वाटणे

मानसिक गोंधळ

छातीत जळजळणे

चक्कर येणे

बेशुद्ध पडणे

●व्हायरसची लागण काशी होते ?
वटवाघूळ हा नैसर्गिक वाहक असल्याने वटवाघळांनी खाल्लेली किंवा चाटलेली फळं खाल्ल्यानं निपाहचा संसर्ग होण्याची शक्यता आहे. तसंच, एखाद्या व्यक्तीला निपाह विषाणूचा संसर्ग झाला असेल तर त्या व्यक्तीपासून इतर व्यक्तीला देखील याचा संसर्ग होऊ शकतो.

● निपाह व्हायरस वर उपचार कोणते ?
या आजारावर अद्याप कोणतेही औषधे व लस सापडलेली नाही, त्यामुळे या विषाणू संसर्गावर थेट उपचार करता येत नाही. एखाद्या व्यक्तीला जर संसर्ग झाल्याचे लक्षात येताच त्यांना प्राथमिक उपचार केले जातात.

● महत्वाची गोष्ट :
हा निपाह व्हायरस एका वटवाघळाकडून कोणत्याही दुसऱ्या वटवाघळाला संसर्ग होत नाही. जर एका वटवाघळाला या विषाणूची लागण झाल्याने दुसऱ्या वटवाघळांमध्ये ‘अ‍ॅन्टीबॉडीज’ तयार होतात.

कोरोना रुग्णांसाठी लागणाऱ्या सर्व अत्यावश्यक गोष्टी तसेच महत्वपूर्ण माहिती आता मिळवा एका क्लिकवर!
https://letsup.app.link/04UfoSq9mhb
दूध दरासंदर्भात दुग्ध विकासमंत्र्यांची मोठी घोषणा; शेतकऱ्यांना दिलासा

LetsUpp | Trending

● शेतकऱ्यांवर दुधाचे दर कमी झाल्याने मोठं संकट कोसळले आहे. यासाठी राज्यातील विविध संघटनांनी आंदोलन देखील केलं होतं. यानंतर शेतकरी संघटना, विविध सामाजिक संघटना सोबत दूध दरासंबंधी उच्चस्तरीय बैठकीचं आयोजन करण्यात आलं होतं.

● या बैठकीनंतर पशुसंवर्धन आणि दुग्ध विकासमंत्री सुनील केदार यांनी बैठकीत झालेल्या चर्चेची माहिती दिली. दूध दरासंदर्भात लवकरच कायदा करण्यात येणार असल्याचं केदार यांनी सांगितलं.

आजच्या बैठकीत काय घडलं ?

● दुधाच्या दराच्या संदर्भात आज वेगवेगळ्या प्रतिनिधींशी चर्चा केली. ऊसाप्रमाणे दुधाला एफआरपीप्रमाणेच भाव मिळावा यासाठी कायदा करण्याच ठरलं आहे. त्यासंदर्भात लवकरच कायदा केला जाईल. जेणेकरून दूध उत्पादक शेतकर्‍यांना फटका बसू शकणार नाही.

● ऊसाप्रमाणे दुधासाठी किमान आधारभूत दर मिळावा अशा पद्धतीची मागणी संघटनांकडून करण्यात आली आहे. 25 रुपये लिटर दूध अशी मागणी असली तरी सुद्धा दुधाच्या किमती बाबत वेगळ्या पद्धतीने निर्णय घेतला जाईल, असंही सुनील केदार म्हणाले.

To know more click here
https://letsup.app.link/0JtOiUadnhb
उदयनराजे भोसले यांच्याबद्दल अपशब्द वापरण्यावरून उद्योजकाला काळे फासले; इंदापूरमधील प्रकार

Letsupp | Trending

● पुणे जिल्ह्यातील इंदापूर येथे खा. उदयनराजे भोसले यांच्या बद्दल आक्षेपार्ह वक्तव्य केल्या प्रकरणी उद्योजकाला काळे फासून धिंड काढण्यात आली.
https://images.letsup.app/news_video/1624615666.mp4

● इंदापूरमधील एमआयडीसी उद्योजक अशोक जिंदाल यांची शिवधर्म फाउंडेशनच्या कार्यकर्त्यांनी या उद्योजकाला काळे फासले आहे.
https://images.letsup.app/news_video/1624615500.mp4

● यावेळी शिवधर्म फाउंडेशनचे संस्थापक अध्यक्ष दीपक काटे प्रतिक्रिया दिली आहे. त्यांनी या प्रकाराबद्दल निषेध व्यक्त केला आहे. त्यानंतर या करण्यात आला आहे.

To know more click here
https://letsup.app.link/XTsPzEffnhb
कोरोना निर्बंधमध्ये मोठे बदल; राज्य सरकारचे नवे आदेश

LetsUpp | Trending

● कोरोनाचे निर्बंध शिथिल केल्यानंतर मागील काही दिवसांमध्ये नवे कोरोनाबाधित आणि मृतांच्या आकड्यांमध्ये काही प्रमाणात वाढ झाली आहे. त्यापाठोपाठ काही जिल्ह्यांमध्ये डेल्टा प्लस कोरोना विषाणू आढळून आल्यामुळे काही प्रमाणात पुन्हा निर्बंध घातले आहेत.

● राज्य सरकारने जाहीर केलेल्या निर्णयानुसार आता पॉझिटिव्हिटी रेट किंवा बेड ऑक्युपन्सीचं प्रमाण कितीही कमी असलं, तरी राज्यातील सर्व जिल्हे आणि महानगरपालिका पुढील आदेश येईपर्यंत तिसऱ्या गटाच्या वरच असणार आहेत.

● सरकारने स्थानिक प्रशासनाला निर्बंध कमी करण्याबाबत किंवा वाढवण्याबाबत देखील फक्त RT-PCR चाचण्यांमधून समोर आलेल्या निष्कर्षांनाच आधारभूत मानण्याचे निर्देश दिले आहेत.

● आजच्या निर्देशांनुसार आता निर्बंध कमी करायचे असल्यास जिल्हा आपत्ती व्यवस्थापन विभागाकडून २ आठवड्यांच्या आकडेवारीचा आढावा घेतला जाईल. त्यानुसार निर्णय घेतले जातील.

पुढील उपाययोजनांवर लक्ष केंद्रीत करण्याचे निर्देश:

* पात्र नागरिकांपैकी ७० टक्के लसीकरण पूर्ण करण्यावर भर देणे, यासाठी जनजागृतीच्या माध्यमातून प्रयत्न करणे, कामाच्या ठिकाणीच लसीकरणासाठी प्रोत्साहन देणे

* टेस्ट, ट्रॅक आणि ट्रीट या पद्धतीचा अवलंब करणे

* हवेमधून पसरू शकणाऱ्या कोरोनाच्या प्रकारांना टाळण्यासाठी आस्थापनांना कामाच्या ठिकाणी सुरक्षित आणि हवेशीर वातावरण ठेवण्याची सक्ती करणे

* मोठ्या प्रमाणावर आरटीपीसीआर चाचण्या करणे

* कोरोनाचे नियम न पाळणाऱ्यांवर प्रभावीपणे दंड आकारणे

* गर्दी करणारे किंवा होऊ शकणारे कोणतेही कार्यक्रम किंवा घटना टाळणे

* कंटेनमेंट झोन तयार करताना काळजीपूर्वक आढावा घ्या. जेणेकरून ज्या भागात कोरोनाचा प्रादुर्भाव आहे, अशाच ठिकाणी निर्बंध लावता येतील

● राज्यात डेल्टा प्लस व्हेरिएंटचे रुग्ण सापडल्यामुळे त्यासंदर्भात सरकारने तातडीची पावलं उचलण्यास सुरुवात केली आहे.

To know more click here
https://letsup.app.link/vMVZUaoonhb
डेल्टा प्लस मुळे राज्यात पहिला मृत्यू

LetsUpp | Trending

● रत्नागिरी जिल्ह्यात डेल्टा प्लस या नव्या व्हेरिएन्टचे रुग्ण आहेत की नाहीत याबद्दल उलटसुलट चर्चा सुरू असताना आज या व्हेरिएन्टने संक्रमित एका महिलेचा मृत्यू झाल्याचे समोर आले आहे.

● राज्यात कोरोना रुग्णांची संख्या कमी होताना दिसत आहे, ही दिलाशाची बाब असली तरीही आता आणखी एक चिंता वाढवणारी बाब समोर आली आहे.

● महाराष्ट्रातील डेल्टा प्लस व्हेरियंटने संक्रमित २१ रुग्ण आहेत. यापैकी या नव्या व्हेरियंटने संक्रमित ८० वर्षीय रुग्णाचा आज मृत्यू झाला आहे.

● या रुग्णाला इतरही अनेक सहव्याधी होत्या, अशी माहिती राज्याचे आरोग्य मंत्री राजेश टोपे यांनी दिली आहे.
हा रुग्ण रत्नागिरी जिल्ह्यातील असल्याची माहिती पुढे आली आहे.

● संगमेश्वरमधील ८० वर्षाच्या महिलेचा या नव्या स्ट्रेनने मृत्यू झाला आहे. जिल्हा शासकीय रुग्णलयात या डेल्टा प्लस विषाणूने संक्रमित झालेल्या महिलेवर उपचार सुरू होते.

● उपचारादरम्यान तिचा मृत्यू झाला असून याला आरोग्य यंत्रणा आणि जिल्हाधिकारी यांनी दुजोरा दिला आहे.यामुळे आरोग्य यंत्रणा कामाला लागली आहे.

To know more click here
https://letsup.app.link/N5cFkr2snhb
आज दिवसभरातील 10 महत्वाच्या घडामोडी

LetsUpp | Bulletin

▪️ राज्यातील सर्व जिल्हे आणि महानगरपालिका तिसऱ्या गटाच्या वरच ठेवण्याचा राज्य सरकारचा निर्णय; कोरोनाचा वाढता आकडा आणि डेल्टा व्हेरियंटच्या पार्श्वभूमीवर निर्बंधांमध्ये मोठे बदल

https://www.youtube.com/watch?v=h_TuI0lOgcw

▪️ महाराष्ट्रात धोका वाढला; डेल्टा प्लस व्हेरिएंटचे २१ रुग्ण आढळले असून रत्नागिरीत एकाचा मृत्यू झाल्याची माहिती आरोग्यमंत्री राजेश टोपे यांनी दिली

▪️ राज्यात 3 कोटी 27 हजार 217 नागरिकांचे लसीकरण पूर्ण; सर्वाधिक नागरिकांना लस देणाऱ्या राज्यांमध्ये महाराष्ट्र राज्य देशात प्रथम क्रमांकावर

▪️ अमेरिकेतील बायोटेक कंपनी नोवावॅक्सने विकसित केलेल्या कोवोवॅक्स कोरोना लसीचं उत्पादन पुण्यात सुरु, पहिल्या बॅचच्या निर्मितीला सुरुवात, सीरम इन्स्टिट्यूटकडून ट्वीट

▪️ मुंबईत बोगस लसीकरण करणारी टोळी उद्ध्वस्त, लस पुरवणाऱ्या शिवम हॉस्पिटलच्या डॉ पटारिया पती-पत्नींसह एकूण दहा जणांना अटक, तपासासाठी एसआयटीची स्थापना

▪️ माजी गृहमंत्री अनिल देशमुख यांच्या मुंबई आणि नागपुरातील घरात ईडीचे छापे, तब्बल सव्वातीन तासानंतर तपासणी पूर्ण

▪️ बिगर भाजपा आघाडीचं नेतृत्व शरद पवार करणार असल्याची चर्चा सुरू असताना खुद्द शरद पवार यांनी शक्यता फेटाळून लावली; पर्यायी आघाडी काँग्रेससोबतच!

▪️ ऊसाप्रमाणे दुधाला एफआरपीप्रमाणेच भाव मिळावा यासाठी लवकरच कायदा करणार असल्याचे पशुसंवर्धन आणि दुग्ध विकासमंत्री सुनील केदार यांची माहिती; शेतकरी संघटनांसोबत बैठक

▪️ माहिती तंत्रज्ञान मंत्री रविशंकर प्रसाद यांचं ट्विटर अकाऊंट एक तासासाठी ब्लॉक, कॉपीराईटचं उल्लंघन केल्यामुळे कारवाई केल्याचं ट्वीटरचं स्पष्टीकरण

▪️ शेतकऱ्यांनी घाबरून जाऊ नये; येत्या पाच दिवसात तुरळक पावसाची शक्यता; पेरण्यांची घाई करू नये; परभणी हवामान विभागाची माहिती

To know more click here
https://letsup.app.link/ugWq5ZSBnhb
ठाण्यात भाजपचं आंदोलन, प्रविण दरेकर यांना अटक

LetsUpp | Trending

● ठाण्यात भाजपचं विधान परिषद विरोधी पक्षनेते प्रविण दरेकर यांच्या नेतृत्वाखाली चक्काजाम आंदोलन करण्यात आले या वेळी कार्यकर्त्यासह प्रविण दरेकर यांना अटक करण्यात आली आहे.

● आंदोलकांची जोरदार घोषणाबाजी केली. ओबीसींना राजकीय आरक्षण परत मिळेपर्यंत आमचा लढा सुरूचं राहणार
प्रविण दरेकर यांचा राज्य सरकारला इशारा

● महाविकास आघाडी सरकारच्या निषेधार्थ आणि ओबीसी राजकीय आरक्षण संरक्षित करण्याच्या दृष्टीने महाराष्ट्रात भाजपच्यावतीने १ हजार ठिकाणी एकत्र आंदोलन करण्यात आले.

● मविआ सरकारने आम्हाला अटक केली किंवा आंदोलन करण्यापासून रोखले तरी देखील आमचा हा लढा सुरूचं राहील.

● जोपर्यंत ओबीसी समाजाचं सन्मानाचं राजकीय आरक्षण परत मिळत नाही, तोवर आम्ही शांत बसणार नाही असा इशारा विधान परिषद विरोधी पक्षनेते प्रविण दरेकर यांनी आज दिला.

To know more click here
https://letsup.app.link/NX8uZX1Hohb
टोलनाक्यावरील गर्दीला आळा बसणार, आता घरबसल्या पास मिळणार

LetsUpp | Trending

मुंबई प्रवेशद्वारावरील पाच पथकर नाक्यावर प्रत्यक्ष न जाता ऑनलाइन पद्धतीने मासिक टोल पास खरेदीची सुविधा महाराष्ट्र राज्य रस्ते विकास महामंडळाने उपलब्ध करून दिली आहे.

वाहनधारकांना घरबसल्या ऑनलाइन पद्धतीने बँकेच्या माध्यमातून पैसे जमा करून एका टोलनाक्याचा अथवा सर्व टोलनाक्यांचा फास्टॅगमध्ये खरेदी व त्याचवेळी ऑनलाइन कार्यान्वित करण्याची सुविधा आहे.

शहरांतील कोरोना निर्बंध शिथील झाल्यानंतर, रस्त्यांवरील वाहनांच्या वर्दळीत मोठी वाढ झाली आहे.

सर्वसामान्यांना अद्याप लोकलप्रवासाची मुभा नसल्याने त्यांचा भारही रस्त्यांवर आला आहे. त्यामुळे वाहनांच्या संख्येत अधिकच भर पडली आहे.

दरम्यान, वाशी, ऐरोली, मुलुंड, मुलुंड व दहीसर या पथकर नाक्यावरून मासिक टोल पास घेऊन प्रवास करणाऱ्या वाहनधारकांच्या सोयीसाठी फास्टॅगमध्येच मासिक पासची सुविधा यापूर्वीच महामंडळाने उपलब्ध करून दिली आहे.

To know more click here
https://letsup.app.link/MRMqUCiJohb
'डेल्टा प्लस व्हेरिएंट'बाबत WHO चा इशारा!

LetsUpp l Trending

● कोरोनाच्या डेल्टा प्लस व्हेरिएंटची जगभरात चर्चा सुरू आहे. कोरोनाच्या या नव्या प्रकारामुळे प्रतिकारशक्ती वेगाने घटत असल्याचे समोर आले आहे.

● दरम्यान त्यामुळे जगभरातील देशांनी याची धास्ती घेतली असताना देशातील १० राज्यांमध्ये प्रामुख्याने डेल्टा प्लसचे रुग्ण आढळले आहेत.

● महाराष्ट्रात सर्वाधिक २० पेक्षा अधिक रुग्ण आत्तापर्यंत आढळल्यामुळे चिंता वाढली असतानाच आता जागतिक आरोग्य संघटनेने डेल्टा प्लसचा मूळ व्हेरिएंट असलेला डेल्टा व्हेरिएंट जगभरात आजपर्यंत सापडलेल्या विषाणूंमध्ये सर्वाधिक वेगाने संक्रमण होणारा विषाणू असल्याचं स्पष्ट केलं आहे.

● त्यामुळे लसीचे दोन्ही डोस घेतलेल्या जगभरातील नागरिकांनीदेखील मास्क घालून ठेवणे आवश्यक असल्याचा इशारा जागतिक आरोग्य संघटनेने दिला आहे.

● जागतिक आरोग्य संघटना अर्थात WHO चे प्रमुख डॉ. टेड्रॉस यांनी नुकत्याच घेतलेल्या पत्रकार परिषदेमध्ये कोरोनाच्या डेल्टा व्हेरिएंटबद्दल चिंता व्यक्त केली आहे.

● “प्रथम भारतात आढळलेल्या कोरोनाच्या डेल्टा व्हेरिएंटचे जगातील जवळपास ८५ देशांमध्ये रुग्ण आढळले आहेत.

● आजपर्यंत सापडलेल्या कोरोना व्हेरिएंटमध्ये हा प्रकार सर्वाधिक वेगाने संक्रमण होणारा प्रकार आहे.

To know more click here
https://letsup.app.link/v2kMjFyZohb
महत्वपूर्ण बातमी ! राज्यातील निर्बंधांमध्ये पुन्हा बदल

LetsUpp | Trending

● महाराष्ट्रात कोरोनाच्या डेल्टा प्लस व्हेरिएंटचा धोका वाढल्याने पुन्हा एकदा राज्य सरकारने राज्यात कडक निर्बंध जाहीर केले आहे.

अशी असेल जमावबंदी
कोरोना असेपर्यंत १०० पेक्षा जास्त लोकांच्या जमावावर पूर्णपणे बंदी असेल.
बांधकाम होत असलेल्या ठिकाणी ५० टक्क्यांपेक्षा जास्त संख्येने काम करता येणार नाही.
खुल्या जागेच्या ठिकाणीही क्षमतेच्या २५ टक्के पेक्षा जास्त लोकांना काम करता येणार नाही.
कोणत्याही संमेलन अथवा मेळाव्याचा कालावधी तीन तासांपेक्षा जास्त असू शकणार नाही.
एखाद्या आस्थापनेच्या ठिकाणी एकापेक्षा जास्त कार्यक्रम असतील तर कार्यक्रमांमध्ये पुरेसा कालावधी असावा.

धार्मिक स्थळे
लेव्हल 3,4,5 मध्ये सर्व धार्मिक स्थळे अभ्यागतांसाठी बंद
लेव्हल 1 मधील अभ्यागतांना धार्मिक स्थळे खुले असतील

लग्नकार्य आणि अंतिम संस्कार केले जात असतील, अशा धार्मिक स्थळी जमावासाठी लागू असलेल्या नियमांची काटेकोरपणे अंमलबजावणी केली जाईल.

कोणत्याही धार्मिक कार्य किंवा पवित्र दिवसाच्या निमित्ताने काही विशेष कार्य असल्यास त्या धार्मिक स्थळाला सर्व नियमांचे पालन करून ते पार पाडावे लागतील.

खासगी प्रशिक्षण वर्ग, कौशल्य केंद्रे
शाळा, महाविद्यालय किंवा इतर शैक्षणिक संस्थांसाठी असलेले नियम खासगी प्रशिक्षण वर्ग अर्थात कोचिंग क्लासेस आणि कौशल्य केंद्रांसाठी लागू असेल.

पर्यटन स्थळे
प्रशासन कोणत्याही प्रतिष्ठित पर्यटन स्थळांना वेगळे प्रशासकीय घटक म्हणून घोषित करू शकतात. यासाठी पॉझिटिव्हिटी रेट किंवा भरलेले ऑक्सिजन बेड हे निकष नसतील.

या पर्यटन स्थळांच्या परिसरातील सर्व हॉटेलांसाठी मार्गदर्शक तत्त्वे लागू असतील. जर हे पर्यटनस्थळ स्तर पाचमध्ये असेल तर ई-पासशिवाय कोणत्याही अभ्यागतांना तेथे येण्याची परवानगी नसेल.

To know more click here
https://letsup.app.link/lNMYLTFhqhb
'या' घडीच्या १० महत्वाच्या बातम्या

● राज्यात शेतीवर संकट; पावसाने दडी मारल्याने पेरण्या खोळंबल्या; महागाईची भीती

● राज्यात २४ तासात ९ हजार ८१२ नवीन कोरोना रुग्णांची नोंद; १५६ रुग्णांचा मृत्यू;
८ हजार ७५२ रुग्णांना डिस्चार्ज

● ओबीसींचे राजकीय आरक्षण कायम राहण्यासाठी विरोधी पक्षनेते देवेंद्र फडणवीस यांनी ओबीसी समाजाचे नेतृत्व करावे; अन्न आणि नागरी पुरवठामंत्री छगन भुजबळ यांचे आवाहन

----------------------
लेट्सअप वर जाहिरात करण्यासाठी संपर्क : ७७९८६५५६५५
----------------------

● पुण्यामध्ये चक्का जाम आंदोलनात कोरोना नियमांचा भंग; भाजपा नेत्यांसह १०० ते १५० जणांवर गुन्हा दाखल

● राज्यात विक्रमी लसीकरण; दिवसभरात ७ लाखाहून अधिक नागरिकांनी घेतली लस; राज्यात आत्तापर्यंत ३ कोटी ९ लाख ७९ हजार ४६० लसीच्या मात्रा देण्यात आल्या

● १२ ते १८ वयोगटातील मुलांसांठी Zydus-Cadila ची लस लवकरच उपलब्ध होणार : केंद्र सरकार

● कोविड लसीकरणाचा वेग कायम ठेवा; लसीकरणाच्या प्रचार, प्रसारासाठी NGO ची मदत घ्या: पंतप्रधान नरेंद्र मोदी यांचे आवाहन

● जम्मू-काश्मीरमध्ये अविश्वासाचे वातावरण : डॉ. फारूक अब्दुल्ला; निवडणुकीपूर्वी राज्याचा दर्जा देण्याची ओमर अब्दुल्लांची मागणी

● भारताचा जलतरणपटू साजन प्रकाशची ऐतिहासिक कामगिरी; रोम येथील सेटे कॉली करंडक जलतरण स्पर्धेत साजन ऑलिम्पिक पात्रतेचे ‘अ’ निकष गाठणारा भारताचा पहिला जलतरणपटू ठरला

● 'काळ' या मराठी चित्रपटाचा परदेशात डंका; रशियातील ५० थिएटरमध्ये प्रदर्शित; रशियात प्रदर्शित होणारा हा पहिला मराठी चित्रपट ठरला

To know more click here
https://letsup.app.link/O3DVxbcYphb
https://www.youtube.com/watch?v=SFJntQGAXK4

जाणून घेऊया आठवड्याभरातील पॉझिटिव्ह न्यूज

LetsUpp | Positive Bulletin

● 3 कोटी नागरिकांचे लसीकरण करणारे महाराष्ट्र ठरले देशातील पहिले राज्य

● दूध दरासंदर्भात राज्य सरकारची मोठी घोषणा ; दूध उत्पादकांना दिलासा

● अनुसूचित जातीतील 10 वीच्या परीक्षेत 90% गुण प्राप्त करणाऱ्या विद्यार्थ्यांसाठी मोठी घोषणा

● भिकारी, बेघर व्यक्तींसाठी नवी मुंबईची खास लसीकरण मोहीम!

● कोरोना उपचारावर झालेल्या खर्चाला आयकरातून सुट

● देशभरात 18 वर्षांवरील मोफत लसीकरणाला सुरुवात

● खुशखबर! लवकरच सुई नसलेली लस बाजारात होणार दाखल

● राज्यातील आशा वर्कर्सचा संप मिटला

● स्मार्ट सिटी अवॉर्ड स्पर्धेत कल्याण-डोंबिवलीचा देशात डंका

● आमदार लंके यांची ‘वर्ल्ड बुक ऑफ रेकॉर्ड्स’मध्ये नोंद

आजच्या दिवसभरातील सर्वात महत्त्वाची पॉझिटिव्ह बातमी वाचा एका क्लिकवर
https://letsup.app.link/kFNWXmwiqhb
प्राध्यापकांच्या रिक्त जागेबाबत उच्च व तंत्रशिक्षण मंत्र्यांची मोठी घोषणा

LetsUpp | Trending

● नेट-सेट पीएचडी पात्रताधारक संघर्ष समितीच्यावतीने 21 जून 2021 पासून विविध मागण्यांसंदर्भात पुण्यातील उच्च शिक्षण संचालनालय कार्यालयासमोर आंदोलन करण्यात येत होते.

● उच्चस्तरीय समितीच्यावतीने एकून 4 हजार 74 प्राध्यापक भरतीस मान्यता देण्यात आली होती. त्यापैकी 1 हजार 674 प्राध्यापकांच्या रिक्त जागेची भरती पूर्ण करण्यात आली आहे. उर्वरित रिक्त जागांची लवकर भरती करावी अशी मागणी करण्यात येत होती.

● यावर कोरोनाच्या काळात थांबलेली 3 हजार 64 प्राध्यापकांच्या रिक्त जागेची भरती प्रक्रिया लवकरच सुरु करण्यात येईल, असे आश्वासन उच्च व तंत्र शिक्षणमंत्री उदय सामंत यांनी दिले आहे.

● या निर्णयाचे स्वागत करत नेट-सेट पीएचडी पात्रताधारक संघर्ष समितीच्यावतीने करण्यात येत असलेले आंदोलन मागे घेण्याचा निर्णय घेतला आहे.

To know more click here
https://letsup.app.link/PK9Znyjyqhb