शहीद तुकाराम ओंबळेंचा 'असाही' गौरव

LetsUpp | Trending

● मुंबईतील २६/११ च्या हल्ल्यात शाहिद झालेले सहाय्यक पोलीस उपनिरिक्षक (ASI) शहीद तुकाराम ओंबळे यांच्या नावावरुन दोन नव्या कोळ्याच्या प्रजातींना नाव दिलं आहे.

● या कोळ्याच्या प्रजातीच शास्त्रीय नामकरण Icius tukarami असं करण्यात आलं आहे. कोळ्याच्या प्रजातींचा शोध लावणाऱ्या संशोधक टीमनं आपल्या संशोधन पत्रिकेत पहिल्यांदा त्यांचा उल्लेख Icius Tukarami असा केला आहे.

● 'महाराष्ट्रातील फिंटेला आणि आयकियस या दोन प्रजातींचे वर्णन' या मथळ्याखाली हा संशोधन अहवाल प्रसिद्ध करण्यात आला आहे.

● संशोधक ध्रुव प्रजापती यांनी म्हटलं की, "या कोळ्यांच्या प्रजातींना २६/११ च्या मुंबई हल्ल्यात छातीवर २३ गोळ्या झेलून दहशतवादी अजमल कसाबला पकडून देणाऱ्या शहीद ओंबळे यांना समर्पित करण्यात आलं आहे."

To know more click here
https://letsup.app.link/sOt5Nsccshb

महापौरपदासाठी शिवसेनेचा अर्ज दाखल; काँग्रेसनेही अर्ज नेले

LetsUpp | Ahmednagar

● अहमदनगर महापालिकेच्या महापौर- उपमहापौर पदासाठी 30 जून रोजी निवडणूक होत आहे. अर्ज वाटपाच्या पहिल्याच (सोमवारी) दिवशी शिवसेनेच्या नगरसेविका रोहिणी संजय शेंडगे यांनी महापौरपदासाठी अर्ज दाखल केला आहे.

● दरम्यान काँग्रेसच्या शीला दीप चव्हाण यांनी महापौर व उपमहापौरपदासाठी अर्ज नेले आहेत. राष्ट्रवादीकडून उपमहापौरपदासाठी अर्ज अद्याप घेतलेला नाही.

● शिवसेनेच्या उमेदवार रोहिणी शेंडगे यांचा उमेदवारी अर्ज दाखल करण्यासाठी आमदार संग्राम जगताप, संपर्क प्रमुख भाऊ कोरगांवकर, जिल्हा प्रमुख प्रा. शशिकांत गाडे, माजी महापौर सुरेखा कदम, भगवान फुलसौंदर, शहर प्रमुख दिलीप सातपुते, नगरसेवक गणेश भोसले यांच्यासह नगरसेवक उपस्थित होते.

● अर्ज भरण्याची शेवटची मुदत मंगळवार दि.29 जून रोजी दुपारी दीड पर्यंत आहे. त्यामुळे महापौर-उपमहापौर पदासाठी आणखी कोणकोण अर्ज नेणार, व तो दाखल करणार, हे पाहणे औत्सुक्याचे ठरणार आहे.

● महापौरपदासाठी राष्ट्रवादी काँग्रेस व शिवसेना एकत्र येणार असल्याचे सांगण्यात येत आहे. शिवसेनेचा महापौर तर राष्ट्रवादीचा उपमहापौर असे मुंबई येथील दोन्ही पक्षांच्या वरिष्ठांच्या झालेल्या बैठकीत ठरल्याचे सांगण्यात येत आहे.

● नगर महापालिकेत सध्या राष्ट्रवादीच्या पाठिंब्याने भाजपचे बाबासाहेब वाकळे महापौर आहेत. त्यांची मुदत 30 जूनला संपत आहे. त्याच दिवशी महापौरपदाची निवडणूक होणार आहे.

● शिवसेनेकडून नगरसेविका रोहिणी शेंडगे यांच्या विरोधात आणखी कोणाचा अर्ज येणार, कोणत्या पक्षाच्या महापौर व उपमहापौर होणार, याबाबत नगरकरांमध्ये उत्सुकता आहे.

अहमदनगर जिल्ह्यातील सर्व घडामोडी जाणून घेण्यासाठी डाऊनलोड करा लेट्सअप अ‍ॅप

https://letsup.app.link/lSv6Zzcmshb

राज्यातील 'या' जिल्हयांना अलर्ट; पुढचे ३ दिवस मुसळधार पावसाची शक्यता

Letsupp | Trending

● राज्यात शेतकरी गेल्या आठवडाभरापासून दडी मारलेल्या पावसाकडे डोळे लावून बसले होते. मात्र आता पुन्हा राज्यात पाऊस सक्रिय होणार आहे. राज्यात पुढच्या दोन दिवसांमध्ये मुसळधार पाऊस होणार असल्याची माहिती हवामान खात्याकडून देण्यात आली आहे.

● या पार्श्वभूमीवर आज पालघर, मुंबई, गोंदिया, गडचिरोली आणि भंडारा हे जिल्हे वगळता आज महाराष्ट्रात सर्व ठिकाणी येलो अलर्ट जारी करण्यात आला आहे. पुढच्या दोन दिवसांमध्ये मराठवाडा, मध्य महाराष्ट्र आणि घाट परिसरात मुसळधार पाऊस होईल. त्याचबरोबर मध्य महाराष्ट्र, उत्तर महाराष्ट्र आणि विदर्भातील काही भागांमध्ये चांगला पाऊस होण्याची शक्यता हवामान खात्याकडून वर्तवण्यात आली आहे.

● दरम्यान, मुंबई वगळता पालघर, ठाणे, रायगड, रत्नागिरी, सिंधुदुर्ग, तसेच विदर्भात काही जिल्ह्यांमध्ये एखाद-दुसऱ्या ठिकाणी जोरदार पावसाची शक्यता वर्तवण्यात आली होती. यानंतर पुन्हा एकदा राज्यात पाऊस ब्रेक घेण्याची शक्यता आहे. प्रादेशिक हवामान विभागाच्या पूर्वानुमानानुसार मुंबईसह पालघर, ठाणे, रत्नागिरी, रायगड, सिंधुदुर्ग येथे मंगळवारपर्यंत हलक्या ते मध्यम सरींची शक्यता वर्तवण्यात आली आहे.

● दरम्यान २ ते ८ जुलै या आठवड्यामध्ये विदर्भामध्ये तसेच लगतच्या मराठवाड्याच्या काही भागात पावसाची शक्यता आहे. मात्र, याचे प्रमाण ९ ते १५ जुलैच्या आठवड्यात वाढण्याची शक्यता आहे. या काळात राज्यात सर्वदूर पाऊस असू शकेल. तसेच कोकणातही पुन्हा पावसाचा वेग वाढेल असा, अंदाज आहे. त्यामुळे या जिल्ह्यांना अलर्ट जारे करण्यात आला आहे.

To know more click here
https://letsup.app.link/MFmHBe4pshb

गर्दी करणाऱ्यांना मुख्यमंत्री उद्धव ठाकरेंनी दिला 'हा' इशारा

LetsUpp | Trending

● डेल्टा प्लस या नव्या करोना विषाणुमुळे तिसरी लाट येण्याचा अंदाज व्यक्त करण्यात आला आहे. त्यामुळे राज्य सरकारने निर्बंध वाढवले असून, मुख्यमंत्री उद्धव ठाकरे यांनी वाढत्या गर्दीबद्दल चिंता व्यक्त केली आहे.

● “आज गरज नसताना असं का केलं जात आहे, असा सहज प्रश्न कुणालाही पडेल, पण तसं नाही. दुसरी लाट बघितली, तर ऑक्सिजनचा तुटवडा, बेडचा तुटवडा आदींसाठी तारेवरची कसरत करत आपण दुसरी लाट थोपवली. खाली आणली.

● मात्र, दुसरी लाट पूर्णपणे संपलेली नाही. खाली आहे आणि स्थिरावली आहे. पण, आता पुन्हा गर्दी होऊ लागली आहे. तिसरी लाट कधी येईल हे सांगता येत नाही." असं सांगत मुख्यमंत्री उद्धव ठाकरे यांनी गर्दी करणाऱ्यांना धोक्याचा इशारा दिला.

● आता डेल्टा प्लस आढळून आला आहे. डेल्टा प्लसने अजून रंग दाखवलेले नाहीत. गर्दी टाळली गेली नाही, तर दुसरी लाट ओसरण्याऐवजी उलटेन. ही शक्यता गृहित धरली, तर आज जे आपण करतो आहोत, त्याचं महत्त्व नागरिकांच्या लक्षात येईल,” असा इशारा मालाड येथील उपक्रम कोविड हॉस्पिटलच्या उद्घाटनावेळी मुख्यमंत्री उद्धव ठाकरे यांनी दिला.

To know more click here
https://letsup.app.link/DjCV8tRjshb

https://www.instagram.com/p/CQqdPrxjtiJ/ बीडच्या बसस्थानकाला आले गटारीचे स्वरूप

बीडच्या बस स्थानकाला गटरीचे स्वरुप आल्याने येणाऱ्या प्रवाशाला गाडीतून उतारल्या बरोबर अगोदर घाणीतून मार्ग काढत चालावे लागते.

त्यामुळे प्रवाशांच्या संतप्त प्रतिक्रिया ऐकायला मिळत आहेत. दरम्यान संबंधित अधिकाऱ्यांनी याकडे लक्ष देऊन बीडच्या बस स्थानकातील घाणीचे साम्राज्य नाहीसे करावी अशी मागणीही प्रवाशांनी केली आहे.

रिपोर्टर - दीपक जाधव
प्रोड्युसर- प्रवीण सुरवसे
व्हिडिओ एडिटर - रचना रोहेकर

https://youtu.be/jI9MSszN1d0

VIDEO : आमखेड तलावाची भिंत फुटली; शेतीचे मोठे नुकसान

LetsUpp l Buldhana

● जिल्ह्यात सोमवारी सायंकाळी दमदार पाऊस झाला आहे, विशेषतः चिखली तालुक्यात पावसाने दमदार बॅटिंग केल्यामुळे तालुक्यात पूरस्थिती निर्माण झाली आहे.

व्हिडिओ पाहण्यासाठी क्लिक करा :
● या पावसामुळे चिखली तालुक्यातील आमखेड येथील पाझर तलावाची भिंत फुटली, त्यामुळे या परिसरातील अनेकांची शेती खरडून गेली आहे.

● दरम्यान त्यात शेतकऱ्याचे मोठे नुकसान झाले आहे. तर भोगावती नदीला पूर आल्याने लव्हाळा- साखरखेर्डा मार्गावरील वाहतूक बंद झाली आहे.

बुलढाणा जिल्ह्यातील सर्व घडामोडी जाणून घेण्यासाठी डाऊनलोड करा लेट्सअप
https://letsup.app.link/WfCsIHKBthb

राज्यात पावसाच्या पुनरागमनाबाबत महत्वाची बातमी!

LetsUpp l Trending

● काही दिवसांपासून राज्यभरात दडी मारून बसलेला पाऊस लवकरच पुनरागमन करणार आहे. येत्या पाच दिवसांमध्ये महाराष्ट्रात मुसळधार ते अतिमुसळधार स्वरुपाचा पाऊस पडण्याचा अंदाज हवामान विभागाने वर्तविला आहे.

● नैऋत्येकडून येणाऱ्या जोरदार वाऱ्यांमुळे पाऊस पश्चिम बंगाल, सिक्कीम आणि ईशान्येकडील राज्यांकडे सरकरण्याची शक्यता आहे. त्यामुळे १ जुलैपर्यंत या राज्यांमध्ये मुसळधार पाऊस होऊ शकतो.

● दरम्यान यामध्ये महाराष्ट्र, गोवा आणि कर्नाटकचा समावेश आहे. पंजाब, राजस्थान, हरियाणा आणि दिल्लीतही जोरदार पर्जन्यवृष्टी होण्याची शक्यता आहे.

● राजधानी दिल्लीमध्ये २,३ जुलैला पाऊस होऊ शकतो. पुढील काही तासांमध्ये सिक्कीम, आसामच्या काही भागात, मेघालय, अरुणाचल प्रदेश आणि मराठवाड्याच्या काही भागात सौम्य आणि मध्यम पावसाची शक्यता आहे.

● उत्तराखंडचा काही भाग, बिहारमधील उत्तर भागातील जिल्हे, पश्चिम बंगाल, विदर्भाचा काही भाग, मध्य महाराष्ट्र, कोकण, गोवा, गुजरात, कर्नाटक, केरळ, लक्षद्वीप आणि छत्तीसगडच्या काही भागात सौम्य ते मध्यम स्वरुपाचा पाऊस पाऊस होईल.

To know more click here
https://letsup.app.link/10zASMHsthb

https://www.youtube.com/watch?v=P5PMJuVc93g नाशिक जिल्ह्यात कोरोना बाधीत रुग्ण संख्या घटली जरी असली तरी जिल्ह्यात गेल्या वर्षभरात 19 हजार 332 लहान मुलांना कोरोनाची लागण झाल्याचा धक्कादायक प्रकार समोर आला आहे. यात 10,805 मुले तर 8527 लहान मुलींचा समावेश आहे. यात दुर्दैवाने 10 बालकांचा कोरोनाने मृत्यू झाल्याची माहिती नाशिक जिल्हा शल्यचिकित्सक डॉक्टर अशोक थोरात यांनी दिली.
रिपोर्टर - उमेश आवणकर
व्हिडिओ एडिटर - रचना रोहेकर

गर्भवती महिलांसाठी कोरोना लस किती सुरक्षित? जाणून घेऊया आरोग्य मंत्रालयाचा सल्ला

LetsUpp | Trending

● देशात कोरोनाची तिसरी लाट येण्याची शक्यता तज्ञांनी वर्तवली आहे. या पार्श्वभूमीवर २१ जूनपासून १८ वर्षावरील सर्वांचे लसीकरण केलं जात आहे. मात्र, गर्भवती महिलांच्या लसीकरणाबाबत कोणताही निर्णय घेण्यात आला नव्हता. दरम्यान, आरोग्य मंत्रालयाने गर्भवती महिलांना कोरोना लस देण्यासाठी नवीन मार्गदर्शक सूचना जारी केली आहेत.

● "गर्भधारणेमुळे संक्रमणाचा धोका वाढत नाही. पण बहुतेक गर्भवती स्त्रियांना लक्षणे नसतील किंवा सौम्य आजार असतील तर त्यांची प्रकृती झपाट्याने बिघडू शकते. त्यामुळे गर्भावरही परिणाम होऊ शकतो.

● कोविडच्या संसर्गापासून स्वत: ला वाचवण्यासाठी त्यांनी सर्व सावधगिरी बाळगली पाहिजे. त्यामुळे गर्भवती महिलांनी आधीच कोरोना लस घ्यावी," असा सल्ला आरोग्य मंत्रालयाने एका निवेदनाव्दारे दिला आहे.

● "कोरोना लस सुरक्षित आहे आणि कोविडपासून गर्भवती महिलांचे संरक्षण करते. कोणत्याही औषधाप्रमाणेच, लसीचे काही दुष्परिणाम देखील होऊ शकतात जे सहसा सौम्य असतात. सौम्य ताप, इंजेक्शनच्या ठिकाणी वेदना होणे किंवा लसीकरणानंतर १-३ दिवसांपर्यंत अस्वस्थता जाणवते."

● गर्भधारणेदरम्यान कोविडची लागण झाली असेल तर ?

प्रसूतीनंतर लगेचच लसीकरण करावे, गर्भवती महिलेला कोरोना विषाणूची लागण झाली तर त्यातील ९० टक्के महिला रुग्णालयात दाखल न होता घरीच बऱ्या होतात. तर तीव्र लक्षणे असलेल्या महिलांना रुग्णालयात दाखल करावे लागते. कोविडमुळे उच्च रक्तदाब, लठ्ठपणा, ३५ वर्षांपेक्षा जास्त वयाच्या लोकांना गंभीर आजार होण्याची शक्यता जास्त असते,

● बाळाला धोका होऊ शकतो का?

"कोरोना पॉझिटिव्ह मातांपैकी ९५ टक्के पेक्षा जास्त नवजात बाळ जन्मतःच चांगल्या स्थितीत होते. काही प्रकरणांमध्ये, कोरोना संसर्गामुळे वेळे आधी प्रसूती होण्याचा धोका वाढवू शकतो. तसेच मुलाचे वजन २.५ किलोपेक्षा कमी असू शकते."

To know more click here
https://letsup.app.link/d8lPikcMthb

'वन नेशन, वन रेशनकार्ड' योजनेबाबत सुप्रीम कोर्टाचा महत्वपूर्ण आदेश

LetsUpp | Trending

● 'वन नेशन, वन रेशनकार्ड' योजनेसंदर्भात सुप्रीम कोर्टानं आज मोठा निकाल दिला आहे. सुप्रीम कोर्टानं देशातील सर्व राज्यांना ३१ जुलैपर्यंत 'वन नेशन, वन रेशनकार्ड' योजना लागू करण्याचे आदेश दिले आहेत. सुप्रीम कोर्टाचे न्यायाधीश अशोक भूषण यांच्या खंडपीठानं आज याबाबतचा निकाल दिला आहे.

● देशातील सर्व राज्यांनी तातडीनं 'वन नेशन, वन रेशनकार्ड' योजना लागू करणं खूप गरजेचं आहे. जेणेकरुन प्रवासी मजुरांना देशाच्या कोणत्याही कानाकोपऱ्यात या योजनेचा लाभ घेता येऊ शकेल, असं कोर्टानं म्हटलं आहे.

● कोरोनामुळे स्थलांतरीत कामगारांच्या सोयी-सुविधांसंदर्भात संबंधित राज्य सरकारांना यावेळी सुप्रीम कोर्टानं उत्तम नियोजन करण्याच्याही सूचना दिल्या आहेत. प्रवासी मजुरांना अन्नधान्य उपलब्ध करुन देणं आणि त्यांच्यासाठी 'कम्युनिटी किचन' यापुढील काळातही सुरु ठेवण्याचे आदेश कोर्टानं दिले आहेत.

To know more click here
https://letsup.app.link/qm9JoDEOthb

https://www.youtube.com/watch?v=rZNf-LnncUY अभिनेत्री प्रिया मराठेने बनवला तोंडाला पाणी सुटेल असा चटपटीत पदार्थ 'स्वराज्य जननी जिजामाता' मालिकेमुळे अभिनेत्री प्रिया मराठे चांगलीच चर्चेत असते. यावेळी ती चर्चेत आली आहे ते तिच्या स्वयंपाक घरातील एका व्हिडिओमुळे प्रियाने नुकताच सोशल मीडियावर एक व्हिडीओ शेयर केला आहे. त्यामध्ये ती काहीतरी तोंडाला पाणी सुटेल असा पदार्थ बनवताना दिसत आहे. पाहूया काय आहे हा नेमका व्हिडीओ...
Sourse : Instagram / priyamarathe

अहमदनगर महानगरपालिकेच्या इतिहासात पहिल्यांदा महापौर आणि उपमहापौर बिनविरोध

LetsUpp | Trending

● अहमदनगर महानगरपालिकेच्या महापौरपदी शिवसेनेच्या रोहिणी शेंडगे व उपमहापौरपदी राष्ट्रवादीचे गणेश भोसले यांची बिनविरोध निवड झाली आहे. या दोन उमेदवारांच्या विरोधात एकही उमेदवारी अर्ज भरले नाहीत. त्यामुळे बुधवारी (30 जून) या दोन्ही पदांसाठी होणाऱ्या निवडणूक प्रक्रियेत शेंडगे व भोसले यांच्या नावाच्या अधिकृत घोषणेची औपचारिकता राहिली आहे.

● महापौरपदासाठी शिवसेना उमेदवार रोहिणी शेंडगे यांचा अर्ज सोमवारी (28 जून) दाखल झाला आहे. त्यानंतर उपमहापौरपदाच्या निवडणुकीत करता मंगळवारी महाविकास आघाडीच्या वतीने उपमहापौर पदाकरता गणेश भोसले यांनी आपला उमेदवारी अर्ज दाखल केला.

● दरम्यान महापौर व उपमहापौर पदाकरता प्रत्येकी एक उमेदवारी अर्ज दाखल झाल्यामुळे महानगरपालिकेची निवडणूक बिनविरोध झाली. उद्या अधिकृत घोषणा केली जाणार आहे. उमेदवारी अर्ज दाखल करताना काँग्रेसचे 4 नगरसेवक उपस्थित होते. महानगरपालिकेच्या स्थापनेपासून पहिल्यांदा महापौर व उपमहापौर पदाची निवडणूक बिनविरोध झाली आहे.

● यावेळी राष्ट्रवादी काँग्रेस पक्षाचे पक्ष निरीक्षक अंकुश काकडे, आमदार संग्राम जगताप, शिवसेनेचे नगरसेवक अनिल शिंदे, माजी शहरप्रमुख संभाजी कदम, राष्ट्रवादी काँग्रेस पक्षाचे शहराध्यक्ष माणिक विधाते, विनीत पाऊलबुद्धे, संजय शेंडगे, संजय चोपडा, सुभाष लोंढे, दत्ता कावरे, नगरसेवक गणेश कवडे, कुमार वाकळे, निखिल वारे आदी उपस्थित होते.

To know more click here
https://letsup.app.link/mLjNXRGTthb

https://www.youtube.com/watch?v=veiv0Pg9X1Q मंत्री जयंत पाटलांसह धनंजय मुंडेंचा ताफा आंदोलकांनी अडविला मराठा आरक्षणाच्या मुद्द्यावरुन संभाजी ब्रिगेड आणि मराठा आंदोलकांनी हिंगोलीत मंत्री जयंत पाटील आणि धनंजय मुंडेंचा ताफा रोखला
रिपोर्टर - माधव दिपके

https://www.youtube.com/watch?v=B9vUOGB_sdo

आज दिवसभरातील 10 महत्वाच्या घडामोडी

LetsUpp | Bulletin

● 'वन नेशन, वन रेशनकार्ड' योजना देशातील सर्व राज्यांना ३१ जुलैपर्यंत लागू करण्याचे सुप्रीम कोर्टाचे आदेश; न्यायाधीश अशोक भूषण यांच्या खंडपीठाने दिला निकाल


● गणेश मंडळातील मूर्ती ४ फूटांची, तर घरातील बाप्पा २ फुटांचा! गणेशोत्सवासाठी मार्गदर्शक तत्वे जाहीर, राज्य सरकारने लागू केलेले निर्बंध गणेशोत्सवातही कायम

● राज्याच्या विधिमंडळाचं पावसाळी अधिवेशन पाच आणि सहा जुलैला; अधिवेशनाला संपूर्ण दिवस उपस्थित राहण्यासाठी शिवसेनेचा सर्व आमदारांना व्हिप जारी

● अहमदनगर महानगरपालिकेच्या महापौरपदी शिवसेनेच्या रोहिणी शेंडगे व उपमहापौरपदी राष्ट्रवादीचे गणेश भोसले यांची बिनविरोध निवड; अधिकृत घोषणा उद्या होणार

● ७२ वर्षांचा असल्याने मला कोरोना संक्रमणाचा धोका, माझ्या विनंतीचा विचार करावा; चौकशीस गैरहजर राहणाऱ्या अनिल देशमुखांचे ईडीला पत्र

● आधी शहराचं संपूर्ण लसीकरण करा मगच आषाढी वारी भरवा, पंढरपूर मधील नागरिकांची मागणी, तर आषाढी वारीसाठी पायी पालख्यांना परवानगी द्यावी याबाबत संत नामदेव संस्थानतर्फे सुप्रीम कोर्टात याचिका

● रत्नागिरीत ३ बालकांची कोरोनाच्या डेल्टा प्लस व्हेरिएंटवर मात, देशातील १२ राज्यांमध्ये याच व्हेरिएंटमुळे सतर्कतेचा इशारा

● मुंबईतील बोगस लसीकरण प्रकरणातील मुख्य आरोपी डॉ. मनिष त्रिपाठींचं आत्मसमर्पण, कोर्टाने अटकपूर्व जामीन फेटाळल्यावर शरणागती

● अमेरिकेच्या मॉडर्ना लसीला भारतात परवानगी; आपत्कालीन वापरासाठी ड्रग कंट्रोलर जनरल ऑफ इंडियाने आयातीसाठी दिली मंजुरी!

● टी-२० वर्ल्ड कप स्पर्धेचे सामने संयुक्त अरब अमिराती आणि ओमानमध्ये होणार; १७ ऑक्टोबर ते १४ नोव्हेंबर या कालावधीत होणार स्पर्धा; आयसीसीची घोषणा

To know more click here
https://letsup.app.link/MbFKpkBduhb

https://www.youtube.com/watch?v=I5pL30mCsYU भर पावसात वेगवान कारने ऑटोला जोरात धडक दिल्याने प्रवाशाचा मृत्यू
हैदराबादमध्ये २७ जून रोजी सायबरबादच्या इनॉर्बिट मॉलजवळ भर पावसात अति वेगवान लक्झरी कारने ऑटोला जोरदार धडक दिली. या घटनेत ऑटोमध्ये बसलेल्या एका प्रवाशाचा मृत्यू झाला.

https://www.youtube.com/watch?v=6gvNo0XdHiY मराठा, ओबीसी आरक्षणावर अ‍ॅड. गुणरत्न सदावर्ते यांची प्रतिक्रिया माध्यमांशी बोलताना अ‍ॅड. गुणरत्न सदावर्ते मराठा, ओबीसी आरक्षण तसेच सारथी संस्थेसाठी 1 हजार कोटी दिले गेले त्याबद्दल आपले परखड मत व्यक्त केले आहे.
रिपोर्टर - उमेश आवणकर

अभिनेत्री मंदिरा बेदी यांच्यावर दुःखाचा डोंगर

LetsUpp l Trending

● प्रख्यात अभिनेत्री मंदिरा बेदी यांच्या पतीचे निधन झाल्याची धक्कादायक माहिती समोर आली आहे.

● मंदिरा यांचे पती राज कौशल यांचे हृदयविकाराच्या झटक्याने निधन झाल्याची माहिती कुटुंबियांकडून मिळाली आहे. मुंबईतील रुग्णालयात उपचारादरम्यान त्यांनी अखेरचा श्वास घेतला.

● राज कौशल यांनी अभिनेता म्हणून त्यांच्या करिअरची सुरुवात केली होती. ‘प्यार में कभी कभी’, ‘शादी का लड्डू’ और ‘एंथनी कौन है’ या सिनेमांचं त्यांनी दिग्दर्शन केले आहे.

● राज कौशल यांच्या निधनाची बातमी समजताच बॉलिवूडमधून शोक व्यक्त केला जात आहे.

● २७ जूनला राज आणि मंदिरा यांनी त्यांच्या मित्र परिवारासोबत वेळ घालवत पार्टी एन्जॉय केली होती. त्यानंतर राज यांच्या निधानाची अचानक बातमी आल्याने सर्वानाच मोठा धक्का बसला आहे.

To know more click here
https://letsup.app.link/WBg0dsIcvhb