घर घेताय ? होम लोन संदर्भात ही आहे महत्वाची बातमी

Letsupp | Trending

● करोना काळामध्ये अनेकांना आर्थिक समस्यांना सामोरे जावे लागत आहे. साथ प्रसार, टाळेबंदीचे निर्बंध या दरम्यान ग्राहकांकडून कर्जासाठीची मागणी कमी झाली आहे. मात्र आता गृह कर्जाचे व्याजदर किमान पातळीवर ठेपले आहेत.

● यामध्ये आता आघाडीची हाऊसिंग फायनान्स कंपनी असलेल्या एलआयसी हाऊसिंग फायनान्स कंपनीने सर्वात कमी, वार्षिक ६.६६ टक्के किमान गृह कर्ज व्याजदर ३० वर्षांपर्यंत देऊ केला आहे. त्यामुळे आता घर घेऊ इच्छिणाऱ्या लोकांसाठी आनंदाची बातमी आहे.

● एलआयसी हाऊसिंग फायनान्सकडून ३१ ऑगस्ट २०२१ पर्यंत हि योजना लागू असेल, ५० लाख रुपयेपर्यंतच्या गृह कर्जासाठी ६.६६ टक्के व्याजदर उपलब्ध करून दिल्याचे स्पष्ट करण्यात आले आहे. या सवलतीच्या व्याजदरामुळे कर्जदारांची मागणी वाढेल, असा विश्वासही कंपनीने व्यक्त केला आहे.

● यामध्ये इतर बँकांचे किमान गृह कर्ज व्याजदर असे आहेत : ६.६५ टक्के - कोटक महिंद्र बँक, ६.७५ टक्के - सिटी बँक, ६.८० टक्के - यूनियन बँक, ६.८५ टक्के - बँक ऑफ बडोदा, सेंट्रल बँक, ६.७० टक्के - स्टेट बँक, ६.७५ टक्के - एचडीएफसी लिमिटेड, ६.९० टक्के - आयसीआयसीआय बँक असे आहेत.

To know more click here
https://letsup.app.link/i1WM8i7fAhb

आज दिवसभरातील 10 महत्वाच्या घडामोडी

LetsUpp | Bulletin

● मुंबईनंतर नवी मुंबईत बोगस लसीकरण, 350 कामगारांचे बोगस लसीकरण करून लुटले 4 लाख 23 हजार रूपये; तुर्भे एमआयडीसी पोलिसांची कारवाई

● नाशिकचे जिल्हाधिकारी सूरज मांढरे लसीचे दोन्ही डोस घेऊनही कोरोना पॉझिटिव्ह; मुख्य सचिव सीताराम कुंटे यांच्यासह उपमुख्यमंत्री अजित पवार, पालकमंत्री छगन भुजबळ यांच्या बैठकीत घेतला होता सहभाग

● रायगड जिल्ह्यातल्या उरण तालुक्यातील जेएनपीटी बंदरातून अफगाणिस्तानमधून इराणमार्गे भारतात आणलेलं 879 कोटींचं हेरॉईन कस्टम विभागाकडून जप्त

● वारकरी सांप्रदायातील अग्रणी कीर्तनकार बंडातात्या कराडकर यांना नजरकैद व सुटका; आमदार महेश लांडगेंच्या मध्यस्थीने आंदोलन टळले! दिघीतून कीर्तनकार बंडातात्या पोलिसांसोबत पंढरपूरकडे रवाना

● ओबीसी आरक्षणासाठी रासपचे अध्यक्ष महादेव जानकर मैदानात; कार्यकर्ते राज्यभरात करणार चक्काजाम आंदोलन; उद्या होणाऱ्या आंदोलनाकडे संपूर्ण महाराष्ट्राचे लक्ष

● तीरथ सिंह रावत यांनी मुख्यमंत्रीपदाचा राजीनामा दिल्यानंतर पुष्कर सिंह धामी यांच्याकडे उत्तराखंडची सूत्रे, राज्याचे 11 वे मुख्यमंत्री म्हणून घेणार शपथ

● कल्पना चावलानंतर आता आणखी एक भारतीय महिला घेणार अंतराळात झेप; सिरिशा बांदला उड्डाणासाठी सज्ज! ११ जुलै रोजी न्यू मॅक्सिको येथून होणार उड्डाण

● राफेलबाबत फ्रान्समध्ये महत्वाची घडामोड, चौकशीसाठी न्यायमूर्तींची नियुक्ती, फ्रान्सच्या आजी-माजी राष्ट्राध्यक्षांची होणार चौकशी

● पुण्यात ज्येष्ठ मराठी कलादिग्दर्शक राजेश सापते यांनी सोशल मीडियावर व्हिडिओ व्हायरल करून जीवन संपविले; मनोरंजनसृष्टीतली युनियन्सची दहशत पुन्हा उघड

● बॉलिवूडमधली लोकप्रिय अभिनेता आमिर खान आणि त्याची पत्नी दिग्दर्शक किरण रावचा घटस्फोट, १५ वर्षांचं नातं संपुष्टात

To know more click here
https://letsup.app.link/D1buC88MAhb

कोरोना लशीच्या डोस पूर्वीच मुलांमध्ये अँटिबॉडिज

LetsUpp | Trending

● कोरोना विरोधातील लढ्यात कोवॅक्सिन आणि कोविशिल्ड या दोन्ही लशी लाभदायक ठरल्याने देशभर त्याची मोहिम सुरू झाली. मोठ्या व्यक्तींवरील कोवॅक्सिन लशीचे ह्यूमन ट्रायल नागपुरातून झाल्यानंतर या लशीचा मार्ग देशासाठी मोकळा झाला.

● आता पुढील टप्प्यात लहान मुलांवरील लशीचे ह्यूमन ट्रायल नागपुरात सुरू आहे. मात्र लशीचा पहिला डोस देण्यापूर्वीच आलेल्या माहितीनुसार मुलांमध्ये लशीचा पहिला डोस देण्याआधीच अँटिबॉडिज विकसित झाल्याचे स्पष्ट होत आहे.

● मुलांवरील कोवॅक्सिन लस ह्यूमन ट्रायलच्या दुसऱ्या फेजमधील २ ते १८ वयोगटातील मुलांमध्येही या ॲन्टिबॉडिज तयार झाल्याची बाब पुढे आली आहे. त्यामुळे या तिन्ही वयोगटातील १२१ मुलांपैकी ३८ मुलांमध्ये ॲन्टिबॉडिज तयार झाल्या आहेत.

● ६ जून रोजी पहिल्या टप्प्यातील १२ ते १८ वयोगटातील ५० मुलांना कोवॅक्सिनचा पहिला डोस देण्यात आला. पुढच्या टप्प्यात ६ ते १२ वयोगटातील मुलांवरही ह्यूमन ट्रायल सुरू झाली असून ३५ मुलांचे स्क्रिनिंग करून त्यांना लस देण्यात आली.

● कालपासून २ ते ६ वयोगटातील मुलांवरील ह्यूमन ट्रायल सुरुवात झाली. यात निवडलेल्या २७ पैकी १३ अशा जवळजवळ ५० टक्के मुलांमध्ये अँटिबॉडीज विकसित झाल्याचे स्पष्ट झाले. यापूर्वी ६ ते १२ वयोगटातील निवडलेल्या ४३ पैकी १५ मुलांमध्ये तर १२ ते १८ वयोगटातून निवडलेल्या ५१ पैकी १० मुलांमध्ये अँटिबॉडीज विकसित झाल्याचे स्पष्ट झाले होते.

● लशीचा पहिला डोस देण्यापूर्वीच मुलांमध्ये रोग प्रतिकारशक्ती (अँटिबॉडिज) विकसित झाल्याने मुलांना कळत न कळत कोरोनाचा संसर्ग होऊन गेला आहे. मात्र त्यांना कोरोनाचा त्रास झाला नाही. मुलांना विषाणू संसर्ग झाल्यानंतर त्यांच्या शरिराने प्रतिकार करीत कळत न कळत रोग प्रतिकारशक्ती विकसित केली, अशी माहिती बालरोगतज्ज्ञ डॉ. वसंत खळतकर यांनी दिली.

To know more click here
https://letsup.app.link/RyYVB5NUAhb

राज्यात दिवसभरात ९ हजार ४८९ नवीन कोरोनाबाधित

LetsUpp l Trending

● राज्यात आता पुन्हा एकदा दैनंदिन कोरोनाबाधितांची संख्या ही कोरोनामुक्त होणाऱ्यांच्या तुलनेत अधिक दिसत आहे.

● आज दिवसभरात राज्यात ९ हजार ४८९ नवीन कोरोनाबाधित आढळले असून, ८ हजार ३९५ रूग्ण कोरोनामुक्त झाले आहेत.

● अद्यापही राज्यात कोरोनाबाधितांच्या मृत्यू संख्येत दररोज भर पडतच आहे. आज राज्यात १५३ कोरोनाबाधित रूग्णांचा मृत्यू झाल्याची नोंद झाली आहे.

● सध्या राज्याती मृत्यू दर २.०१ टक्के एवढा आहे. तर, राज्यात आजपर्यंत एकूण ५८ लाख ४५ हजार ३१५ कोरोनाबाधित रुग्ण बरे होऊन घरी परतले आहेत.

● राज्यातील रुग्ण बरे होण्याचे प्रमाण ९६ टक्के एवढे झाले आहे. राज्यात सध्या एकूण १ लाख १७ हजार ५७५ सक्रिय रुग्ण आहेत.

To know more click here
https://letsup.app.link/PteItOpWAhb

पुण्यात नैराश्यातून तरुणाने उचललं टोकाचं पाऊल! पत्रात MPSC ला का म्हटलं मायाजाल?

LetsUpp l Trending

● स्पर्धा परीक्षांच्या तयारीचे केंद्र बनलेले पुणे शनिवारी हादरले आहे. पुण्यातील फुरसुंगी परिसरात राहणाऱ्या स्वप्निल लोणकर या २४ वर्षीय तरुणाने गळफास घेऊन आपले जीवन संपवले आहे.

● महाराष्ट्र लोकसेवा आयोगाच्या (एमपीएससी) परीक्षेत उत्तीर्ण होऊनही नोकरी मिळत नसल्याने स्वप्निलने आत्महत्या केली.

● एमपीएससीच्या पूर्व आणि मुख्य परीक्षेत उत्तीर्ण झाल्यानंतरही २ वर्षे मुलाखत झालीच नाही आणि स्वप्निल हळूहळू नैराश्यात गेला.

● या काळात घरची परिस्थिती आणि परीक्षेनंतर नोकरी लागेल या आशेवर घेतलेले कर्ज यासारख्या कारणांमुळेही स्वप्निलवरील तणाव वाढत गेला.

● त्याच्या संयमाचा अंत झाला आणि त्याने हे टोकाचे पाऊल उचलले. आयुष्य संपवण्यापूर्वी स्वप्निलने पत्र लिहून त्याने आपल्या वेदना व्यक्त केल्या आहेत.

● आत्महत्या करण्यापूर्वी स्वप्नीलने सर्व गोष्टींबाबत त्याच्या सुसाईड नोटमध्ये लिहिल्या आहेत.

● आत्महत्येसाठी कोणतीही व्यक्ती कारणीभूत नसल्याचे स्वप्निलने म्हटलं असून, अधिकारी होण्याचे स्वप्न उराशी बाळगलेल्या स्वप्निलने सुसाईड नोटच्या सुरुवातीलाच MPSC मायाजाल आहे, यात पडू नका असं आवाहन केले आहे.

पत्रात काय म्हटलय:
MPSC मायाजाल आहे, यात पडू नका. येणाऱ्या प्रत्येक दिवसासोबत फक्त वय आणि ओझं वाढत जातं. आत्मविश्वास तळाला पोहोचतो आणि स्वत: बद्दल शंका वाढत जाते. २ वर्षे झाली आहेत उत्तीर्ण होऊन आणि २४ वय संपत आलंय. घरची एकंदरीत परिस्थिती, परीक्षा निघणार या आशेवर घेतलेलं कर्ज, खासगी नोकरी करून कधी ही न फिटू शकणारा कर्जाचा डोंगर, घरच्यांच्या आणि इतर सर्वांच्या वाढत्या अपेक्षा आणि माझी मी प्रत्येक वेळी प्रत्येक ठिकाणी कमी पडतोय ही भावना! करोना नसता, सर्व परीक्षा सुरळीत झाल्या असत्या तर आज आयुष्य खूप वेगळं आणि चांगल असतं. हवं ते, ठरवलं ते प्रत्येक साध्य झालं असतं. मी घाबरलो, खचलो असं मुळीच नाहीये, फक्त मी कमी पडलो. माझ्याकडे वेळ नव्हता!

नकारात्मकतेची ही वादळं कित्येक दिवस ही मनात होती. पण काही तरी चांगल होईल, या आशेवर तग धरला होता. पण आता इथून पुढे आयुष्य सुरू राहू शकेल, असं काहीच उरलं नाहीये. यांस कोणतीही व्यक्ती कारणीभूत नसून हा माझा सर्वस्वी निर्णय आहे. मला माफ करा! मला डोनेशन करून १०० जीव वाचवायचे होते, ७२ राहिले…. जमलं तर हे इतरांपर्यंत पोहोचावा, अनेक जीव वाचतील.

To know more click here
https://letsup.app.link/jYMyOZMLBhb

युवा पिढी निराश, लवकर परीक्षा घ्या : रोहित पवार

LetsUpp | Trending

● MPSC परीक्षा उत्तीर्ण होऊनदेखील नोकरी न मिळाल्यामुळे पुण्याच्या फुरसुंगी परिसरात राहणाऱ्या २४ वर्षीय स्वप्नील लोणकर या तरुणाने आत्महत्या केली.

● या घटनेमुळे फक्त पुणेच नाही तर संपूर्ण महाराष्ट्राला धक्का बसला. राज्यात मोठ्या संख्येने तरुण या परीक्षेची तयारी करत असतात. त्यांच्यासाठी देखील हा धक्का ठरला.

● या तरुणाच्या आत्महत्येवर हळहळ व्यक्त होतानाच दुसरीकडे एमपीएससीच्या कारभारावर आणि निर्णय प्रक्रियेतील ढिलाईवरही तीव्र टीका होऊ लागली आहे.

● खुद्द सत्तेत असलेल्या राष्ट्रवादी काँग्रेस पक्षाचे आमदार रोहित पवार यांनी देखील या मुद्दयावरून सरकारला विनंती केली आहे.

● “युवा पिढी निराश असून वकरात लवकर परीक्षा घ्याव्यात”, अशी विनंती रोहित पवार यांनी ट्वीट करून केली आहे.

ट्वीट:
- रोहित पवार यांनी परीक्षा घेण्यासोबतच तातडीने त्यांना नियुक्त्यादेखील देण्याची विनंती केली आहे.

- “कोरोनामुळे स्थगित केलेली MPSC ची परीक्षा आणि प्रलंबित निकाल व नियुक्त्यांमुळे युवा पिढी नैराश्यात आहे.

- माझी राज्य सरकारला विनंती आहे की आवश्यक ती सर्व दक्षता घेऊन ही परीक्षा त्वरीत घेण्यात यावी आणि प्रलंबित नियुक्त्याही तातडीने देण्यात याव्यात”, असं ट्वीट रोहित पवार यांनी केलं आहे.

To know more click here
https://letsup.app.link/VADuhGS8Bhb

हृदयद्रावक! १२ दिवसांच्या बाळाचा कोरोनामुळे मृत्यू

LetsUpp l Nagpur

● नागपूरमध्ये एक काळीज पिळवटवून टाकणारी घटना घडली आहे.

● नागपूरातील सरकारी वैद्यकीय रुग्णालय म्हणजेच मेडिकल कॉलेजमध्ये एका १२ दिवसांच्या कोरोना पॉझिटिव्ह बाळाचा मृत्यू झाला आहे.

● २० जूनला या बाळाचा जन्म झाला होता. या बाळाच्या जन्मानंतर सहा दिवसांनी ताप आल्यामुळे त्याची कोरोना चाचणी करण्यात आली होती. यावेळी बाळाची चाचणी पॉझिटिव्ह आली होती.

● दरम्यान २० जूनला प्रसूतिपूर्वी या चिमुकल्या बाळाच्या आईची कोरोना चाचणी निगेटिव्ह आली होती.

● २ जुलैला या बाळाचा रुग्णालयातील अतिदक्षता विभागात मृत्यू झाला. डॉक्टरांनी दिलेल्या माहितीनुसार, या बाळाला इतर काही कॉम्प्लिकेशन देखील होत्या.

● या बाळाचं हृदय योग्य पद्धतीने कार्यरत नसल्याचे डॉक्टरांचे म्हणणे आहे.

● जन्माच्या बाराव्याच दिवशी या बाळाची प्राणज्योत मालवल्याने पूर्ण कुटुंबावर दुःखाचा डोंगर कोसळला असून बाळाच्या आईला मोठा धक्का बसला आहे.

To know more click here
https://letsup.app.link/i4sbPIRZBhb

तारापूर भारत केमिकल्स कारखान्यात भीषण स्फोट!

LetsUpp l Trending

● तारापूर औद्योगिक क्षेत्रात अपघातांची मालिका कायम आहे. तारापूर औद्योगिक क्षेत्रातील भारत केमिकल्स या कारखान्यात भीषण स्फोट झाल्याची घटना समोर आली आहे. या स्फोटात ५ कामगार जखमी झाल्याची माहिती आहे.

● दरम्यान जखमी रूग्णांना खासगी रुग्णालयात दाखल करण्यात आले असून या सर्व रूग्णांवर उपचार सुरु आहेत.

● आग लागल्याची माहिती मिळताच अग्निशमन दलाने घटनास्थळी पाचारण करण्यात आले. अग्निशमन दलाच्या जवानांनी आगीवर नियंत्रण मिळवण्यासाठी शर्थीचे प्रयत्न केले.

● दरम्यान यानंतर आगीवर यश मिळवण्यास अग्निशमन दलाच्या अधिकाऱ्यांना यश मिळाले आहे.

● मिळालेल्या माहितीनुसार तारापूर औद्योगिक क्षेत्रातील भारत केमिकल्स या कारखान्यात भीषण स्फोट झाला.

● स्फोटाचे कारण अद्याप समजू शकले नाही. मात्र, या घटनेत पाच जण जखमी झाले आहेत. आणि त्यांची प्रकृती आता स्थिर असल्याची माहिती मिळाली आहे.

To know more click here
https://letsup.app.link/YUnhk2YNBhb

IPS अधिकारी शिवदीप लांडेंनी दिला युवकांना मोलाचा सल्ला

LetsUpp l Trending

● MPSC परीक्षा उत्तीर्ण करूनही नोकरी न मिळाल्याने पुण्यात एका विद्यार्थ्याने गळफास घेऊन आत्महत्या केली. या घटनेनंतर सर्वच स्तरातून विविध प्रतिक्रिया उमटत आहेत.

● स्वप्निल लोणकरच्या आत्महत्येनंतर आयपीएस अधिकारी शिवदीप लांडे यांनी फेसबुकवर त्यांचा अनुभव शेअर केला आहे. त्यांनी म्हटलंय की, केवळ नोकरीच्या परीक्षेत पराभव होणं म्हणजे अंत होत नाही. आयुष्य खूप सुंदर आणि आशावादी आहे.

● आपल्या आयुष्यात असे अनेक प्रसंग येतात तेव्हा वाटतं आता आपण थकलोय. पुढे काहीच दिसत नाही. परंतु अंधारानंतर प्रकाश दिसतो. मला देखील असा अनुभव खूपदा आला आहे. हिंमत न हरता मी पुढे गेलो आणि शेवटी आज इथपर्यंत येऊन पोहचलो आहे असं त्यांनी सांगितले.

● तसेच जर मला कोणती सरकारी नोकरी मिळाली नसती तर मी अन्य काही रोजगार करून माझ्या कुटुंबाची जबाबदारी आनंदाने सांभाळली असती. कारण माझ्या आयुष्यावर केवळ माझा हक्क नाही.

● प्रत्येक पराभवातून आपल्याला ताकद घ्यायला हवी. विश्वास ठेवा, पराभवातून विजय साकारण्याच्या जिद्दीला हे जग सलाम करतं असंही आयपीएस अधिकारी शिवदीप लांडे यांनी सांगितले आहे.

To know more click here
https://letsup.app.link/TP5HAmtnChb

https://www.youtube.com/watch?v=ZpmNKqnAlGQ

एमपीएससी परिक्षा उत्तीर्ण होऊनही नोकरी न मिळाल्याने जीवन संपविले... पहा संपूर्ण व्हिडिओ...

एमपीएससीच्या परिक्षेत उत्तीर्ण होऊन नोकरी न मिळाल्याने पुण्यातील एका विद्यार्थ्याने जीवन संपविले. ही घटना फुरसुंगी जवळील गंगानगर येथे घडली. स्वप्नील सुनील लोणकर असे त्या विद्यार्थ्याचे नाव आहे.

पॅराऑलम्पिक स्पर्धेसाठी नांदेडच्या भाग्यश्री जाधवची निवड

LetsUpp | Trending

● येत्या ऑगस्टमध्ये टोकियो येथे होणाऱ्या आंतरराष्ट्रीय पॅराऑलम्पिक स्पर्धेसाठी भारताचा संघ जाहीर झाला असून नांदेडच्या अष्टपैलू खेळाडू भाग्यश्री जाधव यांची निवड झाली आहे.

● भारतीय संघात निवड होणाऱ्या भाग्यश्री जाधव या महाराष्ट्रातील एकमेव अष्टपैलू खेळाडू आहेत.

● नवी दिल्ली येथे 29 व 30 जून रोजी आंतरराष्ट्रीय पॅराऑलम्पिक स्पर्धेसाठी निवड चाचणी घेण्यात आली, या चाचणीत चार महिला खेळाडूंची निवड करण्यात आली, त्यातून जाधव या एकमेव महाराष्ट्रातील खेळाडू आहेत.

● नांदेड जिल्ह्यातील होनवडज येथील सामान्य कुटुंबात जन्मलेल्या भाग्यश्री जाधव यांनी प्रतिकूल परिस्थितीवर मात करून खेळात प्राविण्य मिळविले .

● सन 2019 मध्ये झालेल्या चीन येथील जागतिक पॅराॲथलेटिक्स क्रीडा स्पर्धेत तिने दोन कास्य पदके मिळवून त्यावर भारताचे नाव कोरले होते.

To know more click here
https://letsup.app.link/v8qsfinzChb

MPSC च्या रिक्त जागा संदर्भांत उपमुख्यमंत्री अजित पवारांची मोठी घोषणा

LetsUpp | Trending

● 31 जुलैपर्यंत MPSC च्या सर्व रिक्त जागा भरणार, ही महत्त्वाची घोषणा उपमुख्यमंत्री अजित पवार यांनी सभागृहात केली आहे.

● दरम्यान, एमपीएससी परीक्षेसंदर्भात राज्य सरकार समिती गठित करणार असल्याची माहिती आहे. ही समिती एमपीएससी परीक्षा संदर्भात अभ्यास करून शासनाला अहवाल सादर करणार आहे.

To know more click here
https://letsup.app.link/OP7gzkwBDhb

इंग्रजी माध्यमात शिकणाऱ्या विद्यार्थ्यांना मोठा दिलासा!

LetsUpp | Trending

● राज्यातील 18 हजार इंग्रजी माध्यमाच्या शाळेत शिकणाऱ्या विद्यार्थ्यांना मोठा दिलासा मिळाला आहे.

● मेस्टा संघटनेकडून फी मध्ये 25 टक्के कपात करण्याचा निर्णय घेतला गेला आहे.

● तसेच कोरोनामुळे पालक गमावलेल्यांना मोफत शिक्षण देण्याचा निर्णय घेतला आहे.

● अनेक पालकांनी शुल्क न भरल्याने शाळा चालवणे अवघड झाले आहे. त्यातच सर्वोच्च न्यायालयाने 15 टक्के फी करण्याचे सूचित केले होते. त्यामुळे मेस्टाने हा निर्णय घेतला आहे.

To know more click here
https://letsup.app.link/gusCDUOzDhb

ब्रेकिंग! 8 वी ते 12 वीचे वर्ग सुरु करण्याबाबत राज्य सरकारचा मोठा निर्णय

LetsUpp | Trending

👉 महाराष्ट्राच्या शालेय शिक्षण विभागानं राज्यातील कोरोनामुक्त भागातील 8 वी ते 12 वीचे वर्ग सुरु करण्याबाबत मोठा निर्णय घेतला आहे. ग्रामीण भागात कोविड मुक्त गावातील ग्रामपंचायतीनं त्यांच्या अखत्यारीत असणाऱ्या शाळेतील इयत्ता 8 वी ते इयत्ता 12 वीचे वर्ग सुरु करणेबाबत पालकांशी चर्चा करुन ठराव करावा.

👉 शाळा सुरु करताना मुलांना टप्प्या टप्प्यात शाळेत बोलवण्यात यावं. म्हणजेच अदला बदलीच्या दिवशी, सकाळी आणि दुपारी महत्वाच्या विषयांना प्राधान्य देत शासनानं दिलेल्या कार्यपद्धतीचं पालन करण्यात यावं.


💁‍♂️ कोरोना संबंधी अशी आहे नियमावली

👉 एका बाकावर एक विद्यार्थी, दोन बाकांमध्ये 6 फूट अंतर, एका वर्गात जास्तीत जास्त 15 ते 20 विद्यार्थी, सतत साबणाने हात धुणे, मास्कचा वापर, कोणतेही लक्षण असल्यास विद्यार्थ्यांना घरी पाठविणे, लगेच कोरोना चाचणी करुन घेणे

💁‍♀️मार्गदर्शक सूचना

👉संबंधित शाळेतील शिक्षकांची राहण्याची व्यवस्था शक्यतो त्याच गावात करण्यात यावी, किंवा त्यांनी सार्वजनिक वाहतूक व्यवस्थेचा वापर न करण्याबाबत दक्षता घ्यावी.

👉शाळेत व शाळेच्या परिसरात स्वच्छता व आरोग्यदायी परिस्थिती सतत राखणे;

👉शाळेत हात धुण्यासाठी सुविधा उपलब्ध करुन देणे.

👉Thermometer, जंतूनाशक, साबण पाणी इत्यादी आवश्यक वस्तुंची उपलब्धता तसेच वापरण्यात येणारे thermometer हे calibrated contactless infrared digital thermometer असावे.

👉एखाद्या शाळेत क्वारंटाईन सेंटर असल्यास स्थानिक प्रशासनाने ते इतर ठिकाणी स्थानापन्न करावे. स्थानिक प्रशासनाने अशा शाळेचे हस्तांतरण करण्यापूर्वी त्याचे पूर्णत: निर्जंतुकीकरण करावे.

👉 क्वारंटाईन सेंटर इतर ठिकाणी नेणे शक्य नसल्यास शाळा खुल्या परिसरात किंवा इतर ठिकाणी भरवावी.

🤒 शिक्षकांची कोविड-१९ बाबतची चाचणी:

👉 संबंधित शाळेतील सर्व शिक्षक व शिक्षकेत्तर कर्मचाऱ्यांनी कोविड- १९ साठीची RTPCR / RAPID ANTIGEN चाचणी करावी.

👉 बैठक व्यवस्था:

👉वर्गखोली तसेच स्टाफ रुम मधील बैठक व्यवस्था शारीरिक अंतरच्या नियमांनुसार असावी.

👉वर्गामध्ये एका बाकावर एक विद्यार्थी याप्रमाणे बैठक व्यवस्था असावी.

To know more click here
https://letsup.app.link/ekL5jwQXDhb

मराठा आरक्षणाबाबत महत्त्वाच्या निर्णयाची घोषणा

LetsUpp | Trending

▪️ सार्वजनिक बांधकाम मंत्री तथा मराठा आरक्षण विषयक मंत्रिमंडळ उपसमितीचे अध्यक्ष अशोक चव्हाण यांनी आज मराठा आरक्षणाच्या अनुषंगाने महत्वाच्या निर्णयाची घोषणा केली आहे.

▪️ मराठा समाजाला एसईबीसीतून आरक्षण देण्याबाबतचा अडसर दूर करण्यासाठी केंद्र सरकारने संविधानात यथोचित सुधारणा करून आरक्षणाची ५० टक्के मर्यादा शिथील करण्याबाबतचा केंद्र सरकारला शिफारस करणारा ठराव विधानसभा व विधान परिषदेत मंजूर करण्यात आला आहे.

▪️ तर एसईबीसी आरक्षणाबाबतच्या न्यायालयीन लढ्यामुळे रखडलेल्या नोकरभरती प्रक्रियेतील एसईबीसी उमेदवारांना वयाच्या ४३ वर्षांपर्यंतची सवलत तसेच परीक्षा शुल्कात सवलत देण्याचा निर्णय घेण्यात आला आहे.

▪️ तसेच २०१४ च्या ईएसबीसी कायद्याला उच्च न्यायालयाने स्थगिती दिल्यामुळे ११-११ महिन्यांच्या नियुक्त्या देण्यात आलेल्या उमेदवारांना सेवेत कायम करण्याचा निर्णय देखील घेतला आहे.

▪️ त्याचप्रमाणे उच्च न्यायालयाने स्थगिती देण्यापूर्वी २०१४ च्या ईएसबीसी कायद्यांतर्गत झालेल्या सर्व नियुक्त्या कायम करण्याचा निर्णय घेतला आहे.

To know more click here
https://letsup.app.link/KShfun9VDhb