केरळमध्ये निपाहने एकाचा मृत्यू; आपल्याला काळजी करायची गरज आहे का?

Letsupp | National

● कोरोनाची रुग्णसंख्या वाढत असतानाच केरळमध्ये चिंता वाढवणारी अजून एक बातमी समोर आली आहे. कोझिकोडमध्ये रविवारी १२ वर्षांच्या एका मुलाची निपाह विषाणूच्या संसर्गामुळे मृत्यू झाला आहे. एका वृत्तपत्रातील बातमीनुसार अजून दोन जणांना निपाहचा संसर्ग झाल्याचंही स्पष्ट झालं आहे.

● केरळमध्ये निपाहचे रुग्ण आढळल्यानंतर केंद्र सरकारच्या नॅशनल सेंटर फॉर डिसीज कंट्रोल (एनसीडीसी)ची एक टीम राज्याच्या आरोग्य विभागाला तांत्रिक सहकार्य देण्यासाठी रवाना झाली आहे. केरळच्या आरोग्य विभागाने परिस्थिती नियंत्रणात असून प्रशासन सर्व खबरदारी घेत असल्याचं म्हटलं आहे.

● मात्र या पार्श्वभूमीवर इतर राज्यांनी काळजी करण्याचं कारण आहे का? असा प्रश्न उपस्थित होत आहे. तर निपाह विषाणू वर आतापर्यंत त्वरित नियंत्रण मिळवले गेले आहे. बांगलादेशमध्ये, जिथे निपाहचा उद्रेक सर्वाधिक वारंवार झाला आहे, काही महिन्यांनंतर प्रसारण थांबले आहे.

● निपाह विषाणू सार्स-सीओव्ही -२ पेक्षा खूप कमी संसर्गजन्य आहे, त्याचे मनुष्यापासून मनुष्यापर्यंत प्रसारण इतके सोपे किंवा जलद नाही. त्यामुळे इतर राज्यांनी काळजी करण्याचं कारण नसल्याचं स्पष्ट होत आहे.

देश, आंतरराष्ट्रीय पातळीपासून ते गाव, शहर पातळीपर्यंत सर्व घडामोडींचा वेगवान आढावा जाणून घेण्यासाठी आजच डाऊनलोड करा लेट्सअप अ‍ॅप
https://letsup.app.link/QUV8Hyg7jjb