‏أنا اللي مغلّط وأنت تكرم من التشكيك
‏فهمتك خطا والحين قد في يديك امري

‏لا ترخص دموعك للثرا جعلني ما ابكيك
‏ترى كل دمعة كنّها عام من عمري :)

‏"عليك من الوله ما يقصّر الطاري على ذكراك
‏نسيت الغايبين اللي مضوا ولا هان نسيانك”

يـالله بنوٍَّ .. من المنشـى غيومه
‏ملتحم والبرق فخشوم المناشي

‏ياخذ اسبوعين من ليله ويومه
‏يقدح البارق مثل قدح الفلاشي

‏لاتـحدّر وَابله .. وارخى كمومه
‏ترتوي منْه الأراضين العطاشي *.

‏تخطي على خاطري ويشيلها جوفي
‏وأنا على شانك الزعلان ، والدامح

‏ماخفت من ليلة وداعك كثر خوفي
‏تقفي وأنا ابيك ، وتعود وأنا سامح :(

عاد ابي غير حبك .. والله يديمه
‏انت الغناه الغناه .. وراسك السالم
‏ٰ
‏ الشخص لاحب .. تتغيّر مفاهيمه
‏ما عاد يشوف الحياة بنظرة الحالم
‏ٰ
‏والعُمر مع من تحبه قيمته .. قيمه
‏لو بيتكم كوخ في مَنأى عن العالم .

أذكرك لا صبّ المطر :(

يحسبون إنّا نسيناك واللي راح راح
‏وانت مابه باب من دونك الّا نفتحه

‏نذكرك عند المسا ونذكرك عند الصباح
‏العواطف ثايره ..والقلوب مصفّحه

‏في انتظارك كلنا شوق يا طير الفلاح
‏لين ترجع مالنا غير شوفك مصلحه

‏يا مسلّم ماورا دعوتك غير الصلاح
‏في زمن مَن يصلح الناس محدٍ يمدحه
‏⁧

‏أداريك عن ضيقك واحنك من أدنى شي
‏وانا ما اتلفّت لـ الخواطر واداريها
‏ٰ
‏ولا أعاتب الا الساعه اللي تجيبك لي
‏تجيبك ولا هي الراكده في ثوانيها
‏ٰ
‏أحبك وانا اللي لو جميلك علي شوي
‏قدرت أتناسى ليلة منت ناسيها
‏ٰ
‏وأحبك وانا اللي لو يدور الزمن هي هي
‏على حطة يدين القلوب و هقاويها .

"تعمدت الغياب وغبت عن دنياه
تجاهلت الحنين اللي عثى فيني

صبرت أكثر من اللازم على فرقاه
تكاثرت الدموع اللي ملت عيني

تحايلتّ التناسي .. علني انساه !
" يمر البال ، والذكرى تعنّيني "

قويت أبعد عن دروبٍ تضم خطاه
ولكنّي .. بديت أجهل عناويني !

عن هجير الروح كان الصمت ظلّي
‏وان حكيت أغني الغربه .. وأموّل

‏ليه أدور نصفي الثاني وانا اللي
‏في حياتي ما لقيت النصف الأول !

‏خذيني من الهاجس السّاري والمزاج المعكرّ
‏وعن زحمة العربان من قاصيها و دانيها

‏دلّهيني ولا تزيدين مواجع الخاطر المكدرّ
‏تعبت من صلفات الليالي ومن مساريها .
⁩

‏أنا من يوم قابلتك أغني للفرح موال
‏يا قلبٍ من عرفته وعمري زانت أيامه

مايلوي ذراع الصبر غير الأقدار
‏أو دعوةٍ نامت بمتن السحابه

‏شيٍ نبيه ويمشي العمر ماصار
‏وشيٍ يصير و ما حسبنا حسابه .

يطري علي زولك ويذبحني الشوق
‏و يزيد شوقي لك . . ويزداد حبك

‏ماودي أكتب بس قصيده و طاروق
‏ودي أدق وأقول : والله إني أحبك .

نورك يكاشف في غياهب مناشيك
‏وتلمع صلاميت الحجر فالغداري

‏يدري بك الفاهي قبل يلتفت فيك
‏لعلّ وبلك فوق ذيك المحـاري .

‏عن البال ماراحت طواريك لأجل تعود
‏مثل كل ليلة طيش مرّت على تايب
‏ㅤ
‏طبيعي بـ أن الناس تستشعر الموجود
‏وأنا أستشعرك موجود وأستشعرك غايب *.