أنا يا ربّ ما أدري وش اللي ينكتب بالغيب
‏ولكن رحمتك أكبر من اللي فيه .. أنا داري
‏ْ
‏انا عندي ثقه باللي خلقنا بدقّه وترتيب
‏بـ إن الصّعب يتسهّل و إن مشوارنا جاري .

لاتضيق وانا لك اقرب حبيب
‏إن جفوك الناس ارتك على متني

‏ماني باللي يتركك حزة الضيق
‏اعطيك كِلي لو الدنيا ماعطتني

أنا من اليوم لا اعاتب ولا اتشرّه
‏و من طار لاطار لحّقته مسابيقه

‏والله لو كبدي من الوقت محترّه
‏و امسي على هم و اصبح على ضيقه

‏في منّة الخلق .. ما فكرت بالمره
‏مغنيني الله .. عن منّة مخاليقه

جادلٍ من نسمة الصبح وانسام البراد
‏وعيني اللي من هواها تفيض وتمتليّ

‏لو تخف من الملامه واخف من العناد
‏كان .. ماشاءالله عليها وماشاءالله عليّ .

أسرفت في حبّك جهَر ماني بـ مثل المستحين
‏اللي يحبّك يعتزي ويشوّش.. ويرد البراء

‏مشاعري لك لو توَزَّع من يسار ومن يمين
‏صاروا جميع الناس عِشاق ونشامى وشْعراء

حلفت بإنك تصون الوصل مهما يكون
‏وخليتني فالدروب الموحشات وحدي

‏عن شرهة الطيبين اللي علي يشرهون
‏كيف أتواری وكيف ارحل ووين أغدي

‏متماسك وماسك أعصابي مثل ما يبون
‏وفي وحدتي كل حاجة فالته من يدي
‏
‏من يعتريه المفارق ما اعتراه السكون
‏وما تتركه ذكرياته لو يقوم يعدي.

"ان شحتّ الدنيا علينا بـ بيت طين
‏عسى الله يرزقني معك بيت في الجنه"

هذا المستخدم غير عادي .. مختلف تماماً ، اطباعه مش حلوه بس هذي اطباعه ، يشبه الأشياء الأكثر رقّة وصلابة ، تجرحه قصيدة ويعجز البشر على جرحه!

مابين غفلات الضميّر وبين لحظات الجنون
‏رجعت اعدل غلطتي لو انها ب لحالها

‏والله معاد اطرد ورى ذيك الهقاوي والظنون
‏الى متى والنفس تطرد ورى طيشها وهبالها

‏الناس والدنيا ودورات اللياليّ من تكون
‏ماطيّبت فالي عشان اطيّب فالهاا .

ما رضيت أكون هامش ولا أرضى بالقليل
‏ وإن وطيت الجمر عادي ..ولا اطى في وحل

ووجهي كل ما مسّه من الغربة وصب وأحزان
‏طفت فيه الحياة ..ولاذكرك أشعل قناديله

‏ياربي وأنت جلاّي الظلام الراحم المنّان
‏يارب المرسلات ورب قلبي وانت تاوي له

‏أعوذ بنور وجهك لاتصيّرني ضعيف ايمان
‏تلقّاني بعطفك يا كريم ان قلّت الحيلة

وأنا أنفض الليل من ثوبي بقت قمرا
‏هي أخر زرار ثـوب العَتمة وثوبي
‏تعلّقت في نحـر صدْري مثل ذكرى
‏وشلون أقد الحنايا وأحطب ذنوبي؟

وجه واحد ما ثبت في ذاكرة هالعمر غيره / كم ضحك لي بأقشر الأيام وأرواني مسرّه .

أنت صوتك رجعة الضحكة لأهلها بعد غيبة
وشلون أعده يا رضيّ الله واحد من ذنوبي؟

أنت بين الضلوع تسوقها وتعقلها / والله اللي ما أحد بمخاشرك في حلالك .

اقبالك حياه وسلهمة رمشك القتال
‏تحت فيّته سود الليالي تنااااديني

‏اقاوم ولاطاحت عيوني على السلسال
‏دريت ان عندي ضعف فالوازع الديني )؛

يا وريثة كاسب الطيب والمجد التليد
واللي مثلك لازم يقدّر حقوق الشجاع

‏لا تقولين حمر عين وقلبه من حديد
‏والحديد يذوب عند اللي عيونه وساع

تسولف لي وأنا منك أتسقى سلوتي لاهنت
‏عليك الله تطوّل فالحكي لا تقول ما أمداني

‏تمهل بالسوالف شوفني من عقب صوتك زنت
‏تجمل وأردف الموضوع الأول واحدٍ ثاني

‏وش أزين من حديثك مابه أزين منّه إلا أنت
‏تجمعتوا على قلبٍ خلي وصار ملياني