​​Avtohalokatlar bo’yicha ba’zi mulohazalar:

So’ngi kunlarda O’zbekistonda avtohalokatlar ko’payib, hayotdan ko’z yumayotganlar soni oshib bormoqda. Bunday achinarli holatlar insonni o’ylantirmasdan qolmaydi. Shu bo’yicha ba’zi mulohazalarni Kanada va O’zbekiston misolida keltirib o’tmoqchiman.

1. O’zbekistonda yo’l transport harakatini nazorat qiluvchi, qoidabuzarlarni aniqlovchi GAIlar juda ko’p. Har qadamda ularni uchratish mumkin. Bunday holatda Har qanday qoidabuzarliklar ko’payish o’rniga kamayishi kerak.

Kanadada ko’chalarda GAI (police)larni deyarli uchratmaysiz. Ular reyd tadbirlarini ham amalga oshirmaydi. Hujjatsiz avtomashina boshqarsangiz ham, qoidani buzmasangiz birov sizni to’xtatmaydi.

Yo’l-transport hodisalari sodir bo’lishi juda kamdan-kam holatda. Siz mashinada o’zingizni havfsiz his qila olasiz.

Xulosa, GAI (police)larni ko’p-kamligi, reyd qilish-qilinmasligi hech qanday ahamiyatga ega emas.

2. Haydovchilik guvohnomasi (driver lisence) olish. Kanadada dastlab L ( learner) olasiz. Bunda siz mashinani o’zingiz yolg’iz boshqara olmaysiz. Yoningizda professional haydovchilik guvohnomasi bor odam bo’lishi kerak.

L bilan 1 yil yurganingizdan so’ng N (new driver) ga imtihon topshirasiz. Unda o’zingiz yolg’iz mashina boshqara olasiz. Lekin highway (katta yo’l) ga chiqishga ruxsat berilmaydi. N da 2 yil yurgangizdan so’ng Class 5 ( full driver lisence) ga imtihon topshirasiz. Class 5 bilan siz mustaqil haydovchi maqomiga ega bo’lasiz.

Professional haydovchi bo’lishingiz uchun (bizda B,C) 3 yil vaqt ketadi. Bu ham yo’l transport hodisalarini oldini olishda muhim ahamiyat kasb etmoqda.

O’zimizda haydovchilik guvohnomasini olish to’g’risida ortiqcha to’xtalib o’tmoqchi emasman. Bu hammaga ma’lum!

3. Haydovchilik madaniyati

Menimcha eng muhim nuqta shu. Kanadada haydovchilarning bir-birini hurmat qilishi, bir-biriga va piyodalarga yo’l berishi, tirbandliklarda tartib bilan harakat qilishi madaniyat darajasiga chiqqan.

Yo’l so’ramasaingizdan sizga yo’l berishadi. Piyodalar yo’lagiga yaqinlashaangiz hamma to’xtaydi. Tez yordam, o’t o’chirish mashinasi, police chiroqlarini yoqib harakatlanganda hamma mashinasini o’ng tomonga olib, yo’lni bo’shatadi.

Hech kim hech qayerga shoshmaydi. Meyordan ortiq tezlik olmaydi. Sizning yo’lingizga suqilib kirmaydi. Tryuklar qilinmaydi.

4. Qonun hamma uchun teng. Qonunga itoatkorlik yuqori darajada

Kanadada qoidani kim buzishidan qatiiy nazar jazosini oladi. Bu yerda kimningdur jiyani, erkatoyi, ministrning ikkinchi xotini hamma bilan teng huquq va imtiyozga ega.

Odamlar yo’l harakati qoidalariga qattiq rioya qilishadi. Ularga itoat etadi.

Yo’llarning sifatida esa alohida mavzu. Bardyorlar deyarli kam. Yo’llar talabga javob beradi. Piyodalar yo’lakchasi, avtobus uchun alohida yo’l, velosipedchilar uchun alohida yo’llar bor.

Xulosa o’zingizdan! Fikr va mulohazalaringiz bo’lsa izohlarda yozib qoldirishingiz mumkin.

O‘zbekistonda yo’l-transport hodisalari bo’lmasligi, insonlar hayotdan bevaqt ko’z yummasligini hohlardim.

https://t.me/live_Kanada

“Qo’ylar aqlli bo’lsa cho’pon shart emas”

Britaniya Kolumbiyasida svetofor ishlamay qolsa…

Signalsiz mashinalar harakati…

https://t.me/live_Kanada

​​Vancouver, British Columbia

Kecha va bugun. Bor yo’g’i 60 yil farq…

https://t.me/live_Kanada

​​#Xushxabar

Jahon chempionati Qur’on oyatlari bilan boshlanadi

Birinchi marta boshlay olishyaptimi demak bu davom etadi, inshaallah!

Fudbool tarixida yangi sahifa!

🇨🇦 Kanada 1,5 million muhojirni mamlakatga taklif qilmoqchi

Mamlakatda tug‘ilish darajasi pasayib borayotgani sababli, Kanada federal hukumati 2023 yil yanvardan boshlab 2025 yil oxirigacha yiliga 500 ming muhojirni qabul qilishni rejalashtirmoqda. Ya’ni, yaqin uch yil ichida Kanada aholisi jami 1,5 million kishiga ko‘payishi kerak.

👉 @kunonline

Kanada aholisining ko’payishiga o’z hissangizni qo’shing😉

Kunlar judayam sovub ketishidan oldin ota-o’g’il Vancouverni aylandik.

Kanada farzandlar uchun, oilaviy yashash uchun yaxshi tanlov.
O’ziga yarasha qiyinchiliklari ham yo’q emas. Lekin shunga yarasha tabiati judayam chiroyli, qonuniy statusga ega bo’lish oson (qolgan mamlakatlarga nisbatan).

Agar siz Kanadada qonuniy statusda bo’lsangiz siz va oilangiz uchun sog’liqni saqlash xarajatlari mutloqo bepul.

https://t.me/live_Kanada

“Chirigan g’arb” atamasi qanchalik to’g’ri?! - G’arb haqida o’z ko’zim bilan ko’rayotganlarim haqida

G’arbliklar bizning tasavvurimizda

Chetga (g’arbga) chiqmagan odam g’arb haqida tushinchasi umuman boshqacha bo’ladi (o’zimda ham shunday bo’lgan) . Ya’ni g’arbni haddan tashqari ideallashtiramiz. Sababi oddiy g’arbliklar ham bizga o’xshab o’zining yaxshi va ijobiy tomonlarini ko’z-ko’z qiladi. Lekin jamiyat ichidagi muammolarini ko’p ham oshkor qilavermaydi. Shuning uchun nazarimizda g’arbliklar va g’arb jamiyati judayam ideal va chiroyli jamiyat bo’lib ko’rinadi.

Aslidachi?

To’g’ri g’arbda yaxshi tizim, erkinlik va imkoniyatlar ko’p ekanligi bor gap. Qonunlar ishlaydi. Deyarli barcha qonunlarga bo’ysunadi. Korrupsiya darajasi ham Osiyo va Afrika qit’asiga qaraganda ancha past darajada. Ta’lim, tibbiyot va texnologiya borasida ham ular oldinroqda. Xullas, hammasi yaxshi!

Qiyin davrlar kuchli insonlarni yaratadimi?

Qachonlardir Amerika va Yevropa qattiq qiyinchiliklarga duch kelganiga tarix guvoh. Kambag’allik, jamiyat hayotida bo’lib turgan ijtimoiy nizolar va qo’zg’olonlar g’arbliklarni qiyin ahvolga solib qo’ygan. Ana shu davrda yetishib chiqqan insonlar bugungi g’arbni g’arb qildi. Keyingi avlod uchun ajoyib imkoniyatlarga ega davlat qoldirdi. Hozirgi rivojlanish, kuchli iqtisodiyotga ega bo’lishga tamal toshini qo’yganlarning ko’pchiligi bu dunyodan o’tib ketdi (masalan, Rockefeller, Morgan, Linkoln, Cherchil va shunga o’xshash). Tayyor tizimga solingan jamiyat esa ularning avlodlariga meros qoldi.

Bugungi g’arbni kuchli qilib ushlab turgan omillar qaysilar?

Endi postning mohiyatini ochishga harakat qilaman.
Kanadaga kelganimdan keyin jamiyatni kuzatdim. Bilasiz, AQSh va Kanada Amerika qit’asidagi eng kuchli iqtisodiyotga ega mamlakatlar hisoblanadi. Bu ikki qo’shni va bir-biriga o’xshash mamlakatlarni iqtisodiyotini yaxshi yurgizayotganlar OSIYOliklardir.

Ha, aynan osiyoliklar. Osiyodan yaxshi hayot izlab g’arbga kelganlar mamlakatning turli joylarida va turli jabhalarda mehnat qilishmoqda, o’qishmoqda. Qaysi sohaga qaramang osiyoliklarni ko’rishingiz mumkin ( asosan hindlar, xiyoyliklar va markaziy osiyoliklar).

Haqiqatdan ham osiyoliklar qattiq mehnat qilishadi. Yaxshi o’qishadi. Intiluvchan. Nega?

Chunki qiyin sharoitdan chiqqan, ko’pchiligining ortga qaytish varianti bo’lmaydi. Orzusiga erishish uchun tinmay harakat qilishadi. G’arbliklarga qaraganda kamroq dam olishadi, ko’proq mehnat qilishadi va o’qishadi. Bu holatni Yevropaga ham qo’llash mumkin.

Migrantlarning aksariyati o’z orzusiga erishadi. Sababi qattiq mehnati qadrlanadi. Jamiyatda o’rnatilgan tartib-qoida, tizim bunga imkon beradi.

Qisqasi, bugungi G’arbning asosiy ichshi kuchini osiyoliklar tashkil etadi. Iqtisodiyotni yurgiziyotganlar ham o’shalar.

Xo’sh, unda g’arbliklarchi?

Shimoliy Amerikaning mahalliy oq tanli yoshlar yengil hayotga o’rganishgan. Ular osiyoliklar kabi qattiq mehnat qilishmaydi. Ilmga ham qiziqish unchalik darajada emas. Kanadaning oliy o’quv yurtlaridagi talabalarning asosiy qismi osiyoliklar. Aqshda ham xuddi shunday holat.

Ular yaqin o’tmishda mustamlakachilik davrini, qiyinchiliklarini ko’rmay voyaga yetishgan. Hozirgi yoshlarning ko’pchiligi giyohvand moddalarga o’rganib qolishgan (Kanadada marixuana savdosi qonuniy). Oilaviy munosabatlari ham biznikidan tubdan farq qiladi.
Aksariyati qarigan chog’ida yolg’iz qolishadi. Ko’plab farzandlar ota-onalarini qariyalar uyiga olib borish uchun navbatga yoziladi. Ular uchun bu normal holat.

Shuningdek, yoshlarning ko’pchiligi boyfriend-girlfriend bo’lib yashayverishadi. Tug’ishni, ko’payishni hohlashmaydi. Davlatning aholisini ham osiyoliklar ushlab turadi. Chunki osiyoliklarning aksariyati oilali, farzandlari ko’p va oilani qadrlashadi.

Yengil hayot natijasida yoshlarning kayf-safoga berilishi, bir jinslilar munosabatlaring ommalashishi va shunga o’xshash jamiyat va insoniyat uchun juda xavfli bo’lgan qarashlarning vujudga kelishiga zamin yaratyapti.

​​E’tibor bersangiz, rivojlangan dunyo mamlakatlari o’zlariga dunyoning turli nuqtalaridan eng iqtidorli odamlarni yig’adi. Ularning qobilyatlaridan oqilona foydalanadi va qadrlaydi. Turli grantlar ajratadi. Ularga katta miqdorda pul va o’zlari orzu qilgan hayotni berishadi. Ulardan esa o’sha mamlakat uchun foydali va pul keltiradigan ishlar, kashfiyotlar va loyihalarni olishadi. Shuning hisobiga o’z qudratini saqlab qolishmoqda.

Endilikda migrantlarning farzandlari siyosat maydoniga ham kirib kelishmoqda. Ular davlatning muhim lovozimlarini egallashmoqda. Albatta, o’z iqtidori, intilishi va mehnati orqali.

Xulosa shuki, ”Chirigan g’arb” o’z yarasini shunday ko’rinishda davolayapti. Unga malham hozircha migrantlar bo’lib turibdi….

Fikrlar juda shaxsiy. Xulosa va fikr bildirish sizdan…

Bugungi qordan keyin ko’chalarda shunday holatlar ham uchradi…

Yo’llarda ehtiyot bo’lamiz!

https://t.me/live_Kanada