Elektr uchun oyiga o’rtacha 20$ CAD to’layman. Kvartiramda gaz yo’q. Hamma narsa gaz plita, isitish tizimi elektrda ishlaydi. Aksariyat uylarda gaz yo’q. Havo harorati keskin sovib ketgan taqdirda ham elektrga talab oshib, o’chib qolmaydi.

Qachon elektr o’chganini ham eslolmayman. Qaysi mavsumligini ahamiyati yo’q. Qish kelishi bilan hech qanday cheklovlar o’natilmaydi. Qish mavsumiga tayyorgarlik degan tushunchani o’zi yo’q. Maxsus rejim asosida elektr berilmaydi.

Qish har yili keladi. Sovuq keladi. Noqulay keladi. Unga oldindan tayyorlanmaydi. Chunki sog’lom aql qish o’zi sovuq fasl ekanligini biladi.

Demak, gaz yoki elektrni uzluksiz qilish, hamma narsani elektr yoki gazga moslashtirish ham mumkin ekan.

https://t.me/live_Kanada

​​Oilaviy vitaminlarimiz va Kanadaning tibbiyot tizimi haqida

Vitaminlar

Ko’rib turganingiz vitaminlarni oilaviy doimiy iste’mol qilamiz. Sababi kunlik ovqatlanishdan organizmga kerakli bo’lgan vitaminlarni ololmaysiz. Chunki hozirgi vaqtda ko’plab mahsulotlar noorganik hisoblanadi. Vitaminlar esa organizmga kerakli moddalarni to’ldirib beradi. Aslida ko’p kasalliklarning ildizi vitaminlar yetishmasligi sabab kelib chiqmoqda.

Kanadada dorixonalar ko’p emas. Borlari ham dorilarni retseptsiz , shifokor ko’rsatmasisiz berishmaydi. Aholining ko’pchiligi dorixonlarga kirib asosan vitaminlar olishadi. Kimyoviy dorilardan ko’p ham foydalanishmaydi.

Vitaminlarni iste’mol qilishdan oldin analiz topshirishingiz, analiz natijasiga qarab, qancha miqdorda va qaysi vitaminlarni ichishingiz aniqlab olinadi.

Kanada tibbiyot tizimi

Bilasiz Kanadada qonuniy statusda bo’lsangiz tibbiy xizmatlar bepul ko’rsatiladi.

Ba’zida bizning yoki farzandimizning sog’lig’ida muammo bo’lgudek bo’lsa shifoxonaga boramiz. Qabulxonada qisqa savol-javob bo’ladi. Yomon tomoni shifokor ko’rigiga kirish uchun uzoq kutasiz. Navbat ko’p.

Shu vaqtgacha bir necha marta shifoxonaga bordik. Lekin har borganimizda shifokorlar tekshiruvdan o’tkazib, uyga ketishimiz mumkinligini aytishadi. Juda kamdan-kam holatda dori yozib berishadi. Ukolni deyarli yozib berishmaydi. Ya’ni organizmni kimyoviy moddalar bilan emas o’z immuniteti orqali davolashga, kasallik bilan kurashishga imkon beradi (albatta o’ta og’ir kasalliklar, baxtsiz hodisalar bundan mustasno).

O’zingiz yoki farzandingizning organizmini kimyoviy dorilarga o’rgatib qo’ymang

Yaqinda bir tanishim bilan gaplashib qoldim. Tug’ilganiga ko’p bo’lmagan farzandining sog’lig’ida muammolar bo’lganligi sababli shifokorga olib borganligini, shifokor hali yosh chaqaloqqa bir varoq ukol, dori, antibiotiklar yozib berganini aytib qoldi. So’rasam, unchalik katta muammo emas. Sovuqda biroz shamollash alomatlari bor.

Men shifokor emasman. Lekin yosh go’dakni hozirdan kimyoviy dorilarga, ukolga organizmini o’rgatib qo’yish qanchalik to’g’ri? (Dard ham shifo ham Allohdan, biz sababini qilamiz)

Chunki men ham farzandimni bir-ikki marta shifokorga olib bordim. Ko’rishdi, tekshirishdi va uyga javob berishdi. Hech qanday dori, ukol yozib bermadi, alhamdulillah!

Ota-onalar ham ko’p kimyoviy dorilarni iste’mol qilishi, havoning toza emasligi, shifokorlarning dorilarni shaqillatib yozib tashashi natijasida yangidan-yangi kasalliklar kelib chiqyapti. Shuningdek, odamlarning ruhiy holati ham sabab bo’lishi mumkin.

Tavsiya

Shu o’rinda oilamiz bilan sizlarga ko’proq VITAMINlarga e’tibor qaratishni, shifokor yozib bergan ukol-dorilarni iloji boricha kamroq qabul qilishni (ayniqsa yosh chaqaloqlarga) maslahat beraman.

P.s. Biz vitaminlarni iHerb orqali buyurtma beramiz. Agar kimdur buyurtma bermoqchi bo’lsa bizning promo kod orqali 10% skidka bilan olishingiz mumkin. Promo kod: DOR8625

https://t.me/live_Kanada

Britaniya Kolumbiyasida ayni vaqtdagi qish ob-havosi

Qalin qor ustiga yomg’ir yog’yapti. Qaley🤓

https://t.me/live_Kanada

2022-yil:
Kanadaga keldim;
Alloh menga va ukamga o’g’il farzand berdi;
3 marta moshina almashtirdim;
Eng muhimi yashashda davom etyapmiz!

https://t.me/live_Kanada

Kun.uz da ishlagan vaqtim ko’plab murojaatlarga yo Rasul Kusherbaevni olib chiqardim yoki Rasul akani holatga munosabatini olardim.

Nechchi marta Rasul akaga bog’langan bo’lsam biron marta yo’q demagan. O’zi ham tez-tez menga tel qilib, “Rahmatillo, bir joyda tadbirkorlarning yoki fuqarolarning huquqlari buzilyapti birga chiqib, vaziyatni o’rganaylik” deb aytib turardi.

Yaqinda aka bilan bog’landim. Hammasi yaxshi ekanligini aytdi. Men ham hazil aralash “Rasul aka, agar o’zingizga munosib ish topilmasa sizni Kanadaga olib kelaman” deb qo’ydim.

Xulosa shuki, Rasul Kusherbayev yaxshi inson, jonkuyar deputat (sobiq), vatanparvar, yaxshi aka va do’st. Keyingi ishlarida omad tilayman. Agar qadriga yetishmasa Kanadaga olib kelamiz)

https://t.me/live_Kanada

Afg’oncha osh

British Kolumbiyada o’zbek oshxonalari yo’q. Bu ham eng katta minuslaridan. Ba’zida katta qozonlarda qilinadigan oshlarni shunaqangi sog’inaman.

Bu yerda afg’on, liviya, eron oshxonalari ko’p. Halal taomlarni yana uyg’ur oshxonalaridan topishingiz mumkin.

Rasmdagi afg’oncha osh. Narxi shu turishi 21 $ CAD. Guruch, ozgina sabzi va go’sht. Keyin oshga qo’shib kartoshkani suvli qovurmasini berishadi. Yesa bo’ladi.

Lekin o’zimizni o’zbek taomlariga yetadigani yo’q barbr!

https://t.me/live_Kanada

“Isro” surasining 23-oyatida shunday deyiladi:

“Robbing faqat uning o‘zigagina ibodat qilishingni va ota-onaga yaxshilik qilishni amr etdi. Agar huzuringda ularning birlari yoki ikkovlari ham keksalikka yetsalar, bas, ularga “Uff” dema, ularga ozor berma va ularga yaxshi so‘z ayt!”.

Shu darajaga yetishimga sababchi insonlar ota-onam. Bugun yashashga kuch berayotgan insonlar ota-onam!

Do’stlar sizlarga bir do’stona maslahatim, ota-onani hojatini chiqaraman, ularni hajga olib boraman, xursand qilaman, deb niyyat qiling, Alloh maqsadlaringizga yetishishni tezlashtiradi. Bu dunyo ularning bir tola sochiga arzimaydi, ishonavering!

Eng mazza joyi bilasizmi nima: Siz qanday darajada bo’lmang, dunyoni qo’lingizga olmang ular uchun doim bolasiz! Ularga sizning mol-dunyoyingiz, darajangizdan ko’ra sizning borligingiz va sog’lig’ingiz muhim. Ota-onamning qadrini ota bo’lib yanada anglayapman.

Allohim Dadajonim va ayajonimni umrini uzoq qil. Ularni rozi qilmagunimcha jonimni olma!

https://t.me/live_Kanada

Nadomatki, Yaratganga yolvorib,
Deyolmasman murg’ak jonin qaytib ber.
Ular seni o’ldirdi, endi borib,
Hammasini Allohimga aytib ber.

Notinch yurtning peshonasi sho’r o’g’li,
Dunyo ahlin zor yig’latgan zo’r o’g’li.
Endigina 3 yosh eding, go’r og’li,
Hammasini Allohimga aytib ber.

Aytgin barcha shaytonga ulfatlarni,
Yosh boshingga tushgan g’am-kulfatlarni.
O’laksalar izlagan kalxatlarni,
Hammasini Allohimga aytib ber!

https://t.me/live_Kanada

​​L (learner) + N (new driver) + class 5 ( professional) + class 4 (for uber and Lyft taxi) and class 1 (for truck) - British Kolumbiyada haydovchilik guvohnomasini olish

Dunyodagi eng qiyin haydovchilik guvohnomasini olish tizimlaridan biri Kanadada, aynan British Kolumbiyada desam ham bo’ladi.

Tushuntiraman:

“L” (learner) driver lisence

Agar siz umuman haydovchilik guvohnomasiz Kanadaga kelgan bo’lsangiz hammasini boshidan boshlashingizga to’g’ri keladi.

Dastlab, 50 talik testdan 40 tasiga to’g’ri javob bersangiz sizga L (learner) berishadi. L belgisini mashinagizga taqib yurishingiz shart. “L” bilan siz mustaqil mashina boshqara olmaysiz. 1 yil davomida sizning oldingizda 25 yoshdan oshgan, class 5 (professional) haydovchilik guvohnomasi bor inson bo’lishi shart. Bo’lmasa Police ushlab ticket (jarima) beradi.

Test topshirish narxi 15$ kanada dollari. Har kim ham birinchi urinishda o’ta olmaydi. Har topshirganingizda 15$ dollar to’laysiz. Shaxsan o’zim 5-martasida o’tganman. Test topshirish jarayoni juda qattiq nazorat qilinadi. Ayniqsa kameralar bilan.

“N” (new driver)

L ni olganingizdan keyin 1 yil davomida hech qanday qonun qoidalarni buzmagan bo’lsangiz siz “N” (new driver) olishga haqli bo’lasiz.

“N” olishingiz uchun endi road test ( mashinani qoidalar bilan boshqarib berishingiz kerak bo’ladi. Yoningizda haydovchilik guvohnomasini beradigan tashkilot vakili sizning boshqarishingizni kuzatadi)dan o’tishingiz kerak bo’ladi.

“N” ga imtihon topshirish 50$ kanada dollari. O’tolmasangiz keyingi safar yana qayta to’lab, imtihon topshirasiz. Birinchi safar o’tolmasangiz 14 kundan, ikkinchisidan o’ta olmasangiz 30, uchinchisidan 60 kundan keyin qayta topshira olasiz.

Agar 1 yil davomida o’tolmasangiz yana “L” dan boshlaysiz. Qoyilmisiz?

“N” ni olganingzdan keyin siz mustaqil mashina boshqara olasiz. Lekin yoningizda 1 kishidan ko’p yo’lovchi bo’lmasligi kerak (oila a’zolaringiz bundan mustasno).

Class 5

“N” da 2 yil yurgangizdan keyin, hech qanday qoidabuzarliklar qilmasangiz siz Class 5 ya’ni professional haydovchilik guvohnomasiga o’tish huquqingiz bo’ladi.

Class 5 olish uchun ham road test (mashina boshqarish testi)dan o’tishingiz kerak. Narxi 50$. Bu “N” ga qaraganda ancha murakkab. Birinchi martada ko’pchilik o’ta olmaydi. Aksariyat hollarda ikkinchisida ham.

Class 5 bilan siz mustaqil o’zingiz mashinani boshqara olasiz. Yoningizda ham odam soni cheklanmaydi.

Class 5 bilan 2 yil yurgangizdan keyin class 4 (uber and Lyft taxi) ga va Class 1 ( truck driver) ga imtihon topshira olasiz.

Haydovchilik guvohnomasi olish tizimi juda murakkab. Shuning uchun ham yo’llarda o’zingizni xavfsiz his qilasiz. Hech kim tanish bilish bilan olmagan, olish imkonsiz!

Nima deb o’ylaysiz bu tizim Bizga ham kirib borsa balki YTH larimiz kamayarmikan?

Shuni kuzatdim:

Yangi yilni Kanadadan ko’ra o’zimizda daxshatli darajada nishonlavorisharkan!

Bu yerda Christmas ham 31- dekabr ham juda tinch o’tdi!

https://t.me/live_Kanada

Bir kuni bog’da bashang kiyingan, o’ziga juda to’q 4 erkak va 4 qizni ko’rib qoldim. 4-5 ta rasmga tushishdi.

Keyin bilsam to’y bo’layotgan ekan. Ularning orasidagi bir erkak va bir qiz oila qurishayotgan ekan.

Shu yoshga kirib bunday “past” kelin-kuyovlarni va nochor to’yni ko’rmagandim.

Shu holatni “to’y” deb qabul qilsam bo’ladimi? To’g’risi aqlimga sig’dira olmayapman. O’ylab o’yimga yeta olmayapman…
Nega? Qanday qilib? Qayerdan bunday to’y qilishga jurati yetayapti? Qani g’urur, or-nomus. Odamlar nima deydi axir?

https://t.me/live_Kanada

Turibman qaddim kerib,
G’urur tog’ qoyasida.
Yuribman davrim surib,
Dadamning soyasida.

Ravon umrim yo'llarim
Gulzor o'ngu so'llarim
Ko'kka yetar qo'llarim
Dadamning soyasida.

Dushmanga xor bo'lmadim
Do'stlarga zor bo'lmadim
Yashadim hech so'lmadim
Dadamning soyasida.

Tirikligi davlatim
Osh pishirar savlatim
Onam mening jannatim
Otamning soyasida.

(Arxiv video)

https://t.me/live_Kanada