2022-yil:
Kanadaga keldim;
Alloh menga va ukamga o’g’il farzand berdi;
3 marta moshina almashtirdim;
Eng muhimi yashashda davom etyapmiz!

https://t.me/live_Kanada

Kun.uz da ishlagan vaqtim ko’plab murojaatlarga yo Rasul Kusherbaevni olib chiqardim yoki Rasul akani holatga munosabatini olardim.

Nechchi marta Rasul akaga bog’langan bo’lsam biron marta yo’q demagan. O’zi ham tez-tez menga tel qilib, “Rahmatillo, bir joyda tadbirkorlarning yoki fuqarolarning huquqlari buzilyapti birga chiqib, vaziyatni o’rganaylik” deb aytib turardi.

Yaqinda aka bilan bog’landim. Hammasi yaxshi ekanligini aytdi. Men ham hazil aralash “Rasul aka, agar o’zingizga munosib ish topilmasa sizni Kanadaga olib kelaman” deb qo’ydim.

Xulosa shuki, Rasul Kusherbayev yaxshi inson, jonkuyar deputat (sobiq), vatanparvar, yaxshi aka va do’st. Keyingi ishlarida omad tilayman. Agar qadriga yetishmasa Kanadaga olib kelamiz)

https://t.me/live_Kanada

Afg’oncha osh

British Kolumbiyada o’zbek oshxonalari yo’q. Bu ham eng katta minuslaridan. Ba’zida katta qozonlarda qilinadigan oshlarni shunaqangi sog’inaman.

Bu yerda afg’on, liviya, eron oshxonalari ko’p. Halal taomlarni yana uyg’ur oshxonalaridan topishingiz mumkin.

Rasmdagi afg’oncha osh. Narxi shu turishi 21 $ CAD. Guruch, ozgina sabzi va go’sht. Keyin oshga qo’shib kartoshkani suvli qovurmasini berishadi. Yesa bo’ladi.

Lekin o’zimizni o’zbek taomlariga yetadigani yo’q barbr!

https://t.me/live_Kanada

“Isro” surasining 23-oyatida shunday deyiladi:

“Robbing faqat uning o‘zigagina ibodat qilishingni va ota-onaga yaxshilik qilishni amr etdi. Agar huzuringda ularning birlari yoki ikkovlari ham keksalikka yetsalar, bas, ularga “Uff” dema, ularga ozor berma va ularga yaxshi so‘z ayt!”.

Shu darajaga yetishimga sababchi insonlar ota-onam. Bugun yashashga kuch berayotgan insonlar ota-onam!

Do’stlar sizlarga bir do’stona maslahatim, ota-onani hojatini chiqaraman, ularni hajga olib boraman, xursand qilaman, deb niyyat qiling, Alloh maqsadlaringizga yetishishni tezlashtiradi. Bu dunyo ularning bir tola sochiga arzimaydi, ishonavering!

Eng mazza joyi bilasizmi nima: Siz qanday darajada bo’lmang, dunyoni qo’lingizga olmang ular uchun doim bolasiz! Ularga sizning mol-dunyoyingiz, darajangizdan ko’ra sizning borligingiz va sog’lig’ingiz muhim. Ota-onamning qadrini ota bo’lib yanada anglayapman.

Allohim Dadajonim va ayajonimni umrini uzoq qil. Ularni rozi qilmagunimcha jonimni olma!

https://t.me/live_Kanada

Nadomatki, Yaratganga yolvorib,
Deyolmasman murg’ak jonin qaytib ber.
Ular seni o’ldirdi, endi borib,
Hammasini Allohimga aytib ber.

Notinch yurtning peshonasi sho’r o’g’li,
Dunyo ahlin zor yig’latgan zo’r o’g’li.
Endigina 3 yosh eding, go’r og’li,
Hammasini Allohimga aytib ber.

Aytgin barcha shaytonga ulfatlarni,
Yosh boshingga tushgan g’am-kulfatlarni.
O’laksalar izlagan kalxatlarni,
Hammasini Allohimga aytib ber!

https://t.me/live_Kanada

​​L (learner) + N (new driver) + class 5 ( professional) + class 4 (for uber and Lyft taxi) and class 1 (for truck) - British Kolumbiyada haydovchilik guvohnomasini olish

Dunyodagi eng qiyin haydovchilik guvohnomasini olish tizimlaridan biri Kanadada, aynan British Kolumbiyada desam ham bo’ladi.

Tushuntiraman:

“L” (learner) driver lisence

Agar siz umuman haydovchilik guvohnomasiz Kanadaga kelgan bo’lsangiz hammasini boshidan boshlashingizga to’g’ri keladi.

Dastlab, 50 talik testdan 40 tasiga to’g’ri javob bersangiz sizga L (learner) berishadi. L belgisini mashinagizga taqib yurishingiz shart. “L” bilan siz mustaqil mashina boshqara olmaysiz. 1 yil davomida sizning oldingizda 25 yoshdan oshgan, class 5 (professional) haydovchilik guvohnomasi bor inson bo’lishi shart. Bo’lmasa Police ushlab ticket (jarima) beradi.

Test topshirish narxi 15$ kanada dollari. Har kim ham birinchi urinishda o’ta olmaydi. Har topshirganingizda 15$ dollar to’laysiz. Shaxsan o’zim 5-martasida o’tganman. Test topshirish jarayoni juda qattiq nazorat qilinadi. Ayniqsa kameralar bilan.

“N” (new driver)

L ni olganingizdan keyin 1 yil davomida hech qanday qonun qoidalarni buzmagan bo’lsangiz siz “N” (new driver) olishga haqli bo’lasiz.

“N” olishingiz uchun endi road test ( mashinani qoidalar bilan boshqarib berishingiz kerak bo’ladi. Yoningizda haydovchilik guvohnomasini beradigan tashkilot vakili sizning boshqarishingizni kuzatadi)dan o’tishingiz kerak bo’ladi.

“N” ga imtihon topshirish 50$ kanada dollari. O’tolmasangiz keyingi safar yana qayta to’lab, imtihon topshirasiz. Birinchi safar o’tolmasangiz 14 kundan, ikkinchisidan o’ta olmasangiz 30, uchinchisidan 60 kundan keyin qayta topshira olasiz.

Agar 1 yil davomida o’tolmasangiz yana “L” dan boshlaysiz. Qoyilmisiz?

“N” ni olganingzdan keyin siz mustaqil mashina boshqara olasiz. Lekin yoningizda 1 kishidan ko’p yo’lovchi bo’lmasligi kerak (oila a’zolaringiz bundan mustasno).

Class 5

“N” da 2 yil yurgangizdan keyin, hech qanday qoidabuzarliklar qilmasangiz siz Class 5 ya’ni professional haydovchilik guvohnomasiga o’tish huquqingiz bo’ladi.

Class 5 olish uchun ham road test (mashina boshqarish testi)dan o’tishingiz kerak. Narxi 50$. Bu “N” ga qaraganda ancha murakkab. Birinchi martada ko’pchilik o’ta olmaydi. Aksariyat hollarda ikkinchisida ham.

Class 5 bilan siz mustaqil o’zingiz mashinani boshqara olasiz. Yoningizda ham odam soni cheklanmaydi.

Class 5 bilan 2 yil yurgangizdan keyin class 4 (uber and Lyft taxi) ga va Class 1 ( truck driver) ga imtihon topshira olasiz.

Haydovchilik guvohnomasi olish tizimi juda murakkab. Shuning uchun ham yo’llarda o’zingizni xavfsiz his qilasiz. Hech kim tanish bilish bilan olmagan, olish imkonsiz!

Nima deb o’ylaysiz bu tizim Bizga ham kirib borsa balki YTH larimiz kamayarmikan?

Shuni kuzatdim:

Yangi yilni Kanadadan ko’ra o’zimizda daxshatli darajada nishonlavorisharkan!

Bu yerda Christmas ham 31- dekabr ham juda tinch o’tdi!

https://t.me/live_Kanada

Bir kuni bog’da bashang kiyingan, o’ziga juda to’q 4 erkak va 4 qizni ko’rib qoldim. 4-5 ta rasmga tushishdi.

Keyin bilsam to’y bo’layotgan ekan. Ularning orasidagi bir erkak va bir qiz oila qurishayotgan ekan.

Shu yoshga kirib bunday “past” kelin-kuyovlarni va nochor to’yni ko’rmagandim.

Shu holatni “to’y” deb qabul qilsam bo’ladimi? To’g’risi aqlimga sig’dira olmayapman. O’ylab o’yimga yeta olmayapman…
Nega? Qanday qilib? Qayerdan bunday to’y qilishga jurati yetayapti? Qani g’urur, or-nomus. Odamlar nima deydi axir?

https://t.me/live_Kanada

Turibman qaddim kerib,
G’urur tog’ qoyasida.
Yuribman davrim surib,
Dadamning soyasida.

Ravon umrim yo'llarim
Gulzor o'ngu so'llarim
Ko'kka yetar qo'llarim
Dadamning soyasida.

Dushmanga xor bo'lmadim
Do'stlarga zor bo'lmadim
Yashadim hech so'lmadim
Dadamning soyasida.

Tirikligi davlatim
Osh pishirar savlatim
Onam mening jannatim
Otamning soyasida.

(Arxiv video)

https://t.me/live_Kanada

Faqat bo’lajak onalar uchun

Bo’lajak onalar uchun homiladorlik davrida va farzand tug’ilganidan keyingi davrda bolani to’g’ri parvarishlashga oid maslahatlar, qiziqarli faktlar va bola parvarishida Kanada tajribasini endi instagramm orqali tekin olishingiz mumkin.

Blog ona bo’lishni rejalashtirayotgan va yosh onalar uchun juda foydali.


A’zo bo’lish uchun shu linkni bosing👉 https://instagram.com/_khalidsmom?igshid=Zjc2ZTc4Nzk=

Yaqinlaringizga ham ulashishni maslahat beramiz😊

#Alhamdulillah

Shoh uhlamaguncha uyimiz shunaqa…
Tanish holatmi😅

https://t.me/live_Kanada

​​Tomirimizda kimning qoni oqyapti o’zi?

Allohning har bir ishi behikmat emas. Bu yil “anomal qish”ni yuborib, Turkistonliklarning asl yuzini ochdi. Ularga oyna tutdi. Yaxshiyamki, talofatlar bilan bo’lsada bu kunlarni o’tkazib olamiz, inshaallah. Ya’ni qish qanchalik sovuq bo’lmasin, ortidan bahor keladi.

Bugungi energetika inqirozi ko’p savollarni o’rtaga tashlayapti. Shuningdek, asl yuzimizni ham ochib tashlayapti. Nomiga mustaqil bo’libmizu, lekin asl mustaqil emas ekanmiz. Shuncha gazimiz, tabiiy boyliklarimiz bo’la turib, bugun ularga zor bo’ldik. Bir millat sifatidaku, shakllanmaganimiz ayon bo’ldi.

Biz qullikka mahkum xalq, millat va qardoshmizmi? Qarindoshmizmi o’zi?

Bilasizmi, tarixdan bekorga xulosa chiqarish haqida gapirilmaydi. Tarix bilan yashamaymiz, to’g’ri, lekin u bizga ibrat bo’lishi kerak. Doimiy emas, 1-2 marta. Xulosa chiqarilsa chiqarildi, Bo’lmasa ana shu tarix taqdirimizga bitilgan bitik bo’lib qolaveradi.

Chunki “Anomal sovuq”ning o’rnida Rossiya Yana bir bor bo’lishi mumkin emasmi? Albatta, mumkin!

Chor Rossiyasiga qul bo’lmaslik haqida gaplar yangradi, yangrayapti. Imperialistik mafkurani asos qilib olgan Rossiyaning to’ymasligi, vaxshiyligi, ochko’zligi kundek ravshan edi. Bugun yana bir bor isbotlanyapti. Lekin hammaning ko’zi ko’r, qulog’i kar.

Bugun kattaroq masshtabda gapirmoqchiman. Rossiyaning O’rta Osiyoga istilochilik yurishi, bosib olishi va shavqatsiz eksplutatsiya qilganiga hali ko’p bo’lmadi. Bugun yana u shunga harakat qilayapti. Lekin og’iz yirtib ”Turkiston” deb baqirishimiz, mingalagan yig’ilish-u tadbirlar o’tkazishimiz, davlat tashriflari bo’lishi hech qanday foyda bermayapti.

Xuddi oldingidek, Markaziy Osiyo davlatlari bir-biriga shunchalik befarqki, o’lgani bilan ishi yo’q. Hammasi ”Katta og’a”sining og’ziga ko’z tikib, uning buyruqlarini so’zsiz bajarish bilan ovvora.

O‘zbekiston qiyin vaziyatda turkmanlardan yordam so’radi. Tekinga emas, pulini berib gaz olish bo’yicha kelishuvga erishdi. Lekin ”Katta og’a”sining tasirida shartnomani buzdi. Qozoq va qirg’izlar ham jim turibdi. Afg’on va tojiklarda ham ahvol bizdan battar. Hech kim bir-biriga yordam bermayapti. Bergisi kelsa ham qo’rqoqlik qilyapti.

Balki biz ham vaqti kelganda shunday qilgandurmiz. Qarab turgandurmiz. Tomoshabin bo’lib turgandurmiz. Lekin ochiq qonxo’r dushman iyagimiz tagida, ostonamizda turibdiku!

Nega? Qani qardoshlik, qarindoshlik? Qani Turkiston? Qani qo’shnichilik? Qani turk elati? Qani Turkiylar? Qonimizda kimning qoni oqyapti?
Qo’rqoqlikningmi? Qullikningmi?

Agar vaziyat shu zayl davom etaversa, tarixdan xulosa chiqarilmasa bu millat va elatlar abadiy qullikka va xorlikka mahkum! Tashqaridan kimdur kelib, turkiylarga yordam bermaydi!

Essiz qardosh, qarindosh deyilgan turkmanim, qirg’izim, qozog’im, tojigim, o’zbegim, Turkistonim…. Afsus, ming afsus….