1. O’zbek millat o’laroq yuksalishi shart!

So’ngi vaqtlarda Rossiyada kuzatilayotgan holat.

Migrantlarga boshlangan “ov”. Bu hodisa nafaqat tojiklarning balki Markaziy Osiyoning muammosiga aylandi. Nega? Chunki biz ularga ishchi sifatida qaram bo’lib qolganmiz. Eng ko’p vatandoshlarimiz Rossiyada ishlab, ro’zg’or tebratishadi. Kun kechirashadi. O’zbek uchun eng katta mehnat bozori Rossiya hisoblanadi. Shuningdek, Yevropa va Amerikada ham millionlab vatandoshlarimiz ishlaydi va mehnat qilishadi. Rossiyadagi teraktdan keyin migrant muhojirlari yanada qiyin ahvolda qolmoqda. Teraktdan oldin ham migrantlarga oson bo’lmagan. Nima deyishsa, nima qilishsa bosh egib qabul qilamiz. Chunki boshqa variant yo’q.

Ular ham buni anglagan holda xohlagan ishini qilishadi. Har qanday davlat do’ppi tor kelganda birinchi navbatda o’zining fuqarolari haqida qayg’uradi. Faqat terakt sodir etilganda emas. Shuning uchun har qanday vaziyatga tayyor turishimiz, bir davlatga qaram bo’lmasligimiz kerak.

Qachongacha uni, buni bahona qilamiz. Imkoniyatimiz bor-ku biz ham rivojlangan davlatlar qatoriga kirishimiz uchun. Ish beruvchi davlatga aylanishimiz uchun!

Nima qoldi? Yana qancha kutishimiz kerak? Yana qancha qiynalishimiz kerak?

2. Nega o’zbeklar biron davlatda ko’payishsa muammolar ko’payadi?! Hammasini o’z qo’llarimiz bilan qilamiz! Ishonchni yo’qotib bo’ldik!

Bu haqda juda ko’p o’ylayman. Birinchi Rossiyada ko’payishdik. Keyin Turkiya, Korea, Amerika….
Lekin, negadur o’sha davlatlardagi fuqarolar va hukumat bizga nisabatan yaxshi fikrda bo’lmaydi. Buning eng katta sabablari ko’pchilik holatda faqat o’zimizning nafsimizni o’ylaganimiz ortidan barcha narsaga tayyorligimiz.

Tushuntirishga harakat qilaman:
Biron davlatga bormoqchi bo’lsak birinchi navbatda oson yo’llarini qidiramiz. Buning uchun har qanday riskka va yo’llarga tayyormiz. Borib ham hamma narsaga oson erishgimiz keladi. Qonunlarni mensimaslik, ularni buzishga harakat qilamiz. Yana jinoyatchilik, o’g’rilik, qotilliklar…

Oddiy misol:

Amerikaga Meksika orqali borishga harakat qilamiz. Bu xavfli va qonunlarga to’g’ri kelmaydigan yo’l. Bordik ham deylik, birdan katta pul topishga harakat qilinadi. Truckka chiqish uchun haydovchilik guvohnomasini olish kerak. Bu tez bo’ladigan jarayon emas. Lekin biz buni tezlashtirish yo’llarini qidiramiz, kerak bo’lsa pul berib, olamiz. Ana keyin tajriba yo’q, yo’lga chiqib ketaveramiz. Natijada nafaqat o’z hayoti balki boshqa fuqarolarning ham hayotini xavf ostiga qo’yamiz. Yangiliklarni qidirib ko’rsangiz avariyalar soni 100 dan oshiq. Bundan tashqari o’ziga tegishli accountlarni ijaraga berish, soliqlardan qochish, o’g’rilik, odam o’ldirish kabi jinoyatlar… Albatta har qanday davlat va uning fuqarolari bu holatlarga jim qarab turmaydi. Natijada o’zbeklarga bo’lgan simpatiya o’zgarib, har tomonlama ularning yo’llarini yopishga harakat qilinadi. Viza olishdagi qiyinchiliklar bekorga emas. Aldov, feyk hujjatlar buning sababi… Bu birgina Amerika misolida.

Bundan tashqari, Turkiya, Rossiya, Korea va boshqa davlatlarda ham ahvol deyarli bir xil! Va albatta bu juda achinarli! Ishqilib navbat Kanadaga kelmagan bo’lsin!