أحس إني متلهف
لكن
بالوقت نفسه عايف

جل شان اللّي خضوعي له و ذلي و أنكساري
‏كل ما يخضع له المؤمن، رفع قدره و شانه

-

تحايلي و استلعبي في مساره
‏لو كان ما هو يا جميله نظامك

‏والفوز ماهو ربح دام الخساره
‏يعوّضني عنها شعور إبتسامك

-

مبطي وانا قافل ابواب الزعل والعتاب
حتى المشاريه مبطي قافل أبوابها

مشغول واصارع ظروفي مع كل باب
ولانيب اعبد الوجيه ولا احسب حسابها

بين الحزن والألم والهم والاغتراب
عاش الحزين الحياه ولا تهنى بها

لكن رفيقي إذا جارت ظروفي وغاب
من حقي انشد عن الغيبه وش اسبابها

اما نحصل على قدر السوال الجواب
ونشوف سبة مراسيله وش ابطى بها

ولا نعلمه وش فرق الخطا والصواب
ويشرح لنا عن سبايب غيبةٍ غابها

حتى ولو ان عذاره مثل ضوح السراب
حنا نثمن عذاره قبل يبدى بها

لولا الأمور الصعيية والظروف الصعاب
الأصحاب وشلون تعرف قيمة أصحابها

مافيه خوة يا ابن الأجواد تحت التراب
لا مت الأفعال والخوة وش ابغى بها

‏كنت اتوهم يوم أحسب إن عزلتي عزلة مكان
‏وعقبها تيقنت وعرفت .. إن عزلتي عزلة شعور

‏ما أحب اتقيّد فالتقاليد والأعراف أنا احب أسوّي
‏كل حاجه على كيفي

‏محتاج لي راحه من الظن .. وأحتاج
‏حاجات واجد ما أقدر أقول وشهي

‏نصيحة اليوم وكل يوم
‏" الحق راحتك لا تلحق رضا أحد "

ورغم الحضور ورغم كل العابرين
ماشفت غيرك .. في غلاك اللي فرق

صلو و ارقدوا السهر ما يجيب خير (:

‏حاول تترك بكل الأماكن قيمه وتذكار
‏يموت الآدمي و يعيش فعله و تذكـاره

الاربـعاء ،،

و الأماني ربـعها قبـالك
و سمـح مُحيـاك وكل العمر " أنـت "

‏أنا الحاضر مع الذكرى وانا الغايب
عن الجلاّس وانا الواضح وانا اللي حاجته ماهيب مكشوفه

ما عاد في الاصحاب أصحاب (:

⁣؟

أخترت روحي في زحام العلاقات
وقويت مع روحي تفاصيل روحي

لا أحاتي الآتي و لا اندم على الفات
أتبع خرايط رسم ربي بـ لوحي

اللي بدع هالارض تحت السموات
وكلت مكتوبه يلوّن صروحي

للـ مرحبا حشمة و خاطر و وقفات
وللـ بالسلامه جعل دربك سموحي

ماراح يذكرني أحد بالتنهات
اطريهم بطيبي و ضحكة مزوحي

الوجه واحد ما اختلف بالتلفات
يشبه بصدقه و اعتباره وضوحي

اكبر وتصغر بالعيون الخلافات
و يصعب وجودي ويتسهل نزوحي

ما عاد يغريني جمال البدايات
انا النهايات الجميله طموحي

صباح الخير