هم صار وياكم فد يوم ومريتوا بمرحلة حسيتوا بيها ما عندكم مشاعر؟ يعني لا تحسون بحزن، لا بفرح، ولا بأي عاطفة تجاه أي شي بحياتكم
وكأنما إنتو واكفين بجهة وحياتكم بجهة ثانية وتتفرجون على روحكم من بعيد وبدون أي اهتمام، وكأنو الموضوع ميعنيكم؟

اوكفو راح اتفلسف عليكم صار هواي مامتفلسفة بقناتي ، بس ممكن يفيد البعض ولو ادري ما مهتمين بس معلش هم اكتب حتى ابقى اتذكر وما انسى 🤣

ممكن أغلب الناس تمر أو مرت أو حالياً هي بهيج مرحلة وما يعرفون شلون يوصفون هذا الشعور بس المفاجأة! وأني أتصفح الانستا شفت منشور عن هاي الحالة وطلع إلها اسم، وهي "Emotional Shutdown"أو الانطفاء العاطفي
من رحت بحثت وتعمقت بالموضوع أكثر، طلع إنها حالة دفاعية يسويها الدماغ حتى يحمي نفسه وما يدخل بضغوطات ومشاعر يحسها أكبر من قدرته على الاحتمال!
سبحان الله شلون عقل الإنسان يفصل نفسه حتى يحمي نفسه ويحمينا !

طبعاً هي مو حالة دائمة ممكن تكون فترة قصيرة او تكون فترة طويلة ..
بس مو شيء مستمر للابد
او ممكن تكون دفاعية دائمة لدماغ انو مبرمج نفسة على هل شي
النسيان ، او الاطفاء حتى يحمينا او ينسينا ..

ولا تضغطون على نفسكم ابداً هي فترة وتعدي وإذا حسيتوا الموضوع طول وياكم مثلي هاي 3 امور
فادتني
لا تعزلون نفسكم ، واختلطو بأحبابكم حاجوهم فضفضو لناس الصح .
القراءة ، اختاروا كتب و مواضيع تحبوها حتى يرجع عقلكم يتفاعل ويتحفز اكثر
وطبعاً المنقذ الكبير "الكتابة " أهم خطوة! شخبطوا واكتبوا مشاعركم بالعامية، مو شرط فصحى هاي الطريقة رهيبة حتى تفرغون الأفكار وترتبون مشاعركم بهدوء وسهولة
مفيدة كلش خلوها من عادتكم اليومية اكتبو كلشي يجي ببالكم لاتخلون الافكار تبقى براسكم عبرو عنها ..

ملاحظة احبابي من تبدون ترجعون لمشاعركم راح تحسوها قوية وتتعبكم بالبداية بس اكتبوها وانتظروا ٢٤ ساعة عقلكم خلال هالوقت راح يفصفص هاي الأفكار ويصغر أثرها ويحسسكم هي سخيفة جداً …

وفي النهاية اتمنى لكم الراحة وعسى ولعل أحد محتاج يسمع هالكلمات

دمتم سالمين ❤️

ها تذكرت شغلة اخيرة
الريلزات احبابي تدمر عقولكم وتخليكم تبقون بهل حالة اكثر ويتفاقم الامر الى تعفن الدماغ ، ف دائماً بوقت فراغكم لاتتصفحون لفترة طويلة استبدلوها بأمور افضل الكم ولصحتكم النفسية والعقلية ❤️

ما أردته لنفسي ليس الذي حدث لي فعلا، ولكني غيرت خططي ألف مرة لأفرح، وألف مرة لأحتمل، وألف مرة لأعيش...

يارب اجعلني دائماً بالمكان الذي يُسعني يُشبهني، مكان لا يُقلل من خفتي ولا يُثقلني ولا أضيق فيه، يارب سير خطاي لدربٍ تألفه أقدامي، لا تخافه وتستنكره …

بجوار الأشياء التي تُشبهنِي أجدنِي ثرثارة، خفيفة، أنا التي أعرفها.
ويدفع المرء منّا نصف عمره لكي يقع دائمّا فقط في الأشياء التي تُشبهه وتشبه قلبه.
- دينا إبراهيم.

"اِهدنا للطُرق المعبدة ، للأرواح التي تُشبهنا ، للأيام التي تحملنا بخفّتها ، للبدايات التي لا تُختتم بالفجيعة نهايتها ، للنهايات التي لا تُرهِقنا بدايتها ، للأيادي التي لا تنزلق ، للقلوب التي لا تستثقلنا ، للسنين التي لا تمضي دوننا ، والحياة التي لا تغتال الشغف."

مبارك عليكم شهر رمضان ❤️

إلهي وربي من لي غيرك …