‏بتزين
‏وفي وصف أخر
‏لابد من
‏عقب السهر لذّة رقاد
‏و لابد من عقب الكدر جو صافي

‏صباح الخير ، وبعد :

‏اعلم أثابك الله أن ٣ مامنها مفر
‏ [ الموت ، و شقاء الدنيا ، وكلام الناس ]
‏و أن رزقك بيجيك ولن ينقص حبه شعير فلا تجزع ولاتحزن وعيش وانبسط

‏واعلم أيضاً أن :

‏« الحياه الرغيدة والترف والنعومه
‏ لا تخرّج صبور ولا تخرّج عصامي »

اللي يغرّبني عن الناس واجد
واللي يرّجعني لنفسي قصيده

وصف بليغ ومُختصر وأعتقد إنه أسلوب حياتي أيضاً

‏يا شاعم النار صدري في ذعاذيع نود
‏صالي سعيرك مشّب الجوف يحتّر به

‏يسري بي الليّل و عيون الدواله رقود
‏و العشق غربه يضّم قلوب متغربه

‏رحلة خيالي تسافر بي بليّا حدود
‏على مرابي طويلة عنق و امْعرّبه

‏جازيّة الغيد بين الخُود ريان عُود
‏كن الهوا يتبعه بالغيم و يشربْه

‏عوده مضمّر و متّروي و يرقى سنود
‏و يحق له لا تبختر فيّه و أغتر به

‏خشف يلوعب تحت رّش المطر في النفود
‏لو هو توطّا ثرى الهملول … ما خربه

‏حورية جابها الله من جنان الخلود
‏جـتنا زياره تشوف الكون و تجربه

‏و العَرب قامت ترحب و العجم قود قود
‏شيءٍ ما قد شافه الطرقي ولا مرّ به

‏أخذو لها صورةً ما دامها في الوجود
‏لقطه كذا تبعد التصوير و تقربه

‏لأنها من الحُور بكره صوب أهلها تعود
‏وشعند هل الارض شهب وجيّه و متربه

‏ ظنك تبيها تريح في محطة وقود ؟
‏" هذي مع المزن الأبيض جات متسربه "

‏- مشيع بن فهيد

⁣💌 وصلتك رسالة جديدة
⏱ وقت الرسالة: 2025/05/09 - 01:39:31 AM
----
مرحبا يا الوسم يا النبت يا الماء يا السحب
يا "تبهاج الصدور" - و "تبسام الوجيه"

جابك الله "عيضة" عن "ليالي الشحب"
وجيت لك صلصال طين" و سو اللي تبيه

أنت تدري / ما على الأرض منك أغلى و أحب
و أنا داري / ما على الأرض غيري تهتويه

من يحبك. يقعد العمر كله ما يحب
لو تجيه "حمول "الأيام" في اللي يشتهيه

معك ما "فالصدر غاية" ولا "فالراس حب"
تنسى "الغايات" و الحب - "سلم لي عليه"

"الهلا لآخر هلا" و "الرحب لآخر رحب"
تنثنا لك - يا "المقام الموقر و النزيه"

ياجرك ربي "بغلق" غدى عقبك "رحب"
كثر ما خففت عنه" وكثر ما "جدت فيه"
❣️-
----

- تبرع لإستمرار عمل بوت صارحني 🎁

الله الله يسسلام صح لسانك واعتلى شانك👏🏻'

وش ذا الترحيب الزين