‏" كيف صارت وحشة الغربة تغنّي في دياري
‏«ذبلت أنوار الشوارع» وانطفت شبه الجزيرة

‏ودّي أقسى ودّي انسى ودّي أرسى في مساري
‏وأمسك يدين اليقين اللي تخافه كل حيرة "

‏"يارب و القلب تومي لك معاليقه
‏ولا غيرك أحدٍ يعرف الخافيه يا رب

‏عطني من الحمل حملٍ متني يطيقه
‏و عطني من الضيق لامن دلني مهرب

‏و قلبٍ ذعاذيعه تداعب زماليقه
‏و عينٍ مداها بعيد و خاطرٍ يطرب"

مع المشهد الشاعري ومغيب الشمس
‏ طرا علي هاذي الابيات :

‏ غيبة الشمس والإطلالة الشاعريّة
‏هيّضتني وأنا ماني بناقص تهيّض»
‏ مبارك بن رادعه

‏وأنا ما أداني غيبة الشمس بالذات
‏حتى لو إنها تتقي — في سحابه "
‏ جابر النشيرا

‏عن اللذه في سماع منطوق من تَهَوى:

‏سوالفه عقب فرقا الشمل والغيبه
‏ألذ من سكر في درّ حنزابي
‏_ابن جدلان

‏ودي اسمع سالفه منك سامعها قبل
‏مايجي لـ السالفه ذوق لين تقولها
‏_مطرب بن دحيم

‏« نُرشد التائهين ولا نعرف كيف نغادر المتاهة »

‏" أشوف الخطأ و أجيه كني عليه أنقاد
‏ و أعرف السنع وأدلّ غيري .. و أنا غادي "

‏الصمت ملجاي لامن شان وجه الكلام
‏خل عنك الشرهه اللي ماتحملتها

‏الكلمه اللي مثل وقع الكسر فالعظام
‏والله لو انْك تعرفني زين ماقلتها

«قد ينال المؤمن بدعاءِ أخيهِ ما لا يدركهُ بدعائهِ لنفسه»
لا تنسوني من دعواتكم الطيّبة في هذا اليوم المبارك ❣️

طل صبح العيد و عيونك عيادي
‏لا تلومين المولّع في صنيعه

‏فتنتي من عقب ما طوّل سهادي
‏توّ عمري بان صيفه من ربيعه

‏اقبلي بين التحفّظ و التمادي
‏المواصل بعضه احلى من جميعه

‏كيف احسّ بغربتي و انتي بلادي ؟
‏و كيف احس بضيق وعيونك وسيعة ؟

على غيرك عما عين وجفى قلب وثقيل لسان
‏و عليك أنت الخطاوي تسبق أوّلها تواليها

‏مساء الخير جميعاً . . اما بعد :

‏حالي مع الناس يشبه حالة مصور
‏أجمل صور كاميراته ماطلع فيها :)

‏«صكو ابواب النقاش اللي يحس الخطّر
‏الكلام الزين مفتاح .. الصدور الغلّقه»

‏— محسن بن مترك

‏ومهما كانت درجة التعافي فلا يعود المرء مثل السابق.. حتي وإن عاد كُل شيء.

‏«حتى الكلام إللي يعقّد حاجب الوجه الضحوك
‏أحب أقوله بـ الفم المليان .. ما أحب أختصر»
‏— مزيد الوسمي

‏أستوطن الحزن عيني وأعذب النوم طار
‏مطير حرٍ يحقر الغصن قبل الشجر

‏يامذن الفجر أذن والفزع .. بالنهار !
‏يمكن يجي للطواري حل عقب الفجر

‏الله يستر على راسي من .. الانفجار
‏عندي انه اليوم ولا بكره بينفجر

‏وإن ضاع طيبي مع بعض الاوادم وبار
‏يالله يارب لاتحرمني من .. الاجر :)

‏من تالي:
‏"الوقت غير مع الايام .. تفكيري
‏أستصغر المشكلة والنار وهاجة".

‏تغاضيت لين أنكرت روحي مع الارواح
‏وتساميت لين أسلمت نفسي لخالقها

‏ماعاد أتبع المقفي ولا أندم على اللي راح
‏ولا عاد أغرّبها ولا عاد أشرّقها

‏أنا لا انكشف لي زيف بعض الوجيه أرتاح
‏من الهقوة اللي كنت فيهم معلقها

‌‏يموت الشغف لا صار ساس الشغف شيطان
‏وأنا عبد لله ماني بـ عبدٍ لغيره

‏سحابٍ حسبت انه سحاب وطلع دخان
‏وغيابٍ حسبت انه عذاب وطلع خيره

‏من مجريات الوقت لادارت رحاه
‏صرنا نحسّ ان الطمأنينه كمين

‏حتى الحزن يبي من الواقع نجاه
‏ما يزبن الا ، في صدور الطيبين !

‏اللي عيونه ماتشوف الا .. عناه
‏ماعاد يثرّ في محانيه ' الحنين
‏
‏من صدّ عن غاليه .. لا بيّن جفاه
‏يقدر يصدّ مْن الملذّات اجمعين

‏نتيجة الخذلان , يا ظبي الفلاّه
‏تلويحة كفوف و بقايا راحلين

‏اللي عطيناه الثقه .. ربي عطاه
‏فرصه وحيده ماتكررها السنين

‏حنّا ثقتنا غاليه .. مثل ( الحياه )
‏ماتنعطى للشخص نفسه مرتين !

‏والله ان قد لي وكني . . داخلٍ دوّامه
‏وخايف مْن الروحه اللي ما بعدها رجعه

‏انقذوني من ملامة نفسي . . . اللوّامه
‏ومن مداراة الخواطر وجحدان الوجعه

‏صايرٍ معظم كلامي فـ « الضمير الغايب »
‏« غايبٍ » ماله « ضمير » ولاطراله رجعه .