سؤال مقابلات ظريف بالصدرية.... عرف نفث الدم المهدد للحياة (سابقا الغزير).. عدد الأسباب.. شو ممكن تنعمل استقصاءات

#داخلية #صدرية #سوالف_مقيمين #Hemoptysis

أكيد سامع بال Ursodioxycolic acid الي بيستعمل بأمراض الطرق الصفراوية.. بقديم الزمان كان يستخرج من العصارة الصفراوية للدببة.. والإسم باللاتيني Ursus يعني دب... المعلومة الطريفة الي لقيتها الي تحاول تفسر أنه ليش الدب بالذات؟؟ لأنه هو بمر فترة سبات لذلك تتجمع العصارة الصفراوية ضمن الحويصل الصفراوي لفترة أطول وحتى تقلل فرصة تكون الحصيات ضمنها لأنه هي بحالة ركودة ويبقى الكوليسترول بحالة سائلة ضمنها يكون تركيز الحمض مرتفع نسبيا فيها عند الدببة

#سوالف_مقيمين #داخلية #سوالف_أخصائيين

مريضة 54 سنة شخص لديها الداء الرثياني قبل 3 سنوات لكن المريضة أهملت العلاج والمتابعة. راجعت العيادة بآلام مفصلية، تورم، مع صلابة في مفاصل الMCP, PIP بالطرفين.
بالفحص السريري لوحظ أيضا ضخامة طحالية. تعداد الكريات البيض منخفض حيث تعداد العدلات المطلق ANC 190

ماهو الإجراء التالي؟ ماهو التدبير ؟
* خلي عيونك تتعود ع الطبقي. شو الضخامة الطحالية

#سوالف_مقيمين #سوالف_أخصائيين #داخلية #رثوية

لوسارتان مميز عن باقي حاصرات مستقبلات الأنجيوتنسين ARBs بأن له تأثير خافض لحمض البول uricosuric effect

كآلية هو يمنع عودة امتصاصه بالأنبوب المعوج القريب عبر تثبيط URAT1 Transporter

#سوالف_مقيمين #داخلية #رثوية

شباب جبتلكم السائل الحر المتخبي بجيب موريسون الي تسمعون بيه بتقارير الإيكو

#سوالف_مقيمين #داخلية #أشعة #إيكو

استلمت مناوبة الجناح.. قالولك في مريض نزف دماغي عملناله تنبيب intubation من شوي بس الأكسجة %84 وماعم ترتفع.. شو الخطوات الي ممكن تعملها؟ (لسة عم ندورله ع محل بالعناية)

#سوالف_مقيمين #داخلية #صدرية

متى ما صحتلك فرصة تستعمل جهاز الإيكو استعمله حتى ع الحالات الطبيعية سواء بالعناية أو الجناح وحتى إيكو القلب بالعناية القلبية... يعني بمناوبتك اجة قبول وسنواتك العليا كلهن عملو الإيكو أنت كمان اعمل... ماصارت فرصة بس اعرف شو شافو وبس يصير وقت حتى لو تاني يوم الصبح اعمل قبل ماتسلم...الهدف أنه تتعود إيدك
#أشعة #إيكو

شكلك بالاجتماع الصباحي أو ال Journal club أو أي تجمع بالدوام...

كلية عديدة الكيسات.... Polycystic kidney disease

نص مشاكل الجناح حرفيا (أرقام الكلية, اضطرابات الصوديوم، فرط الحجم) بتحلها بسهولة إذا كان عندك فكرة عن الصبيب البولي للمريض (صادر ووارد)... لهيك أول ما تقبل هيك مريض تمسكه هو والمرافق وتشرحله بأبسط لغة وتطلب منه يكتب كل شي سوائل يشربها المريض(مو بس مي... شاي، عصير، لبن، شوربة....) على ورقة أو بملاحظات التلفون وكل شي إدرار عمله خلال اليوم....يعني شايف لما الكرياتينين يعلق ع 1.8 وما ينزل (عند prerenal AKI).. إذا تستقصي رح تشوف مريضك اخد 1500 مل سوائل وادراره فوق ال2000 مل مثلاً

#سوالف_مقيمين #سوالف_أخصائيين #كلية #داخلية #إسعاف #قلبية

أطول من برج خليفة يا زلمة.... M spike
مريض 81 سنة راجع بشكاية ألم ظهري مع رعاف متكرر منذ 3 أشهر.... بفيديو سابق حكينا أنه ليش بصير رعاف عند مرضى النقيوم المتعدد Multiple Myeloma ....

#سوالف_مقيمين #سوالف_أخصائيين #داخلية #دموية

Caput Medusa
لا تتكبر أنك تاخد قصة صح وتعمل فحص سريري لأنه هدول نصف الحل....
على فكرة المريض ماعنده تشمع كبد

#سوالف_أخصائيين #سوالف_مقيمين #داخلية

سؤال شائع عملي وحلو ويزبط سؤال مقابلة للمقيمين: ايمتى نعالج فرط نشاط الدرق تحت السريري (يعني TSH منخفض بس T3,T4 طبيعيات )

#سوالف_مقيمين #داخلية #سنة_سادسة #غدية

ICANS (immune Effector Cell-Associated Neurotoxicity Syndrome) باختصار شديد هي اعتلال دماغي كاختلاط للمعالجة المناعية سببها تأثير السيتوكينات ع الدماغ ..مثال على هذه الأدوية بيمروليزوماب الي يستعمل في علاج أورام الرئة غير صغيرة الخلايا
Pembrolizumab
#سوالف_مقيمين #داخلية #سوالف_أخصائيين

استطبابات الديال الإسعافي هو سؤال هااااام جداااا وصالح لكل زمان ومكان: نظري - مقابلات- وطني- بورد- USMLE وكل يوم بالحياة العملية...

شو هاي المريضة اديش عندها فرط حمل ومافي استجابة ع المدرات... تركبلها قثطرة غسيل بالوداجي الأيمن... كونها أول جلسة غسيل رح تكون مدتها ساعتين بلا هيبارين مع فلتر صغير ونحاول نسحب سوائل 2000 مل على الأقل على حسب ما يتحمل ضغطها

#سوالف_مقيمين #داخلية #سنة_سادسة #إسعاف

عند الشك بال Multiple Myeloma لا تطلب Bone scan (Bone scintigraphy) لأن ممكن يطلع طبيعي .... الصورة تحت هي ومضان عظام يظهر نقائل عظمية بسبب سرطان بروستات .. يفضل نطلب رنين للعظام

التفسير: أنه ومضان العظام يعتمد على بانيات العظام osteoblasts .. الورم النقوي المتعدد بسبب بعض الوسائط مثل IL-6 يسبب تنشيط كاسرات العظام وتثبيط نشاط بانيات العظام لذلك ممكن يطلع طبيعي

#سوالف_مقيمين #داخلية #سوالف_أخصائيين #سنة_سادسة

الداء الرثياني "2" Rheumatoid arthritis
https://youtu.be/S83lK8PycMk?si=d8RDTU-NJQoAAEai

#رثوية #داخلية #سنة_سادسة #وطني

الداء الرثياني "3" .. الفيديو الكامل صار ع اليوتيوب
https://youtu.be/6OTBLjEl04s?si=i5GS-K17kxmfQJP6

#رثوية #داخلية #سنة_سادسة #وطني #سوالف_مقيمين #سوالف_أخصائيين

*بوست مؤقت... جهزت فيديو عن إصابة العين بالرثوية وربطته مع التظاهرات العينية بحيث نكون تمكنا من العينية بنفس الوقت.. ممكن حدا من الأصدقاء يبعتلي ع الخاص صور لصفحات العينية الي تشرح التهاب الملتحمة والصلبة والعنبة وال Red eye حتى ما أشطح واشرح شغلات زيادة عن اللزوم؟ 🙏🏻
*ما في عجلة لهيك رجاءا لا حدا يستهلك ميغات النت تبعه .. بس الي عنده نت بحرررر وحابب يساعدنا يبعت ونكون ممنونين

الداء الرثياني "4" الإصابة العينية: https://youtu.be/Va5osE_Y_m8?si=lBn8seoGr1qcxxnY

#وطني #سنة_سادسة #داخلية #رثوية