طريقة حفظ لمعايير تشخيص متلازمة الانحلال الورمي....https://youtu.be/7qTokZvz15I?si=uvzsWk9q_mDuOcAG
#سوالف_مقيمين #سوالف_أخصائيين #داخلية

حالة حقيقية اجتنا بالمناوبة 🩸
مريضة 70 سنة راجعت الإسعاف بشكاية تعب عام وسوء حالة عامة منذ عدة أيام
WBC: 51,000
Neut: 17,000
Mono: 31,000
HGB: 10
PLT: 70,000

صورة اللطاخة Blood smear:

شو عملنا طيب بنص الليل؟ بلشنا إماهة 150-200 مل بالساعة ..وعطيناها هيدروكسي يوريا (هدريا) 500 ملغ 2*3.... الصبح أخصائي الدموية عمل بزل وخزعة نقي

نلاحظة وجود فجوات vacuoles ضمن الأرومات... تقول بعض الدراسات أنه هالنمط من اللوكيميا يكون سيء الإنذار

وما ننسى نطلب PT, PTT, fibrinogen ... لأن في خطر DIC.... وبشكل عملي مختصر إذا الفيبرنوجين طلع تحت ال 100 ننقل بلازما طازجة مجمدة (اسمها يشهيك تشربها) FFP

فيديو جديد 🔥
للسنة السادسة ولفرعي الغدية .... الورم الكظري المكتشف صدفة...

https://youtu.be/T6gTrVj8JzE?si=yfVOLcKb5_VIi8sh

#سوالف_مقيمين #سوالف_أخصائيين #داخلية #غدية

الي شايفيهن هدول (بصورة البوست الأساسي الي نزلته قبل يومين)أرومات نقوية Myeloblast لهيك هاي مريضة AML...وليس CML الي بيصير فيه تكاثر الخلايا الناضجة يعني بتصيرو تشوفو المحببات وال pre myelocytes وهالخلايا مو سيطرة البلاست
أما بهاي الصورة هدول أرومات لمفاوية Lymphoblast إذا بتلاحظو بهدوء في فرق بينهن يعني هون النواة آخدة كل حجم الخلية والسيتوبلازم يا دوبه مبين .....

تكثف بمستوى الكلية اليسرى يتماشى مع هيماتوم
#سوالف_أخصائيين #سوالف_مقيمين #داخلية

أكثر القبولات بقسم الداخلية على الإطلاق هو الأذية الكلوية الحادة ... وأكتر شغلة مالنا غنى عنها ومابصير بلاها وهي الي تخليك تدبر الحالة صح هي متابعة الصادر والوارد... يعني أول ماتقبل المريض بالإسعاف تمسكه هو ومرافقينه وتفهمهن كتييير منيح أنه يكتبو على ورقة أو بالتلفون كمية السوائل ( مو بس المي يعني شاي، شوربة، لبن.....الخ) الي يشربها المريض باليوم والإدرار خليه يجمعو بقنينة مي ويكتب الكمية مو يقدرها تقدير.

#داخلية #كلية #سوالف_مقيمين #سوالف_أخصائيين

كمثال عملي... مريض 70 سنة عنده إسهال...
Urea: 80, cr: 1.7
هدفنا تكون كمية السوائل الي يشربها اكتر من الإدرار ب 500 مل.... لهيك التدبير الصح إذا أنت مناوب تروح تشوفو المسويات إذا كانت كمية الإدرار أكثر تطلب منه يشرب او حتى تعطيه إماهة 500-1000 مل حسب تقديرك.

وما ننسى إبدا مرضى الأذية الكلوية ممكن عند التعافي يدخلو بطور الإدرار ويصير عندهن polyuria لهيك لازم تكون يقظ وتنتبه للسوائل والشوارد بهالمرحلة.

بتدبير مرضى النزف الهضمي العلوي نعطي مثبطات مضخة البروتون (PPI ) وريديا.
تعال نحفظ مع بعض كيف نعطيها بسهولة:
نعطي 80 ملغ دفش وبعدها 8 ملغ /ساعة تسريب

ببساطة أكثر أمبولتين دفش وبعدها أمبولة بمكرودريب او سيروم ابو ال 100 سي سي يتسرب خلال 5 ساعات

* بالتعليقات في كمشة ملاحظات
#سوالف_مقيمين #سوالف_أخصائيين #داخلية #دموية #هضمية

البانتوبرازول يجي 40 ملغ... لذلك اثنين دفش وبعدين وحدة كل خمس ساعات

في دراسات تقترح أنه مافي فائدة من التسريب وأنه ال80 ملغ الي عطيناها بالبداية كافية وفي مصادر تقول معلش خلينا نعطي تسريب مستمر.... لكن لكن انتو كل واحد عم يشتغل بمشفى شكل وكل مشفى عم يشتغل بأصول معينة فإذا بمكان عملك عم يعطو تسريب أنت كمان اعطي متلهن وصلى الله وبارك

تدبير النزف الهضمي باختصار:
- لا تنعبط - لا تخاف - لا تتوتر
- لا شيء عبر الفم
- اطلب من التمريض يفتح وريدين
- اعطي PPI
- أعطي سوائل وراقب العلامات الحيوية
- اطلب دم
-اعطي مضاد اقياء
- كل اربع ساعات CBC
- مرضى الدوالي نعطي ساندوستاتين وقبله ميتوكلوبراميد لأن ممكن يخلي المريض يتقيء
- رح يبقى تغوط المريض زفتي عدة ايام حتى بعد توقف النزف لكن لكن لكن رح يكون القوام متماسك بس اللون أسود... يعني وقت النزف الفعال بكون إسهال تقريبأ... متل الي ياخد حب حديد تغوطه أسود لكن بقوام متماسك مو إسهال

عيد ميلاد القناة 🍰☕
ست سنوات ونحن مع بعض ندرس ونتعلم سوا...سعادة لا توصف
وأنا عم شوف الشباب الي كنت باركلهن بعلامات الوطني بهداك الوقت صرت باركلهن بشهادة الاختصاص هلا. الله يقدرنا ويكرمنا ونتابع ونشرح المواد ونشتغل على حالنا ونكمل كل المعلومات الضرورية الي تلزمنا بفترة الاختصاص.
أحبكم جميعاً ❤️
فخور فيكن وبمحبتكن ❤️

صديقي تعلم واشتغل وعلم وانشر وانبسط بهالشي.... مابنعرف بأي لحظة تنسحب الأوراق ويخلص الوقت.

صديقي سامع شي باعتلال الدماغي بسياق داء هاشيموتو ؟
على فكرة هاشيموتو نفسه تبع الدرق

#سوالف_أخصائيين #سوالف_مقيمين #داخلية #غدية

لما تلاقي الأخصائي فوق راسك ع التسعة وربع ويقلك يلة ع الفيزيت وأنت مو مجهز ولا إضبارة

Ice pack test... Ptosis improved with ice pack.
صديقي سامع بهيك اختبار ؟

#سوالف_أخصائيين #سوالف_مقيمين #داخلية

هدول التفتيقات هدفي منهن أثير فضولك حتى تفتح وتقرأ عنهن.... ان شاء الله بالأيام الجاية رح اشرحهن بفيديوات قصيرة.